ᓴᓇᔨᓄᑦ ᐃᑲᔪᖅᑎ
ᐃᒪᐃᑦᑑᕖᑦ ᐃᓅᓪᓗᑎ ᖁᕕᐊᒋᔭᖃᖅᑐᑎᑦᖅ ᑎᒥᒃᑯᑦ ᐊᐅᓚᓂᒃᑯᑦ ᐊᒻᒪ ᐊᓪᓚᕕᒻᒥ ᐃᖅᑲᓇᐃᔭᓂᕐᒧᑦ? ᑐᓴᐅᒪᖃᑎᖃᑦᑎᐊᕈᓐᓇᖅᑮᑦ ᐃᖅᑲᓇᔭᖃᑎᓐᓄᑦ ᐊᒻᒪ ᐱᔨᑦᑎᖅᑕᓄᑦ? ᐊᖏᕈᕕ, ᐊᓯᓱᓂᑦ−ᐱᓕᕆᐊᔅᓴᓕ ᐃᖅᑲᓇᐃᔮᑦ ᐃᓕᓐᓄᑦ ᐃᖅᑲᓇᐃᔮᑦᑎᐊᕙᐅᒐᔭᖅᑐᖅ.
ᖃᒥᙶᖅᑎᑕᐅᓛᖅᑐᖅ ᐊᐅᓱᐃᑦᑐᒥ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖃᐅᔨᒃᑲᐃᔪᒪᕗᑦ ᐊᐅᓱᐃᑦᑐᒥᐅᓂᒃ ᓄᓇᓕᖕᓂᒃ ᐊᑐᖅᑕᐅᓂᐊᖅᑐᒥᒃ ᐱᕙᒌᔭᖅᑕᐅᓯᒪᔪᒥᒃ ᖃᒥᓛᕐᓂᖏᓐᓂᒃ ᑖᒃᑯᓇᓂ ᓄᓇᓕᖕᓂ. ᑖᒃᑯᐊ ᖃᒥᓚᐅᑲᖕᓂᖅ ᐱᔭᕆᐊᖃᖅᑐᑦ ᐱᔭᕇᖅᓯᓂᕐᒥᑦ ᑭᖑᓪᓕᖅᐹᖑᔪᒥ ᓴᓇᔭᐅᔭᕆᐊᖃᕐᓂᕐᒥᑦ ᐊᒻᒪᓗ ᖃᐅᔨᓴᖅᑕᐅᓗᑎᒃ ᓄᑖᖑᔪᒥ ᐅᒻᒪᖁᑎᖃᕐᕕᒃᓴᒥᑦ.
ᓇᓗᓇᕈᔪᒃᐸᖕᓂᖓᓄᑦ ᓯᓚ ᐱᔾᔪᑎᒋᓪᓗᒍ, ᓄᒃᑕᕐᓂᕐᒧᓪᓘᓐᓃᑦ ᐋᖅᑭᒃᓱᖅᑕᐅᕙᒃᑐᓄᑦ, ᖃᒥᙶᖅᑎᑕᐅᓛᕐᓂᖓᑕ ᖃᖓᒃᑰᕐᓂᖓ ᒫᓐᓇ ᒪᓂᒪᑎᑕᐅᙱᓚᖅ. ᑕᒪᑐᒥᖓ ᐊᑐᖅᐸᒃᑐᑦ ᑐᓴᐅᒪᑎᑕᐅᓂᐊᖅᐳᑦ ᓯᕗᓂᐊᒍᑦ ᐱᕙᒌᔭᖅᑕᐅᓯᒪᔫᕐ ᖃᒥᙶᖅᑎᑕᐅᓛᕐᓂᖏᑕ ᕼᐋᒻᒪᓚᒃᑯᑦ ᐃᖅᑲᓇᐃᔭᖅᑎᖏᑎᒍᑦ, ᓄᓇᓕᖕᒥᐅᑦ ᓈᓚᐅᑎᖓᑎᒍᑦ ᐊᒻᒪᓗ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑕ ᑎᒥᖁᑖᑕ ᑭᒃᑯᑐᐃᓐᓇᓂᒃ ᑐᓴᐅᒪᑎᑦᑎᕙᖕᓂᕐᒧᑦ ᐊᑐᖅᐸᒃᑕᖏᑎᒍᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᐊᐅᓱᐃᑦᑐᒥᐅᓂᒃ ᖁᔭᓕᔪᒪᕗᑦ ᑐᑭᓯᐅᒪᓂᖏᓐᓄᑦ ᒪᒥᐊᒃᐳᒍᓪᓗ ᖃᒥᙶᖅᑎᑕᐅᑎᓪᓗᒋᑦ ᐊᑲᐃᓪᓕᐅᕈᑕᐅᓐᓂᖅᐸᑦ.
###
ᐊᖓᔪᖅᑳᖅ, ᐸᕐᓇᓂᕐᒧᑦ ᕿᒥᕐᕈᓂᕐᒧᓪᓗ
ᑖᓐᓇ ᖁᕕᐊᓇᖅᑐᓪᓚᕆᒃ ᑎᓕᓯᔾᔪᑕᐅᓯᒪᔪᖅ ᐃᑲᔪᖅᓯᓂᖃᖅᓱᓂ ᐱᓇᓱᐊᕐᕕᒻᒥ ᐃᖅᑲᓇᐃᔭᖅᑎᒻᒪᕆᒃ, ᐅᐸᓗᖓᐃᔭᑦᓯᐊᕐᓗᓂ ᐃᓱᒪᑦᓴᖅᓯᐅᕈᓐᓇᖅᑐᖅ ᑕᑯᑦᓴᐅᑎᑦᓯᒍᓐᓇᕐᓗᓂ ᐊᐅᓚᔾᔭᒋᐊᕈᑕᐅᓯᒪᔪᓂᒃ ᓴᙱᔫᓗᓂ ᐃᓱᒻᒪᓯᖓ, ᕿᒥᕐᕈᑦᓯᐊᕐᓗᓂ ᐸᕐᓇᒍᓐᓇᕐᓗᓂ, ᑲᒪᒍᓐᓇᕐᓗᓂ ᑮᓇᐅᔭᓅᖓᔪᓂᒃ ᐊᐅᓚᓂᕐᒧᓪᓗ ᐃᓱᒫᓘᑕᐅᔪᓂᒃ ᐃᑲᔪᖅᑐᐃᑦᓯᐊᕐᓗᓂ ᖃᓄᖅᑑᑦᓯᐊᕐᓂᕐᒥᒃ.
ᐊᐅᓚᑦᑎᔨᐅᑉ ᐃᑲᔪᖅᑎᖓ
ᑖᓐᓇ ᐃᖅᑲᓇᐃᔮᓪᓚᕆᒃ, ᐅᓪᓘᑉ ᓇᑉᐸᖓᓂ (24 ᐃᑲᕐᕋᑦ ᐱᓇᓱᐊᕈᓯᕐᒥᑦ) ᐱᕕᒃᓴᑦᑎᐊᕙᐅᕗᖅ ᐃᖅᑲᓇᐃᔭᖃᑦᑕᕐᓂᑰᔪᒧᑦ ᐱᓕᕆᓕᒪᑦᑎᐊᖅᑐᒥᑦ ᐊᒻᒪᓗ ᑲᒪᒋᔭᖃᕈᓐᓇᑦᑎᐊᖅᑐᒥᑦ ᖃᓄᐃᔾᔪᑕᐅᔪᓂᒃ ᐱᓪᓗᒋᑦ ᐆᒻᒪᖅᑯᑎᖃᖅᑐᑦ ᐅᓐᓂᕐᓘᑎᒋᔭᒥᖕᓂ ᐊᒻᒪ ᐊᐱᖅᑯᑎᒋᓯᒪᔭᒥᖕᓂ.
ᖃᕋᓴᐅᔭᓕᕆᓂᒃᑯᑦ ᐃᓚᒃᓴᓄᓪᓗ ᖃᐅᔨᒪᔨᑕᒻᒪᕆᒃ
ᐊᑲᐅᙱᓕᐅᕈᑎᓂᒃ ᐋᖅᑭᒃᓯᓇᓱᒍᓐᓇᑦᑎᐊᕐᓗᓂ ᐃᓅᖃᑎᖃᕈᓐᓇᑦᑎᐊᕐᓗᓂᓗ ᐊᒻᒪᓗ ᖃᐅᔨᒪᑦᑎᐊᕐᓗᓂ ERP ᖃᕆᓴᐅᔭᓕᕆᔾᔪᑎᒥᑦ ᐊᒃᑐᐊᓂᓕᖕᓂᓪᓗ ᖃᕆᓴᐅᔭᒃᑯᑦ ᑐᖅᑯᖅᑐᐃᕕᖕᓂᑦ, ᐱᒻᒪᕆᐅᔪᒥᑦ ᐱᓕᕆᐊᒃᓴᖃᕈᓐᓇᖅᐳᑎᑦ ᐃᑲᔪᖅᑐᐃᕙᒡᓗᑎᑦ ᖃᕆᓴᐅᔭᓕᕆᓂᒃᑯᑦ ᐃᓚᒃᓴᓕᕆᔾᔪᑎᓂᒃ ᐊᑐᕈᓐᓇᑦᑎᐊᕐᓂᕐᒥᒃ ᐊᑦᑕᕐᓇᙱᑎᑦᑎᓗᑎᓪᓗ ᐊᒻᒪ ᐊᑐᕈᓐᓇᕐᓂᖅᓴᓂᒃ ᖃᕆᓴᐅᔭᒃᑯᑦ ᑎᑎᕋᖅᓯᒪᔪᓂᑦ ᐱᔪᓐᓇᖅᑎᑦᑎᖃᑦᑕᕐᓗᑎᑦ ᐱᐅᔪᓂᒡᓗ.
ᐋᓐᓂᐊᖅᑲᑦᑕᐃᓕᒪᓂᕐᒧᑦ, ᐊᑦᑕᕐᓇᖅᑕᐃᓕᒪᓂᕐᒧᑦ ᐊᕙᑎᓕᕆᓂᕐᒧᓪᓗ ᐅᖃᐅᔾᔨᒋᐊᖅᑎ
ᐃᓱᒪᒋᔭᖃᑦᓯᐊᕈᓐᓇᖅᑮᑦ, ᓇᒻᒥᓂᖅ-ᑐᑭᒧᐊᒍᓐᓇᕐᓗᑎᑦ ᐃᖅᑲᓇᐃᔭᕐᕕᒻᒥᑦ ᖃᓄᐃᙱᑦᑎᐊᕋᓱᕐᓂᖅ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᓯᕗᓕᖅᑎᐅᓂᕐᒥᑦ ᐊᓯᔾᔩᓂᖃᕈᒪᒍᕕᑦ ᐃᖅᑲᓇᐃᔭᕐᕕᓐᓂᑦ? ᖃᐅᔨᓴᕈᓐᓇᖅᑮᑦ ᑲᔪᓯᑎᑦᓯᓂᕐᒥᓪᓗ ᐱᔭᕆᐊᖃᕐᓂᐅᔪᓂᑦ ᐊᑦᑕᕐᓇᖏᑦᑐᒥᑦ-ᑐᕌᒐᖃᕐᓂᕐᒥᑦ ᑲᑐᔾᔨᖃᑎᒌᒥᒃ ᐅᕙᒍᑎᑐᑦ, ᐊᑐᐊᒐᓕᕆᓂᕐᒧᑦ ᒪᓕᒐᕐᓂᕐᓗ ᒪᓕᒋᐊᖃᕐᓂᕐᒥᑦ? ᑕᐃᒪᐃᑉᐸᑦ, ᐃᖅᑲᓇᐃᔮᖃᕐᓂᕐᒥᑦ ᐃᓚᒋᔭᐅᓕᕐᓗᑎᓪᓗ ᐃᖅᑲᓇᐃᔭᖃᑕᐅᓕᕆᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ 2018 ᓘᕋ ᐅᓪᓗᕆᐊᖅ ᒎᑎᐊᐃ
ᐃᖃᓗᐃᑦ, ᓄᓇᕗᑦ (ᐊᑦᑑᕝᕙ 30, 2018) − ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ (QEC) ᑐᓂᓯᔪᑦ 2018 ᓘᕋ ᐅᓪᓗᕆᐊᖅ ᒎᑎᐊᐃ ᐃᓕᓐᓂᐊᕈᑎᔅᓴᓄᑦ ᐃᑲᔫᓯᐊᕐᒥᑦ ᔮᔅᒥᓐ ᕋᑦᐴᓐᒧᑦ ᐃᖃᓪᓗᒻᒥᐅᑕᖅ. ᑕᕝᕙᓂ ᐊᕐᕌᒍᒥᑦ ᐃᑲᔫᓯᐊᖅᑐᖅ ᐃᓕᓐᓂᐊᖅᑎᐅᖃᑕᐅᔪᖅ ᓄᓇᕗᒻᒥ ᒪᓕᒐᓕᕆᔨᐅᓂᕐᒧᑦ ᐃᓕᓐᓂᐊᖅᑐᕈᑎᒥᑦ ᐃᖅᑲᓇᐃᔭᖅᑎᐅᓛᕈᒪᓪᓗᓂ ᒪᕐᕉᓐᓂᒃ ᐅᖃᐅᓰᓐᓂᒃ ᐅᖃᕈᓐᓇᕐᓗᓂ ᐃᓄᒃᑎᑐᑦ ᖃᓪᓗᓈᑎᑐᓪᓗ ᒪᓕᒐᓕᕆᔨᐅᓗᓂ.
"ᕈᑦᐴᓐ ᓯᕗᓕᖅᑎᐅᓯᒪᔪᖅ ᑭᒡᒐᖅᑐᐃᔨᐅᖃᑦᑕᖅᑐᓂᓗ ᓄᓇᖃᖅᑳᖅᓯᒪᔪᓂᑦ ᒪᒃᑯᑦᑐᓂᑦ ᓄᓇᕗᒻᒥ ᑲᓇᑕᒥᓪᓗ" ᐅᖃᖅᑐᖅ ᒪᓕᒐᓕᐅᖅᑎ ᔩᓂᑯᓗᒃ ᐃᕼᐊᓪᓗᐊᖅ, ᒥᓂᔅᑕ ᑲᒪᒋᖃᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂ. "ᑖᔅᓱᒪ ᓯᕗᓕᖅᑎᐅᓂᕆᔭᖓ ᐊᔾᔨᐸᓗᖏᓐᓂᑦ ᐱᖅᑯᓯᖃᖅᑐ ᓘᕋ ᐅᓪᓗᕆᐊᖅ ᒎᑎᐊᐃᒥᑦ, ᑖᓐᓇ ᐃᑲᔫᓯᐊᖅ ᐊᑎᖅᑕᐅᓯᒪᔪᑎᒋᔭᖓᓂ."
ᒥᓂᔅᑕ ᐃᕼᐊᓪᓗᐊᖅ ᑐᓴᖅᑎᑦᑎᕗᖅ ᓄᑖᓂᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄᑦ ᑲᑎᒪᔨᙳᖅᑎᑕᐅᔪᓂᑦ
ᐃᖃᓗᐃᑦ, ᓄᓇᕗᑦ (ᐅᑐᐱᕆ 25, 2018)−ᒪᓕᒐᓕᐅᖅᑎ ᔩᓂ ᐃᕼᐊᓪᓗᐊᖅ, ᒥᓂᔅᑕ ᑲᒪᒋᔭᓕᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᑦ, ᑐᓴᖅᑎᑦᑎᖕᒪᑕ ᐱᖓᓱᓂᑦ ᓄᑖᓂᑦ ᑲᑎᒪᔨᙳᖅᑎᑕᐅᔪᓂᑦ ᑎᒥᖁᑎᒋᔭᑦ ᑲᑎᒪᔨᖏᓐᓄᑦ; ᔪᐊᓂ ᐸᓪᓗᖅ ᐃᖃᓗᖕᒥᐅᑦ, ᓇᔅᑖᓐᓂᐊ ᒪᓕᓐ ᐃᖃᓗᖕᒥᐅᑦ, ᕌᒃᓵᓐ ᕉᑎᒍᓗ ᑲᖏᖅᖠᓂᖕᒥᐅᑦ. ᐅᑐᐱᕆ 18, 2018−ᖑᑎᓪᓗᒍ, ᒥᓂᔅᑕᐃᑦ ᐊᖏᕐᓯᓚᐅᖅᐳᑦ ᑲᑎᒪᔨᙳᖅᑎᑕᐅᔪᓂᑦ ᐊᕐᕌᒍᓄᑦ ᐱᖓᓱᓄᑦ.
ᑭᙵᕐᓂᑦ ᐆᒻᒪᖅᑯᑎᖏᑦ ᖃᒥᙶᑲᑕᓛᖅᑐᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᑭᙵᕐᒥᐅᓂᒃ ᑐᓴᖅᑎᑦᑎᔪᒪᕗᑦ ᐆᒻᒪᖁᑎᖏᑦ ᖃᒥᙶᑲᑕᓛᕐᒪᑕ ᐱᖓᔪᐊᓂ ᐱᒋᐊᕐᓗᓂ, ᐅᑐᐱᕆ 24, ᕿᑎᖅᑰᒧᑦ ᑎᑭᓪᓗᒍ, ᓄᕕᐱᕆ 15. 5-ᒥᓂᑦᔅᒥᑦ ᐃᑲᕐᕋᓕᒫᒧᑦ ᑎᑭᓪᓗᒍ ᖃᒥᙶᖃᑦᑕᓛᖅᑐᑦ 8−ᒥᑦ ᐅᓪᓛᒃᑯᑦ ᐱᒋᐊᕐᓗᓂ 5-ᒧᑦ ᐅᓐᓄᒃᑯᑦ ᑎᑭᓪᓗᒍ.
ᖃᒥᙶᑲᑕᒋᐊᖃᕐᓂᐊᖅᑐᑦ ᓄᑖᙳᕆᐊᖅᑕᓗᑎᒃ ᓴᓇᔭᐅᓗᑎᒡᓗ ᖃᐅᒻᒪᖅᑯᑎᖃᖅᑎᑦᑎᔾᔪᑏᑦ ᐊᒻᒪ ᐊᑐᕈᓐᓇᖅᓯᑎᑕᐅᑦᑎᐊᒃᑲᓐᓂᕐᓗᑎᒃ. ᐱᓕᕆᓕᖅᐸᑕ ᐋᖅᑭᒃᓱᐃᓂᐊᕆᕗᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖃᕆᓴᐅᔭᒃᑰᕈᑎᖓ ᐊᑦᑕᑕᖅᑎᑕᐅᓗᓂ ᐊᐅᓚᐅᑎᖃᕐᕕᒃᑖᓵᒧᑦ.
ᐊᑭᓕᖅᓱᐃᕙᒃᑐᓕᒫᑦ ᐅᐸᒃᑕᐅᓗᑎᒃ ᑐᓴᖅᑎᑕᐅᖃᑦᑕᕐᓂᐊᖅᐳᑦ ᖃᒥᑎᑕᐅᓚᐅᙱᓐᓂᖏᓐᓂᒃ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᖁᔭᓕᔪᒪᕗᑦ ᑭᙵᕐᒥᐅᓂᑦ ᑐᑭᓯᐅᒪᓂᖏᓐᓄᑦ ᒪᒥᐊᒃᐳᒍᓪᓗ ᐊᑲᐃᓪᓕᐅᕈᑕᐅᓂᐊᖅᐸᑦ ᖃᒥᙶᖅᑎᓪᓗᒋᑦ.
###
ᑐᑭᒧᐊᑦᑎᑦᓯᔨ, ᐅᑭᐅᖅᑕᖅᑐᒥ ᐆᒻᒪᖅᑯᑎᒧ ᑮᓇᐅᔭᖁᑏᑦ
ᐊᐅᓚᐅᓯᕆᔨᒻᒪᕆᐅᕖᑦ ᖃᐅᔨᒪᓂᖃᖅᓱᑎᑦ ᐱᐅᓂᖅᐹᒃᑯᑦ ᐱᓕᕆᔾᔪᓯᕐᒥᑦ ᐊᐅᓚᑦᓯᓂᕐᒧᑦ ᐱᓕᕆᐊᓂᓪᓗ ᐊᐅᓚᑦᓯᓂᕐᒧᑦ ᐱᓕᕆᔾᔪᓯᕐᓂᑦ? ᐊᐅᓚᑦᓯᒍᓐᓇᖅᑮᑦ ᐃᓄᒥ, ᑮᓇᐅᔭᓕᕆᓂᕐᒧᑦ ᐱᖁᑎᖃᖅᑎᑦᓯᓂᕐᒥᓪᓗ, ᖃᓄᖅᑑᕈᓐᓇᕐᓂᕐᒥᑦ ᓇᓕᒧᑎᑦᓯᓂᕐᒥᓪᓗ ᓯᕗᓪᓕᐅᔾᔭᐅᔭᕆᐊᓕᓐᓂᑦ ᐊᒥᓱᓄᑦ-ᐱᖃᖃᑕᐅᔪᓄᑦ? ᑕᐃᒪᐃᑉᐸᑦ, ᓯᕗᓕᐅᖅᑎᐅᓂᕐᒧᑦ ᑲᒪᒋᔭᖃᕈᓐᓇᖅᑐᑎᑦ.