ᐊᑲᐅᙱᓕᐅᕈᑎᓂᒃ ᐋᖅᑭᒃᓯᓇᓱᒍᓐᓇᑦᑎᐊᕐᓗᓂ ᐃᓅᖃᑎᖃᕈᓐᓇᑦᑎᐊᕐᓗᓂᓗ ᐊᒻᒪᓗ ᖃᐅᔨᒪᑦᑎᐊᕐᓗᓂ ERP ᖃᕆᓴᐅᔭᓕᕆᔾᔪᑎᒥᑦ ᐊᒃᑐᐊᓂᓕᖕᓂᓪᓗ ᖃᕆᓴᐅᔭᒃᑯᑦ ᑐᖅᑯᖅᑐᐃᕕᖕᓂᑦ, ᐱᒻᒪᕆᐅᔪᒥᑦ ᐱᓕᕆᐊᒃᓴᖃᕈᓐᓇᖅᐳᑎᑦ ᐃᑲᔪᖅᑐᐃᕙᒡᓗᑎᑦ ᖃᕆᓴᐅᔭᓕᕆᓂᒃᑯᑦ ᐃᓚᒃᓴᓕᕆᔾᔪᑎᓂᒃ ᐊᑐᕈᓐᓇᑦᑎᐊᕐᓂᕐᒥᒃ ᐊᑦᑕᕐᓇᙱᑎᑦᑎᓗᑎᓪᓗ ᐊᒻᒪ ᐊᑐᕈᓐᓇᕐᓂᖅᓴᓂᒃ ᖃᕆᓴᐅᔭᒃᑯᑦ ᑎᑎᕋᖅᓯᒪᔪᓂᑦ ᐱᔪᓐᓇᖅᑎᑦᑎᖃᑦᑕᕐᓗᑎᑦ ᐱᐅᔪᓂᒡᓗ.
ᐃᓱᒪᒋᔭᖃᑦᓯᐊᕈᓐᓇᖅᑮᑦ, ᓇᒻᒥᓂᖅ-ᑐᑭᒧᐊᒍᓐᓇᕐᓗᑎᑦ ᐃᖅᑲᓇᐃᔭᕐᕕᒻᒥᑦ ᖃᓄᐃᙱᑦᑎᐊᕋᓱᕐᓂᖅ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᓯᕗᓕᖅᑎᐅᓂᕐᒥᑦ ᐊᓯᔾᔩᓂᖃᕈᒪᒍᕕᑦ ᐃᖅᑲᓇᐃᔭᕐᕕᓐᓂᑦ? ᖃᐅᔨᓴᕈᓐᓇᖅᑮᑦ ᑲᔪᓯᑎᑦᓯᓂᕐᒥᓪᓗ ᐱᔭᕆᐊᖃᕐᓂᐅᔪᓂᑦ ᐊᑦᑕᕐᓇᖏᑦᑐᒥᑦ-ᑐᕌᒐᖃᕐᓂᕐᒥᑦ ᑲᑐᔾᔨᖃᑎᒌᒥᒃ ᐅᕙᒍᑎᑐᑦ, ᐊᑐᐊᒐᓕᕆᓂᕐᒧᑦ ᒪᓕᒐᕐᓂᕐᓗ ᒪᓕᒋᐊᖃᕐᓂᕐᒥᑦ? ᑕᐃᒪᐃᑉᐸᑦ, ᐃᖅᑲᓇᐃᔮᖃᕐᓂᕐᒥᑦ ᐃᓚᒋᔭᐅᓕᕐᓗᑎᓪᓗ ᐃᖅᑲᓇᐃᔭᖃᑕᐅᓕᕆᑦ.
ᐃᖃᓗᐃᑦ, ᓄᓇᕗᑦ (ᐊᑦᑑᕝᕙ 30, 2018) − ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ (QEC) ᑐᓂᓯᔪᑦ 2018 ᓘᕋ ᐅᓪᓗᕆᐊᖅ ᒎᑎᐊᐃ ᐃᓕᓐᓂᐊᕈᑎᔅᓴᓄᑦ ᐃᑲᔫᓯᐊᕐᒥᑦ ᔮᔅᒥᓐ ᕋᑦᐴᓐᒧᑦ ᐃᖃᓪᓗᒻᒥᐅᑕᖅ. ᑕᕝᕙᓂ ᐊᕐᕌᒍᒥᑦ ᐃᑲᔫᓯᐊᖅᑐᖅ ᐃᓕᓐᓂᐊᖅᑎᐅᖃᑕᐅᔪᖅ ᓄᓇᕗᒻᒥ ᒪᓕᒐᓕᕆᔨᐅᓂᕐᒧᑦ ᐃᓕᓐᓂᐊᖅᑐᕈᑎᒥᑦ ᐃᖅᑲᓇᐃᔭᖅᑎᐅᓛᕈᒪᓪᓗᓂ ᒪᕐᕉᓐᓂᒃ ᐅᖃᐅᓰᓐᓂᒃ ᐅᖃᕈᓐᓇᕐᓗᓂ ᐃᓄᒃᑎᑐᑦ ᖃᓪᓗᓈᑎᑐᓪᓗ ᒪᓕᒐᓕᕆᔨᐅᓗᓂ.
"ᕈᑦᐴᓐ ᓯᕗᓕᖅᑎᐅᓯᒪᔪᖅ ᑭᒡᒐᖅᑐᐃᔨᐅᖃᑦᑕᖅᑐᓂᓗ ᓄᓇᖃᖅᑳᖅᓯᒪᔪᓂᑦ ᒪᒃᑯᑦᑐᓂᑦ ᓄᓇᕗᒻᒥ ᑲᓇᑕᒥᓪᓗ" ᐅᖃᖅᑐᖅ ᒪᓕᒐᓕᐅᖅᑎ ᔩᓂᑯᓗᒃ ᐃᕼᐊᓪᓗᐊᖅ, ᒥᓂᔅᑕ ᑲᒪᒋᖃᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂ. "ᑖᔅᓱᒪ ᓯᕗᓕᖅᑎᐅᓂᕆᔭᖓ ᐊᔾᔨᐸᓗᖏᓐᓂᑦ ᐱᖅᑯᓯᖃᖅᑐ ᓘᕋ ᐅᓪᓗᕆᐊᖅ ᒎᑎᐊᐃᒥᑦ, ᑖᓐᓇ ᐃᑲᔫᓯᐊᖅ ᐊᑎᖅᑕᐅᓯᒪᔪᑎᒋᔭᖓᓂ."
ᐃᖃᓗᐃᑦ, ᓄᓇᕗᑦ (ᐅᑐᐱᕆ 25, 2018)−ᒪᓕᒐᓕᐅᖅᑎ ᔩᓂ ᐃᕼᐊᓪᓗᐊᖅ, ᒥᓂᔅᑕ ᑲᒪᒋᔭᓕᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᑦ, ᑐᓴᖅᑎᑦᑎᖕᒪᑕ ᐱᖓᓱᓂᑦ ᓄᑖᓂᑦ ᑲᑎᒪᔨᙳᖅᑎᑕᐅᔪᓂᑦ ᑎᒥᖁᑎᒋᔭᑦ ᑲᑎᒪᔨᖏᓐᓄᑦ; ᔪᐊᓂ ᐸᓪᓗᖅ ᐃᖃᓗᖕᒥᐅᑦ, ᓇᔅᑖᓐᓂᐊ ᒪᓕᓐ ᐃᖃᓗᖕᒥᐅᑦ, ᕌᒃᓵᓐ ᕉᑎᒍᓗ ᑲᖏᖅᖠᓂᖕᒥᐅᑦ. ᐅᑐᐱᕆ 18, 2018−ᖑᑎᓪᓗᒍ, ᒥᓂᔅᑕᐃᑦ ᐊᖏᕐᓯᓚᐅᖅᐳᑦ ᑲᑎᒪᔨᙳᖅᑎᑕᐅᔪᓂᑦ ᐊᕐᕌᒍᓄᑦ ᐱᖓᓱᓄᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᑭᙵᕐᒥᐅᓂᒃ ᑐᓴᖅᑎᑦᑎᔪᒪᕗᑦ ᐆᒻᒪᖁᑎᖏᑦ ᖃᒥᙶᑲᑕᓛᕐᒪᑕ ᐱᖓᔪᐊᓂ ᐱᒋᐊᕐᓗᓂ, ᐅᑐᐱᕆ 24, ᕿᑎᖅᑰᒧᑦ ᑎᑭᓪᓗᒍ, ᓄᕕᐱᕆ 15. 5-ᒥᓂᑦᔅᒥᑦ ᐃᑲᕐᕋᓕᒫᒧᑦ ᑎᑭᓪᓗᒍ ᖃᒥᙶᖃᑦᑕᓛᖅᑐᑦ 8−ᒥᑦ ᐅᓪᓛᒃᑯᑦ ᐱᒋᐊᕐᓗᓂ 5-ᒧᑦ ᐅᓐᓄᒃᑯᑦ ᑎᑭᓪᓗᒍ.
ᖃᒥᙶᑲᑕᒋᐊᖃᕐᓂᐊᖅᑐᑦ ᓄᑖᙳᕆᐊᖅᑕᓗᑎᒃ ᓴᓇᔭᐅᓗᑎᒡᓗ ᖃᐅᒻᒪᖅᑯᑎᖃᖅᑎᑦᑎᔾᔪᑏᑦ ᐊᒻᒪ ᐊᑐᕈᓐᓇᖅᓯᑎᑕᐅᑦᑎᐊᒃᑲᓐᓂᕐᓗᑎᒃ. ᐱᓕᕆᓕᖅᐸᑕ ᐋᖅᑭᒃᓱᐃᓂᐊᕆᕗᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖃᕆᓴᐅᔭᒃᑰᕈᑎᖓ ᐊᑦᑕᑕᖅᑎᑕᐅᓗᓂ ᐊᐅᓚᐅᑎᖃᕐᕕᒃᑖᓵᒧᑦ.
ᐊᑭᓕᖅᓱᐃᕙᒃᑐᓕᒫᑦ ᐅᐸᒃᑕᐅᓗᑎᒃ ᑐᓴᖅᑎᑕᐅᖃᑦᑕᕐᓂᐊᖅᐳᑦ ᖃᒥᑎᑕᐅᓚᐅᙱᓐᓂᖏᓐᓂᒃ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᖁᔭᓕᔪᒪᕗᑦ ᑭᙵᕐᒥᐅᓂᑦ ᑐᑭᓯᐅᒪᓂᖏᓐᓄᑦ ᒪᒥᐊᒃᐳᒍᓪᓗ ᐊᑲᐃᓪᓕᐅᕈᑕᐅᓂᐊᖅᐸᑦ ᖃᒥᙶᖅᑎᓪᓗᒋᑦ.
###
ᐊᐅᓚᐅᓯᕆᔨᒻᒪᕆᐅᕖᑦ ᖃᐅᔨᒪᓂᖃᖅᓱᑎᑦ ᐱᐅᓂᖅᐹᒃᑯᑦ ᐱᓕᕆᔾᔪᓯᕐᒥᑦ ᐊᐅᓚᑦᓯᓂᕐᒧᑦ ᐱᓕᕆᐊᓂᓪᓗ ᐊᐅᓚᑦᓯᓂᕐᒧᑦ ᐱᓕᕆᔾᔪᓯᕐᓂᑦ? ᐊᐅᓚᑦᓯᒍᓐᓇᖅᑮᑦ ᐃᓄᒥ, ᑮᓇᐅᔭᓕᕆᓂᕐᒧᑦ ᐱᖁᑎᖃᖅᑎᑦᓯᓂᕐᒥᓪᓗ, ᖃᓄᖅᑑᕈᓐᓇᕐᓂᕐᒥᑦ ᓇᓕᒧᑎᑦᓯᓂᕐᒥᓪᓗ ᓯᕗᓪᓕᐅᔾᔭᐅᔭᕆᐊᓕᓐᓂᑦ ᐊᒥᓱᓄᑦ-ᐱᖃᖃᑕᐅᔪᓄᑦ? ᑕᐃᒪᐃᑉᐸᑦ, ᓯᕗᓕᐅᖅᑎᐅᓂᕐᒧᑦ ᑲᒪᒋᔭᖃᕈᓐᓇᖅᑐᑎᑦ.
ᑖᓐᓇ ᐊᓕᐊᓇᐃᑦᑑᓇᔭᖅᐳᖅ ᐃᖅᑲᓇᐃᔮᒥᑦ ᓅᓪᓗᓂᑦ ᓯᕗᑎᐅᓕᒪᔪᒧᑦ ᑮᓇᐅᔭᓕᕆᔪᓐᓇᕐᓂᖓ ᐊᒻᒪ ᐊᖓᔪᖅᑳᖑᖃᑦᑕᕐᓂᖓ ᐃᑲᔫᑕᐅᓗᓂᑦ ᓴᖅᑭᔮᖅᑐᒃᑯᑦ ᓴᙱᓂᖏᓐᓂᑦ ᑐᓴᐅᒪᖃᑎᒌᒃᓂᒃᑯᑦ ᐊᒻᒪ ᐊᑲᐃᓪᓕᐅᕈᑎᓂᒃ ᑲᒪᒋᔭᖃᕈᓐᓇᕐᓂᕐᒥᑦ.
ᐊᖓᔪᖅᑳᓕᒃ ᐆᒻᒪᖅᑯᑎᖃᖅᑎᓂᑦ ᑲᒪᒋᔭᖃᖅᑏᑦ ᐊᐅᓚᑦᑎᔨᖓᓂ, ᐱᕙᒌᔭᐃᓂᐊᖅᑐᑎᑦ, ᐃᑲᔪᖅᐸᒡᓗᑎᑦ ᐊᒻᒪ ᑲᒪᒋᔭᖃᕐᓗᑎᓗ ᑮᓇᐅᔭᖅᑖᕆᔭᐅᕙᓪᓕᐊᔪᓕᕆᔩᑦ ᐊᒻᒪ ᐊᑭᓕᒃᓴᓕᕆᔩᑦ ᐃᖅᑲᓇᐃᔭᖃᑎᒌᓂᑦ, ᐊᐅᓚᑦᑎᓗᑎᓗ ᐃᖏᕐᕋᓂᕆᔭᐅᔪᓂᑦ ᑕᒪᒃᑯᓂᖓ ᒪᕐᕉᔪᓂᑦ, ᓇᓗᓇᐃᖅᐸᒡᓗᒍᑦ ᑕᒻᒪᖅᑕᙱᓐᓂᖏᓐᓂᒃ ᖃᓄᐃᓕᐅᕈᑕᐅᔪᓕᒫᑦ ᓈᓴᐅᓯᕆᓂᕐᒧᑦ ᐊᒻᒪ ᐱᐅᓯᒋᐊᖅᑎᑦᑎᓇᓱᐊᕐᓗᓂᑦ ᐆᒻᒪᖅᑯᑎᖃᖅᑎᑦ ᑲᒪᒋᔭᐅᓂᖏᓐᓂᑦ, ᒪᓕᒡᓗᓂᑦ ᖁᓪᓕᒃᑯᑦ ᐅᐸᓗᖓᐃᔭᖅᓯᒪᔪᑦ ᑎᑭᐅᑎᔪᒪᔭᖏᓐᓂᑦ ᑐᕌᒐᕆᔭᖏᓐᓂᒡᓗ. ᐊᑕᐅᓯᐅᙱᑦᑐᒥᒃ ᑲᒪᒋᔭᖃᕈᓐᓇᕐᓗᓂᑦ ᐅᔾᔨᖅᓱᑦᑎᐊᖏᓐᓇᕐᓗᓂᑦ, ᐃᑲᔪᕐᓂᐊᕐᒥᔪᑎᑦ ᐆᒻᒪᖅᑯᑎᑲᖅᑎᑦ ᑲᒪᒋᔭᖃᖅᑎᖏᑦ ᐊᐅᓚᑦᑎᔨᖓᓂ, ᐊᑮᑦᑐᓂᑦ ᑲᑎᖅᓱᐃᔨᓂᒃ, ᐊᓯᓕᒫᖏᓪᓗ ᑮᓇᐅᔭᓕᕆᔩᑦ ᑮᓇᐅᔭᓕᐊᖑᕙᓪᓕᐊᔪᓕᕆᔩᑦ ᐊᑮᑦᑐᓕᕆᔩᓪᓗ.
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᖏᑕ ᑎᒥᖁᑖ(QEC−ᑯᑦ) ᑐᓴᖅᑎᑦᑎᔪᒪᖕᒪᑕ ᐃᒡᓗᓕᒑᕐᔪᖕᒥᐅᓂᒃ ᐱᕙᒌᔭᖅᑕᐅᓯᒪᔪᖃᕐᓂᖓᓂᒃ ᐆᒻᒪᖅᑯᒻᒥᒃ ᖃᒥᙶᕐᓂᐊᕐᓂᖓᓂᒃ ᐋᖅᑭᒃᑕᐅᓯᒪᕙᒌᖅᖢᓂᓗ ᐃᓚᖓᓄᑦ ᓄᓇᓕᖕᒥᐅᑦ ᓴᓇᑦᑕᐃᓕᐅᓕᖅᐸᑦ ᐅᑐᐱᕆ 21−ᒥ, 6−ᒥᑦ ᐅᓪᓛᒥᑦ 10−ᒧᑦ ᐅᔾᓛᒧᑦ.
ᑕᒪᓐᓇ ᐆᒻᒪᖅᑯᒻᒥᒃ ᖃᑎᙶᖅᑎᑦᑎᓂᖅ ᑕᐃᒪᐃᑦᑕᕆᐊᖃᖅᐳᖅ ᐊᓯᐊᓄᐊᖅᑎᕆᔪᒪᓂᕐᒧᑦ ᐃᓚᖏᓐᓂᒃ ᐆᒻᒪᖅᑯᒻᒧᑦ ᓴᕕᒐᐅᔭᕐᓂᒃ.
ᖁᓪᓕᖅ ᐆᒻᒪᖅᑯᑎᓕᕆᔨᖏᑕ ᑎᒥᖁᑖ ᓄᓇᓕᖕᒥᐅᓂᒃ ᖁᔭᓕᔪᒪᕗᑦ ᑐᑭᓯᐅᒪᓂᖏᓐᓄᑦ ᒪᒥᐊᒃᐳᒍᓪᓗ ᖃᒥᙶᖅᑎᑕᐅᑎᓪᓗᒋᑦ ᐊᑲᐃᓪᓕᐅᕈᑕᐅᓐᓂᖅᐸᑦ.
###
ᑐᓴᒐᒃᓴᓕᕆᔨᑦ:
ᕈᓃ ᐳᓯᐊᐃ
ᐊᐅᓚᑦᑎᔨᐅᑲᐃᓐᓇᖅᑐᖅ, ᐊᖓᔪᖅᑲᐅᑎᓄᑦ ᑐᓴᐅᒪᖃᑦᑕᐅᑎᓕᕆᔨ
ᖁᓪᓕᖅ ᐆᒻᒪᖅᑯᑎᓕᕆᔨᖏᑕ ᑎᒥᖁᑖ
(867) 979-7524
rboucher@qec.nu.ca
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖃᐅᔨᒃᑲᐃᔪᒪᕗᑦ ᐃᖃᓗᖕᒥᐅᓂᒃ ᓄᓇᓕᖕᓂᑦ ᐃᓚᐃᓐᓇᖏᑦ ᖃᒥᙶᓛᕐᓂᖏᓐᓂᒃ ᓈᑦᑏᖑᔭᒥ, ᐅᑐᐱᕆ 14 7−ᒥᑦ 9−ᒧᐊᖅᓴᓂᖓᓄᑦ ᐅᓪᓛᒃᑯᑦ. ᓂᐊᖁᙴᒥ ᖃᒥᙶᕐᓂᐊᖅᑐᑦ ᓇᓗᓇᐃᖅᓯᒪᕗᑦ ᓄᓇᙳᐊᒥ ᐊᑖᓂ.
ᖃᒥᙶᖅᑎᑕᐅᔭᕆᐊᖃᕐᓂᐊᖅᐳᑦ ᓴᕕᒐᐅᔭᐃᑦ ᓅᑕᐅᔭᕆᐊᖃᕐᓂᖏᓐᓄᑦ ᐃᓂᒃᓴᓕᐅᖅᑕᐅᓗᓂ ᐃᒡᓗᖁᑎᒋᔭᐅᔪᖅ ᒫᓐᓇ ᓴᓇᔭᐅᕙᓪᓕᐊᔪᖅ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖁᔭᓕᔪᒪᔪᑦ ᐃᖃᓗᖕᒥᐅᓂᒃ ᑐᑭᓯᔪᓐᓇᕐᒪᑕ, ᒪᒥᐊᑉᐳᓪᓗ ᖃᓄᑐᐃᓐᓇᖅ ᓈᒻᒪᙱᓪᓕᐅᖅᑎᑦᑎᓐᓂᖅᐸᑕ ᖃᒥᙶᖅᑎᓪᓗᒋᑦ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕈᓃ ᐳᓯᐊᐃ
ᐊᐅᓚᑦᑎᔨᐅᓚᐅᑲᒃᑐᖅ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑐᓴᐅᒪᔪᓕᕆᔨᒃᑯᖏᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ
(867) 979-7524
rboucher@qec.nu.ca