ᑮᓇᐅᔭᓕᐅᕋᓱᕐᓂᖅ ᐊᒻᒪ ᐱᓕᕆᕝᕕᒻᒥ ᐆᒻᒪᖅᑯᑎᑖᖅᑎᑦᑎᕙᑦᑐᑦ

ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᑮᓇᐅᔭᓕᐅᖅᑎᓂᑦ ᐊᒻᒪ ᐃᓄᒋᐊᓄᑦ ᐱᓕᕆᕝᕕᓐᓂᑦ ᐆᒻᒪᖅᑯᑎᖃᖅᑎᑦᑎᓂᕐᒥᑦ (CIPP) ᐱᓕᕆᐊᑦᓴᖅ ᓴᓇᔭᐅᓯᒪᔪᖅ ᑮᓇᐅᔭᓕᐅᖅᑏᑦ ᐊᒻᒪ ᐃᓄᒋᐊᓄᑦ ᐱᓕᕆᕝᕕᓖᑦ ᐱᔨᑦᓯᕋᖅᑕᐅᔪᑦ (ᒐᕙᒪᓕᕆᔩᑦ, ᕼᐋᒻᒪᓚᐃᑦ, ᓇᖕᒥᓂᖃᖅᑏᑦ) ᐆᒻᒪᖅᑯᑎᓕᐅᖃᑦᑕᖁᔭᐅᓗᑎᒃ ᐊᑐᕐᓗᑎᒃ ᓄᑕᐅᓕᒋᐊᕈᓐᓇᖅᑐᓂᑦ ᐆᒻᒪᖅᑯᑎᓕᕆᔾᔪᑎᓂᑦ ᐊᒻᒪ ᓂᐅᕐᕈᑎᒋᕙᓪᓗᒋᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑎᖏᓐᓄᑦ. ᓲᕐᓗ, ᓄᓇᓕᓐᓂ ᐊᓐᓂᑭᑦᑐᓛᕐᕖᑦ ᐅᕝᕙᓘᓐᓃᑦ ᑯᐊᐸᐃᑦ ᓂᐅᕕᕐᕖᑦ ᐋᖅᑭᑦᓱᐃᔪᓐᓇᖅᑐᑦ ᓯᕿᓂᕐᒥᑦ ᐆᒻᒪᖅᑯᑎᑖᕈᑎᓂᑦ ᓵᓗᕿᓂᑦ ᐊᒻᒪ ᓴᓗᒪᔪᒥᑦ ᐆᒻᒪᖅᑯᑎᓕᐅᖅᐸᓪᓗᑎᒃ ᓄᓇᓕᒻᒥᓄᑦ.

[Energy Graphic]

ᐱᖃᓯᐅᔾᔭᐅᕙᓪᓗᑎᒃ ᓄᑕᐅᓕᒋᐊᕈᓐᓇᖅᑐᑦ ᐆᒻᒪᖅᑯᑏᑦ ᐆᒻᒪᖅᑯᑎᖃᐅᑎᐅᕙᑦᑐᓄᑦ, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑎᖏᑦ ᐱᕙᓪᓕᐊᑎᑦᑎᔪᓐᓇᓕᕋᔭᖅᑐᑦ ᓴᓗᒪᔪᒥᑦ ᐆᒻᒪᖅᑯᑎᓕᐅᕐᓂᕐᒥᑦ ᓄᓇᕗᒻᒥ. ᑲᑎᕐᓱᐃᓗᑎᒃ ᓄᑕᐅᓕᒋᐊᕈᓐᓇᖅᑐᓂᑦ ᐆᒻᒪᖅᑯᑎᓕᕆᔾᔪᑎᓂᑦ ᓄᓇᕗᑦ ᐆᒻᒪᖅᑯᑎᓕᕆᔾᔪᑎᖏᓐᓄᑦ ᐃᑲᔫᑎᖃᕋᔭᖅᑐᑦ ᒥᑭᓪᓕᒋᐊᖅᑎᑦᑎᓗᑎᒃ ᓄᓇᕗᒻᒥ ᑕᑎᒋᕙᑦᑕᖓᓂᑦ ᑏᓱᓪᒥᑦ ᐅᕐᓱᐊᓗᑦᓴᔭᒥᑦ, ᐱᔪᓐᓇᓕᕐᓗᑎᒃ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑎᖏᑦ ᒥᑭᓪᓕᒋᐊᖅᑎᑦᑎᓂᕐᒥᑦ ᐸᐅᕐᒥᑦ ᑕᒪᐅᖓᑐᐃᓐᓈᐸᑦᑐᓂᑦ ᐊᒻᒪ ᐊᑐᖅᑎᑦᑎᕙᓕᕐᓗᑎᒃ ᐆᒻᒪᖅᑯᑎᓂᑦ ᓇᖕᒥᓂᓕᐊᒥᓂᕐᓂᒃ. ᑮᓇᐅᔭᓕᐅᖅᑎᓂᑦ ᐊᒻᒪ ᐃᓄᒋᐊᓄᑦ ᐱᓕᕆᕝᕕᓐᓂᑦ ᐆᒻᒪᖅᑯᑎᖃᖅᑎᑦᑎᓂᕐᒥᑦ ᐱᓕᕆᐊᑦᓴᖅ ᐱᖃᑕᐅᔪᓂᑦ ᑮᓇᐅᔭᓕᐅᕈᓐᓇᕋᔭᕐᓗᑎᒃ ᐃᑲᔪᕐᓱᐃᓯᓐᓈᕐᓗᑎᒃ ᑲᓇᑕᐅᑉ ᐳᔪᕐᒥᑦ ᐅᓗᕆᐊᓇᖅᑐᒥᑦ ᑕᒪᐅᖓᑐᐃᓐᓈᕋᔭᖅᑐᓂᑦ ᒥᑭᓪᓕᑎᒋᐊᕈᑎᒋᓇᓱᐊᖅᑕᖏᓐᓂᑦ ᐊᒻᒪ ᓄᓇᕗᑦ ᐊᑐᕋᓱᐊᕈᑎᒋᔪᒪᔭᖏᓐᓂᑦ ᐆᒻᒪᖅᑯᑎᓕᐅᕈᑎᒍᑦ ᐃᖕᒥᓂᒃ ᐱᓇᓱᐊᖅᐸᓂᕐᒥᑦ.

ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑎᖏᑦ ᑐᑦᓯᕋᐅᑎᓕᐊᓂᑦ ᐱᖃᑕᐅᒍᒪᑐᐃᓐᓇᕆᐊᓕᓐᓂᑦ ᑮᓇᐅᔭᓕᐅᖅᑎᓄᑦ ᐊᒻᒪ ᐃᓄᒋᐊᓄᑦ ᐱᓕᕆᕝᕕᓐᓄᑦ ᐆᒻᒪᖅᑯᑎᓕᐅᖅᑎᓄᑦ ᐱᓕᕆᐊᑦᓴᒧᑦ. ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑎᖏᑦ ᐊᑐᖁᔨᑦᑎᐊᖅᑐᑦ ᑮᓇᐅᔭᓕᐅᖅᑎᓂᑦ ᐊᒻᒪ ᐃᓄᒋᐊᓄᑦ ᐱᓕᕆᕝᕕᓐᓂᑦ ᐆᒻᒪᖅᑯᑎᖃᖅᑎᑦᑎᓂᕐᒥᑦ ᐱᓕᕆᐊᑦᓴᒧᑦ ᐱᖃᑕᐅᑐᐃᓐᓇᕆᐊᓕᓐᓂᑦ ᓂᐅᕕᖁᔭᐅᒐᑎᒃ ᓄᑕᐅᓕᒋᐊᕈᓐᓇᖅᑐᓂᑦ ᐆᒻᒪᖅᑯᑎᓕᐅᕆᔾᔪᑎᑦᓴᓂᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑎᖏᑦ ᖃᐅᔨᓴᓚᐅᖏᓐᓂᖏᓐᓂ ᐱᓕᕆᔾᔪᑎᒥᑦ.

ᑐᑭᓯᒋᐊᒃᑲᓐᓂᕐᕕᑦᓴᖅ, ᖃᐅᔨᓴᕐᓗᒋᑦ ᐱᓕᕆᐊᑦᓴᒧᑦ ᑎᑎᖅᑲᐃᑦ ᑕᕝᕙᓂ ᐊᒻᒪ ᖃᐅᔨᒋᐊᕐᓗᒋᑦ ᐱᔨᑦᓯᕋᖅᑎᐅᔪᑦ ᐅᖄᓚᐅᑎᒃᑯᑦ ᐅᕗᖓ 1-866-710-4200 ᐅᕝᕙᓘᓐᓃᑦ ᐃᕐᖐᓇᖅᑕᐅᑎᒃᑯᑦ ᐅᕗᖓ CustomerCare@qec.nu.ca.

ᖃᐅᑕᒫᑦ ᐊᐱᖅᑯᑎᐅᒐᔪᑦᑐᑦ ᐊᐱᖅᑯᑏᑦ

ᐅᖃᓕᒫᕐᕕᑦᓴᖅ ᑐᑭᓯᒋᐊᕈᑎᖏᓐᓂᑦ ᑮᓇᐅᔭᓕᐅᖅᑎᓂᑦ ᐊᒻᒪ ᐃᓄᒋᐊᓄᑦ ᐱᓕᕆᕝᕕᓐᓂᑦ ᐆᒻᒪᖅᑯᑎᖃᖅᑎᑦᑎᓂᕐᒥᑦ ᐱᓕᕆᐊᑦᓴᒥᑦ, ᐅᓇ ᓇᕿᒋᐊᓕᒃ.

ᑐᑦᓯᕋᐅᑎᓄᑦ ᐊᑐᐊᒐᖅ

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᓄᖅ ᑐᑦᓯᕋᐅᑎᓕᐅᕐᓂᐊᕐᓗᓂ ᑮᓇᐅᔭᓕᐅᖅᑎᓂᑦ ᐊᒻᒪ ᐃᓄᒋᐊᓄᑦ ᐱᓕᕆᕝᕕᓐᓂᑦ ᐆᒻᒪᖅᑯᑎᖃᖅᑎᑦᑎᓂᕐᒥᑦ ᐱᓕᕆᐊᑦᓴᒧᑦ, ᐅᓇ ᓇᕿᒋᐊᓕᒃ.

ᓱᓇᑐᐃᓐᓇᐃᑦ ᐋᖅᑭᓱᕐᓯᒪᑦᑎᐊᕆᐊᖃᕐᓂᖏᓐᓂᑦ ᐅᐃᒍᐃᓂᕐᒥᑦ ᐊᑐᖅᑕᐅᒋᐊᓖᑦ

ᐃᓘᓐᓇᑎᒃ ᐱᖃᑕᐅᑐᐃᓐᓇᕆᐊᓖᑦ ᒪᓕᒋᐊᖃᖅᑐᑦ ᒪᓕᒐᕐᓂᑦ ᐊᒻᒪ ᐱᔾᔪᓯᐅᔪᓂᑦ ᓇᓗᓇᐃᔭᕐᓯᒪᔪᓂᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑎᖏᑕ ᑮᓇᐅᔭᓕᐅᖅᑎᓂᑦ ᐊᒻᒪ ᐃᓄᒋᐊᓄᑦ ᐱᓕᕆᕝᕕᓐᓂᑦ ᐆᒻᒪᖅᑯᑎᖃᖅᑎᑦᑎᓂᕐᒥᑦ ᐱᓕᕆᐊᑦᓴᖓᒥ ᓱᓇᑐᐃᓐᓇᐃᑦ ᐋᖅᑭᓱᕐᓯᒪᑦᑎᐊᕆᐊᖃᕐᓂᖏᓐᓂᑦ ᐅᐃᒍᐃᓂᕐᒥᑦ ᐊᑐᖅᑕᐅᒋᐊᓖᑦ. ᐃᓚᖓᓂᑦ ᐅᓇ ᓇᕿᒋᐊᓕᒃ.

ᐆᒻᒪᖅᑯᑎᓂᑦ ᓂᐅᕐᕈᑎᖃᕐᓂᕐᒥᑦ ᐊᖏᕈᑎ

ᐃᓘᓐᓇᑎᒃ ᑮᓇᐅᔭᓕᐅᖅᑎᓂᑦ ᐊᒻᒪ ᐃᓄᒋᐊᓄᑦ ᐱᓕᕆᕝᕕᓐᓂᑦ ᐆᒻᒪᖅᑯᑎᖃᖅᑎᑦᑎᓂᕐᒥᑦ ᐱᓕᕆᐊᑦᓴᒧᑦ ᐱᖃᑕᐅᔪᑦ ᖃᐅᔨᓴᕆᐊᓖᑦ ᐊᒻᒪ ᐊᑎᓕᐅᕐᓗᑎᒃ ᑳᓐᑐᕌᒥᑦ ᐱᓕᕆᔾᔪᑎᒥᑦ ᓇᓗᓇᐃᔭᐃᓯᒪᔪᒥᑦ ᑮᓇᐅᔭᓕᐅᕈᑎᓄᑦ ᑕᐃᒎᕐᓯᕐᓂᒃ, ᒪᓕᒐᑎᒍᑦ ᐊᑐᕆᐊᓕᓐᓂᑦ ᐊᒻᒪ ᓂᐅᕐᕈᑎᓄᑦ ᐱᔪᓐᓇᐅᑎᓂᑦ. ᖃᐅᔨᓴᕈᒪᒍᕕᐅᒃ ᐆᒻᒪᖅᑯᑎᓂᑦ ᓂᐅᕐᕈᑎᖃᕐᓂᕐᒥᑦ ᐊᖏᕈᑎ, ᐅᓇ ᓇᕿᒋᐊᓕᒃ.

ᐆᒻᒪᖅᑯᑎᓕᐅᕐᓂᕐᒥᑦ ᐊᒻᒪ ᐅᐃᒍᐃᓂᕐᒧᑦ ᐊᖏᕈᑎ

ᐃᓚᖓᓂᑦ ᑳᓐᑐᕌᒥᑦ ᐱᓕᕆᔾᔪᑎᒥᑦ ᐊᑎᓕᐅᕆᐊᖃᕋᔭᖅᑐᑦ ᑮᓇᐅᔭᓕᐅᖅᑎᓂᑦ ᐊᒻᒪ ᐃᓄᒋᐊᓄᑦ ᐱᓕᕆᕝᕕᓐᓂᑦ ᐆᒻᒪᖅᑯᑎᖃᖅᑎᑦᑎᓂᕐᒥᑦ ᐱᓕᕆᐊᑦᓴᒧᑦ ᐱᖃᑕᐅᔪᑦ ᓴᓇᓚᐅᖅᑎᓪᓗᒋᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑎᖏᑕ ᖃᐅᔨᓴᕐᓯᒪᔭᖓᓂᑦ ᓄᑕᐅᓕᒋᐊᕈᓐᓇᖅᑐᓂᑦ ᐆᒻᒪᖅᑯᑎᓕᕆᔾᔪᑎᒥᑦ ᐱᓕᕆᕝᕕᒻᒥᑦ ᐅᐃᒍᔭᐅᔪᑦᓴᒥᑦ ᑎᒥᖁᑎᐅᔫᑉ ᐆᒻᒪᖅᑯᑎᖃᖅᑎᑦᓯᔾᔪᑎᖏᓐᓄᑦ, ᐅᓇ ᓇᕿᒋᐊᓕᒃ.

ᑎᑎᕋᕐᕕᑦᓴᐃᑦ ᑕᑕᑎᕆᐊᓖᑦ

ᓂᐱᑎᒍᒪᒍᕕᐅᒃ ᐅᐃᒍᐃᔪᒪᔾᔪᑎ ᑎᑎᕋᕐᕕᑦᓴᖅ ᑕᑕᑎᕆᐊᓕᒃ, ᐅᓇ ᓇᕿᒋᐊᓕᒃ.

ᓂᐱᑎᒍᒪᒍᕕᐅᒃ ᐅᐃᒍᐃᓂᒃᑯᑦ ᐊᑦᑐᐃᓂᕐᒥᑦ ᖃᐅᔨᓴᐅᑎᓂᑦ ᑐᑦᓯᕋᐅᑎ, ᐅᓇ ᓇᕿᒋᐊᓕᒃ.

ᑮᓇᐅᔭᓕᐅᖅᑎᓂᑦ ᐊᒻᒪ ᐃᓄᒋᐊᓄᑦ ᐱᓕᕆᕝᕕᓐᓂᑦ ᐆᒻᒪᖅᑯᑎᖃᖅᑎᑦᑎᓂᕐᒥᑦ ᐱᓕᕆᐊᑦᓴᒧᑦ ᐊᑐᐊᒐᖅ

ᓂᐱᑎᒍᒪᒍᕕᐅᒃ ᐊᔾᔨᖏᑦ ᑎᑎᖅᑲᐃᑦ ᑮᓇᐅᔭᓕᐅᖅᑎᓂᑦ ᐊᒻᒪ ᐃᓄᒋᐊᓄᑦ ᐱᓕᕆᕝᕕᓐᓂᑦ ᐆᒻᒪᖅᑯᑎᖃᖅᑎᑦᑎᓂᕐᒥᑦ ᐱᓕᕆᐊᑦᓴᒧᑦ ᐊᑐᐊᒐᖅ, ᐅᓇ ᓇᕿᒋᐊᓕᒃ.

ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑎᖏᑕ ᐆᒻᒪᖅᑯᑎᓕᕆᐆᒻᒪᖅᑯᑎᓕᐊᖑᕙᑦᑐᒥᑦ ᐱᓕᕆᔾᔪᑎᒥᓃᑦ

ᓄᓇᕗᒻᒥ ᐆᒻᒪᖅᑯᑎᓕᐊᖑᕙᑦᑐᒥᑦ ᐱᓕᕆᔾᔪᑎᒥᓃᑦ ᑕᑯᔪᒪᒍᕕᒋᑦ, ᐅᓇ ᓇᕿᒋᐊᓕᒃ.

ᑎᑎᖅᑲᐃᑦ