ᐅᖃᖃᑎᖃᕐᓂᕐᒧᒃ ᐃᑲᔫᑎᒃᓴᖅ

ᑭᓇᑐᐃᓐᓇᖅ ᐱᐅᖅᓱᐊᕈᓐᓇᐳᑦ ᐆᒻᒪᖁᑎᒥᒃ - ᐊᔪᕐᓇᖏᑦᑐᖅ! ᑕᐃᒪᓐᓇᐃᓕᐅᕈᑦᑕ, ᓂᐅᕕᖅᐸᒃᑐᑦ ᐆᒻᒪᖁᑎᒥᒃ ᒥᑭᒡᓕᒋᐊᕈᓐᓇᕐᒪᑦ ᐆᒻᒪᖁᑎᒥᒃ ᐊᑐᓗᐊᕐᓂᖅ ᐱᐅᖅᓱᐊᕐᓂᖅ ᐆᒻᒪᖁᑎᒧᒃ ᐊᑭᓕᒃᓴᓄᑦ ᐊᒻᒪ ᐱᓗᐊᒃᑲᓂᖅᑐᒧᑦ ᐃᑲᔪᑎᐅᕗᖅ ᓴᐳᔨᓗᑕ ᐅᑭᐊᖅᑕᖅᑑ ᐊᕙᑎᖓᓂ. ᐃᓕᓐᓂᐊᕈᓐᓇᖅᐳᑎᑦ ᐊᔪᕐᓐᓇᖏᑦᑐᓂᒃ ᐱᓕᕆᔪᓐᓇᖅᑕᑦᑎᓐᓂᒃ ᐱᒋᐊᕈᑎᓂᒃ ᐱᐅᖅᓱᐊᕐᓂᕐᒥᑦ ᐆᒻᒪᖁᑎᓂᒃ ᐊᖏᕐᕋᔅᓯᓐᓂᒃ ᐅᕝᕙᓘᓐᓃ ᐃᖃᓇᐃᔭᕐᕕᔅᓯᓐᓂᒃ.

ᐅᖂᓴᐅᑎ

• ᐅᖂᓴᐅᑏ ᓂᒡᓚᒋᐊᕐᓗᒍ ᐅᓐᓄᐊᒃᑯᑦ ᓯᓂᖕᓂᐊᓕᕈᕕᑦ ᐅᕝᕙᓘᓐᓃ ᐊᖏᕋᖅᓯᒪᔪᖃᕈᓐᓃᕌᖓ.
• ᓱᕕᖏᔭᐃᒃᑯᑎᒥᒃ ᐃᓪᓕᕆᓗᒍ ᐹᓯ ᐊᒻᒪ ᐃᒐᓛᓯ ᓱᕕᕈᓐᓃᖅᐹᓕᕐᓇᖅᑐᖅ ᐊᖏᕋᔅᓯᓐᓂᒃ.
• ᐋᕿᒋᐊᓂᐊᕈᕕᐅᒃ ᐅᖂᓴᐅᑎᓯ, ᐋᕿᒡᓗᒍ ᐃᒡᓗᕈᓯᐅᑉ ᐅᖅᑰᓂᖓ ᖄᖏᖏᓪᓗᒍ. ᐃᒡᓗᕈᓯᖅ ᐅᖅᑰᓂᖓ ᖄᖏᕐᓗᒍ ᐃᒡᓗᕈᓯᖅ ᐅᖅᑰᓯᒋᐊᑲᐅᑦᑐᔮᖏᑦᑐᖅ. ᐳᐃᒍᑲᐅᑦᑐᕐᓇᕐᒪ ᓂᒡᓚᕆᐊᒋᐊᒃᓴᖅ ᑮᓇᐅᔭᐃᔭᕐᓇᕆᓪᓗᓂᓗ.

ᐱᖁᑏᑦ

• ᖃᒥᓪᓗᒍ ᖃᕋᓴᐅᔭᐃᑦ, ᑕᕆᔭᐅᑏᑦ ᐊᒻᒪ ᐊᓯᖏᑦ ᐅᐊᔭᒨᖅᑐᑦ ᐊᑐᖅᑕᐅᖏᑦᑕᕌᖓ.
• ᐅᐊᔭᒨᖅᑐᑦ ᐊᓯᔨᓂᐊᓕᕈᕕᒋᑦ, ᐆᒻᒪᖁᑎᓂᒃ ᐊᑐᓗᐊᖏᑦᑐᓂ ᕿᓂᕐᓗᑎ, ᐆᒻᒪᖁᑎᓂᒃ ᐊᑐᖏᓛᓂᒃ ᐅᐊᔭᒨᖅᑐᓂᒃ. ᑖᒃᑯᐊ ᐊᑐᖏᓛᖑᖕᒪᑕ ᒥᑭᑎᒋᔪᒥᒃ 20%-ᒥᒃ ᐆᒻᒪᖁᑎᒥᒃ.
• ᐃᓱᒪᒃᓴᖅᓯᐅᕐᓗᑎ ᐊᓯᔨᕆᐊᒃᓴᖅ ᖁᐊᒃᑯᕕᓯ ᓄᑖᕐᒧᑦ ᐆᒻᒪᖁᑎᒨᖏᓐᓂᖅᓴᒥᒃ ᖁᐊᒃᑯᕕᖕᒥᑦ. ᐅᓪᓗᒥᐅᓕᖅᑐᖅ ᐆᒻᒪᖁᑎᒨᓗᐊᖏᑦᑐᑦ Star®-ᒥᑦ ᐊᔪᖏᓐᓂᓕᖕᓂ ᖁᐊᒃᑯᕖᑦ ᐊᑐᓲᖑᕗᑦ 50%-ᒥᑦ ᐊᑐᖏᓐᓂᖅᓴᐅᕘᑦ ᐆᒪᖁᑎᒥᒃ ᓴᓇᔭᐅᕙᓚᐅᓯᒪᔪᓂᓪᓘᓐᓃ ᐊᕋᒍᓂᒃ 10-ᓂᒃ ᐱᐅᓂᖅᓴᐅᖕᒪᑕ.
• ᖁᐊᒃᑯᕖ ᐊᒻᒪ / ᐊᕝᕙᓘᓐᓃ ᖁᐊᖅᓰᕖᑦ ᓈᒻᒪᒃᓯᓕᕐᓗᒍ ᓂᒡᓕᓇᕐᓂᖓ. ᖁᐊᒃᑯᕖᑦ ᓂᒡᓕᓈᕐᓂᖃᓪᓗᐊᖅᐳ 5 1’C-ᒥᑦ – 3’C-ᒧᑦ, ᖁᐊᖅᓰᕖᑦ ᓂᒡᓕᓈᕐᓂᖃᓪᓗᐊᖅᐳᖅ -18’C-ᒥᑦ.
• ᖁᐊᒃᑯᕖᑦ ᐊᑭᓐᓈᕐᒦᒍᓃᖅᑎᓪᓗᒍ ᐊᕐᕌᒍᑕᒫᑦ ᒥᓪᓗᐊᕐᓗᒍ ᖁᐊᒃᑯᕕᐅᑉ ᑐᓄᐊᓂ (ᐱᖄᓂᖏᒃᑯᕕ “ᓴᓗᒻᒪᖅᓴᕆᐊᖃᖏᑦᑐᓂ” ᖁᐊᒃᑯᕕᐅ ᑐᓄᐊᓃᓲᓂᒃ ᓴᓇᔭᐅᕙᓕᖅᑐᓂ). ᑲᔪᓯᒐᔭᖅᑐᖅ ᕿᓚᒥᐅᓂᖅᓴᖅ ᓴᓗᒪᔪᒥᑦ ᖁᐊᒃᑯᕕᐅ ᑐᓄᐊᓃᓲᓂᒃ ᐊᒻᒪ ᐆᒻᒪᖁᑎᒥᒃ ᐊᑐᖏᓐᓂᖅᓴᐅᓗᓂ.
• ᐆᑦᑎᓯᕋᓛᒥᑦ ᐊᑐᕐᓂᖅᓴᐅᓗᑕ ᐃᒐᕋᓛᒧᑦ ᐊᑐᖔᕐᓗᓯ ᐃᒐᒨᖏᓐᓂᖅᓴᒧᑦ. ᐊᑐᖏᓐᓂᖅᓴᐅᔪᓐᓇᖅᐳᖅ 50%-ᒥᒃ ᐆᑦᑎᔪᑎᒧᖅ ᐆᒻᒪᖅᑯᑎᒥᒃ ᐊᑭᖓᓂ.
• ᐅᐊᔭᒨᖅᑐᒥᒃ ᐅᒃᑯᓯᕐᒥᑦ ᐊᑐᖔᕐᓗᑎᑦ ᐆᓇᖅᓯᑦᑏᖏᖓᕐᓗᑎ ᐊᒪᕐᒥ ᐃᒐᐅ ᖄᖓᓂᐅᖏᑦᑐᖅ ᐅᕝᕙᓘᓐᓃ ᐆᑦᑎᓯᕋᓛᒧᑦ. ᓂᕈᐊᕐᓗᑎᑦ ᐃᒻᒥᓂ ᖃᒥᓲᕐᒥᑦ.

ᐃᒪᖅ

• ᐃᓕᓯᓗᑎᑦ ᒥᑭᑦᑐᕐᒥᒃ ᑯᕕᓲᕐᒥᑦ ᐅᐊᓴᕐᕖᖕᒥᑦ. ᑖᒃᑯᐊ ᐅᐊᓴᕐᕖᑦ ᐊᑐᖏᑉᐹᓕᕐᓇᕐᒪᑦ 15%-ᒥᑦ ᐆᓇᖅᑐᒥᑦ ᐃᒪᕐᒥᑦ ᐆᒻᒪᖁᑎᒥᒃ, ᑯᕝᕕᓰᑦ ᐃᒪᕐᒥᑦ ᐊᑐᖏᐹᓕᕐᓇᖅᑐᖅ 10%-ᒥᑦ. ᒥᑭᑦᑐᒥᒃ ᑯᕕᓲᕐᒥᑦ ᑯᕕᖃᑦᑕᕐᓂᖓ ᖃᐅᔨᓴᖅᑕᐅᕙᒃᐳᑦ 1.0 - 2.5 GPM (ᒑᓚᓐᔅ-ᑎᑦᑕᕋᓛᒃᑯᑦ).
• ᐊᐅᓴᕐᕕᓯ ᑕᑕᑉᐸᒡᓗᓯᐅ ᓂᕐᕆᓯᓂᒃ ᐅᐊᓴᓯᓕᕌᖓᓯ ᐊᒻᒪ ᐸᓂᖅᓰᕙᒡᒡᓗᓯ.
• ᓂᕐᕆᓯᓯ ᐆᓇᖅᑐᒧᑦ ᐊᑐᖅᑕᐃᓕᒪᕙᒡᓗᓯ ᑯᕕᑎᑦᑎᑎᓗᓯ ᐃᒪᕐᒥᒃ. ᐃᒻᒥᕐᓗᒍ ᓇᑉᐸᖓᓂ ᐊᐅᓴᓕᕐᓗᓯᐅ.
• ᐊᑐᖏᐹᓪᓕᕐᓗᓯ ᐃᒪᕐᒥᑦ ᐋᕿᒃᓱᕐᓗᒋᑦ ᑯᑐᒃᑐᑦ ᐊᒻᒪ ᐃᖖᒐᖅᓯᒪᔪᑦ.
• ᖃᒥᑉᐸᒡᓗᓯᐅ ᐃᒪᖅ ᑭᒍᑎᓯᐅᓕᕋᖓᓯ ᐅᕙᓘᓐᓃ ᐅᒦᔭᓕᕌᖓᒡᓯ ᑯᕕᑏᓐᓇᖅᐸᖏᓪᓗᓯᐅ.
• ᐅᐊᓴᖅᐸᒡᓗᓯ ᕿᓚᒥᐅᓂᖅᓴᖅ ᐅᕕᓂᖕᓂᐊᖏᖔᕐᓗᓯ. ᑕᓪᓕᒪᓂᒃ ᑎᑦᑕᑯᓗᖕᓂ ᐅᐊᓴᕐᓗᓯ ᐊᑐᖏᐹᓪᓕᕐᓇᖅᑐᖅ ᐅᕕᓂᖕᓂᐊᕐᒥᑦ.
• ᐃᓕᓯᓗᓯ ᐃᒪᕐᒧᑦ ᐊᑐᖏᐹᓪᓕᓇᖅᑐᒧᑦ ᖁᕐᕕᖕᒧᑦ ᑯᕕᖏᐹᓕᕐᕈᑎᒧᑦ. ᐊᑐᖏᑉᐸᓪᓕᕋᔭᖅᐳᖅ ᐊᖏᔪᒥᑦ ᐃᒪᕐᒥᑦ ᐊᕐᕌᒍᑕᒫᖅ.

ᐃᑯᒪ

• ᐃᑯᒻᒪᖁᑎ ᖃᒥᓪᓗᒍ ᐊᓂᔭᕋᖓᕕ.
• ᐊᓯᔾᔨᕐᓗᒍ ᖃᐅᒻᒪᖁᑎᓯ ᐆᒻᒪᖁᑎᒥᒃ ᐊᑐᖏᓐᓂᖅᓴᒧᑦ LED ᖃᐅᒻᒪᖁᑎᓄᑦ, ᐊᑐᕐᕈᓐᓇᖅᐳᖅ ᐊᑯᓂᐅᓂᖅᓴᖅ ᖁᓕᓂᒃ ᐅᓄᕐᓂᖅᓴᓂᒃ ᐊᑐᒃᑲᓐᓂᕈᓐᓇᖅᐸᐃᑦ. 20-25-ᓂᑦ ᓴᖏᓂᓕᖕᓂᒃ ᐆᒻᒪᖁᑎᒧᑦ ᐊᑐᖏᓐᓂᖅᓴᐅᓐᓇᖅᑐᓂᒃ ᖃᐅᒻᒪᖁᑎᓂᒃ ᐊᑐᕐᓇᖅᐳᖅ ᖃᐅᒻᒪᖁᑏᑦ 100-ᓂᒃ ᓴᖏᓂᓕᖕᓂᒃ ᐊᑐᖅᑕᐅᖏᓐᓂᖅᓴᓂᒃ.

ᐊᓐᓄᕌᑎᑦ

• ᓂᒡᓕᓇᖅᑐᒧᑦ ᐊᑐᖅᐸᒡᓗᓯ ᐊᓐᓄᕌᓯ ᐅᐊᓴᓕᕌᖓᓯᐅ. ᐆᒻᒪᖁᑎ ᐊᑐᖅᑕᐅᔪᖅ ᐊᓐᓄᕌᓯᓂᒃ ᐅᐊᓴᓕᕌᖏᓯᐅ ᐆᓐᓈᖅᓯᑏᓱᖑᖕᒪᑦ ᐃᒪᕐᒥᑦ.
• ᐅᐊᓴᐃᕙᒡᓗᓯ ᐊᓐᓄᕌᓂᒃ ᑕᑕᑦᑎᕙᒡᓗᓯ ᐅᐊᓴᕐᕕᐊᓂ ᐅᓄᖏᑦᑐᓂᐅᖏᑦᑐᖅ ᐊᓐᓄᕌᓂᒃ. ᐊᑐᖏᑉᐸᓪᓕᕋᔭᑐᖅ ᐃᒪᕐᒥ, ᐃᑲᕐᕋᓂᒃ, ᐊᒻᒪ ᑮᓇᐅᔭᕐᒥᒃ.
• ᐃᓱᒪᕐᓴᖅᓯᐅᕐᓗᑎ ᓂᐅᕕᕈᒪᓗᑎᑦ ᓄᑖᖑᓂᖅᓴᓂᒃ ᐆᒻᒪᖁᑎᒥᑦ ᐊᑐᖏᓐᓂᖅᓴᒥᒃ ᐊᓐᓄᕌᓂᒃ ᐅᐊᓴᒻᒪᓰᒥᒃ. ᐊᑐᖏᓐᓂᖅᓴᐅᖕᒪᑕ ᐃᒪᕐᒥᒃ, ᐆᒻᒪᖁᑎᒥᒃ, ᐊᒻᒪ ᐊᑐᖏᓐᓂᖅᓴᐅᓪᓗᓂ ᐅᐊᓴᐅᑎᒥᒃ.
• ᐊᔪᕐᓇᖏᑉᐸᑦ, ᓂᕕᖖᒐᕐᓗᒍ ᐸᓂᖅᓯᕐᓗᒍ ᐊᓐᓄᕌᓯ ᐊᑐᖅᑕᐃᓕᒪᓗᒍ ᐸᓂᖅᓯᕕᓯ.

ᐃᖏᕋᔪᑏᑦ

• ᓂᐅᕕᕐᓗᓯ ᐅᐊᔭᒨᖅᑐᒧᑦ ᓈᒻᒪᒃᓯᓕᕈᑎᓂᒃ ᑲᑉᐳᑎᑎᓪᓗᒍ ᓄᓇᒃᑰᕈᑏᑦ. ᓄᓇᒃᑰᕈᑎᐅᑉ ᐅᖂᓴᐅᑎᖏᑦ ᐊᑐᖅᑕᐅᑐᐃᓐᓇᕆᐊᓖᑦ 2-3 ᐃᑲᕐᕋᓂᒃ ᓈᒻᒪᒃᑐᒃ ᓄᓇᒃᑰᕈᑎ ᐅᖂᓯᑦᑎᕐᓗᒍ.