ᐱᓕᕆᐊᒃᓴᒧᑦ ᑎᑭᑕᐅᓇᓱᐊᖅᑐᑦ:
ᑎᑭᑕᐅᓇᓱᐊᖅᑐᑦ ᐱᓕᕆᐊᒃᓴᕐᒧᑦ ᑐᑭᓯᐅᒪᓕᖅᐹᓪᓕᕈᒪᓪᓗᑎᒃ ᓄᓇᕗᒻᒥ ᐆᒻᒪᖅᑯᓯᐅᕈᑎᖏᓐᓂᒃ ᑕᒪᐃᓐᓂᒃ ᓄᓇᕗᒻᒥ ᓄᓇᓕᖕᓂᑦ, ᐊᒻᒪᓗ ᐊᑐᓕᖁᔭᐅᓯᒪᔪᑦ ᐊᑐᒃᑲᓐᓂᒐᒃᓴᑦ ᐆᒻᒪᖅᑯᑎᖃᕐᕕᖕᓂᑦ ᐃᓚᓕᐅᔾᔨᓂᕐᒥᑦ ᓄᓇᓕᖕᓂᑦ. ᑕᐃᒫᒃ, ᖁᓪᓕᒃᑯᑦ ᖃᐅᔨᑲᐅᖅᑐᕈᓐᓇᕐᓂᐊᕐᒪᑕ ᐊᑐᒃᑲᓐᓂᒐᒃᓴᑦ ᐆᒻᒪᖅᑯᑎᖃᕐᕕᖕᓂᑦ ᐃᓚᓕᐅᔾᔨᓂᖅ ᐊᑐᒐᒃᓴᐅᖕᒪᖔᑦ ᒪᓕᒡᓗᒋᑦ ᐊᐅᓚᔪᓐᓇᐅᑎᒋᔭᖏᑦ ᑐᒃᓯᕋᐅᑕᐅᑎᓪᓗᒋᑦ ᓴᓇᕝᕕᖕᓂᑦ ᐱᓕᕆᕝᕕᖕᓂᓗ ᐱᔨᑦᑎᖅᑕᒥᖕᓂᑦ CIPP−ᑎᒍᑦ, ᐊᖏᕐᕋᖃᖅᑎᐅᔪᑦ ᓇᖕᒥᓂᖅ ᐊᐅᓚᔪᓐᓇᐅᑎᓕᖕᓄᑦ ᐅᕝᕙᓘᓐᓃᑦ IPP−ᑎᒍᑦ; ᓱᒃᑲᕚᓪᓕᕈᑕᐅᓂᐊᖅᐳᖅ ᐱᓕᕆᐊᒃᓴᕐᓂᑦ ᐊᖏᖅᑕᐅᓇᓱᐊᖅᑐᓄᑦ ᐊᑐᒃᑲᓐᓂᒐᒃᓴᓂᓪᓗ ᐊᑐᓕᖅᐹᓪᓕᕐᓗᑎᒃ ᓄᓇᕗᒻᒥ.
ᐃᑲᔫᑎᑦ:
ᑕᐃᒪᖓᓂᑦ 25−ᖑᔪᑦ ᓄᓇᓖᑦ ᓄᓇᕗᒻᒥ ᐆᒻᒪᖅᑯᑎᖃᕐᒪᑕ ᐃᒐᓯᐅᒻᒨᖅᑐᒧᑦ, ᑖᓐᓇ ᐱᓕᕆᐊᒃᓴᖅ ᓯᕗᓪᓕᖅᐹᒥ ᑲᒪᒋᔭᖃᕈᑕᐅᓇᓱᐊᖅᐳᖅ ᓄᓇᕗᒻᒥ ᐆᒻᒪᖅᑯᑎᓄᑦ ᓅᑉᐸᓪᓕᐊᓂᕐᒧᑦ ᐃᕆᐸᔪᕐᒧᑦ ᐊᔪᕈᓐᓃᖅᑎᑦᑎᓗᓂᓗ ᑲᓇᑕᒥ ᓯᕗᓂᒃᓴᒥᑦ ᐳᔪᕐᓗᖃᙱᑦᑐᓄᑦ ᐆᒻᒪᖅᑯᑎᖃᖅᑎᑦᑎᓂᕐᒥᑦ. ᐱᐅᓯᕚᓪᓕᕐᓂᐊᖅᑐᑦ ᐊᕙᑎᒧᑦ ᒪᑭᒪᔾᔪᑎᓄᓪᓗ ᐃᑲᔫᑎᓄᑦ ᖁᓪᓕᒃᑯᑦ ᐱᔨᑦᑎᕋᖅᑕᖏᓐᓄᑦ ᐊᖏᖅᑕᐅᔪᓄᑦ ᐃᓚᓕᐅᔾᔨᓂᕐᒥᑦ ᐊᑐᒃᑲᓐᓂᒐᒃᓴᑦ ᐆᒻᒪᖅᑯᑎᖃᕐᕕᖕᓂᑦ ᐊᖅᑯᑎᖏᓐᓄᑦ. ᖃᐅᔨᓴᕈᑕᐅᔪᖅ ᐊᑐᐃᓐᓇᐅᑎᑕᐅᓂᐊᖅᐳᖅ ᑭᒃᑯᑐᐃᓐᓇᕐᓄᑦ ᓄᓇᓕᖕᓄᓪᓗ. ᐊᑑᑎᓂᐊᖅᑐᖅ ᑐᓴᐅᒪᔾᔪᑕᐅᓗᓂᑦ ᓄᓇᓕᖕᓂ ᐱᓕᕆᐊᒃᓴᓕᐊᖑᔪᕐᓄᑦ, ᐱᓗᐊᖅᑐᒥᒃ ᐊᒃᑎᒋᓂᖓ ᐱᓕᕆᐊᒃᓴᕐᓂᑦ ᐱᕙᓪᓕᐊᑲᐅᖅᑐᖁᓪᓗᒋᑦ, ᐊᖏᖅᑕᐅᓵᓕᖁᓪᓗᒋᑦ ᐊᑐᓕᖅᑎᑦᑎᓵᓕᓗᑎᒡᓗ. ᖃᐅᔨᒪᔭᐅᓕᖅᑐᑦ ᑐᓴᐅᒪᔾᔪᑕᐅᓂᐊᖅᐳᑦ IPP ᐊᑐᐊᒐᕐᒧᑦ, ᒫᓐᓇ ᐱᓕᕆᐊᖑᔪᖅ, ᐃᑲᔪᐃᓂᐊᖅᖢᓂᓗ ᐱᕙᓪᓕᐊᑎᑦᑎᓂᕐᒥᑦ ᓄᓇᕗᒻᒥ ᐊᑐᐊᒐᕐᓄᑦ ᓄᓇᓕᖕᓂ ᐆᒻᒪᖅᑯᑎᑦ ᐊᖅᑯᑎᖏᓐᓄᑦ.
ᐱᓕᕆᐊᑦ ᐊᕕᒃᑐᖅᓯᒪᔪᓂ ᐊᒻᒪ ᓄᓇᓕᒃᑎᒍᑦ
ᕿᑎᕐᒥᐅᑦ - ᐃᖃᓗᒃᑑᑦᑎᐊᖅ / ᐅᖅᓱᖅᑑᖅ / ᑕᓗᕐᔪᐊᖅ / ᑰᒑᕐᔪᒃ / ᖁᕐᓗᖅᑐᖅ
ᑭᕙᓪᓕᖅ - ᑲᖏᖅᖠᓂᖅ / ᓴᓪᓕᖅ / ᐃᒡᓗᓕᒑᕐᔪᒃ / ᑎᑭᕋᕐᔪᐊᖅ / ᓇᐅᔮᑦ
ᕿᑭᖅᑖᓗᒃ - ᐸᓐᓂᖅᑑᖅ / ᑭᙵᐃᑦ / ᖃᐅᓱᐃᑦᑐᖅ / ᒥᑦᑎᒪᑕᓕᒃ / ᐃᒡᓗᓕᒃ / ᓴᓂᕋᔭᒃ / ᕿᑭᖅᑕᕐᔪᐊᖅ