ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᑎᒥᖁᑖ (QEC) ᐱᓕᕆᓪᓗᐊᑕᕐᓂᐊᖅᑐᑦ ᐃᑲᔪᖅᑐᐃᓂᕐᒧᑦ ᓄᓇᕗᒻᒥᐅᓂ ᐃᓚᐅᖃᑕᐅᓗᑎᒃ ᓄᓇᓕᖕᓄᑦ ᐱᓕᕆᐊᖑᔪᓂ ᐊᒻᒪ ᐃᑲᔪᕐᓗᓂ ᐱᓕᕆᐊᖑᕙᓪᓕᐊᔪᒪᔪᓂᑦ ᓴᙱᒃᑎᒋᐊᖅᑎᑦᑎᓂᕐᒧᑦ ᐱᓕᕆᖃᑎᒌᑦ ᓄᓇᕗᒻᒥᐅᓂᑦ. ᓄᓇᕗᒻᒥ ᐆᒻᒪᖅᑯᑎᖃᖅᑎᑦᑎᔨᑐᐊᙳᓪᓗᑕ, ᐊᐅᓚᑦᑎᔪᒪᓪᓗᑕ ᐃᓅᖃᑎᒌᖕᓄᑦ ᑲᒪᒋᔭᖃᑦᑎᐊᕐᓂᒃᑯᑦ, ᐊᒃᑐᐊᖃᑎᒌᒃᑎᑦᑎᓕᕐᓂᖅ ᓄᓇᓕᖕᓂᑦ, ᑮᓇᐅᔭᓕᐅᕋᓱᐊᙱᑦᑐᑦ ᑮᓇᐅᔭᑎᒍᑦ ᐊᒻᒪᓗ ᑐᓐᓂᖁᑕᐅᑐᐃᓐᓇᖅᓯᒪᔪᓂᑦ.
ᐃᑲᔫᑎ
ᐃᑲᔫᑎ ᐱᓕᕆᐊᖅ — ᐊᑦᑎᖅᑕᐅᓯᒪᔪᖅ ᐃᓄᒃᑎᑐᑦ ᐅᖃᐅᓯᕐᒥᑦ ᑐᑭᖃᖅᑐᖅ "ᐃᑲᔪᕈᒪᓂᖅ ᐃᑲᔪᖅᑕᐅᔭᕆᐊᖃᖅᑐᖃᖅᑎᓪᓗᒍ" — ᐊᑭᖃᙱᑦᑐᓂᑦ ᐆᒻᒪᖅᑯᑎᑐᓗᐊᙱᑦᑐᓂᑦ ᖃᐅᒻᒪᖅᑯᑎᓂᑦ ᐃᓐᓇᕐᓄᑦ ᐃᓐᓇᕐᓄᓪᓗ ᐅᑭᐅᓕᖕᓄᑦ 55 ᐅᖓᑖᓄᓪᓗ. ᑖᓐᓇ ᐱᓕᕆᐊᖑᔪᖅ ᐃᓚᒋᔭᐅᕗᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᑕ ᐱᓕᕆᐊᖃᓪᓚᕆᒍᒪᓂᕆᔭᖓᓄᑦ ᐅᔾᔨᕐᓇᖅᓯᑎᑦᑎᔪᒪᓪᓗᑎᒃ ᐆᒻᒪᖅᑯᒻᒥᒃ ᐅᖃᓕᒫᕈᓐᓇᑦᑎᐊᕐᓂᕐᒥᒃ ᐃᑲᔪᕐᓗᒋᓪᓗ ᐃᒡᓗᒥᐅᖃᑎᒌᑦ ᐊᑐᓗᐊᖅᑕᐃᓕᒪᓂᕐᒧᑦ ᐆᒻᒪᖅᑯᑎᒥᒃ ᑕᐃᒪᐃᓕᐅᕐᓂᕐᒥᓂᓗ ᐃᑲᔪᖅᑐᐃᓗᑎᒃ ᓄᓇᕗᒻᒥᐅᑦ ᐃᓐᓇᕈᖅᐸᓪᓕᐊᓂᕐᒧᑦ ᐃᒃᐱᒋᔭᖃᑦᑎᐊᕐᓗᑎᒃ ᖃᓄᐃᓕᐅᖅᑕᐅᕙᓪᓕᐊᔪᒪᔪᒥᒃ. ᐆᒻᒪᖅᑯᑎᑐᓗᐊᙱᑦᑐᓂᒃ ᐆᒻᒪᖅᑯᑎᑐᓗᐊᙱᑦᑐᓂᒃ ᑐᓂᐅᖅᑲᐃᔪᖃᖃᑦᑕᖅᐳᖅ ᓄᓇᓕᖕᓂ ᓄᓇᕘᓕᒫᒥ, ᑲᔪᓯᑎᑦᑎᓪᓗᑎᒃ ᒪᕐᕉᖕᓂᒃ ᑐᓴᐅᒪᖃᑎᒌᖕᓂᕐᒥᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄᑦ ᐃᓐᓇᕐᓄᓪᓗ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐱᒃᑯᒍᓱᒃᖢᑎᒃ ᐃᑲᔪᖅᑐᐃᕗᑦ ᑭᖑᕚᒃᓴᑦᑎᓐᓂ ᓯᕗᓕᖅᑎᒃᓴᓂᑦ ᓄᓇᕗᒻᒥ ᒪᕐᕉᖕᓂᒃ ᐊᕐᕌᒍᑕᒫᖅ ᐃᓕᓐᓂᐊᕈᑎᒃᓴᖅᑖᖅᑎᑦᑎᕙᒃᖢᑎᒃ:
• ᓘᕋ ᐅᓪᓗᕆᐊᖅ ᒎᑎᐊᐃ ᐃᓕᓐᓂᐊᕈᑎᒃᓴᓄᑦ ᐃᑲᔫᓯᐊᑦ ᐃᓕᓴᖅᓯᔾᔪᑕᐅᕗᖅ ᐃᓕᓐᓂᐊᑦᑎᐊᕐᓂᕐᒥᒃ ᐊᒻᒪ ᓄᓇᓕᖕᓂ ᐃᓚᐅᑎᑦᑎᓂᕐᒥᒃ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᖅᑎᓄᑦ.
• ᓄᐊ ᐸᓂᔪᒃ ᒪᒧᐊᕆᐅᓪ ᐃᓕᓐᓂᐊᕈᑎᒃᓴᓄᑦ ᐃᑲᔫᓯᐊᑦ ᐅᐱᒋᔭᖃᖅᐳᑦ ᐱᐅᓂᖅᐹᓂᒃ ᓴᓇᔪᓕᕆᓂᕐᒥᒃ ᐊᒻᒪ ᐃᖅᑲᐅᒪᔾᔪᑕᐅᓪᓗᓂ ᐱᒻᒪᕆᐅᔪᒥᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᑕ ᐃᖅᑲᓇᐃᔭᖅᑎᖓᓂᒃ.
ᑖᒃᑯᐊ ᐃᓕᓐᓂᐊᕈᑎᒃᓴᖅᑖᕆᔭᐅᕙᒃᑐᑦ ᐋᖅᑭᒃᑕᐅᓯᒪᕗᑦ ᐃᑲᔪᖅᑐᐃᔾᔪᑕᐅᓇᓱᒃᖢᑎᒃ ᐃᓄᖕᓂᒃ ᓄᓇᕗᒻᒥᐅᓂᒡᓗ ᐃᓕᓐᓂᐊᖅᑎᓂᒃ ᐱᓇᔪᒃᑎᓪᓗᒋᑦ ᐃᓕᓐᓂᐊᖅᑕᒥᓂᒃ ᐃᖅᑲᓇᐃᔮᕆᓛᕈᒪᔭᒥᓂᒡᓗ ᑐᕌᕆᔭᒥᓂᒃ ᐱᓕᕆᕝᕕᐅᕙᒃᑐᓂ ᐃᑲᔪᖅᑐᐃᔪᓂᒃ ᐱᕙᓪᓕᐊᓂᕆᔭᐅᔪᒧᑦ ᑕᒫᓂ ᐅᑭᐅᖅᑕᖅᑐᒥ ᐊᕕᒃᓯᒪᓂᕆᔭᐅᔪᒥ.
ᑮᓇᐅᔭᖃᖅᑎᑕᐅᔪᑦ ᐊᒻᒪ ᑐᓐᓂᖅᑯᓯᐊᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐃᓚᐅᒐᔪᒃᐳᑦ ᓄᓇᓕᖕᓂ ᐱᓕᕆᐊᖑᔪᓂᒃ ᐃᑲᔪᖅᑐᐃᕙᒃᖢᑎᒡᓗ ᓄᓇᓕᖕᓂ ᑲᑐᔾᔨᖃᑎᒌᓂᒃ ᑕᑯᒃᓴᐅᑎᑦᑎᔪᓂᒃ ᐱᒻᒪᕆᐅᒋᔭᑦᑎᓐᓂᒃ ᐅᔾᔨᕐᓇᖅᓯᑎᑦᑎᓪᓗᑎᒡᓗ ᐆᒻᒪᖅᑯᑎᓕᕆᓂᕐᒧᑦ ᐃᓕᓐᓂᐊᖅᑎᑦᑎᓂᕐᒥᒃ, ᖃᓄᐃᙱᑦᑎᐊᕈᓐᓇᕐᓂᕐᒥᒃ, ᑲᔪᓰᓐᓇᕈᓐᓇᕐᓂᕐᒥᒃ, ᒪᒃᑯᒃᑐᓂᒡᓗ ᓴᙱᓂᖅᑖᖅᑎᑦᑎᕙᓪᓕᐊᓂᕐᒥᒃ. ᐊᖏᖅᐸᒃᐳᒍᑦ ᑮᓇᐅᔭᖃᖅᑎᑕᐅᔪᓂᒃ ᑐᓐᓂᖅᑯᓯᐊᓂᒡᓗ ᑐᒃᓯᕋᐅᑎᓂᒃ ᐊᕐᕌᒍᓕᒫᒥ ᖃᐅᔨᓴᖅᐸᒃᖢᑎᒍᓪᓗ ᑐᙵᕕᖃᖅᑎᑕᐅᓪᓗᑎᒃ ᖃᓄᖅ ᐊᑕᐅᑦᑎᒃᑰᖃᑎᖃᖅᑎᒋᖕᒪᖔᑕ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᑕ ᖃᓄᐃᓕᐅᖅᐸᓪᓕᐊᔪᒪᓂᕐᒧᑦ ᓯᕗᓪᓕᖅᐸᐅᑦᑎᐅᑎᓯᒪᔭᖏᓐᓄᑦ ᐊᒃᑐᖅᓯᓂᕆᕙᒃᑕᖏᓐᓄᓪᓗ ᓄᓇᓕᖕᓄᑦ.
ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᑎᒥᖁᑖ ᐅᐱᒍᓱᒃᑐᑦ ᐃᓚᐅᖃᑕᐅᔪᓂ ᐊᔾᔨᒌᙱᑦᑐᓂᑦ ᓄᓇᓕᖕᓂᑦ ᐱᓕᕆᐊᒃᓴᓄᑦ ᓄᓇᕗᒻᒥ, ᐃᓚᖃᖅᑐᖅ:
- ᓄᓇᓕᖕᓂᑦ ᓴᓂᕐᓂᖅ
- ᐱᔪᓐᓇᐅᑎᖃᕐᓂᖅ ᑲᓇᑕᒥ ᓄᓇᕗᑦ ᓄᓇᕗᒻᒥᑦ ᓵᓚᒃᓴᕋᓱᖕᓂᖅ
- ᐃᖃᓗᐃᑦ Slo Pitch
- ᑕᕐᕆᔭᕐᕕᖕᒥᑦ ᑕᕐᕆᔭᕐᓂᖅ
- ᐃᓕᓐᓂᐊᖅᑎᓄᑦ ᐳᓚᕋᕐᓂᖅ
- ᓄᓇᓕᖕᓂᑦ ᐃᖅᑲᓇᐃᔮᖅ ᓴᖅᑭᔮᖅᑎᑕᐅᔪᑦ
ᓄᓇᓕᖕᓂᑦ ᐱᓕᕆᐊᖃᕈᒪᒍᕕᑦ ᐅᕝᕙᓘᓐᓃᑦ ᖃᓄᐃᓕᐅᖅᑎᑦᑎᔪᒪᒍᕕᑦ ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᑎᒥᖁᑖᓂ ᐅᕝᕙᓘᓐᓃᑦ ᐃᑲᔪᖅᓱᕐᓗᒋᑦ, ᖃᐅᔨᒋᐊᕈᓐᓇᖅᐳᑎᑦ communications@qec.nu.ca−ᒧ