Latest News

ᐃᓄᖕᓄᑦ ᑐᓴᒐᒃᓴᖅ ᒐᕙᒪᒃᑯᓐᓂᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᑲᑎᒪᔨᒃᓴᓄᑦ ᐱᓇᔫᑎᓂᒃ ᐱᔪᓐᓇᖅᓯᔪᑦ ᐱᒋᐊᕐᕕᖓ: ᐄᐳᕆ 22, 2022 ᐃᓱᓕᕝᕕᖓ: ᒪᐃ 13, 2022 ᓄᓇᕗᒥᐅᓕᒫᓄᑦ 45 ᑎᑦᑕᑯᓗᐃᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᑲᑎᒪᔨᒃᓴᓄᑦ ᐱᓇᔫᑎᓂᒃ ᒫᓐᓇᒃᑯᑦ ᐱᔪᒪᔪᓂᒃ ᐆᒃᑐᕈᓐᓇᖅᓯᓂᕋᐃᔪᑦ. ᑲᑎᒪᔨᙳᖃᑕᐅᔪᑦ ᐊᒃᓱᕉᑎᖃᕐᓂᕐᒥᓂᒃ ᓇᓗᓇᕆᐊᖃᙱᓚᑦ ᑕᐅᑐᙳᐊᒐᙱᑦᑎᒍᑦ, ᐱᔪᒪᓂᖃᕐᓂᒃᑯᑦ, ᓯᕗᓕᖅᑎᐅᔪᓐᓇᖃᑦᑕᕐᓗᑎᒡᓗ ᐱᓕᕆᐊᖑᔭᕆᐊᓕᖕᓄᑦ ᐃᑲᔫᑎᖃᕈᓐᓇᕐᓂᐊᕐᒪᑕ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄᑦ.

ᐱᓕᕆᐊᖃᓚᐅᖅᓯᒪᓂᓖᑦ ᖃᐅᔨᒪᓂᖃᑦᑎᐊᖅᑐᓪᓘᓃᑦ ᐃᓱᒪᒃᓴᖅᓯᐊᖑᓪᓚᕆᒐᔭᖅᑐᑦ ᐆᒻᒪᖁᑎᓕᕆᓂᕐᒥᒃ ᐱᓕᕆᐊᖃᖃᑕᐅᓚᐅᖅᓯᒪᒃᐸᑕ. ᖃᐅᔨᒪᓂᖃᕐᓂᖅᑕᐅᖅ ᐃᖅᑲᓇᐃᔭᖅᑐᓕᕆᓂᕐᒥᒃ, ᓴᓇᔪᓕᕆᔨᒻᒪᕆᐅᓂᕐᒥᒃ, ᒪᓕᒐᓕᕆᓂᕐᒥᒡᓘᓐᓃᑦ ᑕᐅᑐᒃᑕᐅᖕᒥᔪᑦ ᐱᐅᔫᓂᖏᓐᓂᒃ ᐃᑲᔫᑎᖃᕈᓐᓇᕐᓂᖏᓐᓂᒡᓗ. ᓂᕈᐊᖅᑕᐅᔪᑦ ᑎᓕᔭᐅᓯᒪᓂᐊᖅᑐᑦ ᐊᕐᕌᒍᓄᑦ ᐱᖓᓱᓄᑦ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑐᓴᐅᒪᖁᔨᕗᑦ ᑎᑭᕋᕐᔪᐊᕐᒥᐅᓂᒃ ᐆᒻᒪᖅᑯᑎᑦ ᖃᒥᙶᓛᕐᓂᖏᓐᓂᒃ ᓯᕙᑖᕐᕕᖕᒥ, ᕕᕗᐊᕆ 26, ᐊᒻᒪ ᓈᑦᑎᖑᔭᒥ, ᕕᕗᐊᕆ 27−ᒥ, 12:00-ᒥ ᐅᓐᓄᐊᒃᑯᑦ 4:00−ᒧᐊᖅᓴᓂᖓᓄᑦ ᐅᓪᓛᕌᕐᔪᒃᑯᑦ ᓄᓇᓕᖕᓂ ᖃᐅᔨᓴᐅᑖ ᒪᓕᒡᓗᒍ.

ᑖᓐᓇ ᖃᒥᓐᓂᐅᓕᒑᔪᖅ ᖃᐅᔨᓴᖅᑕᐅᓕᒑᖕᒪᑕ ᓄᑖ ᐊᐅᓚᐅᑎᑦ ᐊᐅᓚᐅᓯᕆᕝᕕᖕᒥᑦ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖁᔭᓕᕗᑦ ᑎᑭᕋᕐᔪᐊᕐᒥᐅᓂᒃ ᑐᑭᓯᐅᒪᔪᓐᓇᕐᒪᑕ ᒪᒥᐊᑉᐳᓪᓗ ᐊᑲᐅᙱᓕᐅᖅᑎᑦᑎᓐᓂᖅᐸᑕ ᖃᒥᙶᖅᑎᓪᓗᒋᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕈᓃ ᐴᓱ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ
(867) 979-7524
rboucher@qec.nu.ca

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᓇᓚᐅᑦᑖᕐᓂᐊᖅᑐᑦ ᑕᖅᑭᑕᒫᖅᓯᐅᑦ ᐊᑭᓕᒃᓴᓂᑦ ᐃᖃᓗᒃᑑᑦᑎᐊᕐᒧᑦ, ᑲᖏᖅᖠᓂᕐᒧᑦ, ᖃᒪᓂ'ᑐᐊᕐᒧᑦ, ᕿᑭᖅᑕᕐᔪᐊᕐᒧᑦ ᐊᕐᕕᐊᕐᓄᓪᓗ ᑎᓯᐱᕆ 1−ᒥᑦ 31−ᒧᑦ ᐊᑭᓕᒃᓴᖏᓐᓄᑦ. ᐆᒻᒪᖅᑯᑎᓄᑦ ᖃᐅᔨᓴᕈᑎᑦ ᐱᓕᕆᐊᖑᔾᔮᙱᑦᑐᑦ ᐆᒻᒪᖅᑯᑎᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᓄᓇᓕᖕᓂᕐᒥᐅᓪᓗ ᓴᐳᔾᔭᐅᓯᒪᖁᓪᓗᒋᑦ ᐆᒻᒪᖅᑯᑎᓕᕆᔨᒃᑯᑦ ᐊᑦᑕᕐᓇᙱᑦᑐᒥᒃ ᐱᕐᔪᐊᓂᒡᓗ ᐱᔨᑦᑎᕋᕆᐊᖃᖅᑎᓪᓗᒋᑦ.

ᓇᓚᐅᑦᑖᖅᓯᒪᔪᑦ ᐆᒻᒪᖅᑯᑎᓄᑦ ᖃᐅᔨᓴᕈᓯᑦ ᖃᐅᔨᓴᖅᑕᐅᓲᖑᕗᑦ ᐊᑐᖅᑕᐅᓪᓗᑎᒃ ᑕᖅᑭᐅᓚᐅᖅᑐᒥᒃ ᐆᒻᒪᖅᑯᑎᑐᕈᑕᐅᓚᐅᖅᑐᑦ. ᓇᓚᐅᑦᑖᖅᓯᒪᔪᑦ ᐊᑭᑐᓂᖅᓴᐅᑐᐃᓐᓇᕆᐊᖃᖅᐳᑦ ᐊᑭᑭᓐᓂᖅᓴᐅᓗᑎᒡᓘᓐᓃᑦ ᐆᒻᒪᖅᑯᑎᑐᕈᑎᖓ, ᑭᓯᐊᓂ ᐊᔾᔨᒌᙱᓐᓂᖓ ᐋᖅᑭᒋᐊᖅᑕᐅᓛᖅᑐᖅ ᑭᖑᓪᓕᕐᒥ ᑕᖅᑭᒥᒃ ᖃᐅᔨᓴᖅᑕᐅᓕᕐᒥᒃᐸᑕ.

ᑕᖅᑭᑕᒫᑦ ᖃᐅᒻᒪᖅᑯᑎᓄᑦ ᐊᑭᓕᒃᓴᖅᑖᕆᔭᐅᕙᒃᑐᑦ ᐃᖃᓗᖕᓂ ᓱᓕ ᖃᐅᔨᓴᖅᑕᐅᖃᑦᑕᕐᓂᐊᖅᐳᑦ ᖃᕆᓴᐅᔭᒨᑐᒥᒃ ᖃᐅᔨᓴᕈᑎᒥᒃ ᐊᑐᕐᓗᑎᒃ ᐆᒻᒪᖅᑯᑎᑐᕈᓯᖓᓂ ᖃᐅᔨᓇᓱᒋᐊᖃᙱᓪᓗᑎᒃ ᖁᓪᓕᒃᑯᑦ ᐃᖅᑲᓇᐃᔭᖅᑎᖏᑦ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᑎᓕᐅᕆᕗᑦ ᐃᓄᖕᓂᒃ ᑭᐅᖁᓪᓗᒋᑦ ᐆᒻᒪᖅᑯᑎᓕᕆᔨᒃᑯᑦ ᑐᒃᓯᕋᐅᑖᓄᑦ ᐆᒻᒪᖅᑯᑎᖃᕐᕖᑦ ᐊᐅᓚᐅᑎᐊᓗᐃᑦ ᐊᓯᔾᔨᖅᑕᐅᒋᐊᖃᕐᓂᖏᓐᓂᒃ ᑰᒑᕈᒃ ᐊᒻᒪᓗ ᐃᒡᓗᓕᒑᕐᔪᖕᒥᑦ.  

ᐆᒻᒪᖅᑯᑎᓕᕆᔨᒃᑯᑦ ᐱᓇᓱᐊᖅᑐᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᒥᓂᔅᑕᖓᓄᑦ ᐱᕐᔪᐊᑦ ᐱᓕᕆᐊᒃᓴᖅ ᐊᖏᑦᑕᐅᖁᓪᓗᒋᑦ. ᓄᓇᕗᒻᒥ ᐆᒻᒪᖅᑯᑎᑦ ᐊᑭᖏᓐᓂᒃ ᕿᒥᕐᕈᔩᑦ, ᐃᒻᒥᒃᑰᖅᖢᑎᒃ ᐅᖃᐅᔾᔪᐃᔨᑦ, ᕿᒥᕐᕈᓂᐊᖅᐳᑦ ᑭᒃᑯᑐᐃᓐᓇᑦ ᐃᓱᒪᒋᔭᖏᓐᓂᒃ ᑐᓴᖅᑕᐅᔪᓂᒃ ᐊᒻᒪ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᒥᓂᔅᑕᖓᓄᑦ ᐅᖃᐅᔾᔨᓗᑎᒃ ᐱᓇᔫᑎᒋᔭᐅᔪᒥᒃ.  

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑭᒃᑯᑐᐃᓐᓇᓂᒃ ᐃᕐᖐᓐᓈᖅᑕᐅᒃᑯᑦ ᑐᓴᖅᑎᑦᑎᖁᔨᕗᑦ ᐅᕗᖓ URRC@gov.nu.ca 5 ᑐᖔᓂ ᕕᕝᕗᐊᕆ 25, 2022−ᒥ. ᐱᓇᔫᑎᐅᑉ ᒥᒃᓵᓄᑦ ᑐᑭᓯᒋᐊᒃᑲᓐᓂᕈᒪᒍᕕᑦ ᐅᕗᖓ ᑕᑯᒋᐊᕐᓗᑎᑦ www.URRC.gov.nu.ca. 

###

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᑐᓴᖅᑎᑦᑎᔪᒪᕗᑦ ᓄᓇᕗᒥᐅᓂᒃ ᑕᒪᒃᑯᐊ ᐱᔨᑦᑎᕋᕐᕕᒋᕙᒃᑕᒥᓄᑦ ᑲᒪᒋᔭᖃᕐᕕᖏᑦ ᑎᑎᕋᕐᕖᑦ ᑕᒫᓂᓕᒫᖅ ᐅᑭᐅᖅᑕᖅᑐᒥ ᒪᑐᓯᒪᓂᐊᕐᓂᖏᓐᓂᑦ ᑐᓴᖅᑎᑦᑎᔪᖃᒃᑲᓐᓂᓚᐅᙱᓐᓂᖓᓂ. 

ᐆᒻᒪᖅᑯᑎᓕᕆᔨᒃᑯᑦ ᐊᑦᑕᕐᓇᙱᑦᑐᒥᒃ ᐊᑐᑦᑎᐊᕈᓐᓇᖅᑐᒥᒡᓗ ᐆᒻᒪᖅᑯᑎᖃᖅᑎᑦᑎᔪᒪᓪᓚᑦᑖᖅᐳᑦ ᓄᓇᕗᒻᒥᐅᓕᒫᓄᑦ ᐃᑲᔪᕐᓗᑎᒡᓗ ᓄᕙᒡᔪᐊᕐᓇᖅ-19−ᒥ ᐊᐃᑦᑐᕐᓗᐃᓗᐊᖅᑎᑦᑎᑦᑕᐃᓕᒪᔪᑦ ᓄᓇᓕᖕᓂ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐊᖑᒻᒪᑏᓐᓇᕐᓂᐊᖅᐳᑦ ᑲᔪᓰᓐᓇᖅᑐᓄᑦ ᐊᓂᒍᖅᑎᓐᓇᓱᒋᐊᖃᖅᐸᒃᑐᓄᑦ ᓄᕙᒡᔪᐊᕐᓇᖅ-19-ᑕᖃᕐᓂᖓᓂ ᓄᓇᕐᔪᐊᓕᒫᒥ.

ᐃᖃᓗᐃᑦ, ᓄᓇᕗᑦ (ᑎᓯᑉᐱᕆ 24, 2021) – ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐱᐊᓂᒃᐳᑦ ᓴᓇᔭᐅᔪᒥᒃ ᖃᐅᔨᓴᖅᑕᐅᔪᒥᓪᓗ ᐊᐅᓚᐅᑎᖃᕐᕕᒃᑖᓵᕐᒥᒃ ᐃᒃᐱᐊᕐᔪᖕᒥ. ᐊᑭᑐᔫᑎᑦ ᐱᓕᕆᐊᒃᓴᑦ ᐱᐊᓂᒡᕕᒃᓴᖓᑕ ᑐᖔᓂ ᐱᐊᓂᒃᑕᐅᓚᐅᖅᐳᖅ ᒫᓐᓇᓗ ᓴᖅᑭᑎᑕᐅᓯᒪᓕᖅᖢᓂ ᐊᑐᑐᐃᓐᓇᕆᐊᖃᓕᖅᖢᓂᓗ.

"ᓄᑖᖅ ᐆᒻᒪᖅᑯᑎᑐᓗᐊᙱᑦᑐᖅ ᒫᓐᓇ ᐆᒻᒪᖅᑯᑎᖃᖅᑎᑦᑎᑦᑎᐊᓕᖅᖢᓂ ᓄᓇᓕᖕᓂ ᐊᑯᓂᐊᓗᒃ ᐃᑲᔫᑕᐅᓂᐊᖅᐳᖅ ᐃᒃᐱᐊᕐᔪᖕᒥᐅᓄᑦ," ᒪᓕᒐᓕᐅᖅᑎ ᔪᐊᓇ ᖁᐊᓴ ᐅᖃᖅᑐᖅ ᒥᓂᔅᑕ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ. "ᖁᓪᓕᒃᑯᑦ ᓱᓕ ᓯᕗᓪᓕᐅᔾᔨᔪᒪᕗᑦ ᓄᑕᐅᔪᓐᓃᖅᐸᓪᓕᐊᔪᓂᒃ ᐊᓯᔾᔩᔪᒪᓪᓗᑎᒃ ᐊᐅᓚᔪᓐᓇᐅᑎᖃᕆᐊᓕᖕᓂᑦ ᐊᙳᒻᒪᑎᔪᒪᓪᓗᑎᒃ ᑕᒪᐃᓐᓂᒃ ᓄᓇᓕᖕᓂ ᓄᓇᕗᒻᒥ."

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐃᖅᑲᐃᓯᒋᐊᕈᒪᕗᑦ ᓄᓇᕗᒻᒥᐅᓂᑦ ᐅᔾᔨᖅᓱᑦᑎᐊᖃᑦᑕᖁᔨᓪᓗᑎᒃ ᓇᑉᐸᖅᑯᑏᑦ ᓴᕕᒐᐅᔭᓪᓗ ᖃᓂᒋᔮᒎᓕᕌᖓᑕ, ᐱᓗᐊᖅᑐᒥ ᐃᖏᕐᕋᔾᔪᑎᖕᒨᖅᐸᒃᑐᓄᑦ (ᑎᓴᒪᓕᖕᓄᑦ ᖃᒧᑕᐅᔭᓄᓪᓗ). ᐅᑯᐊ ᐳᐃᒍᖅᑕᐃᓕᓗᒋᑦ ᖃᒥᑦᑐᖃᖁᓇᒍ, ᐋᓐᓂᕐᔪᐊᖅᑐᖃᖁᓇᒍ, ᐃᓅᔪᓐᓃᖅᑐᖃᖁᓇᒍᓘᓐᓃᑦ:

·         ᐳᐃᒍᖅᑕᐃᓕᒋᑦ ᐱᖓᓱᑦ ᒦᑕᓂᒃ ᐅᖓᓯᒋᔭᕆᐊᖃᕋᕕᒋᑦ ᓴᕕᒐᐅᔭᐃᑦ.

·         ᐱᖁᑎᑦ ᐊᑐᖅᑕᐅᔪᑦ ᓇᑉᐸᖅᑯᑎᓄᑦ ᓲᕐᓗ ᓴᕕᒐᐅᔭᑦ ᑭᓱᓪᓘᓐᓃᑦ ᐊᐳᑎᒧᑦ ᓴᐅᓯᒪᑐᐃᓐᓇᕆᐊᖃᕐᒪᑕ. ᓇᑉᐸᖅᑯᑎᑦ ᐅᖓᓯᒋᓗᒋᑦ  ᐃᖏᕐᕋᕙᒡᓗᓯ. ᐊᖁᑉᐸᒃᑐᓄᑦ ᑕᑯᔭᐅᔪᓐᓇᖁᓪᓗᒋᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐃᓕᐅᖅᑲᐃᓚᐅᖅᐳᑦ ᑕᖅᓵᖅᑐᓂᑦ ᓴᕕᒐᐅᔭᕐᓄᑦ ᐊᑐᖅᑕᐅᒐᔪᒃᑐᑎᒍᑦ ᐊᖅᑯᑎᒃᑯᑦ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐃᒃᐱᐊᕐᔪᖕᒥᐅᓂᒃ ᑐᓴᐅᒪᖁᔨᖕᒪᑕ ᐸᕐᓇᒃᑕᐅᓯᒪᔪᒥᒃ, ᖃᒥᙶᖅᑎᑕᐅᓂᐊᕐᓂᖏᓐᓂᒃ ᓯᕙᑖᕐᕕᖕᒥ, ᑎᓯᐱᕆ 11, 12:00-ᒥ ᐅᓪᓗᕈᒻᒥᑕᕐᓇᒥ 2:00-ᒧᐊᖅᓴᓂᖓᓄᑦ ᐅᓐᓄᒃᓴᒧᑦ. ᓄᓇᓖᑦ ᐊᑕᖏᑦᑎᐊᕐᓗᑎᒃ ᖃᒥᑲᑕᖕᓂᐊᕐᒪᑕᒎᖅ ᕿᓚᒻᒥᐅᑦᑕᕋᓗᐊᕐᓗᑎᒃ ᑭᓯᐊᓂ ᐃᑲᕐᕌᖕᓄᑦ ᒪᕐᕉᖕᓄᑦ.

ᖃᒥᙶᖅᑎᑕᐅᒋᐊᖃᓚᐅᑲᖕᓂᐊᕐᒪᑕ ᓄᑖᖅ ᐆᒻᒪᖁᑎᓕᕆᕝᕕᒃ ᐃᑭᑕᐅᓗᓂ ᓄᓇᓖᑦ ᐊᑐᓂ ᐃᒡᓗᓄᑦ ᑲᑉᐳᔾᔨᕕᖏᑦ ᒪᑭᑕᐅᔭᕆᐊᖃᕐᒪᑕ ᐃᒻᒥᑰᖓᓕᕐᓗᑎᒡᓗ ᐆᒻᒪᖁᑎᓕᕆᔾᔪᑎᓂᒃ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖁᔭᓕᕗᑦ ᐃᒃᐱᐊᕐᔪᖕᒥᐅᓂᒃ ᑐᑭᓯᐅᒪᔪᓐᓇᕐᒪᑕ ᒪᒥᐊᑉᐳᓪᓗ ᐊᑲᐅᙱᓕᐅᖅᑎᑦᑎᓐᓂᖅᐸᑕ ᖃᒥᙶᖅᑎᓪᓗᒋᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕈᓃ ᐴᓱ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ
(867) 979-7524
rboucher@qec.nu.ca

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᓴᓂᑭᓗᐊᕐᒥᐅᓂᒃ ᖃᐅᔨᒃᑲᐃᔪᒪᔪᑦ ᓄᓇᓕᓕᒫᑦᑎᐊᖅ ᖃᒥᙶᓛᕐᓂᖓᓂ ᐱᖓᔪᐊᓂ, ᓄᕕᐱᕆ 17, 7−ᒥ 10-ᒧᑦ ᐅᓪᓛᒃᑯᑦ.

ᖃᒥᙶᕆᐊᖃᕐᓂᐊᖅᐳᑦ ᐊᑦᑕᕐᓇᖏᑦᑐᒃᑯᑦ ᐊᑦᑕᑕᖅᑎᑦᑎᓂᐊᕐᒪᑕ ᑐᐊᕕᕐᓇᖅᑐᓄᑦ ᐊᐅᓚᐅᑎᖃᕐᕕᖕᒥ ᖃᐅᒻᒪᖅᑯᑎᖃᖅᑎᑦᑎᔾᔪᑎᖓᓄᑦ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖁᔭᓕᕗᑦ ᓴᓂᑭᓗᐊᕐᒥᐅᓂᒃ ᑐᑭᓯᐅᒪᔪᓐᓇᕐᒪᑕ ᒪᒥᐊᑉᐳᓪᓗ ᐊᑲᐅᙱᓕᐅᖅᑎᑦᑎᓐᓂᖅᐸᑕ ᖃᒥᙶᖅᑎᓪᓗᒋᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᕈᓃ ᐴᓱ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ
(867) 979-7524
rboucher@qec.nu.ca

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᑲᖏᖅᖠᓂᕐᒥᐅᓂᒃ ᑐᓴᐅᒪᖁᔨᕗᑦ ᐸᕐᓇᒃᑕᐅᓯᒪᓪᓗᓂ ᖃᒥᙶᓛᕐᓂᖏᓐᓂᒃ ᓈᑦᑏᖑᔭᒥ, ᓄᕕᐱᕆ 14, 7:00-ᒥ 11:00-ᒧᑦ ᐅᓪᓛᒃᑯᑦ. ᖃᒥᙶᓛᖅᑐᑦ ᓄᓇᙳᐊᒥ ᐊᑖᓂ ᖁᖅᓱᖅᑕᒥᑦ ᓇᓗᓇᐃᖅᓯᒪᕗᑦ.

 ᖃᒥᙶᖅᑎᑕᐅᓂᐊᓚᐅᖅᑑᒐᓗᐊᑦ ᓄᕕᐱᕆ 7−ᖑᓕᖅᐸᑦ, ᑭᓯᐊᓂᓕ ᐅᓪᓗᖅ ᐊᓯᔾᔨᖅᑕᐅᒋᐊᖃᓚᐅᕐᒪᑦ ᐸᕐᓇᒃᑕᐅᓯᒪᙱᑦᑐᒥᒃ ᖃᒥᙶᖅᑐᖃᓚᐅᕐᓂᖓᓄᑦ ᐊᓯᐊᓂ ᓄᓇᓕᖕᓂ. ᖃᒥᙶᖅᑎᑕᐅᔭᕆᐊᖃᕐᒪᑕ ᐊᑦᑕᕐᓇᙱᑦᑐᒥᑦ ᐊᐅᓪᓛᖅᑎᑦᑎᔪᓐᓇᖁᓪᓗᒋᑦ ᐆᒻᒪᖅᑯᑎᓄᑦ ᐅᐊᔭᖏᑦ ᑲᓱᖅᑎᑕᐅᓗᑎᑦ ᓄᑖᕐᒧᑦ ᐱᓕᕆᔾᔪᑎᖓᓐᓄᑦ ᓄᓇᓕᖕᒥ. 

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖁᔭᓕᕗᑦ ᑲᖏᖅᖠᓂᕐᒥᐅᓂᒃ ᑐᑭᓯᐅᒪᔪᓐᓇᕐᒪᑕ, ᒪᒥᐊᑉᐳᓪᓗ ᐊᑲᐅᙱᓕᐅᖅᑎᑦᑎᓐᓂᖅᐸᑕ ᖃᒥᙶᖅᑎᓪᓗᒋᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᕈᓃ ᐴᓱᕐ

ᐊᐅᓚᑦᑎᔨᐅᑲᐃᓐᓇᖅᑐᖅ, ᐆᒻᒪᖅᑯᑎᓕᕆᔨᒃᑯᑦ ᑐᓴᐅᒪᔪᓕᕆᔨᒃᑯᖏᓐᓄᑦ

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ