Latest News

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᑲᖏᖅᖠᓂᕐᒥᐅᓂᒃ ᑐᓴᐅᒪᖁᔨᕗᑦ ᐸᕐᓇᒃᑕᐅᓯᒪᓪᓗᓂ ᖃᒥᙶᓛᕐᓂᖏᓐᓂᒃ ᓈᑦᑏᖑᔭᒥ, ᓄᕕᐱᕆ 14, 7:00-ᒥ 11:00-ᒧᑦ ᐅᓪᓛᒃᑯᑦ. ᖃᒥᙶᓛᖅᑐᑦ ᓄᓇᙳᐊᒥ ᐊᑖᓂ ᖁᖅᓱᖅᑕᒥᑦ ᓇᓗᓇᐃᖅᓯᒪᕗᑦ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖃᐅᔨᒃᑲᐃᔪᒪᔪᑦ ᖃᐅᓱᐃᑦᑐᕐᒥᐅᓂᒃ ᓄᓇᓕᓕᒫᑦᑎᐊᖅ ᖃᒥᙶᓛᕐᓂᖓᓂ ᓯᕙᑖᕐᕕᖕᒥᑦ, ᓄᕕᐱᕆ 13, 10−ᒥ ᐅᓪᓛᒃᑯᑦ 2-ᒧᑦ ᐅᓪᓗᕐᒧᑦ ᑎᑭᓪᓗᒍ.

ᖃᒥᙶᕆᐊᖃᕐᒪᑕ ᐊᑦᑕᕐᓇᙱᑦᑐᒥᑦ ᓄᑖᙳᕆᐊᖅᑕᐅᔪᒃᓴᑦ ᐆᒻᒪᖅᑯᑎᖃᕈᑎᖓᓂᙶᖅᑐᑦ ᐱᐅᓯᕚᓪᓕᖁᓪᓗᒋᑦ ᐃᑯᒪᖃᕈᓐᓇᕐᓂᖏᑦ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖃᐅᔨᒃᑲᐃᔪᒪᔪᑦ ᐃᒃᐱᐊᕐᔪᖕᒥᐅᓂᒃ ᓄᓇᓕᓕᒫᑦᑎᐊᖅ ᖃᒥᙶᓛᕐᓂᖓᓂ ᓯᕙᑖᕐᕕᖕᒥᑦ, ᓄᕕᐱᕆ 13, 6−ᒥ 7-ᒧᑦ ᐅᓪᓛᒃᑯᑦ.

ᖃᒥᙶᖅᑎᑕᐅᔭᕆᐊᖃᖅᐳᑦ ᖃᐅᔨᓴᖅᑕᐅᔭᕆᐊᖃᕐᓂᖓᓄᑦ ᑲᒪᒋᔭᐅᓗᓂᓗ ᖃᐅᒻᒪᖅᑯᑎᖃᖅᑎᑦᑎᔾᔪᑎᖓ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᖁᕐᓗᖅᑑᕐᒥᐅᓂᒃ ᖃᐅᔨᒃᑲᐃᔪᒪᕗᑦ ᐸᕐᓇᒃᑕᐅᓯᒪᓗᓂ ᖃᒥᙶᕐᓂᐊᕐᒪᑕ ᖁᕐᓗᖅᑑᕐᒥᐅᑦ ᓴᓇᑦᑕᐃᓕᐊᕈᓯᖅ, ᓄᕕᑉᐱᕆ 6 ᐊᒻᒪ ᓴᓇᑦᑕᐃᓕᒥ, ᓄᕕᑉᐱᕆ 7, 7−ᒥ ᐅᓪᓛᒃᑯᑦ ᐱᒋᐊᕐᓗᓂ 11−ᒧᐊᕋᓱᖕᓂᖓᓄᑦ ᐅᓪᓗᒃᑯᑦ. ᖃᒥᙶᕐᓂᐊᖅᑐᑦ ᖁᖅᓱᖅᑕᒥᑦ ᓇᓗᓇᐃᖅᓯᒪᕗᑦ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᑰᒑᕐᔪᖕᒥᐅᓂᒃ ᑐᓴᖅᑎᑦᑎᔪᒪᕗᑦ ᖃᒥᙶᓛᕐᓂᖏᓐᓂᒃ ᓯᕙᑖᕐᕕᖕᒥ, ᐅᑐᐱᕆ 30, (ᓄᓇᙳᐊᖅ A), ᐊᒻᒪ ᓴᓇᑦᑕᐃᓕᒥ, ᐅᑐᐱᕆ 31 (ᓄᓇᙳᐊᖅ B) 7-ᒥ ᐅᓪᓛᒃᑯᑦ ᐱᒋᐊᕐᓗᓂ 12-ᒧᐊᕋᓱᖕᓂᖓᓄᑦ ᐅᓪᓗᕈᒻᒥᓴᕐᓇᒥ. ᖃᒥᙶᓛᖅᑐᑦ ᖁᖅᓱᖅᑕᒥᑦ ᓇᓗᓇᐃᖅᓯᒪᕗᑦ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑐᓴᐅᒪᖁᔨᕗᑦ ᑎᑭᕋᕐᔪᐊᕐᒥᐅᓂᒃ ᐆᒻᒪᖅᑯᑎᑦ ᖃᒥᙶᓛᕐᓂᖏᓐᓂᒃ ᓯᕙᑖᕐᕕᒃ ᐅᑐᐱᕆ 16 ᐊᒻᒪ ᓈᑦᑎᖑᔭ, ᐅᑐᐱᕆ 17−ᒥ. 20−ᒥᓂᑦᔅᐸᓗᒃ ᖃᒥᙶᓛᖅᑐᑦ 7−ᒥ ᐅᓪᓛᒃᑯᑦ ᐊᒻᒪ 12:30−ᒥ ᐅᓪᓗᒃᑯᑦ ᐱᒋᐊᕐᓗᓂ.

ᖃᒥᙶᕆᐊᖃᕐᓂᐊᖅᑐᑦ ᐊᑦᑕᕐᓇᙱᑦᑐᒃᑯᑦ ᐱᖁᑎᖏᑦ ᐅᐸᒃᑕᐅᑦᑕᐃᓕᖁᓪᓗᒋᑦ ᐊᐅᓚᐅᑎᖃᕐᕕᖕᒥ ᓄᑖᙳᕆᐊᖅᑕᐅᔪᑦ ᐱᐊᓂᒃᑕᐅᖁᓪᓗᒋᑦ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖃᐅᔨᒃᑲᐃᔪᒪᕗᑦ ᐊᕐᕕᐊᑦ ᖃᒥᙶᓛᕐᓂᖏᓐᓂᒃ ᓯᕙᑖᕐᕕᖕᒥ, ᐅᑐᐱᕆ 18, 7−ᒥ ᐅᓪᓛᒃᑯᑦ ᓂᕆᓐᓇᒧᑦ, ᐊᒻᒪ ᓈᑦᑏᖑᔭᒥ, ᓯᑎᐱᕆ 19, 7:00-ᒥ ᐅᓪᓛᒃᑯᑦ ᓂᕆᓐᓇᒧᑦ ᑎᑭᓪᓗᒍ. ᐊᒃᑐᖅᑕᐅᓂᐊᖅᑐᑦ ᐆᒻᒪᖅᑯᑎᖏᑦ ᖃᒥᓐᓂᐊᖅᑐᑦ ᓇᓗᓇᐃᖅᓯᒪᕗᑦ ᖁᖅᓱᖅᑕᒥ ᓄᓇᙳᐊᒥᑦ ᐊᑖᓂ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖃᐅᔨᒃᑲᐃᔪᒪᔪᑦ ᐃᒃᐱᐊᕐᔪᖕᒥᐅᑕᓂᑦ ᓄᓇᓕᓕᒫᑦᑎᐊᖅ ᖃᒥᙶᓛᕐᒪᑦ ᓯᕙᑖᕐᕕᖕᒥᑦ, ᓯᑎᐱᕆ 18, ᐅᓪᓛᒃᑯᑦ 7-ᒥᑦ ᐱᒋᐊᕐᓗᓂ ᑎᑭᓪᓗᒍ ᐅᓪᓗᑯᑦ 1−ᒧᐊᖅᐸᑦ.

ᑕᒪᓐᓇ ᖃᒥᙵᑎᑦᑎᓂᖅ ᐊᑐᖅᑕᐅᓚᐅᑲᒋᐊᖃᕐᒪᑦ ᓄᑖᖅ ᐆᒻᒪᖁᑎᓕᕆᕝᕕᒃ ᐃᑭᑕᐅᓗᓂ ᓄᓇᓖᑦ ᐊᑐᓂ ᐃᒡᓗᓄᑦ ᑲᑉᐳᔾᔨᕕᖏᑦ ᒪᑭᑕᐅᔭᕆᐊᖃᕐᒪᑕ ᐃᒻᒥᑰᖓᓕᕐᓗᑎᒡᓗ ᐆᒻᒪᖁᑎᓕᕆᔾᔪᑎᓂᒃ.

ᐃᖃᓗᐃᑦ, ᓄᓇᕗᑦ (ᓯᑎᐱᕆ 10, 2021) − ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑐᓂᓯᔪᑦ 2021 ᓘᕋ ᐅᓪᓗᕆᐊᖅ ᒎᑎᐊᐃ ᐃᓕᓐᓂᐊᕈᑎᒃᓴᓄᑦ ᐃᑲᔫᓯᐊᕐᒥᑦ ᓵᓐ ᑕᐅᒧᑦ ᐃᖃᓪᓗᖕᒥᐅᑕᕐᒧᑦ. ᓵᓐ ᑕᐅ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᖃᑕᐅᕙᓪᓕᐊᓕᕐᒥᔪᖅ ᐱᔭᕇᖅᓯᔾᔪᓯᐊᕋᓱᒃᖢᓂ ᖃᐅᔨᓴᖅᑐᓕᕆᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᕐᓂᖅ ᐅᐊᑕᓘ ᓯᓚᑦᑐᖅᓴᕐᕕᒡᔪᐊᕐᒥ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᖃᒪᓂ'ᑐᐊᕐᒥᐅᓂᒃ ᑐᓴᐅᒪᖁᔨᕗᑦ ᐸᕐᓇᒃᑕᐅᓯᒪᓪᓗᓂ ᖃᒥᙶᕐᓂᐊᕐᒪᑕ ᓯᓚᑖᕐᕕᖕᒥ, ᓯᑎᐱᕆ 11, 7:00-ᒥ 10:00-ᒧᑦ ᐅᓪᓛᒃᑯᑦ. ᖃᒥᙶᕐᓂᐊᖅᑐᑦ ᓄᓇᙳᐊᒥ ᐊᑖᓂ ᖁᖅᓱᖅᑕᒥᑦ ᓇᓗᓇᐃᖅᓯᒪᔪᑦ.

ᖃᒥᙶᖅᑎᑕᐅᒋᐊᖃᕐᒪᑦ ᖃᐅᒻᒪᖅᑯᑎᖃᖅᑎᑦᓯᔾᔪᑎᖓᑦ ᐃᒡᓗᓕᐊᕆᔭᐅᓵᖅᑐᓂᒃ ᖃᐅᒻᒪᖅᑯᓯᖅᑕᐅᖁᓪᓗᒋᑦ.