ᐱᓕᕆᐊᖑᓯᒪᔪᑦ
ᓇᐅᑦᑎᐅᒪᔪᑦ ᐊᑭᖏᑦ ᐱᔾᔪᑎᖃᖅᐳᑦ ᐊᑭᓕᒐᒃᓴᙳᖅᑎᑕᐅᔪᓂᒃ ᐊᑭᓕᖅᓱᐃᔨᓄᑦ ᓇᖕᒥᓂᖅ ᐆᒻᒪᖅᑯᑎᓕᐅᓲᓄᑦ ᑭᓯᐊᓂ ᑕᑎᖃᖅᑐᑦ ᐆᒻᒪᖅᑯᑎᑐᕈᓯᕐᓂᒃ ᓇᓪᓕᐅᒃᑯᒫᒃᓴᓂᒃ ᓇᖕᒥᓂᖅ ᐊᐅᓚᔪᑦ ᐊᒥᒐᕌᖓᑕ. ᑖᒃᑯᐊ ᐊᑭᓕᖅᓱᐃᕙᒃᑐᑦ ᓂᕆᐅᒋᔭᐅᙱᑦᑐᑦ ᓅᑦᑐᓐᓇᕐᓗᑎᒃ ᐆᒻᒪᖅᑯᑎᐅᑉ ᓯᐊᒻᒪᒃᑎᕆᔾᔪᑎᖏᓐᓂᑦ ᑭᓯᐊᓂᓕ ᑐᙵᕕᖃᖔᕐᓗᑎᒃ ᑭᖑᓪᓕᖕᒥᑦ ᐃᓛᓐᓂᒃᑯᑦ ᐃᒻᒥᓂᒃ−ᐊᐅᓚᔪᓐᓇᐅᑎᖃᙱᑉᐸᑦ ᓯᓚ ᐱᔾᔪᑎᒋᓪᓗᒍ, ᐋᖅᑭᐅᒪᑎᑦᑎᓂᕐᒧᑦ ᑐᐊᕕᕐᓇᖅᑐᓄᓪᓘᓐᓃᑦ ᐋᖅᑭᒃᓱᐃᔾᔪᑎᒃᓴᓄᑦ.
ᑕᒪᓐᓇ ᐱᔭᕆᐊᖃᖅᐳᖅ ᐆᒻᒪᖅᑯᑎᒥᒃ ᑲᔪᓯᑎᑦᑎᓗᓂ ᐆᒻᒪᖅᑯᑎᖃᕐᕕᖕᒥᒃ ᓯᐊᒻᒪᒃᑎᕆᓂᕐᒧᓪᓗ ᐊᑐᖅᑕᐅᕙᒃᑐᒥᒃ ᐊᔪᙱᓪᓗᓂᓗ ᖃᓄᖅ ᐊᖏᑎᒋᓂᖓᓄᑦ ᐱᔭᐅᔭᕆᐊᖃᖅᐸᒃᑐᒧᑦ ᐊᖑᒻᒪᑎᔪᓐᓇᕐᓗᓂ ᐊᑐᖅᑕᐅᕙᒃᑑᑉ ᐊᖏᓛᕆᔭᖓᓄᑦ ᐊᑐᖅᑕᐅᕙᖕᓂᖓᓄᑦ, ᐃᓚᒋᔭᐅᓪᓗᑎᒃ ᑕᐃᒃᑯᐊ ᓇᐅᑦᑎᐅᒪᕙᒃᑐᑦ ᐊᑭᓕᖅᑐᐃᔨᑦ. ᑕᐃᒪᐃᓐᓂᖓᓄᑦ, ᓇᖕᒥᓂᖅ−ᐊᐅᓚᔪᓐᓇᐅᑎᓖᑦ ᐊᑐᖅᑏᑦ ᓴᖅᑭᑎᑦᑎᕗᑦ ᐊᑭᒥᒃ ᐆᒻᒪᖅᑯᑎᐅᑉ ᐊᑐᖅᐸᒃᑕᖓᓄᑦ ᐆᒻᒪᖅᑯᑎᐅᑉ ᐊᑐᕈᓐᓇᕐᓂᐊᕐᒪᒍ. ᑖᒃᑯᐊ ᐊᑭᓕᖅᓱᐃᕙᒃᑐᑦ ᐊᑭᓖᕙᒃᐳᑦ ᓇᐅᑦᑎᐅᒪᔪᓂᑦ ᐊᑭᓕᒐᒃᓴᓂᑦ ᐊᑐᕈᓐᓇᖁᓪᓗᒋᑦ ᐆᒻᒪᖅᑯᑎᓂᑦ−ᐊᑐᖅᑐᓂᑦ ᐊᑐᐃᓐᓇᐅᙱᑳᓪᓚᒃᐸᑕ, ᐋᖅᑭᐅᒪᑎᑕᐅᔭᕆᐊᖃᕋᓗᐊᕈᑎᒃ ᐸᐸᑕᐅᙱᒃᑲᓗᐊᖅᐸᑕᓘᓐᓃᑦ ᖃᒥᙶᖅᑎᓪᓗᒋᑦ, ᑕᐃᒫᒃ ᐱᔨᑦᑎᕋᐃᓐᓇᕐᓗᑎᒃ ᐱᔨᑦᑎᕋᖅᑕᐅᒐᔪᒃᑐᓂᑦ ᓇᖕᒥᓂᖅ−ᐊᐅᓚᔪᓐᓇᕐᓂᒃᑯᑦ.
ᐃᓱᒪᒋᓪᓗᒋᑦ ᕿᑐᕐᖏᐅᕈᑎᖏᑦ ᐆᒻᒪᖅᑯᑎᓕᕆᔨᒃᑯᑦ ᐊᑭᓕᖅᓱᐃᕙᒃᑐᖁᑎᖏᓐᓂᑦ ᓇᓪᓕᐅᒃᑯᒫᒐᒃᓴᖃᕐᓗᑎᒃ ᐆᒻᒪᖅᑯᑎᓕᕆᔨᒃᑯᓐᓂᑦ, ᐆᒻᒪᖅᑯᑎᓕᕆᔨᒃᑯᑦ ᐃᓱᒪᔪᑦ ᐱᒻᒪᕆᐅᓂᖓᓂ ᐊᑐᓕᖅᑎᑦᑎᓂᐊᕐᓗᑎᒃ ᓇᐅᑦᑎᐅᒪᔪᓂᑦ ᐱᔨᑦᑎᕋᕐᓂᕐᒧᑦ ᐊᑭᖏᓐᓂᑦ ᐅᑯᓄᖓ ᑎᑭᑕᐅᓇᓱᒃᑐᓄᑦ:
- ᐊᑭᓕᖅᓱᐃᔨᑦ ᑐᑭᓯᓇᖅᑐᒥᒃ ᑐᑭᓯᑎᓪᓗᒋᑦ ᐊᑭᖏᑦᑕ ᐋᖅᑭᒃᓯᒪᓂᖏᓐᓂᒃ ᐱᔨᑦᑎᕋᐅᑎᖏᓐᓄᑦ ᕿᓂᖅᐸᑕ ᓇᐅᑦᑎᐅᒪᔪᓂᒃ ᐱᔨᑦᑎᕋᖅᑎᓂᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ ᑐᓴᐅᒪᑦᑎᐊᕐᓗᑎᒃ ᐃᓱᒪᓕᐅᕆᔪᓐᓇᕐᓗᑎᒃ, ᐊᒻᒪ;
- ᐊᑭᑦᑐᕆᐊᖅᑎᑦᑎᑦᑕᐃᓕᓗᑎᑦ ᐊᓯᖏᓐᓄᑦ ᐊᑭᓕᖅᓱᐃᕙᒃᑐᓄᑦ ᐅᑎᖅᑎᑕᐅᙱᑐᐃᓐᓇᕆᐊᖃᕐᓗᑎᒃ ᐊᑭᓕᒫᖏᑦ ᐱᔨᑦᑎᕋᕐᓂᐊᕐᓗᒋᑦ ᐊᑭᓕᖅᓱᐃᕙᒃᑐᑦ.
ᑎᒥᐅᔪᖅ ᕿᒥᕐᕈᖃᑦᑕᖅᓯᒪᔪᑦ ᐱᑕᕐᑳᓂᒃᑐᓂᒃ ᓇᐅᑦᑎᐅᒪᔪᓄᑦ ᐊᑭᖏᓐᓄᑦ ᐊᑐᕋᓲᑎᓂᒃ ᐊᖏᔪᓄᑦ ᑲᓇᑕᒥ ᑲᑉᐳᔾᔭᖅᑐᒨᖅᑐᓄᑦ ᐆᒻᒪᖅᑯᑎᓄᑦ, ᑲᒪᒋᔭᐅᓗᑎᒃ ᐊᑭᖏᓐᓄᑦ ᐋᖅᑭᒃᓯᒪᓂᖏᑦ, ᐋᖅᑭᒃᓯᒪᓂᒃᓴᖏᑦ, ᐊᑐᕈᓐᓇᕐᓂᖏᓪᓗ ᐊᑭᓕᖅᓱᐃᔨᑐᖅᑎᓄᑦ. ᑐᙵᕕᒋᓪᓗᒍ ᑖᓐᓇ ᕿᒥᕐᕈᔭᐅᔪᖅ, ᑎᒥᐅᔪᖅ ᐋᖅᑭᒃᓯᓪᓗᓂ ᓇᐅᑦᑎᐅᒪᔪᓄᑦ ᐊᑭᖏᓐᓂ ᑐᒃᓯᕋᐅᑎᒥᒃ ᐃᓱᒪᒋᔭᐅᓂᐊᕐᓗᓂ ᐊᖏᖅᑕᐅᓗᓂᓗ ᒥᓂᔅᑕᒧᑦ ᑲᒪᒋᔭᓕᖕᒧᑦ ᖁᓪᓕᒃᑯᓐᓂ.
ᑐᑭᓯᒋᐊᒃᑲᓐᓂᕈᒪᒍᕕᑦ, ᕿᒥᕐᕈᓗᒍ ᐅᓇ ᑐᒃᓯᕋᐅᑎ ᓇᖕᒥᓂᖅ ᐊᐅᓚᑦᑎᔪᓐᓇᕐᓂᕐᒧᑦ ᐊᑭᓕᖅᓱᖅᑎᑦ ᓇᐅᑦᑎᐅᒪᓂᕐᒧᑦ ᐱᔨᑦᑎᕋᐅᑎᑦ ᐋᖅᑭᒃᓯᒪᓂᖏᑦ: