ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖃᐅᔨᒃᑲᐃᔪᒪᕗᑦ ᐃᒃᐱᐊᕐᔪᖕᒥᐅᓂᒃ ᓄᓇᓕᖕᓂᒃ ᖃᒥᓛᕐᓂᖏᓐᓂᒃ, ᓈᑦᑏᖑᔭᒥ ᔪᓚᐃ 22−ᒥ 8−ᒥᑦ ᐅᓪᓛᒥᑦ 12−ᒧᐊᖅᓴᓂᖓᓄᑦ ᐅᓪᓗᒧᑦ.

ᓯᕗᓪᓕᖅᐹᖅ ᐱᕙᒌᔮᖅᑕᐅᓯᒪᔪᖅ ᖃᒥᙵᓛᕐᓂᖅ ᐊᒃᑐᖅᓯᓂᐊᖅᐳᖅ ᐃᓚᖓᓂᒃ ᓄᓇᓕᖕᓂᒃ 8−ᒥᑦ ᐅᓪᓛᒥᑦ 10−ᒧᑦ ᑕᕝᕙᓂᑦᑕᐃᓐᓇᖅ ᐅᓪᓛᒧᑦ. (ᓇᓗᓇᐃᔭᖅᓯᒪᕗᖅ ᖁᖅᓱᖅᑐᒥᒃ ᐃᓚᓕᐅᔾᔭᐅᓯᒪᔪᒥ ᓄᓇᙳᐊᒥ ᐋᑖᓂ).

ᐊᐃᑉᐸᖓ ᐱᕙᒌᔮᖅᑕᐅᓯᒪᔪᖅ ᖃᒥᙵᓛᕐᓂᖅ ᐊᒃᑐᖅᓯᓂᐊᖅᐳᖅ ᐃᓚᖓᓂᒃ ᓄᓇᓕᖕᓂᒃ 10−ᒥᑦ ᐅᓪᓛᒥᑦ 12−ᒧᑦ ᑕᕝᕙᓂᑦᑕᐃᓐᓇᖅ ᐅᓪᓛᒧᑦ. (ᓇᓗᓇᐃᔭᖅᓯᒪᕗᖅ ᖁᖅᓱᖅᑐᒥᒃ ᐃᓚᓕᐅᔾᔭᐅᓯᒪᔪᒥ ᓄᓇᙳᐊᒥ ᐋᑖᓂ).

ᑕᒪᓐᓇ ᖃᒥᙶᕐᓂᕆᔭᐅᔪᖅ ᑕᐃᒪᐃᑦᑕᕆᐊᖃᖅᐳᖅ ᐱᓕᕆᔪᖃᕐᓂᐊᕐᓂᖓᓄᑦ ᑲᒪᒋᔭᐅᓗᓂ ᓇᒧᙵᐅᕙᓪᓕᐊᑎᑕᐅᕙᖕᓂᖓᓂᒡᓗ ᐱᓕᕆᔪᖃᕐᒥᓗᓂ ᐱᐅᓯᒋᐊᖅᑎᑦᑎᔪᒪᓂᕐᒧᑦ ᐊᑐᖅᑕᐅᑦᑎᐊᕈᓐᓇᕐᓂᕆᔭᖓᓂᒃ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖃᐅᔨᒃᑲᐃᔪᒪᕗᑦ ᐃᖃᓗᖕᒥᐅᓂᒃ ᓄᓇᓕᖕᓂᑦ ᖃᒥᓛᕐᓂᖏᓐᓂᒃ ᐃᓚᐃᓐᓇᖏᑦ ᓈᑦᑏᖑᔭᒥ, ᔪᓚᐃ 22−ᒥ 6−ᒥᑦ 10−ᒧᐊᖅᓴᓂᖓᓄᑦ ᐅᓪᓛᒃᑯᑦ. ᖃᒥᓐᓂᐊᖅᑐᑦ ᓇᓗᓇᐃᖅᓯᒪᕗᑦ ᓄᓇᙳᐊᒥ ᐊᑖᓂ.

ᖃᒥᙶᖅᑎᑕᐅᔭᕆᐊᖃᕐᒪᑕ ᓴᓇᔭᐅᒃᑲᓐᓂᕆᐊᖃᕐᓂᖏᓐᓄᑦ ᐋᖅᑭᒃᓱᖅᑕᐅᑦᐊᑎᕐᓗᑎᒡᓗ ᐆᒻᒪᖅᑯᑎᑐᕈᓰᑦ ᑕᑎᒋᔭᐅᑦᑎᐊᕐᓂᖅᓴᐅᔪᓐᓇᖁᓪᓗᒋᑦ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖁᔭᓕᔪᒪᔪᑦ ᐃᖃᓗᖕᒥᐅᓂᒃ ᑐᑭᓯᔪᓐᓇᕐᒪᑕ, ᒪᒥᐊᑉᐳᓪᓗ ᖃᓄᑐᐃᓐᓇᖅ ᓈᒻᒪᙱᓪᓕᐅᖅᑎᑦᑎᓐᓂᖅᐸᑕ ᖃᒥᙵᖅᑎᑦᑎᑎᓪᓗᒋᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕈᓃ ᐳᓯᐊᐃ
ᐊᐅᓚᑦᑎᔨᐅᓚᐅᑲᒃᑐᖅ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑐᓴᐅᒪᔪᓕᕆᔨᒃᑯᖏᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ
(867) 979-7524
rboucher@qec.nu.ca

ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖃᐅᔨᒃᑲᐃᒍᒪᔪᑦ ᑭᙵᖕᒥᐅᓂᑦ ᖃᒥᙶᓛᖕᒪᑕ ᓯᕙᑖᕐᕕᖕᒥ, ᔪᓚᐃ 21−ᒥ 6−ᒥᑦ ᐅᓪᓛᒥᑦ 9−ᒧᑦ ᐅᓪᓛᒧᑦ, ᓴᓇᑦᑕᐃᓕᒥᓗ ᔪᓚᐃ 22−ᒥ 6-ᒥᑦ ᐅᓪᓛᒥᑦ 9-ᒧᑦ ᐅᓪᓛᒧᑦ. ᖃᒥᓐᓂᐅᓛᖅᑐᖅ ᓯᕙᑖᕐᕕᖕᒥᑦ, ᔪᓚᐃ 21−ᒥᑦ ᐅᓪᓛᒃᑯᑦ 6−ᒥᑦ 9−ᒧᑦ ᐃᓚᐃᓐᓇᖓᓂᐅᓛᖅᐳᖅ ᓄᓇᓕᖕᓂᑦ (ᑎᑎᕐᓯᒪᔪᖅ ᐊᐅᐸᖅᑐᒥᑦ ᓄᓇᙳᐊᒥᑦ ᐅᓇᓂᑦ).

ᖃᒥᓐᓂᐅᓛᖅᑐᖅ ᓴᓇᑦᑕᐃᓕᒥᑦ, ᔪᓚᐃ 22−ᒥᑦ ᐅᓪᓛᒃᑯᑦ 6−ᒥᑦ 7−ᒧᑦ ᓄᓇᓕᓕᒫᓅᖓᓛᖅᑐᑦ. ᐊᐃᑉᐸᒃᑲᓐᓂᐊᓂ ᖃᒥᓐᓂᐅᓛᖅᑐᖅ ᐅᓪᓛᒥᑦ 7−ᒥᑦ 9−ᒧᑦ ᐃᓚᐃᓐᓇᖓᓂᐅᓛᖅᐳᖅ (ᑎᑎᕐᓯᒪᔪᖅ ᑐᖑᔪᖅᑐᒥᑦ ᓄᓇᙳᐊᒥᑦ ᐅᓇᓂ.)

ᑕᒪᓐᓇ ᖃᒥᙶᕐᓂᕆᔭᐅᔪᖅ ᑕᐃᒪᐃᑦᑕᕆᐊᖃᖅᐳᖅ ᐱᓕᕆᔪᖃᕐᓂᐊᕐᓂᖓᓄᑦ ᑲᒪᒋᔭᐅᓗᓂ ᓇᒧᙵᐅᕙᓪᓕᐊᑎᑕᐅᕙᖕᓂᖓᓂᒡᓗ ᐱᓕᕆᔪᖃᕐᒥᓗᓂ ᐱᐅᓯᒋᐊᖅᑎᑦᑎᔪᒪᓂᕐᒧᑦ ᐊᑐᖅᑕᐅᑦᑎᐊᕈᓐᓇᕐᓂᕆᔭᖓᓂᒃ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᑐᓴᖅᑎᑦᑎᔪᒪᕗᑦ ᓄᓇᕗᒻᒥᐅᓄ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᓄᑖᖑᕆᐊᑎᑦᑎᓂᐊᕐᒪᑕ ᐋᕿᐅᒪᑎᑦᑎᓂᖅ ᐱᒋᖅᐸᓪᓕᐊᑎᓪᓗᒋᑦ.

ᓂᐅᕕᖅᐸᒃᑐᑦ ᑐᓴᐅᒪᑎᑕᐅᓂᐊᖅᑐᑦ ᐱᒋᐊᓚᖏᑎᓪᓗᒋᑦ ᐅᒻᒪᖁᑏᑦ ᖃᒥᑕᐅᓂᐊᖅᑎᓪᓗᒋᑦ ᓈᓚᐅᑎᒃᑯᑦ, ᐃᑭᐊᕿᕕᒃᑯᑦ, ᐃᖐᓐᓇᒃᑯᓪᓗ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᓄᑖᖑᕆᐊᖅᑎᑦᑎᓲᖑᕗᑦ ᓱᕋᒃᓯᒪᓂᑯᓂ ᓇᑉᐸᖁᑎᓂᒃ ᐱᐅᓯᕙᓪᓕᖅᑎᑦᑎᓗᑎᓗ ᐱᓕᕆᓂᕐᒧᑦ ᐋᖅᑭᐅᒪᑎᑦᑎᓂᖅ ᐅᐊᔭᓕᕆᓂᕐᓗ ᓯᓚ ᓂᒡᓚᓱᓗᐊᕈᓐᓃᕋᖓᑦ. ᑖᓐᓇ ᐱᓕᕆᐊᕆᔭᐅᔪᖅ ᓇᓗᓇᐃᖅᓯᕙᒃᐳᖅ ᓂᐅᕕᖅᐸᒃᑐᓄᑦ ᐊᑦᑕᕐᓇᖅᑐᒦᑎᑕᐃᓕᓪᓗᑎᒍᑦ ᐆᒻᒪᖁᑎᖃᑦᑎᐊᖅᑎᑦᑎᔪᒪᓪᓗᑕᓗ. ᐱᒋᐊᖃᑦᑕᖅᑕᕗᑦ ᐋᕿᐅᒪᑎᑕᐅᓯᒪᔪᑦ ᐱᖁᔭᒃᓴᐅᑉ ᐅᐃᒍᖓ ᐋᕿᐅᒪᑎᑦᑎᓂᖅ ᐱᓕᕆᐊᕆᖃᑦᑕᕐᓂᐊᖅᑕᕗᑦ ᓴᓇᓐᓇᐅᔪᓐᓃᕋᖓᓪᓘᓐᓃᑦ.

ᖁᓪᓕᒃᑯᑦ ᖁᔭᓕᕗᑦ ᓄᓇᕗᒻᒥᐅᓂᑦ ᑐᑭᓯᐅᒪᑦᑎᐊᖕᓂᖏᓐᓄᑦ.

###