ᐆᒻᒪᖅᑎᒃᑲᓐᓂᕐᓗᒍ: ᐊᐅᓚᑦᑎᔪᓐᓇᑦᑎᐊᕐᓂᖅ
ᐅᖅᓱᐊᓗᓕᕆᓂᖅ ᓴᙱᓂᖅᓴᐅᖁᓪᓗᒍ ᓯᕗᓂᒃᓴᕗᑦ.
ᐆᒻᒪᖅᑎᒃᑲᓐᓂᕐᓗᒍ ᐱᔾᔪᑎᖃᖅᐳᖅ ᓴᙱᓂᖃᑦᑎᐊᒃᑲᓐᓂᕐᓗᓂ, ᐊᔾᔨᒌᒡᔫᒥᔪᓂᑦ ᓴᖅᑭᑦᑎᕙᒡᓗᑎᒃ, ᐱᐅᓯᕚᓪᓕᖅᑏᓐᓇᕋᓱᒡᓗᒍᓗ ᐱᔨᑦᑎᕋᐅᑎᒋᕙᒃᑕᕗᑦ ᓄᓇᓕᑦᑎᓐᓂ. ᐊᐅᓚᑦᑎᑦᑎᐊᕐᓗᑕ, ᑐᙵᕕᓕᐅᕐᓂᐊᖅᐳᒍᑦ ᐅᕙᑦᑎᓐᓂ ᑲᔪᓯᑎᑦᑎᔪᓐᓇᖅᑐᒥᒃ ᑕᑎᒋᔭᐅᔪᓐᓇᖅᑐᒥᒃ, ᐱᔨᑦᑎᕋᐅᑎᑦᑎᐊᕙᖕᓂᒃ ᒪᓕᑦᑎᐊᖏᓐᓇᕐᓗᑕᓗ ᐊᐅᓚᑦᑎᕕᐅᑉ ᑐᕌᒐᖏᓐᓂᑦ.
• ᐊᑭᓕᖅᓱᐃᔨᓂᑦ−ᓯᕗᓪᓕᐅᔾᔨᓂᖅ ᐊᑭᓕᖅᓱᐃᔨᕗᑦ ᐱᒻᒪᕆᐅᓂᖅᐹᖑᑎᑕᐅᔪᑦ ᖃᓄᐃᓕᐅᖅᑕᓕᒫᑦᑎᓐᓄᑦ.
• ᐊᑐᕐᓂᖃᑦᑎᐊᖅᑐᖅ ᐊᒻᒪ ᓴᖅᑭᑦᑎᕙᓪᓕᐊᓂᖅ – ᐊᖏᒡᓕᒋᐊᖅᑎᑦᑎᓂᖅ ᐃᑲᔫᑎᒃᓴᓂᒃ ᑲᔪᓯᑎᑦᑎᔪᓐᓇᕐᓂᖅᓴᐅᖁᓪᓗᑕ ᐊᑐᙱᓐᓂᖅᓴᐅᓗᑕ.
• ᐱᐅᓯᕙᓪᓕᐊᖏᓐᓇᕐᓂᖅ – ᐊᑲᐅᓂᖅᓴᓂᒃ ᐱᓕᕆᐊᖑᔪᓐᓇᖅᑐᓂᒃ ᕿᓃᓐᓇᖅᐸᒡᓗᑎᒃ.
• ᖃᕋᓴᐅᔭᒃᑯᑦ−ᐊᐅᓚᑕᐅᔪᑦ ᖃᓄᖅᑑᕈᑎᑦ – ᐊᑐᕐᓗᓂ ᐃᓱᒪᒋᔭᐅᔪᓂᑦ ᓂᕈᐊᑦᑎᐊᕈᓐᓇᕐᓂᖅᓴᐅᖁᓪᓗᒋᑦ.
• ᐊᔾᔨᒌᓕᖅᑎᑦᑎᓂᖅ ᒪᓕᑦᑎᐊᕐᓂᕐᓗ – ᓇᓗᓇᐃᖅᓯᓂᕐᒥᑦ ᐱᐅᓂᖓᓂᑦ ᐊᑑᑎᖃᑦᑎᐊᕐᓂᖓᓂᓪᓗ ᑕᒪᐃᓐᓂᒃ ᐱᓕᕆᔾᔪᓯᕐᓂᑦ.
• ᐊᑦᑕᓇᖅᑕᐃᓕᒪᑎᑦᑎᓂᕐᒧᑦ ᐊᐅᓚᑦᑎᓂᖅ − ᓇᓗᓇᐃᖅᓯᓂᖅ ᑲᒪᒋᔭᖃᕐᓂᕐᓗ ᐊᒃᓱᕈᕐᓇᑐᐃᓐᓇᕆᐊᓕᖕᓂᒃ.
• ᓱᖏᐅᑎᓴᕋᐃᓐᓂᖅ ᐊᒻᒪ ᓂᑲᒍᓱᒍᓐᓇᕐᓂᖅ – ᐊᓯᔾᔨᒐᒃᓴᐅᖏᓐᓇᕐᓗᑎᑦ ᑭᐅᓴᕋᐃᓪᓗᑎᒡᓗ ᐊᓯᔾᔨᖅᐸᓪᓕᐊᔪᒧᑦ ᓄᓇᕐᔪᐊᒧᑦ.
• ᒪᓕᑦᑎᐊᕐᓗᓂ ᑎᒥᐅᔫᑉ ᑐᕌᒐᖏᓐᓂᑦ – ᑕᐅᑐᖅᑰᖅᑕᕗᑦ ᐱᓕᕆᐊᒃᓴᕗᓪᓗ ᑲᒪᒋᔭᐅᒋᐊᓕᑦ.
ᖁᕝᕙᕆᐊᖅᑎᒃᑲᓐᓂᕐᓗᒍ: ᐃᖅᑲᓇᐃᔭᖅᑏᑦ ᑐᕌᒐᖃᖅᑐᑦ
ᐱᔪᒃᓯᑎᑦᑎᓂᖅ ᐃᖅᑲᓇᐃᔭᖅᑎᑦᑎᓐᓂᒃ ᑲᔪᓯᑦᑎᐊᖁᓪᓗᒋᑦ ᐊᓂᒍᐃᑦᑎᐊᖁᓪᓗᒋᓪᓗ.
ᖁᕝᕙᕆᐊᖅᑎᑦᑎᒃᑲᓐᓂᕐᓂᖅ ᐱᔾᔪᑎᖃᖅᐳᖅ ᐱᒻᒪᕆᐅᑎᑦᑎᓂᕐᒥᒃ, ᐱᕙᓪᓕᐊᑎᑦᑎᓂᕐᒥᒃ, ᐃᑲᔪᖅᑐᐃᓂᕐᒥᓪᓗ ᐱᒻᒪᕆᐅᓂᖅᐹᖑᔪᓂᑦ—ᐃᓄᖁᑎᕗᑦ. ᐊᑦᑕᕐᓇᙱᑦᑐᒥᑦ, ᐃᓚᓕᐅᔾᔨᔪᒥᑦ, ᐊᒻᒪ ᐱᕚᓪᓕᕐᓇᑦᑎᐊᖅᑐᒥᒃ ᐃᖅᑲᓇᐃᔭᕐᕕᖃᖅᖢᑕ, ᓴᖅᑭᑦᑎᖃᑦᑕᖅᐳᒍᑦ ᐱᕈᖅᐸᓪᓕᐊᓐᓇᖅᑐᒥᒃ, ᐃᓚᐅᑎᑦᑎᔪᒥᒃ, ᑲᔪᓯᑦᑎᐊᕐᓗᓂᓗ ᐊᑯᓂᐅᔪᖅ.
• ᐃᓕᖅᑯᓯᑦᑎᓐᓄᑦ ᐊᒃᑐᐊᔪᑦ ᐃᖅᑲᓇᐃᔭᕐᕕᒋᔭᑦ – ᐅᐱᒍᓱᒡᓗᓂ ᐊᔾᔨᒌᙱᕈᓘᔭᖅᑐᓂᒃ ᐊᒻᒪ ᐱᒻᒪᕆᐅᑎᑦᑎᓂᖅ ᓄᓇᓕᖕᓂ ᐱᒻᒪᕆᐅᒋᔭᐅᔪᓂᒃ.
• ᖃᓄᐃᙱᓐᓂᖅ, ᐊᑦᑕᓇᖅᑕᐃᓕᒪᓂᖅ, ᐊᒻᒪᓗ ᐃᓅᓯᖃᑦᑎᐊᕐᓂᖅ − ᓯᕗᓪᓕᐅᔾᔨᓂᖅ ᐱᓕᕆᖃᑎᒋᔭᕗᑦ ᖃᓄᐃᙱᑦᑎᐊᖁᓪᓗᒋᑦ.
• ᐊᔾᔨᒌᒥᑦ ᐊᑭᓕᖅᑕᐅᓂᖅ ᐃᑲᔫᑎᓂᓪᓗ − ᐃᓕᓴᖅᓯᓂᖅ ᐃᑲᔫᑎᓂᒃ ᐊᔾᔨᒌᒃᑎᑕᐅᓗᑎᒃ ᐊᔾᔨᒌᒃᑎᑦᑎᓗᑎᒡᓗ.
• ᐱᓕᒻᒪᒃᓴᕐᓂᖅ ᐃᖅᑲᓇᐃᔮᓂᒡᓗ ᐱᕙᓪᓕᐊᑎᑦᑎᓂᖅ – ᑮᓇᐅᔭᓕᐅᕋᓱᖕᓂᖅ ᐱᕈᖅᐸᓪᓕᐊᑎᓪᓗᒍ ᐱᑐᐃᓐᓇᕆᐊᖃᕐᓂᖓᓗ.
• ᐊᔾᔨᒌᙱᕈᓘᔭᖅᑐᑦ, ᐃᓚᓕᐅᔾᔨᓂᖅ, ᐃᓚᐅᑎᑦᑎᓂᕐᓗ – ᓴᖅᑭᑎᑦᑎᓂᖅ ᑭᒃᑯᓕᒫᓄᑦ ᐃᓂᒋᔭᐅᓂᐊᖅᑐᒥᒃ.
• ᐃᖅᑲᓇᐃᔭᕐᕕᖕᒥ−ᐃᓅᓯᕐᒥ ᓇᓕᒧᒌᒃᑎᑦᑎᓂᖅ ᐊᒻᒪ ᐊᓯᔾᔨᒐᒃᓴᐅᔪᑦ –ᐃᑲᔪᖅᑐᐃᓂᖅ ᖃᓄᐃᙱᑦᑎᐊᖅᑐᒥᒃ ᐃᖅᑲᓇᐃᔭᕐᕕᖕᒥ−ᐃᓅᓯᕐᒥ ᓇᓕᒧᒌᒃᑎᑦᑎᓂᕐᒥᒃ.
• ᐃᓕᓴᕆᔭᐅᓂᖓ ᐱᓯᒪᐃᓐᓇᕐᓂᕐᓗ – ᖁᕕᐊᓲᑎᖃᕐᓂᖅ ᐊᓂᒍᖅᑎᑕᐅᔪᓂᒃ ᐱᓯᒪᐃᓐᓇᕐᓂᕐᒥᒡᓗ ᐊᔪᙱᓛᓂᒃ.
ᐊᓯᔾᔨᖅᑐᖅ: ᐱᐅᓯᒋᐊᖅᑎᑦᑎᔪᓐᓇᕐᓂᖅ ᐱᕈᖅᐸᓪᓕᐊᓂᕐᓗ
ᐋᖅᑭᒃᓱᐃᓂᖅ ᓯᕗᓂᒃᓴᒥᒃ ᓯᕗᒻᒧᑦ ᐃᓱᒪᒃᓴᖅᓯᐅᕈᑎᖃᕐᓗᓂ ᐋᖅᑭᒋᐊᕈᑕᐅᔪᓐᓇᖅᑐᓂᒃ.
ᐊᓯᔾᔨᖅᐸᓪᓕᐊᓂᖅ ᐱᔾᔪᑎᖃᓗᐊᖅᐳᖅ ᐊᐅᓚᑦᑎᓗᑎᒃ ᓴᖅᑭᑎᑕᐅᕙᓪᓕᐊᔪᓂᒃ ᐋᖅᑭᒃᓱᐃᓗᑎᒡᓗ ᐋᖅᑭᒋᐊᕈᑕᐅᖏᓐᓇᕈᓐᓇᖅᑐᓂᒃ ᐊᔾᔨᖃᙱᑦᑐᓂᑦ ᐊᒃᓱᕈᕐᓇᖅᐸᒃᑐᓂᑦ ᐅᑭᐅᖅᑕᖅᑐᒥ. ᐊᓯᔾᔨᖅᑎᕆᓂᒃᑯᑦ ᐃᖏᕐᕋᓂᒃᑯᓪᓗ ᐊᓯᔾᔩᑎᑦᑎᓗᓂᓗ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᓯᕗᓪᓕᐅᖏᓐᓇᖅᑎᑉᐸᕗᑦ ᐆᒻᒪᖅᑯᑎᑦ ᓄᑖᙳᖅᐸᓪᓕᐊᔪᑦ.
• ᑲᔪᓯᑎᑕᐅᔪᓐᓇᖅᑐᑦ ᐆᒻᒪᖅᑯᑎᓂᑦ ᐋᖅᑭᒋᐊᕈᑎᒃᓴᑦ – ᖃᐅᔨᓇᓱᖕᓂᖅ ᐊᒻᒪ ᐱᕙᓪᓕᐊᑎᑦᑎᓂᖅ ᐋᖅᑭᒋᐊᕈᑎᒃᓴᓂᒃ ᓯᕗᒻᒧᐊᒍᑎᒃᓴᓂᒃ ᐅᕙᑦᑎᓐᓄᑦ ᑲᔪᓯᔪᓐᓇᑦᑎᐊᕐᓂᖅᓴᒧᑦ ᓯᕗᓂᒃᓴᒧᑦ.
• ᓄᓇᓕᖕᓂ−ᑐᕌᖓᔪᓂᒃ ᐃᓱᒪᒃᓴᖅᓯᐅᕈᓐᓇᑦᑎᐊᕐᓂᖅ – ᐋᖅᑭᒃᓱᐃᓂᖅ ᐋᖅᑭᒃᓯᒪᓕᕈᑕᐅᔪᓐᓇᖅᑐᓂᒃ ᐊᒃᑐᐊᓂᓕᖕᓂᒃ ᓄᓇᓕᖕᓂ ᐱᔭᐅᔭᕆᐊᓕᖕᓄᑦ.
• ᒪᑭᑕᔪᓐᓇᑦᑎᐊᖅᑐᑦ ᒪᑭᒪᔾᔪᑎᑦ − ᐃᒡᓗᕐᔪᐊᓕᐅᖅᑏᑦ ᐅᑭᐅᖅᑕᖅᑐᒥᑦ ᐊᒃᓱᕈᕐᓇᕋᓗᐊᖅᑎᓪᓗᒍ.
• ᖃᕆᓴᐅᔭᒃᑯᑦ ᐊᓯᔾᔨᖅᐸᓪᓕᐊᓂᖅ – ᐊᑐᓕᖅᑎᓪᓗᒋᑦ ᐱᓕᕆᔾᔪᑏᑦ ᐱᐅᓯᒋᐊᖁᓪᓗᒋᑦ ᐊᐅᓚᑦᑎᔾᔪᑎᑦ.
• ᓄᑖᑦ ᐱᓕᕆᖃᑎᒌᑦ − ᑲᑎᙵᓕᖅᑎᑦᑎᒃᑲᓐᓂᕐᓂᖅ ᐅᖅᓱᐊᓗᖕᒧᑦ ᐱᕈᖅᐸᓪᓕᐊᔪᒧᑦ ᓄᑖᙳᖅᐸᓪᓕᐊᔪᓄᓪᓗ.
• R&D ᐅᑭᐅᖅᑕᖅᑐᒥ ᓂᒡᓚᓱᖕᓂᖓᓄᑦ – ᐋᖅᑭᒃᓱᐃᕙᓪᓕᐊᓂᖅ ᐋᖅᑭᒋᐊᕈᑎᒃᓴᓂᒃ ᓴᓇᔭᐅᓯᒪᔪᓂᒃ ᐅᑭᐅᖅᑕᖅᑐᒧᑦ.
• ᐱᓕᕆᔾᔪᑎᑦ ᐃᓚᓕᐅᑎᓂᖏᑦ − ᐃᓚᓕᐅᔾᔨᑦᑎᐊᕐᓗᑎᒃ ᓄᑖᓂᒃ ᐱᓕᕆᔾᔪᑎᓂᒃ ᖃᕆᓴᐅᔭᓕᕆᓂᕐᒥᓪᓗ.