ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᖏᑦᑕ ᑎᒥᖁᑖ ᐃᖅᑲᐃᓯᔪᒪᕗᑦ ᓄᓇᕗᒻᒥᐅᓂᑦ ᐅᑯᓂᖓ ᐊᑐᖃᑦᑕᖁᔭᐅᓪᓗᑎᒃ ᐱᕐᕈᓗᐊᕿᖁᓇᒋᑦ ᐃᓅᔪᓐᓃᖁᓇᒋᓪᓗ ᐊᑦᑕᖕᓇᖅᑐᒦᑦᑕᐃᓕᓗᑎᒡᓗ ᐊᐅᓚᐅᑎᖃᕐᕕᖕᓂᑦ ᐅᐊᔭᖃᕐᕕᐅᔪᓂᒡᓗ:

• ᐊᐅᓚᐅᑎᖃᕐᕕᐊᓗᖕᓃᑉᐸᙱᓪᓗᓯ.
• ᓱᕋᒃᓯᒪᔪᓂᑦ ᑲᑕᒃᓯᒪᔪᓂᓪᓘᓐᓃᑦ ᐅᐊᔭᓃᑉᐸᙱᓪᓗᓯ.

ᐅᖃᓘᑎᖃᖕᓂᐊᕐᓗᓂ ᓄᑭᓪᓚᐅᑎᓄᑦ ᑐᐊᕕᖕᓇᖅᑐᓄᑦ, ᐅᖄᓚᒋᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᖏᑦᑕ ᑎᒥᖁᑖᑕ ᐅᒃᑯᐃᖓᐃᓐᓇᐅᔭᖅᑐᑦ 24-ᐃᑲᕐᕋᓄᑦ ᑐᐊᕕᖕᓇᖅᑐᓄᑦ ᐅᖄᓚᕝᕕᐊᓄᑦ ᐅᕗᖓ 1-867-222-3807.

ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᖏᑦᑕ ᑎᒥᖁᑖ ᖁᔭᓕᔪᒪᕗᑦ ᓄᓇᕗᒻᒥᐅᓂᑦ ᐃᑲᔪᐃᓐᓇᖅᐸᖕᓂᖏᓐᓄᑦ ᓄᑕᖅᑲᑦ ᐊᐅᓚᐅᑎᖃᕐᕕᖕᓃᑎᑕᐅᕙᙱᓐᓂᖏᓐᓄᑦ ᐅᐊᔭᓂᒡᓗ.

###

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᑐᓴᖁᔨᕗᑦ ᓄᓇᕗᒻᒥᐅᓂᑦ ᐅᖅᓱᐊᓗᖕᒥᑦ ᑯᕕᔪᖃᓚᐅᖕᒪᑦ ᐊᐅᓱᐃᑦᑑᑦ ᐆᒪᖅᑯᑎᖃᕐᕕᐊᓂᑦ. ᑕᒪᓐᓇ ᖃᐅᔨᔭᐅᓚᐅᖅᑐᖅ 2-ᒥᑦ ᐅᓐᓄᐊᒃᑯᑦ ᒫᑦᓯ 16, 2018-ᒥᑦ, ᓴᓗᒻᒪᖅᓴᐃᓯᑲᐅᑎᒋᓚᐅᖅᖢᑎᒡᓗ. 1000 ᓖᑕᑦ ᑯᕕᔪᕕᓂᑦ ᐆᒻᒪᖅᑯᑎᖃᕐᕕᐅᑉ ᓯᓚᑖᓂ ᖃᑦᑕᖕᒥᑦ ᑯᕕᓐᓂᕐᖢᓂᓗ ᐆᒻᒪᖅᑯᑎᖃᕐᕕᐅᑉ ᐹᖓᒍᑦ. ᖃᓄᖅ ᑕᒪᓐᓇ ᑯᕕᓐᓂᖕᒪᖔᑦ ᖃᐅᔨᓴᖅᑕᐅᔪᖅ.

ᖁᓪᓕᒃᑯᑦ ᐃᖅᑲᓇᐃᔭᖅᑎᖏᑦ ᓴᓇᑎᓪᓗᒋᑦ ᑯᕕᔪᕕᓂᖅ ᑯᕕᔪᓐᓃᖅᑎᑦᑎᔪᓐᓇᕐᓯᓚᐅᖅᖢᑎᒡᓗ. ᖁᓪᓕᒃᑯᑦ ᐊᕙᑎᓕᕆᔨᒻᒪᕆᐊ ᓄᓇᑦᑕ ᐊᕙᑎᓕᕆᔨᒃᑯᓪᓗ ᐊᐅᓱᐃᑦᑐᓕᐊᓚᐅᖅᑐᑦ ᑯᕕᔪᖅᓯᐅᑎᒃᑲᓐᓂᒡᒋᖅᖢᑎᒃ ᓴᓗᒻᒪᕐᓴᐃᖏᓐᓇᕐᓂᐊᕐᓗᑎᒃ. ᖁᓪᓕᒃᑯᑦ ᐱᓕᕆᖃᑎᖃᑦᑎᐊᖕᒥᔪᑦᑕᐅᖅ ᓄᓇᓕᖕᒥᐅᓂᑦ ᑕᒪᓐᓇ ᐋᖅᑭᒐᓱᒡᓗᒍ.

ᐃᖃᓗᐃᑦ, ᓄᓇᕗᑦ (ᒫᑦᓯ 16, 2018) − ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐱᓕᕆᐊᒃᓴᕐᔪᐊᓕᕆᔪᒪᔾᔪᑎᖓ ᐊᓯᔾᔩᓂᐊᕐᓗᑎᑦ ᐊᐅᓚᐅᑎᖃᕐᕕᖕᒥᑦ ᖁᕐᓗᖅᑐᒥᑦ ᐊᖏᖅᑕᐅᓚᐅᖅᐳᖅ ᒥᓂᔅᑕᒧᑦ ᑲᒪᒋᔭᓕᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ.

"ᑖᓐᓇ ᐊᐅᓚᐅᑎᖃᕐᕕᐊ ᐊᑦᑕᖕᓇᙱᑦᑐᓂᑦ ᓈᒻᒪᒃᑐᓂᒡᓗ ᓄᑭᓪᓚᐅᑎᖃᖅᑎᑦᑎᕙᒃᑲᓗᐊᖅᖢᓂ ᓄᓇᓕᖕᓄᑦ ᐊᕐᕌᒍᑦ 50−ᑲᓴᖕᓄᑦ, ᐊᑑᑎᖓ ᐃᓱᓕᓕᖕᒪᑦ ᐊᓯᔾᔨᖅᑕᐅᔭᕆᐊᖃᓕᖅᖢᓂᓗ," ᐅᖃᖅᑐᕕᓂᖅ ᒪᓕᒐᓕᐅᖅᑎ ᔩᓂ ᐃᕼᐊᓗᐊᒃ, ᒥᓂᔅᑕ ᑲᒪᒋᔭᓕᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ. "ᐊᓯᔾᔨᖅᑕᐅᓂᖓ ᐊᐅᓚᐅᑎᖃᕐᕕᐊ ᓴᓇᔭᐅᓯᒋᐊᓛᖅᑐᑦ ᑲᓱᕈᓐᓇᕐᓗᓂ ᐊᓯᖏᓐᓄᑦ ᐆᒻᒪᒃᑯᑎᓄᑦ ᐱᓕᕆᐊᖑᔪᓄᑦ, ᓄᓇᕗᑦ ᐊᑐᓗᐊᕈᓐᓃᖅᐸᓪᓕᐊᓕᕐᓗᑎᑦ ᐅᖅᓱᐊᓗᖕᒥᑦ."

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᑐᓴᖅᑎᑦᑎᔪᒪᕗᑦ ᖁᕐᓗᖅᑑᒥᑦ ᐆᒻᒪᖁᑎᖓ ᖃᒥᖔᓛᕐᒪᑦ ᐱᒋᐊᕐᓗᒍ ᓯᕙᑖᕐᕕᒃ, ᒫᔾᔨ 17−ᒥᑦ, ᓇᒡᒐᔾᔭ, ᒫᔾᔨ 19−ᒧᑦ. ᖃᒥᖔᕐᓂᖓ ᐊᑯᓂᐅᑎᒋᔪᓐᓇᖅᑐᖅ 5 ᒥᓂᑦᔅᒥᑦ ᐃᑲᕐᕋᒧᑦ ᐱᒋᐊᕐᓗᒍ 8−ᒥᑦ ᐅᓪᓛᒃᑯᑦ 5-ᒧᑦ ᐅᓐᓄᒃᑯᑦ.

ᖃᒥᖔᕐᓂᐅᓂᐊᖅᑐᒧᑦ ᓄᑖᙳᖅᑎᑕᐅᓂᐊᕐᓂᖓ ᓴᓇᔭᐅᓗᑎᒡᓗ ᓯᐊᒻᒪᒃᑎᕈᑏᑦ.

ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᖁᔭᓕᔪᒪᕗᑦ ᓄᓇᓕᖕᒥᐅᓂᑦ ᑐᑭᓯᐅᒪᓂᖏᓐᓄᑦ ᒪᒥᐊᒃᐳᒍᓪᓗ ᐊᑲᐃᓪᓕᐅᕈᑕᐅᓂᐊᖅᐸᑦ ᑕᒪᓐᓇ ᖃᒥᖓᓂᖅ.

###

ᑐᓴᒐᒃᓴᓕᕆᔨᑦ:
ᕇᓂ ᐳᓯᐊᐃᕐ
ᐊᐅᓚᑦᑎᔨ, ᐊᖓᔪᖅᑲᐅᑎᓄᑦ ᑐᓴᐅᒪᖃᑦᑕᐅᑎᓕᕆᔨ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ
(867) 979-7524
rboucher@qec.nu.ca