| Qulliq Energy Corporation

ᐃᓚᒃᓴᓂᒃ ᖃᐅᔨᒪᔨᑕᖅ

Submitted by bukpatiku on Fri, 06/22/2018 - 16:50

ᐃᖅᑲᓇᐃᔮᒃᓴᑦᑎᐊᕙᒻᒪᕆᐊᓗᒃ ᐋᖅᑭᑦᑎᐊᖅᓯᒪᑎᑦᑎᓲᓄᑦ, ᑐᑭᓯᐊᑦᑎᐊᕐᓗᓂ ᐊᒻᒪ ᐃᓕᑕᕆᔭᐅᔾᔪᑎᑖᖅᓯᒪᓗᓂ ᐃᓚᒃᓴᓂᒃ ᖃᐅᔨᒪᔨᑕᐅᓂᕐᒧᑦ ᖃᐅᔨᒪᓗᓂ ᖃᐅᔨᓴᕆᐊᓕᖕᓂᒃ ᐊᐅᓚᑦᑎᓂᕐᒥᒃ, ᓯᕐᓗᐊᓕᕆᓂᕐᒥᒃ, ᓂᐅᕕᕐᓂᕐᒥᒃ ᐊᒻᒪ ᐱᔪᒪᓂᐊᕐᓗᓂ ᐱᐅᓯᒋᐊᖅᑕᐅᓲᖑᕗᑦ ᐱᔪᓐᓇᕐᓂᕆᔭᐅᔪᒥᒃ ᓴᖅᑭᑉᐸᒡᓗᒋᑦ ᐊᑭᒻᒪᑎᔪᑦ ᐊᒻᒪ ᐊᓯᔾᔨᖅᐸᓪᓕᐊᔪᑦ ᓯᕗᓪᓕᐅᔾᔭᐅᔪᒪᔪᑦ ᓈᒻᒪᖅᑰᑦᑎᓗᑎᒃ ᐊᕕᒃᑐᖅᓯᒪᔪᓂᒃ ᐱᖁᑎᓂᒃ ᐱᒋᔭᐅᔭᕆᐊᖃᖅᑐᑦ. ᐅᖃᕐᕕᖃᕐᓗᑎᑦ ᐋᖅᑭᐅᒪᔪᓕᕆᔨᒃᑯᑦ ᐊᖓᔪᖅᑳᒧᑦ, ᕿᑭᖅᑖᓗᖕᒥ, ᑎᑭᓴᐃᖃᑦᑕᕐᓂᐊᖅᐳᑎᑦ, ᑎᑭᓴᖅᑕᑎᓪᓗ ᖃᐅᔨᓇᓱᒃᐸᒡᓗᒋᑦ ᓇᓃᓕᕐᒪᖔᑕ, ᐅᑎᖅᑎᑦᑎᕙᒡᓗᑎᓪᓗ, ᐊᐅᓪᓚᖅᑎᑦᑎᕙᒡᓗᑎᑦ ᑎᑭᑦᑐᑦ ᐱᕙᓪᓕᐊᓗᒋᑦ, ᖃᐅᔨᓴᖅᐸᒡᓗᑎᑦ ᐊᒻᒪ ᐋᖅᑭᒃᓱᐃᕙᒡᓗᑎᑦ ᐃᓚᒃᓴᓂᒃ ᐱᖁᑎᓂᒡᓗ − ᓇᓗᓇᐃᖅᐸᒡᓗᒋᑦ ᐃᓚᒃᓴᑦ ᐊᒻᒪ ᐱᖁᑎᑦ ᐊᑭᓕᖅᓱᐃᔨᓂᒡᓗ ᐱᔨᑦᑎᕋᖅᐸᒡᓗᑎᑦ ᐊᒻᒪ ᐅᖃᐅᔾᔪᖅᓱᐃᕙᒡᓗᑎᑦ, ᑎᑭᓴᕆᐊᓕᖕᓂᒃ ᑎᑎᕋᖅᐸᒡᓗᑎᑦ ᐱᓕᕆᔾᔪᓯᕐᒧᑦ ᐸᐸᓪᓗᒋᓪᓗ ᓈᓴᖅᑕᐅᓲᑦ ᑎᑎᕋᖅᓯᒪᔪᑦ.

ᐱᕙᒌᔭᖅᑕᐅᒪᔪᖅ ᖃᒥᓐᓂᐅᓂᐊᖅᑐᖅ ᓴᓂᕋᔭᖕᒥ

Submitted by sglaeske on Thu, 06/21/2018 - 10:19

ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ (QEC−ᑯᑦ) ᖃᐅᔨᒃᑲᐃᒍᒪᔪᑦ ᓴᓂᕋᔭᖕᒥᐅᓂᒃ ᓄᓇᓕᓐᓂᑦ ᖃᒥᓐᓂᖅᑕᖃᓛᕐᒪᑦ ᓄᓇᓖᑦ ᐃᓚᐃᓐᓇᖓᓂ ᓈᑦᑏᖑᔭᒥ, ᔫᓂ 24−ᒥ 6−ᒥᑦ ᐅᓪᓛᒥᑦ 10−ᒧᑦ ᐅᓪᓛᒧᑦ. ᐊᒃᑐᖅᑕᐅᓯᒪᔪᖅ ᓇᓗᓇᐃᕐᓯᒪᕗᑦ ᓄᓇᙳᐊᒥᑦ ᐊᑖᓂ.

ᑕᒪᓐᓇ ᖃᒥᙶᕐᓂᕆᔭᐅᔪᖅ ᑕᐃᒪᐃᑦᑕᕆᐊᖃᖅᐳᖅ ᐱᓕᕆᔪᖃᕐᓂᐊᕐᓂᖓᓄᑦ ᑲᒪᒋᔭᐅᓗᓂ ᓇᒧᙵᐅᕙᓪᓕᐊᑎᑕᐅᕙᖕᓂᖓᓂᒡᓗ ᐱᓕᕆᔪᖃᕐᒥᓗᓂ ᐱᐅᓯᒋᐊᖅᑎᑦᑎᔪᒪᓂᕐᒧᑦ ᐊᑐᖅᑕᐅᑦᑎᐊᕈᓐᓇᕐᓂᕆᔭᖓᓂᒃ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖁᔭᓕᔪᒪᔪᑦ ᓴᓂᑭᓗᐊᒥᐅᓂᒃ ᑐᑭᓯᔪᓐᓇᕐᒪᑕ, ᒪᒥᐊᑉᐳᓪᓗ ᖃᓄᑐᐃᓐᓇᖅ ᓈᒻᒪᙱᓪᓕᐅᖅᑎᑦᑎᓐᓂᖅᐸᑕ ᖃᒥᙵᖅᑎᑦᑎᑎᓪᓗᒋᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕇᓂ ᐳᓯᐊᐃᕐ
ᐊᐅᓚᑦᑎᔨᐅᓚᐅᑲᒃᑐᖅ, ᐊᖓᔪᖅᑲᐅᑎᓄᑦ ᑐᓴᐅᒪᖃᑦᑕᐅᑎᓕᕆᔨ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ
(867) 979-7524
rboucher@qec.nu.ca

ᐊᐱᕆᔾᔪᑕᐅᔪᖅ ᖁᓪᓕᖅ ᐆᒻᒪᖅᑯᑎᓕᕆᔨᖏᑕ ᑎᒥᖁᑖᓄᑦ ᑲᑎᒪᔨᐅᓇᔭᖅᑐᓄᑦ

Submitted by sglaeske on Tue, 06/19/2018 - 09:43

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐱᖃᑦᑕᕈᓐᓇᖅᐳᖅ ᐱᓇᔫᑎᒋᔭᐅᔪᓂᒃ ᐃᓄᖕᓂᑦ ᐱᔨᑦᑎᕋᕈᒪᓇᔭᖅᑐᓂᒃ ᑎᒥᖁᑎᒋᔭᐅᔫᑉ ᑲᑎᒪᔨᖏᓐᓂ ᐊᕐᕌᒍᓄᑦ ᐱᖓᓱᓄᑦ. ᓄᓇᕗᒻᒥᐅᑦ ᑎᓕᐅᖅᑕᐅᒻᒪᕆᒃᐳᑦ ᑕᒪᑐᒧᖓ ᐱᓇᔪᖁᔭᐅᓪᓗᑎᒃ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐅᑭᐅᖅᑕᖅᑐᒥ ᑎᒥᖁᑎᒋᔭᐅᕗᖅ ᓄᓇᕗᑦ ᒐᕙᒪᒃᑯᖏᓐᓂᑦ. ᑖᓐᓇ ᑎᒥᖁᑎᒋᔭᐅᔪᖅ ᑲᒪᒋᔭᒃᓴᖃᖅᐳᖅ ᓴᓇᕙᓪᓕᐊᕙᖕᓂᕐᒥᒃ ᐆᒻᒪᖅᑯᑎᒋᔭᐅᓂᐊᖅᑐᒥᒃ ᑐᓂᐅᖅᑲᐃᕙᓪᓕᐊᕙᖕᓂᕐᒥᒡᓗ ᐆᒻᒪᖅᑯᒻᒥᒃ ᑕᒫᓂ ᐅᑭᐅᖅᑕᖅᑐᒥ ᐊᕕᒃᓯᒪᓂᕐᒥ.

ᐱᓇᔪᒃᑐᑦ ᐊᐱᕆᔭᐅᕗᑦ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ ᓇᒃᓯᐅᔾᔨᖁᔭᐅᓪᓗᑎᒃ ᖄᒥᒃ ᑎᑎᖅᑲᒥᒃ ᖃᓄᐃᓕᐅᖃᑦᑕᖅᓯᒪᔭᒥᓂᒡᓗ ᐆᒧᖓ, ᓯᐊᓕ ᒪᒃᓚᐅᑦ ᐅᕙᓂ, smcleod@qec.nu.ca ᔫᓚᐃ 13, 2018 ᑎᑭᓚᐅᙱᓐᓂᖓᓂ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕇᓂ ᐳᓯᐊᐃ
ᐊᐅᓚᑦᑎᔨ, ᐊᖓᔪᖅᑲᐅᑎᓄᑦ ᑐᓴᐅᒪᖃᑦᑕᐅᑎᓕᕆᔨ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ
(867) 979-7524

ᐊᐅᓚᑦᓯᔨᐅᑉ ᐃᑲᔪᖅᑎᖓ

Submitted by bukpatiku on Fri, 06/15/2018 - 17:00

ᐊᖓᔪᖅᑳᖃᕐᓗᓂ ᐊᐅᓚᑦᓯᔩᑦ ᐊᖓᔪᖅᑳᖓᓂᑦ, ᐃᑲᔪᕐᓂᐊᖅᑐᑎᑦ ᐱᓕᕆᔩᑦ ᑲᒪᔨᒻᒪᕆᖓᓂᑦ ᐱᓕᕆᐊᖃᕐᓂᕐᒥᑦ ᐊᑦᑕᕐᓇᖏᑦᑐᒥᑦ ᐆᒻᒪᖅᑯᑎᖃᐃᓐᓇᑎᑦᓯᓂᕐᒥᑦ ᑐᓂᐅᖅᑲᐃᓂᕐᒥᓪᓗ, ᐊᒻᒪ ᐊᑕᖏᖅᑎᑦᓯᓂᕐᒥᑦ ᓴᓇᔭᐅᓂᖏᓐᓂᑦ ᐋᖅᑭᒪᐃᓐᓇᕈᑎᓄᑦ ᐱᔭᕆᐊᓕᓐᓂᑦ ᐃᓘᓐᓇᖏᓐᓂᑦ ᐊᐅᓚᐅᑏᑦ ᐆᒻᒪᖅᑯᑏᓪᓗ ᐱᖁᑎᖏᑦ ᐊᐅᓚᑦᓯᕕᖓᓂᑦ. ᐊᐅᓚᑦᓯᔨᐅᑉ ᐃᑲᔪᖅᑎᖓ, ᓂᕆᐅᒋᔭᐅᓂᐊᖅᑐᑎᑦ ᐊᐅᓚᑦᓯᓂᕐᒥᑦ ᖃᐅᔨᓴᕐᓂᕐᒥᓪᓗ ᐃᒐᓯᐅᑎᐅᑉ ᐆᒻᒪᖁᑎᖃᕐᕕᖓᓂᑦ ᐊᑦᑐᐊᓂᓕᓐᓄᓪᓗ ᐊᑐᖅᑕᐅᖃᑦᑕᖅᑐᓄᑦ ᐊᑐᐃᓐᓇᐅᑎᑦᓯᓂᕐᒥᑦ ᐊᑦᑕᕐᓇᖏᑦᑐᒥᑦ, ᑕᑎᒋᔭᐅᔪᒥᑦ ᐊᑭᑐᓗᐊᖏᑦᑐᒥᓪᓗ ᐆᒻᒪᖅᑯᑎᓂᑦ ᐱᔨᑦᓯᕋᕐᓂᕐᒥᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᐊᑭᓕᖅᑐᐃᔨᖏᓐᓄᑦ ᓄᓇᓕᓐᓂᑦ, ᐊᐅᓚᑦᓯᓂᕐᒥᓪᓗ ᐃᓇᖏᖅᓯᖃᑦᑕᓂᕐᒥᑦ ᐱᓕᕆᔩᑦ ᑲᒪᔨᒻᒪᕆᖓᓂᑦ ᐅᐸᑦᓯᒪᑎᓐᓇᒍ ᐱᔭᕆᐊᖃᕋᐃᑉᐸᓘᓐᓃᑦ.

ᐅᐊᔭᓕᕆᔨ

Submitted by bukpatiku on Fri, 06/15/2018 - 16:44

ᐱᔪᓐᓇᕈᕕᑦ ᐅᐊᔭᓕᕆᔨᐅᓗᑎᑦ ᖁᕕᐊᒋᔭᖃᕐᓗᑎᓗ ᓇᒻᒥᓂᖅ ᑲᒪᒍᓐᓇᕐᓗᑎᑦ ᐊᒻᒪᓗ ᐱᓕᕆᖃᑎᖃᕐᓗᑎᑦ, ᐊᐅᓚᑦᑎᒍᓐᓇᕐᓗᑎᑦ ᓇᒻᒥᓂᖅ ᐱᕇᕈᓐᓇᕐᓗᒋᑦ ᓯᕗᓪᓕᖅᐸᐅᑎᔭᕆᐊᓖᑦ ᐆᒻᒪᖅᑯᑎᓕᕆᓂᕐᒥᑦ, ᐊᒻᒪᓗ ᐱᓕᕆᐊᓂᑦ ᒪᓕᒍᓐᓇᕐᓗᑎᑦ ᐃᓱᓕᑦᑕᕐᕕᖏᑦ ᒪᓕᓪᓗᒋᑦ ᐊᒻᒪᓗ ᑮᓇᐅᔭᖅᑐᔅᓴᓕᕆᔪᓐᓇᕐᓗᑎᑦ, ᐊᑏ ᐅᖃᖃᑎᒌᓚᐅᕐᓗ. ᐊᖏᔪᖅᑳᖃᕋᔭᖅᑐᖅ ᑲᒪᒋᔭᕆᐊᓕᓄᑦ ᐊᖏᔪᖅᑳᕐᒥᑦ, ᐋᖅᑭᔅᓱᐃᖃᑦᑕᕋᔭᖅᑐᑎᑦ, ᑲᒪᒋᖃᑦᑕᕐᓗᒋᑦ ᓴᓇᖃᑦᑕᕐᓗᒋᓪᓗ ᐆᒻᒪᖅᑯᑎᓕᕆᓂᕐᒧᑦ ᐅᐊᔭᐃᑦ, ᓇᓂᖃᑦᑕᕐᓗᒋᑦ ᐋᖅᑭᔅᓯᕕᒋᓗᒋᓪᓗᓄᑖᕐᓂᑦ ᐊᒻᒪᓗ ᖃᐅᓴᐅᑎᓂᑦ ᐆᒻᒪᖅᑯᑎᑐᖅᑐᓄᑦ ᐅᖃᓕᒫᖃᑦᑕᕐᓗᒋᑦ, ᖃᖓᓕᒫᕐᓗ ᐊᑦᑕᓇᖅᑕᐃᓕᒪᔪᓕᕇᓐᓇᕐᓗᑎᑦ, ᐅᐊᔭᓂᑦ ᓯᖏᓂᓪᓗ ᓇᓗᓇᐃᒃᑯᑎᖏᓐᓂ ᖃᐅᔨᒪᓗᑎᑦ ᒪᓕᒐᖏᓐᓂᓪᓗ, ᐊᒻᒪᓗ ᑎᒥᐅᔪᑦ ᐱᖁᔭᖏᓐᓂ ᐊᑐᐊᒐᖏᓐᓂᓪᓗ.

ᐱᕙᒌᔭᖅᑕᐅᒪᔪᖅ ᖃᒥᓐᓂᐅᓂᐊᖅᑐᖅ ᐃᒃᐱᐊᕐᔪᖕᒥ

Submitted by sglaeske on Thu, 06/14/2018 - 14:59

ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ (QEC−ᑯᑦ) ᖃᐅᔨᒃᑲᐃᒍᒪᔪᑦ ᐃᒃᐱᐊᕐᔪᖕᒥᐅᓂᒃ ᓄᓇᓕᓐᓂᑦ ᖃᒥᓐᓂᖅᑕᖃᓛᕐᒪᑦ ᓄᓇᓖᑦ ᐃᓚᐃᓐᓇᖓᓂ ᓈᑦᑏᖑᔭᒥ, ᔫᓂ 17−ᒥ 6−ᒥᑦ ᐅᓪᓛᒥᑦ 9−ᒧᑦ ᐅᓪᓛᒧᑦ. ᐊᒃᑐᖅᑕᐅᓯᒪᔪᖅ ᓇᓗᓇᐃᕐᓯᒪᕗᑦ ᓄᓇᙳᐊᒥᑦ ᐊᑖᓂ.

###

ᐱᕙᒌᔭᖅᑕᐅᒪᔪᖅ ᖃᒥᓐᓂᐅᓂᐊᖅᑐᖅ ᐃᒡᓗᓕᖕᒥ

Submitted by sglaeske on Wed, 06/13/2018 - 15:49

ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ (QEC−ᑯᑦ) ᖃᐅᔨᒃᑲᐃᒍᒪᔪᑦ ᐃᒡᓗᓕᖕᒥᐅᓂᒃ ᓄᓇᓕᓐᓂᑦ ᖃᒥᓐᓂᖅᑕᖃᓛᕐᒪᑦ ᓄᓇᓖᑦ ᐃᓚᐃᓐᓇᖓᓂ ᓈᑦᑏᖑᔭᒥ, ᔫᓂ 17−ᒥ 6−ᒥᑦ ᐅᓪᓛᒥᑦ 9−ᒧᑦ ᐅᓪᓛᒧᑦ. ᐊᒃᑐᖅᑕᐅᓯᒪᔪᖅ ᓇᓗᓇᐃᕐᓯᒪᕗᑦ ᓄᓇᙳᐊᒥᑦ ᐊᑖᓂ.

###

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖃᐅᔨᒃᑲᐃᒍᒪᔪᑦ ᑲᑎᒪᔩᑦ ᐊᓯᔾᔨᕐᓂᖏᓐᓂ

Submitted by sglaeske on Mon, 06/04/2018 - 14:41

ᐃᖃᓗᐃᑦ, ᓄᓇᕗᑦ (ᔪᓂ 6, 2018) – ᒥᓂᔅᑕ ᑲᒪᔪᖅ ᖁᓪᓕᒃᑯᓐᓂ ᐆᒻᒪᖅᑯᑎᓕᕆᔨᒃᑯᓐᓂ ᖃᐅᔨᒃᑲᐃᒍᒪᕗᖅ ᐅᓪᓗᒥ ᑲᑎᒪᔩᑦ ᑎᓕᔭᐅᓂᖏᓐᓂ ᐴᑦ ᕉᔅᒥᑦ ᐃᔅᓯᕙᐅᑕᐅᓗᓂ ᐊᒻᒪᓗ ᓯᒥᐅᓂ ᐊᑉᐸᓕᐊᓗᒻᒥᑦ ᐃᔅᓯᕙᐅᑕᐅᑉ ᑐᖏᓕᕆᓪᓗᓂᐅᒃ. ᑖᒃᑯᐊ ᑎᓕᔭᑦ ᐱᒋᐊᕐᓂᐊᖅᑐᑦ ᒪᐃ 3−ᒥ, 2018 ᐊᒻᒪᓗ ᐃᓕᓯᒪᐃᓐᓇᕐᓂᐊᖅᑐᑎᒃ ᒪᐃᕈᕋᓱᓐᓂᖓᓐᓂ 9−ᒥ, 2019.

“ᖁᔭᓐᓇᒦᕈᒪᕚᒃᑲ ᕉᔅᑯᒃ ᐊᑉᐸᓕᐊᓗᒃᑯᑦ ᐃᑲᔪᕈᓐᓇᕐᓂᐊᕐᓂᖏᓐᓂ ᖁᓪᓕᑯᓐᓂ ᑲᑎᒪᔨᖏᓐᓂ ᓯᕗᒃᑲᖅᑕᐃᓂᐊᖅᑐᑎᒃ ᐱᓕᕆᐊᖏᓐᓂ,” ᐅᖃᖅᑐᖅ ᒥᓂᔅᑕ ᔩᓂ ᐃᕼᐊᓗᐊᒃ, ᑲᒪᔪᖅ ᖁᓪᓕᑯᓐᓂ, “ᐅᑉᐱᕈᓱᑉᐳᖓ ᓄᑖᑦ ᑎᒃᑯᐊᖅᑕᐅᔪᑦ ᑲᔪᓯᑎᑦᑎᑦᑎᐊᕐᓂᐊᕐᖓᑕ ᖁᓪᓕᒃᑯᑦ ᐸᕐᓇᐅᑎᖏᓐᓂ ᑕᑯᓐᓇᖅᑕᖏᓐᓂᓪᓗ ᑎᒥᐅᔫᑉ.”

ᒥᓂᔅᑕ ᐊᖏᖅᓯᕗᖅ ᐆᒻᒪᖅᑯᒻᒧᑦ ᐊᑭᓕᖅᓱᒐᒃᓴᒥᒃ ᐅᓄᖅᓯᒋᐊᖅᓯᔪᒪᓂᖓᑦ ᖁᓪᓕᖅ ᐆᒻᒪᖅᑯᑎᓕᕆᔨᖏᑕ ᑎᒥᖁᑖᑕ

Submitted by sglaeske on Mon, 06/04/2018 - 11:03

ᐃᖃᓗᐃᑦ, ᓄᓇᕗᑦ (ᔫᓂ 1, 2018) – ᒥᓂᔅᑕ ᑲᒪᒋᔭᒃᓴᖃᖅᑎᑕᐅᔪᖅ ᖁᓪᓕᖅ ᐆᒻᒪᖅᑯᑎᓕᕆᔨᖏᑕ ᑎᒥᖁᑖᓄᑦ (QEC−ᑯᓐᓄᑦ) ᐊᖏᖅᓯᓯᒪᕗᖅ 6.6%−ᒥᒃ ᐅᓄᖅᓯᒋᐊᖅᓯᓇᔭᕐᓂᕐᒥᒃ ᓄᓇᕗᒻᒥᐅᑦ ᐆᒻᒪᖅᑯᑎᒧᑦ ᐊᑭᓕᖅᓱᕆᐊᖃᖅᐸᒃᑕᖏᓐᓂᒃ. ᑕᒪᓐᓇ ᐅᓄᖅᓯᒋᐊᖅᓯᓂᕆᔭᐅᔪᖅ ᐊᑐᖅᑕᐅᓛᖅᐳᖅ ᐊᑐᖅᑏᑦ ᐊᑭᓕᖅᓱᒐᒃᓴᕆᕙᒃᑕᖏᓐᓄᑦ ᐊᕐᕌᒎᖕᓄᑦ ᒪᕐᕉᖕᓄᑦ. ᓯᕗᓪᓕᖅᐅᓄᖅᓯᒋᐊᖅᑕᐅᓂᖓ ᒪᐃ 1, 2018-ᒧᑦ ᐱᒋᐊᕐᕕᖃᖅᑎᑕᐅᓂᐊᖅᐳᖅ, ᐊᐃᑉᐸᖓᓗ ᐅᓄᓯᒋᐊᖅᓯᓂᖓ ᐊᑐᓕᖅᑎᑕᐅᓗᓂ ᐄᐳᕈ 1, 2019−ᒥ.

ᑭᓯᐊᓂ, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᑐᑦᓯᕋᐅᑎᖓ ᓅᑦᑎᑦᓯᓂᕐᒥᑦ ᒫᓐᓇᐅᔪᖅ ᐊᑭᖏᑦᑕ ᐋᖅᑭᑦᓯᒪᓂᖏᓐᓂᑦ ᓄᓇᕘᓕᒫᒧᑦ ᐊᑭᖏᑦᑕ ᐋᖅᑭᑦᓯᒪᓂᖏᓐᓂᑦ ᐊᖏᖅᑕᐅᓯᒪᖏᑦᑐᖅ.

ᐊᖅᑯᑎᐅᑉ ᐃᑯᒪᖏᓐᓄᑦ ᐊᑮᑦ 2019-04-1

Subscribe to