ᓯᕗᓕᖅᑎᐅᖃᑎᒌᑦ

ᓯᕗᓕᖅᑎᐅᖃᑎᒌᑦ ᖁᓕᖅ ᐆᒻᒪᖅᑯᑎᓕᕆᔨᒃᑯᓐᓂᑦ ᐃᓅᕗᐃᑦ ᐃᖅᑲᓇᐃᔭᒃᑲᒻᒪᕆᐅᓪᓗᑎᒃ ᖃᓄᐃᓕᐅᖅᓯᒪᓂᑯᑦ ᐱᓕᕆᓯᒪᓂᑰᓪᓗᑎᒡᓗ ᖃᐅᔨᒪᔪᒻᒪᕆᐅᓪᓗᑎᒡᓗ ᐊᔾᔨᒌᙱᑦᑑᑎᓂᑦ ᐱᓕᕆᐊᒃᓴᒻᒪᕆᖕᓂᑦ. ᐊᖏᖅᓯᒪᓂᖓᓄᑦ ᒥᓂᔅᑕ ᑲᒪᒋᔭᓕᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂᑦ, ᑲᑎᒪᔨᓂᑦ, ᐊᖓᔪᖅᑲᐅᑎᐅᔪᓂᒡᓗ ᑖᓐᓇ ᐆᒻᒪᖅᑯᑎᓕᕆᔨᒃᑯᑦ ᐱᖁᑎᖃᐅᑦᑎᐊᖅᐳᑦ ᓄᓇᕗᒻᒥᐅᓂᑦ ᐊᑦᑕᖕᓇᙱᑦᑐᓂᑦ ᓈᒻᒪᒃᑐᓂᒡᓗ ᐆᒻᒪᖅᑯᑎᖃᖅᑎᑕᐅᕗᑦ.

ᒥᓂᔅᑕᕗᑦ

ᒥᓂᔅᑕᐅᔪᖅ ᑲᒪᔨᐅᔪᖅ ᖁᓪᓕᖅ ᐃᑯᒻᒪᖁᑎᓕᕆᔨᒃᑯᑦ ᑎᒥᖁᑖᓄᑦ (QEC) ᐃᓚᒋᔭᐅᖃᑕᐅᔪᖅ ᒪᓕᒐᓕᐅᖅᑎᒃᑯᓐᓄᑦ (MLA) ᐊᒻᒪᓗ ᐃᓚᒋᔭᐅᖃᑕᐅᖕᒥᔪᖅ ᒪᓕᒐᓕᐅᕐᕕᖕᒥᑦ (ᑲᑎᒪᔪᓕᕆᔨᒃᑯᓐᓄᑦ) ᓄᓇᕗᑦ ᒐᕙᒪᒃᑯᖏᓐᓄᑦ. ᒪᓕᒐᓕᐅᑦᑏᑦ ᓂᕈᐊᖅᑕᐅᓲᖑᕗᑦ ᐃᓚᒋᔭᐅᔪᓄᑦ ᒪᓕᒐᓕᐅᖅᑎᒃᑯᓐᓄᑦ ᐱᓕᕆᔭᒥᖕᓂᒃ. ᐃᓚᒋᔭᐅᔪᑦ ᒪᓕᒐᓕᐅᖅᑎᒃᑯᓐᓂ ᑲᑎᖃᑦᑕᖅᐳᑦ ᓂᕈᐊᖅᑲᑕᐅᑎᓪᓗᒋᑦ ᒪᓕᒐᓕᐅᕐᕕᖕᒧᑦ. ᓂᕈᐊᖅᑕᔪᑦ ᐱᕕᖃᖅᑎᑕᐅᓗᑎᒃ ᐅᖃᓪᓚᒍᓐᓇᖅᑎᑕᐅᓗᑎᒃ ᒪᓕᒐᓕᐅᕐᕕᖕᒥᑦ ᐊᒻᒪ ᖃᐅᔨᒪᓇᖏᖢᑎᒃ ᑭᒃᑯᑦ ᓂᕈᐊᕐᒪᖔᑕ ᓂᕈᐊᓂᕐᒧᑦ ᑲᒪᒋᔭᐅᕗᑦ ᑭᖑᓪᓕᖅᐹᖅ ᓂᕈᐊᖅᑕᐅᕙᒃᑐᑦ.

ᑐᑭᓯᒋᐊᒃᑲᓂᕈᒪᒍᕕᑦ ᒥᓂᔅᑕᐅᔪᒧᑦ ᑲᒪᔨᐅᔪᒧᑦ ᖁᓪᓕᖅ ᐃᑯᒻᒪᖁᑎᓕᕆᔨᑯᑦ ᑯᐊᐳᕇᓴᒃᑯᓐᓄᑦ, ᐅᕗᖓ ᓇᕿᑦᑎᓗᑎᑦ.

ᑲᑎᒪᔩᑦ

ᑮᑦ ᐲᑕᓴᓐ
ᐃᒃᓯᕙᐅᑕᖅ

ᑮᑦ ᐲᑕᓴᓐ ᒥᓂᔅᑕᐅᓚᐅᖅᓯᒪᔪᖅ ᓄᓇᕗᑦ ᒐᕙᒪᖓᓂ ᒪᓕᒐᓕᐅᖅᑎᐅᖃᑕᐅᓪᓗᓂᓗ ᐃᖃᓗᒃᑑᑦᑎᐊᒥ ᑭᒡᒐᖅᑐᐃᓪᓗᓂ. ᑮᓇᐅᔭᓕᕆᔨᒃᑯᑦ, ᒪᓕᒐᓕᕆᔨᒃᑯᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓪᓗ ᐱᓕᕆᐊᒃᓴᖏᓐᓂᒃ ᑎᒍᒥᐊᖅᑎᐅᓚᐅᖅᑐᖅ ᐊᒻᒪᓗ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ ᒥᓂᔅᑕᐅᓪᓗᓂ. ᑮᑦ ᐲᑕᓴᓐ ᒪᐃᔭᐅᓚᐅᖅᓯᒪᔪᖅ ᐃᖃᓗᒃᑑᑦᑎᐊᒥ ᒪᕐᕈᐃᖅᓱᖅᖢᓂ, ᐊᔾᔨᒌᙱᑦᑐᓂᓪᓗ ᐃᖅᑲᓇᐃᔮᖃᖃᑦᑕᖅᓯᒪᓪᓗᓂ ᐊᓯᖏᓐᓂᒃ ᒐᕙᒪᒃᑯᓐᓂ ᐊᒻᒪ ᐃᒻᒥᒃᑰᖅᑐᓄᑦ ᑲᑎᒪᔨᐅᖃᑦᑕᖅᓯᒪᓪᓗᓂ. ᐱᓕᕆᖃᑦᑕᖅᓯᒪᓪᓚᕆᒃᑐᖅ ᒐᕙᒪᒃᑯᑦ ᐱᓕᕆᕝᕕᖏᓐᓂ ᓯᕗᓕᖅᑎᐅᓪᓗᓂ, ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᑦ ᑎᒥᖁᑎᖏᓐᓂᒃ, ᑲᑎᒪᔨᑦ ᐊᐅᓚᑦᑎᕝᕕᖏᓐᓂ ᐊᒻᒪ ᓄᓇᓕᖕᓂ ᐱᓕᕆᖃᑎᒌᓂᑦ. ᐃᖃᓗᒃᑑᑦᑎᐊᒥ ᐊᖏᕐᕋᖃᖅᑐᖅ.

ᐋᓐᓄᓘ ᓇᑲᓱᒃ
ᐃᒃᓯᕙᐅᑕᐅᑉ ᑐᒡᓕᐊ

ᐋᓐᓄᓘ ᓇᑲᓱᒃ ᑲᑎᒪᔨᐅᖃᑕᐅᖃᑦᑕᖅᓯᒪᔪᖅ, ᑲᑐᔾᔨᖃᑎᒌᓄᑦ ᐊᒻᒪ ᑲᑎᒪᔨᓄᑦ ᐅᑭᐅᒐᓴᖕᓄᑦ ᐸᖕᓂᖅᑑᒥ, ᕿᑭᖅᑖᓗᖕᒥ, ᓄᓇᕘᓕᒫᒥᓗ. ᒫᓐᓇ ᑲᑎᒪᑎᑦᑎᔨᐅᔪᖅ ᓄᓇᕗᑦ ᐸᕐᓇᐃᔨᖏᑕ ᑲᑎᒪᔨᖏᓐᓄᑦ, ᓄᓇᓕᖕᓂ ᑐᓴᐅᒪᑎᑦᑎᕙᒃᖢᓂ, ᐸᕐᓇᐃᕙᒃᖢᓂᓗ ᑲᑎᒪᓂᒃᓴᓂᒃ. ᐋᓐᓄᓘ ᓇᑲᓱᒃ ᐱᓕᕆᖃᑦᑕᖅᓯᒪᔪᖅ ᓄᓇᒥ ᐆᒪᔪᕐᓂᐊᖅᑎᐅᓪᓗᓂ ᐊᒻᒪ ᐃᖃᓗᓕᕆᔨᐅᓪᓗᓂ, ᓇᓄᓕᕆᔨᐅᓪᓗᓂ ᐊᒻᒪ ᑐᑭᓯᒋᐊᖅᑎᑦᑎᔨᒋᔭᐅᓪᓗᓂ. ᐃᓕᓐᓂᐊᕌᓂᒃᓯᒪᔪᖅ ᐊᕙᑎᑦᑎᓐᓂ ᑐᐊᕕᕐᓇᖅᑐᓄᑦ ᖃᓄᐃᓕᐅᕆᐊᖃᕐᓂᕐᒥᒃ, ᐱᖏᖕᓇᖅᑐᓕᕆᔨᓂᑦ ᐊᐅᓚᑦᑎᓂᕐᒧᑦ ᐃᓕᓐᓂᐊᖅᓯᒪᓪᓗᓂ, ᐊᔾᔨᒌᙱᑦᑐᓂᓪᓗ ᐃᓕᓐᓂᐊᒐᒃᓴᓂᑦ ᐸᓖᓯᒃᑯᑎᒍᑦ. ᐋᓐᓄᓘ ᐸᖕᓂᖅᑑᒥᐅᑕᐅᔪᖅ.

ᒫᑕ ᓕᓂᐅ

ᔮᓂ ᒪᐃᒃ ᒪᓕᒐᓕᐅᖅᑎᐅᓚᐅᖅᓯᒪᔪᖅ ᐸᖕᓂᖅᑑᒧᑦ ᐊᕐᕌᒍᓪᓗ 30 ᐅᖓᑖᓂ ᐱᓕᕆᖃᑦᑕᖅᓯᒪᓪᓗᓂ ᓇᖕᒥᓂᓕᖕᒥᑦ, ᒐᕙᒪᒃᑯᓐᓂ, ᐊᒻᒪ ᐊᐅᓚᑦᑎᔨᐅᓂᕐᒧᑦ ᐱᓕᕆᐊᒃᓴᓂᑦ ᓄᓇᕘᓕᒫᒥ. ᔮᓂ ᒪᐃᒃ ᐃᓚᒋᔭᐅᓪᓚᕆᓚᐅᖅᓯᒪᔪᖅ ᐃᓄᐃᑦ ᓄᓇᖓᓂ ᓂᕈᐊᖅᑎᓪᓗᒋᑦ ᐋᔩᖃᑎᒌᒃᑐᓂᑦ ᕿᑭᖅᑖᓘᑉ ᓂᒋᐊᓄᑦ ᓄᓇᓕᖏᓐᓂ ᓄᓇᕗᒻᒥ ᓄᓇᑖᓂᕐᒧᑦ ᐊᖏᖃᑎᒌᒃᑎᓪᓗᒋᑦ. ᐅᑭᐅᖅᑕᖅᑐᒥ ᖃᐅᒻᒪᖅᑯᑎᓕᕆᔨᒃᑯᓐᓂ ᐃᖅᑲᓇᐃᔭᖅᑎᐅᓚᐅᖅᓯᒪᓪᓗᓂ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ ᑲᑎᒪᔨᐅᓚᐅᖅᓯᒪᓪᓗᓂ, ᐊᒻᒪ ᖃᖓᑦᑎᐊᓵᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ ᒥᓂᔅᑕᕆᔭᐅᓚᐅᖅᖢᓂ, ᔮᓂ ᒪᐃᒃ ᑐᑭᓯᐅᒪᑦᑎᐊᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᐅᓚᓂᕆᔭᖓᓂᒃ ᐊᐅᓚᑦᑎᔾᔪᑎᖏᓐᓂᒡᓗ. ᒫᓐᓇ ᐊᖑᓇᓱᒃᑐᓕᕆᔨᒃᑯᓐᓄᑦ ᑲᑎᒪᔨᐅᔪᖅ ᐸᖕᓂᖅᑑᒥ. ᔮᓂ ᒪᐃᒃ ᐸᖕᓂᖅᑑᒥᐅᑕᐅᔪᖅ.

ᑭᓕᐅᕋᓐᔅ ᓯᓈᑦ

ᑭᓕᐅᕋᓐᔅ ᓯᓈᑦ ᐅᑭᐅᑦ 26 ᐅᖓᑖᓂ ᐅᑭᐅᖅᑕᖅᑐᒥ ᐱᓕᕆᖃᑦᑕᖅᓯᒪᓕᖅᑐᖅ. ᒫᓐᓇ ᐊᖓᔪᖅᑳᕆᔭᐅᔪᖅ ᐊᐅᓚᑦᑎᔨᒻᒪᕆᐅᓪᓗᓂᓗ ᓄᓇᕗᒻᒥ ᐃᒡᓗᓕᐅᖅᑎᑦ ᑮᓇᐅᔭᓕᐅᕋᓱᒃᑎᓂᑦ. ᐅᓄᖅᑐᓂᒃ ᐱᓕᕆᐊᒃᓴᖃᖅᖢᓂ ᓄᓇᕗᒻᒥ ᐃᒡᓗᓕᐅᖅᑎᒃᑯᓐᓂ ᐊᕐᕌᒍᒐᓴᖕᓂ, ᑲᔪᓯᑎᑦᑎᖃᑕᐅᖃᑦᑕᖅᓯᒪᔪᖅ ᑲᑐᔾᔨᖃᑎᒌᑦᑎᐊᖅᑐᓂᒃ ᓄᓇᕘᓕᒫᒥ ᑐᕌᒐᖃᓪᓗᐊᑕᖅᖢᑎᒃ ᐋᓐᓂᐊᖅᑐᓕᕆᓂᕐᒥᒃ ᐊᑦᑕᕐᓇᖅᑕᐃᓕᒪᑎᑦᑎᓂᕐᒥᓪᓗ ᐃᖅᑲᓇᐃᔭᖃᑎᖏᓐᓂᒃ ᐃᖅᑲᓇᐃᔭᖅᑎᖏᓐᓂᒡᓗ. ᓄᓇᓕᖕᓂ ᐃᓚᒋᐅᖃᑦᑕᖅᖢᓂ, ᑭᓕᐅᕋᓐᔅ ᐃᒃᓯᕙᐅᑕᒧᑦ ᑐᒡᓕᕆᔭᐅᕗᖅ ᐃᖃᓗᖕᓂ ᐃᓚᒋᔭᐅᓪᓗᓂ ᓇᔪᖅᑕᐅᔪᑦ ᐃᓅᖃᑎᒌᓄᑦ, ᐊᖓᔪᖅᑳᕆᔭᐅᓪᓗᓂ ᕿᑭᖅᑖᓗᖕᒥ ᓇᖕᒥᓂᖃᖅᑎᐅᔪᑦ ᑲᑎᒪᔨᖏᓐᓄᑦ, ᐊᒻᒪ ᐊᖓᔪᖅᑳᒧᑦ ᑐᒡᓕᕆᔭᐅᓪᓗᓂ ᐱᓕᕆᔪᓐᓇᑦᑎᐊᖅᑐᑦ ᑲᑎᒪᔨᖏᓐᓄᑦ ᓄᓇᕗᒻᒥ. ᐊᐅᐸᖅᑐᒥ ᓇᕿᑕᐅᓯᒪᔪᒥᒃ ᓇᓗᓇᐃᒃᑯᑕᖅᑖᖅᓯᒪᔪᖅ ᓴᓈᒧᑦ ᐃᓕᓴᕆᔭᐅᔾᔪᑎᑖᖅᖢᓂ (ᕿᔪᓕᕆᔨᐅᓂᕐᒧᑦ) ᓯᓚᑦᑐᖅᓴᕐᕕᖕᒥ Atlantic ᐅᐊᖕᓇᖓᓂ. ᑭᓕᐅᕋᓐᔅ ᓯᓈᑦ ᐃᖃᓗᖕᒥᐅᑕᐅᔪᖅ

ᓇᔭᑉ ᑳᓐ

ᓇᔭᑉ ᑳᓐ ᒫᓐᓇ ᑮᓇᐅᔭᓕᕆᔨᒻᒪᕆᐅᕗᖅ ᓄᓇᕗᒻᒥ ᓯᓚᑦᑐᖅᓴᕐᕕᖕᒧᑦ. ᐅᓄᖅᑐᓂᑦ ᐱᓕᕆᐊᖃᖃᑦᑕᖅᓯᒪᔪᖅ ᑮᓇᐅᔭᓕᕆᔨᐅᓪᓗᓂ ᐃᖅᑲᓇᐃᔭᕐᓂᓕᒫᖓᓂ, ᖃᖓᑦᑎᐊᖅ ᓄᓇᕗᒻᒥ ᐃᒡᓗᓕᕆᔨᒃᑯᓐᓃᓚᐅᖅᖢᓂ ᑮᓇᐅᔭᓕᕆᔨᒻᒪᕆᐅᓪᓗᓂ. ᓇᔭᑉ ᐃᓕᓴᕆᔭᐅᔾᔪᑎᖃᖅᑐᖅ ᐊᐅᓚᑦᑎᕕᖕᒥ ᑮᓇᐅᔭᓕᕆᒻᒪᕆᐅᓂᕐᒧᑦ ᐱᓕᕆᔪᓐᓇᑦᑎᐊᖅᖢᓂ ᖃᐅᔨᓴᖅᑕᐅᓯᒪᔪᑦ ᐱᕋᔭᖕᓂᒃᑯᑦ ᑮᓇᐅᔭᓕᕆᓂᕐᒥᒃ. ᖃᐅᔨᓴᖅᑐᓕᕆᓂᕐᒧᑦ ᐃᓕᑕᕆᔭᐅᔾᔪᑎᑖᖅᓯᒪᔪᖅ ᓈᓴᐅᓯᕆᓂᕐᒥᒃ ᐊᒻᒪ ᑮᓇᐅᔭᓕᕆᓂᕐᒥᒃ Peshawar ᓯᓚᑦᑐᖅᓴᕐᕕᒡᔪᐊᕐᒥ ᐊᒻᒪᓗ ᐱᔭᕇᕈᓯᐊᖃᖅᖢᓂ ᒐᕙᒪᒃᑯᓐᓂ ᐊᒡᓚᕝᕕᓕᕆᓂᕐᒧᑦ Flinders ᓯᓚᑦᑐᖅᓴᕐᕕᒡᔪᐊᕐᒥ. ᓇᔭᑉ ᑳᓐ ᐃᖃᓗᖕᒥᐅᑕᐅᔪᖅ.

ᔭᓂ ᒪᐃᒃ

ᔮᓂ ᒪᐃᒃ ᒪᓕᒐᓕᐅᖅᑎᐅᓚᐅᖅᓯᒪᔪᖅ ᐸᖕᓂᖅᑑᒧᑦ ᐊᕐᕌᒍᓪᓗ 30 ᐅᖓᑖᓂ ᐱᓕᕆᖃᑦᑕᖅᓯᒪᓪᓗᓂ ᓇᖕᒥᓂᓕᖕᒥᑦ, ᒐᕙᒪᒃᑯᓐᓂ, ᐊᒻᒪ ᐊᐅᓚᑦᑎᔨᐅᓂᕐᒧᑦ ᐱᓕᕆᐊᒃᓴᓂᑦ ᓄᓇᕘᓕᒫᒥ. ᔮᓂ ᒪᐃᒃ ᐃᓚᒋᔭᐅᓪᓚᕆᓚᐅᖅᓯᒪᔪᖅ ᐃᓄᐃᑦ ᓄᓇᖓᓂ ᓂᕈᐊᖅᑎᓪᓗᒋᑦ ᐋᔩᖃᑎᒌᒃᑐᓂᑦ ᕿᑭᖅᑖᓘᑉ ᓂᒋᐊᓄᑦ ᓄᓇᓕᖏᓐᓂ ᓄᓇᕗᒻᒥ ᓄᓇᑖᓂᕐᒧᑦ ᐊᖏᖃᑎᒌᒃᑎᓪᓗᒋᑦ. ᐅᑭᐅᖅᑕᖅᑐᒥ ᖃᐅᒻᒪᖅᑯᑎᓕᕆᔨᒃᑯᓐᓂ ᐃᖅᑲᓇᐃᔭᖅᑎᐅᓚᐅᖅᓯᒪᓪᓗᓂ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ ᑲᑎᒪᔨᐅᓚᐅᖅᓯᒪᓪᓗᓂ, ᐊᒻᒪ ᖃᖓᑦᑎᐊᓵᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ ᒥᓂᔅᑕᕆᔭᐅᓚᐅᖅᖢᓂ, ᔮᓂ ᒪᐃᒃ ᑐᑭᓯᐅᒪᑦᑎᐊᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᐅᓚᓂᕆᔭᖓᓂᒃ ᐊᐅᓚᑦᑎᔾᔪᑎᖏᓐᓂᒡᓗ. ᒫᓐᓇ ᐊᖑᓇᓱᒃᑐᓕᕆᔨᒃᑯᓐᓄᑦ ᑲᑎᒪᔨᐅᔪᖅ ᐸᖕᓂᖅᑑᒥ. ᔮᓂ ᒪᐃᒃ ᐸᖕᓂᖅᑑᒥᐅᑕᐅᔪᖅ.