ᐃᖃᓗᓐᓃᑦᑐᖅ ᓄᓇᕗᒻᒥ, ᐊᖓᔪᖅᑳᖃᖅᓱᓂ ᐊᐅᓚᑦᓯᔨᒥᒃ, ᐊᐅᓚᓂᐅᔪᓄᑦ, ᐊᖓᔪᖅᑳᖅ, ᑲᔪᓯᑎᒋᐊᓕᓐᓅᖓᔪᓄᑦ ᑎᒍᒥᐊᖅᑐᖅ ᐃᓗᓕᖅᑐᔪᒥᒃ, ᓱᕋᑦᑕᐃᓕᒪᑎᑦᓯᓂᕐᒨᖓᔪᓂᒃ, ᓂᕆᐅᓇᖅᑐᓄᑦ ᐋᖅᑭᒋᐊᕆᐊᕆᐊᓕᓐᓄᓪᓗ ᐸᕐᓇᐅᑎᓂᒃ ᐋᖅᑭᑦᓱᐃᓂᕐᒧᓪᓗ ᓴᓇᒋᐊᓕᓐᓂᒃ ᐅᐊᔭᖃᕐᕕᓕᒫᓄᑦ ᑎᒥᖁᑎᖓᑕ ᐃᓗᐊᓂ. ᑖᓐᓇ ᐃᖅᑲᓇᐃᔮᖅ ᐸᕐᓇᐅᑎᖃᓲᖑᒻᒥᔪᖅ ᑐᑭᒧᐊᑦᑎᑦᓯᒍᑕᐅᑦᓱᓂᓗ ᐱᒻᒪᕆᐅᑏᑦ ᐊᐅᓚᓂᖏᓐᓂᒃ ᑕᐃᒫᒃ ᑎᓕᓯᔾᔪᑕᐅᒻᒪᓴ, ᑕᒪᒃᑮᓐᓄᑦ ᐅᑎᖅᑎᒍᓐᓇᖅᑐᓄᑦ ᐃᑲᕐᕋᓕᐊᓄᓪᓗ ᐊᑭᓕᕋᑦᓴᓄᑦ. ᐊᑦᑐᐊᔪᓄᑦ ᑲᔪᓯᑎᒋᐊᓕᓐᓅᖓᔪᓄᑦ.

ᐃᓂᖃᖅᖢᓂ ᐃᖃᓗᐃᑦ, ᓄᓇᕗᒻᒥ ᐅᖃᕐᕕᖃᖅᐸᒡᓗᓂᓗ ᐊᐅᓚᑦᑎᔨᖓᓄᑦ ᑖᓐᓇ ᐃᓂᐅᔪᖅ ᐅᖃᐅᔾᔨᖃᑦᑕᕐᓂᐊᖅᑐᖅ ᐱᓕᕆᕝᕕᖕᒥ ᐱᓕᕆᔨᒻᒪᕆᖕᓂ ᐱᓕᕆᔨᐅᕙᒃᑐᓂᒡᓗ ᓂᐅᕕᖃᑦᑕᕐᓂᕐᒧᑦ ᐱᔾᔪᑕᐅᔪᓂ ᐃᑲᔪᖅᓱᐃᓂᕐᒥᒃ ᐊᔪᕆᖅᓯᐅᔾᔨᓂᕐᒥᒡᓗ ᓂᐅᕕᖅᑐᓕᕆᓂᐅᑉ ᐊᐅᓚᓂᓕᒫᖏᓐᓄᑦ.  ᑭᓱᑖᕆᔭᐅᕙᓪᓕᐊᔭᕆᐊᓕᖕᓄᑦ ᐱᑖᖅᑎᑦᑎᔨ ᑲᔪᓯᑎᑦᑎᓂᐊᖅᐳᖅ ᓴᓇᔭᐅᕙᓪᓕᐊᓂᐊᖅᑐᓄᑦ (ᒧᑦ) ᐱᕙᒌᔭᐅᒻᒥᒃ ᐊᒃᑐᐊᓂᓕᖕᓄᑦ ᐊᑭᑦᑐᕋᐅᑎᓂᕐᓄᑦ ᐊᒻᒪ ᐊᖏᖃᑎᒌᒍᑎᒃᑰᖅᓯᒪᔪᓄᑦ, ᐋᖅᑭᒃᓱᐃᕙᓪᓕᐊᕙᒡᓗᑎᑦ ᐃᓱᒪᒋᔭᐅᑦᑎᐊᖅᓯᒪᔪᓄᑦ ᐋᖅᑭᒋᐊᕈᑎᒃᓴᓄᑦ ᐃᑲᔪᕈᒪᒧᑦ ᐋᖅᑭᒃᓯᓂᕐᒧᑦ ᐃᓗᓕᖃᐅᖅᑐᒻᒪᕆᖕᓄᑦ ᑭᓱᑖᕆᔭᐅᕙᓪᓕᐊᔭᕆᐊᓕᖕᓂ ᓇᓗᓇᐃᖅᓯᒪᔪᑦ ᐱᔾᔪᑕᐅᔪᓂ, ᓇᓗᓇᐃᖅᓯᓂᕐᒥᒡᓗ ᐱᔾᔪᑕᐅᔪᓂ ᐊᒃᑐᐊᓂᓕᖕᓂᒃ, ᐱᓕᕆᓂᒃᑯᑦ ᖃᓄᐃᓕᖓᓇᔭᕐᓂᖏᑦ ᐊᒻᒪ ᐊᑐᖅᑕᐅᔭᕆᐊᓖᑦ ᐊᑦᑕᑕᖅᓯᒪᔪᑦ ᓂᐅᕕᖅᑐᖅᓯᐅᑎᑖᕈᒪᔾᔪᑎᑦ ᐱᖁᑎᓄᑦ ᐱᔨᔅᑎᕈᑎᓄᓪᓗ ᓈᒻᒪᒃᑲᓗᐊᕐᒪᖔᑦ ᐱᐊᓂᒃᓯᒪᒐᓗᐊᕐᒪᖔᓪᓗ.

(ᐊᕐᕌᒍᓄᑦ ᐱᖓᓱᓄᑦ ᐃᓱᓕᕝᕕᒃᓴᓕᒃ)

ᐊᓪᓚᕕᒻᒪᕆᖃᖅᓱᑎᒃ ᖃᒪᓂᑦᑐᐊᕐᒥ, ᓄᓇᕗᒻᒥ ᐊᖓᔪᖅᑳᖃᖅᓱᑎᓪᓗ ᑮᓇᐅᔭᓕᕆᔨᒻᒪᕆᒻᒥᒃ, ᐊᖓᔪᖅᑳᖅ ᐊᑭᓕᖅᑐᕆᐊᓕᓐᓄᑦ ᐊᑭᓕᑦᓴᐃᔭᖅᑎᑦᓯᓂᕐᒧᓪᓗ ᑎᒍᒥᐊᖅᑐᑦ ᐸᕐᓇᓂᕐᒥᒃ, ᑐᑭᒧᐊᑦᑎᑦᓯᓂᕐᒥᒃ ᐊᐅᓚᑦᓯᓂᕐᒥᓪᓗ ᐊᑭᓕᖅᑐᐃᔪᓂᒃ ᑲᒪᒋᔭᖃᕐᓂᕐᒥᒃ. ᑖᓐᓇ ᐃᖅᑲᓇᐃᔮᖅ ᖃᐅᔨᓴᕐᓂᖃᓲᖅ ᐊᐅᓚᓂᐅᒋᐊᓕᓐᓂᒃ ᐊᕕᑦᑐᖅᓯᒪᔫᑉ ᐃᓗᐊᓂ, ᐱᖃᓯᐅᑎᑦᓱᑎᒃ ᐊᑭᓕᖅᑐᕆᐊᓖᑦ, ᐊᑭᓕᕋᑦᓴᐃᑦ, ᐊᑭᓕᑦᓴᐃᔭᖅᑎᑦᓯᓃᑦ ᐊᒻᒪᓗ ᐊᑭᓕᖅᑐᐃᔪᓂᒃ ᐱᔨᑦᓯᕐᓂᕐᒥᒃ ᖃᐅᔨᓴᑦᓯᐊᐸᑦᓱᑎᓪᓗ ᐃᖅᑲᓇᐃᔮᖑᔪᓕᒫᓂᒃ ᐃᓗᐊᓐᓂ ᐊᕕᑦᑐᖅᓯᒪᓂᐅᑉ ᑐᙵᕕᐅᑦᓱᑎᒃ ᐊᑑᑎᔪᓕᒫᑦ ᒪᓕᒐᕐᔪᐊᕐᒥ ᒪᓕᒐᕐᓂᓗ.

ᓯᕗᓕᖅᑎᒃᓴᑦ ᐃᖅᑲᓇᐃᔭᖅᑎᕈᖅᓴᓂᕐᒧᑦ ᐱᓕᕆᐊᖑᕙᒃᑐᖅ ᐊᔾᔨᒋᔭᐅᙱᑉᐳᖅ ᐃᖅᑲᓇᐃᔭᖅᓯᓐᓈ ᐃᓕᓐᓂᐊᖅᓯᓐᓈ ᐃᓄᖕᓄᑦ ᑐᕌᖓᓪᓗᓂ ᐊᐅᓚᑦᑎᔨᙳᕐᓂᕐᒧᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ. ᐃᖅᑲᓇᐃᔭᖅᑎᕈᖅᓴᓂᕐᒧᑦ ᐱᓕᕆᐊᖑᕙᒃᑐᖅ ᐃᖅᑲᓇᐃᔮᒧᑦ ᐱᕙᓪᓕᐊᔾᔪᑎᒃᓴᓂᒃ ᐊᑐᐃᓐᓇᐅᑎᑦᑎᖃᑦᑕᖅᐳᑦ ᑲᔪᖏᖅᓴᐃᓂᒃᑯᑦ, ᐊᒻᒪ ᐃᓕᓐᓂᐊᕐᕕᐊᕈᓯᖏᓐᓂᒃ ᐃᓕᓐᓂᐊᖅᑎᑕᐅᓪᓗᑎᒃ.  ᑐᑭᓯᒋᐊᒃᑲᓐᓂᕈᒪᒍᕕᑦ ᐱᓕᕆᐊᖅ ᒥᔅᓵᓄᑦ ᖃᐅᔨᒋᐊᕐᕕᒋᒍᒃ ᐅᓇ:

https://www.gov.nu.ca/eia/information/sivuliqtiksat-internship-program

ᐃᖃᓗᐃᑦ ᓯᓚᑖᓃᑦᑐᖅ, ᓄᓇᕗᒻᒥ ᐅᓂᒃᑳᖅᐸᒡᓗᓂᓗ ᐊᐅᓚᑦᑎᔨᒧᑦ, ᐅᐊᔭᓕᕆᓂᕐᒧᑦ ᐋᖅᑭᒃᓱᐃᔨᓄᑦ ᐊᐅᓚᑦᑎᔨᑦ ᐊᒻᒪ ᐃᒻᒥᓂᒃ ᐊᐅᓚᑦᑎᓪᓗᑎᒃ ᖃᕆᓴᐅᔭᒃᑯᑦ ᐋᖅᑭᒃᓱᐃᔨᑦ ᑕᑎᒋᔭᐅᔪᓐᓇᖅᐳᑦ ᓱᓕᔪᕆᔭᐅᓂᕐᒧᑦ, ᐊᐅᓚᓂᖃᑦᑎᐊᕐᓂᕐᒧᑦ ᐊᒻᒪ ᐃᖏᕐᕋᑎᑦᑎᔪᓐᓇᕐᓂᕐᒧᑦ ᑕᒪᐃᓐᓂᒃ ᖃᕆᓴᐅᔭᒃᑯᑦ ᐊᐅᓚᑕᐅᔪᓂᒃ ᐊᐅᓚᑦᑎᔾᔪᑎᖏᓐᓂᓪᓗ ᐆᒻᒪᖅᑯᑎᓕᕆᔨᒃᑯᓐᓂ. ᑖᔅᓱᒥᖓ ᐃᖅᑲᓇᐃᔮᓕᒃ ᑐᓴᖅᑎᑦᑎᖃᑦᑕᕐᓂᐊᖅᐳᖅ ᐃᒻᒥᓂᒃ ᐊᐅᓚᑦᑎᕙᒃᑐᓂᒃ ᖃᕆᓴᐅᔭᒃᑯᑦ ᐊᒻᒪ ᐊᐅᓚᑦᑎᔾᔪᑎᑦ ᒥᒃᓵᓄᑦ ᐊᑦᑕᕐᓇᙱᑦᑎᐊᖁᓪᓗᒋᑦ, ᐊᑐᕈᓐᓇᑦᑎᐊᕐᓗᑎᒃ ᐊᒻᒪ ᐊᐅᓚᓂᖃᑦᑎᐊᕐᓗᑎᒃ ᐊᒻᒪᓗᑦᑕᐅᖅ ᒪᓕᑦᑎᐊᕐᓗᑎᒃ ᑲᓇᑕᒥ ᐊᕕᒃᑐᖅᓯᒪᔪᑦ ᒐᕙᒪᑐᖃᒃᑯᓪᓗ ᒪᓕᒋᐊᓕᖏᓐᓂᒃ ᐊᑐᖅᑕᐅᕙᒃᑐᓂᓪᓗ.

ᐃᖃᓗᐃᑦ ᐊᓯᐊᓂ ᐃᓂᖃᖅᖢᓂ, ᐊᐅᓚᑦᑎᔨᒧᓪᓚᑦᑖᕐᓗ ᐅᓂᒃᑳᖅᐸᒡᓗᓂ, ᐊᐅᓚᔾᔪᑏᑦ ᐋᖅᑭᐅᒪᔾᔪᑎᓪᓗ ᐃᖅᑲᓇᐃᔮᓕᒃ ᐋᖅᑭᒃᓱᐃᖃᑦᑕᕐᓂᐊᖅᐳᖅ, ᓄᑖᙳᕆᐊᖅᑎᑦᑎᕙᒡᓗᓂ, ᑲᒪᕙᒡᓗᓂ, ᐊᒻᒪᓗ ᓴᓇᒋᐊᓕᖕᓂᑦ ᐊᐅᓚᑦᑎᔾᔪᑎᓂᒃ ᑲᒪᕙᒡᓗᓂ 25-ᓕᒫᓂᒃ ᐅᖅᓱᐊᓗᖕᒨᖅᑐᓄᑦ ᐊᐅᓚᐅᑎᖃᕐᕕᒡᔪᐊᓂ ᓄᓇᕗᓕᒫᒥ ᐊᒻᒪᓗ ᐊᑐᐃᓐᓇᐅᑎᑦᑎᕙᒡᓗᓂ ᐱᓕᕆᔾᔪᑎᓄᑦ ᐃᑲᔪᖅᑐᐃᔾᔪᑎᓂᒃ ᐊᐅᓚᔾᔪᑎᓄᑦ ᐊᒻᒪᓗ ᐊᐅᓚᐅᑎᖃᕐᕕᖕᒥ ᐃᖅᑲᓇᐃᔭᖅᑎᖏᓐᓄᑦ ᐱᔾᔪᑎᓕᖕᓂᒃ ᐊᐅᓚᐅᑎᖃᕐᕕᐅᑉ ᐊᐅᓚᑦᑎᔾᔪᑎᖏᓐᓂᒃ.

ᐊᖓᔪᖅᑳᓕᒃ ᐊᐅᓚᑦᑎᔾᔪᑎᓄᑦ ᐊᖓᔪᖅᑳᕐᒥᑦ, ᑭᓯᐊᓂ ᑲᒪᒋᔭᐅᙱᒃᑲᓗᐊᕐᓗᓂᑦ ᐃᖅᑲᓇᐃᔭᕈᓐᓇᑦᑎᐊᕐᓗᓂᑦ, ᐃᑲᔪᖃᑦᑕᕐᓂᐊᖅᑐᑎᑦ  ᐆᒻᒪᖅᑯᑎᖃᕐᕕᖕᒥ ᐊᖓᔪᖅᑳᒻᒪᕆᖕᒥᑦ  ᐊᑦᑕᕐᓇᖅᑕᐃᓕᑎᑦᑎᓂᕐᒥᑦ ᐆᒻᒪᖅᑯᑎᖃᖅᑎᑦᑏᓐᓇᕐᓂᕐᒥᒡᓗ, ᐃᓚᓕᐅᔾᔨᓂᕐᒥᒡᓗ ᐱᓕᕆᔾᔪᑕᐅᔭᕆᐊᖃᖅᑐᓂᒃ ᐋᖅᑭᒃᓱᕈᑕᐅᔭᕆᐊᖃᖅᑐᓂᒡᓗ ᐊᐅᓚᐅᑎᓂᒃ ᓴᕕᒐᐅᔭᓂᒡᓗ. ᐊᐅᓚᑦᑎᔨᐅᑉ ᐃᑲᔪᖅᑎᖓ, ᓂᕆᐅᒋᔭᐅᓂᐊᖅᑐᖅ ᐊᐅᓚᑦᑎᓂᕐᒥᑦ ᓇᐅᑦᑎᖅᓱᕐᓂᕐᒥᒡᓗ ᐃᒐᓯᐅᒻᒧ ᐊᐅᓚᐅᑎᖃᕐᕕᖕᒥᑦ ᐊᒃᑑᑎᓯᒪᔪᓂᒡᓗ ᐆᒻᒪᖅᑯᑎᖃᐅᑎᓂᒃ ᐱᖃᖁᓪᓗᒋᑦ ᐊᑦᑕᕐᓇᖏᑦᑐᒥᑦ, ᑕᑎᒋᔭᒃᓴᒥᑦ ᑮᓇᐅᔭᖅᑐᕐᓇᓗᐊᙱᑦᑐᒥᒡᓗ ᐆᒻᒪᖅᑯᑎᒥᑦ ᐱᔨᑦᑎᕋᐅᑎᒥᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑎᒍᑦ ᐆᒻᒪᖅᑯᑎᖃᖅᑐᑦ ᓄᓇᓕᖕᓂ, ᐆᒻᒪᖅᑯᑎᖃᕐᕕᖕᒥ ᐊᖓᔪᖅᑳᒻᒪᕆᐅᓕᖅᐸᒡᓗᓂᓗ ᑕᐃᒪᐃᑦᑕᕆᐊᖃᕌᖓᑦ.

ᑖᓐᓇ ᐃᖅᑲᓇᐃᔮᒃᓴᖅ ᓄᓇᕗᒻᒥᐅᓄᑦ ᐃᓄᖕᓄᑐᐊᖅ ᑐᕌᖓᕗᖅ

ᐅᐊᔭᓕᕆᔨᐅᒍᕕᑦ ᐊᐅᓚᑕᐅᔭᕆᐊᖃᖅᐸᒃᑐᓕᒫᓂᒃ ᐱᓕᕆᐊᒧᑦ ᐊᐅᓚᑦᑎᔾᔪᓯᕐᓂᒃ ᐊᐅᓚᑦᑕᕆᐊᓕᖕᓂᓪᓗ, ᑐᓴᐅᒪᑎᑦᑎᑦᑎᐊᕈᓐᓇᖅᐳᑎᑦ ᐆᒻᒪᖅᑯᑎᓕᕆᔨᒃᑯᑦ ᐃᓗᐊᓂ ᓯᓚᑖᓂᓗ ᓇᖕᒥᓂᖃᖃᑕᐅᔪᓄᑦ ᓈᒻᒪᖅᑰᑦᑎᔪᓂᒃ ᐱᔨᑦᑎᕋᖅᐸᒡᓗᒋᑦ, ᐅᖃᖃᑎᒌᓪᓗᐊᖅᑐᒍᒃ.

ᐃᖃᓗᖕᓂ ᓄᓇᕗᒻᒥ ᐃᓂᖃᖅᖢᓂ, ᐅᖃᕐᕕᖃᖅᐸᒃᖢᓂᓗ ᐊᐅᓚᑦᑎᔨᒋᔭᐅᔪᒧᑦ, ᐆᒻᒪᖅᑯᒻᒥᒃ ᓇᒧᙵᐅᑎᑦᑎᕙᓪᓕᐊᕙᖕᓂᕐᒧᑦ, ᑖᓐᓇ ᐃᓂᒋᔭᐅᔪᖅ ᑲᒪᒋᔭᒃᓴᖃᖅᐳᖅ ᐱᑎᑦᑎᕙᖕᓂᕐᒥᒃ ᐱᓕᕆᔾᔪᑕᐅᕙᒃᑐᓂᒃ ᐆᒻᒪᖅᑯᒻᒧᓐᓄ ᐊᑐᖅᑕᐅᕙᒃᑐᒧᑦ ᑕᐅᑦᑐᒃᓴᖓᓄᑦ ᐱᓕᑦᑎᕋᕐᓂᕆᔭᐅᔪᒧᑦ ᐱᓕᕆᕝᕕᒋᔭᐅᔫᑉ ᐱᓕᕆᓯᒋᐊᖅᑎᖏᓐᓄᑦ ᐃᖅᑲᓇᐃᔭᖅᑎᓄᑦ, ᓴᕕᒐᐅᔭᕐᓂᒃ ᑲᒪᒋᔭᖃᖅᐸᖕᓂᕐᒧᑦ ᐱᓕᕆᔨᓄᑦ ᑳᓐᑐᓛᖃᖅᑎᓄᓪᓗ.  ᑖᓐᓇ ᐃᓂᒋᔭᐅᔪᖅ ᐃᑲᔪᖅᑐᐃᕙᒃᐳᖅ ᐱᓕᕆᕝᕕᒋᔭᐅᔫᑉ ᑐᓂᐅᖅᑲᐃᕙᓪᓕᐊᕙᖕᓂᕐᒧᑦ ᐱᓕᕆᐊᕆᔭᖏᓐᓂᒃ, ᐃᓚᖃᖅᖢᑎᒃ; ᓴᓇᔭᐅᒃᑲᓐᓂᖅᑐᑦ ᓄᑖᓪᓗ ᓴᓇᔭᐅᔪᑦ, ᑲᒪᒋᔭᖃᕐᓂᕐᒧᑦ ᐱᓕᕆᐊᖑᕙᒃᑐᑦ, ᓄᑖᓂᒃ ᐊᑐᖅᑎᑦᑎᓕᕐᓂᕐᒧᑦ ᐊᑕᓂᕆᔭᐅᓕᖅᑐᑦ ᐊᑐᖅᑕᐅᕙᒃᑐᒥᓗ ᐱᐅᓯᒋᐊᖅᑎᑦᑎᓂᕐᒧᑦ ᐱᓕᕆᐊᖑᕙᒃᑐᓂᒃ.