ᐃᖃᓗᐃᑦ, ᓄᓇᕗᑦ (ᐋᒌᓯ 15, 2019) – ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐅᓪᓗᒥ ᑐᓴᖅᑎᑦᑎᖅᑲᐅᕗᑦ ᒪᓕᒐᓕᐅᖅᑎᑦ ᑲᑎᒪᔨᖏᑦ ᑎᒃᑯᐊᖅᑕᐅᔪᓂᑦ ᐊᖏᓚᐅᕐᓂᖏᓐᓂᒃ ᐅᑯᓂᖓ ᐋᓐᑐᕈ ᓇᑲᓱᒃ, ᑮᑦ ᐲᑕᓴᓐ, ᐊᒻᒪ ᒫᑕ ᓕᓂᐅ ᐆᒻᒪᖅᑯᑎᓕᕆᔨᒃᑯᓐᓄᑦ ᑲᑎᒪᔨᐅᓂᐊᓕᖅᑐᓂᑦ. ᐊᒻᒪᓗᑦᑕᐅᖅ, ᒪᓕᒐᓕᐅᖅᑎᑦ ᑲᑎᒪᔨᖏᑦ ᐊᖏᓚᐅᕆᓪᓗᑎᒃ ᓯᒥᐅᓂ ᐊᒃᐸᓕᐊᓗᒃ ᐃᒃᓯᕙᐅᑕᕐᒧᑦ ᑎᒃᑯᐊᖅᑕᐅᓂᖓᓄᑦ ᐊᒻᒪ ᑮᑦ ᐲᑕᓴᓐ ᐃᒃᓯᕙᐅᑕᐅᑉ ᑐᒡᓕᐊᓄᑦ ᑲᑎᒪᔨᓄᑦ. ᐃᒃᓯᕙᐅᑕᒧᑦ ᑐᖓᓕᐊᓄᓪᓗ ᑎᒃᑯᐊᖅᑕᐅᓯᒪᓂᐊᖅᐳᑦ ᒪᐃ 2020-ᒧᑦ ᑎᑭᓪᓗᒍ ᐊᒻᒪ ᑲᑎᒪᔨᓄᑦ ᑎᒃᑯᐊᖅᑕᐅᔪᑦ ᐊᕐᕌᒍᓄᑦ ᐱᖓᓱᓄᑦ ᑲᑎᒪᔨᐅᓂᐊᖅᖢᑎᒃ.
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐃᖃᓗᒻᒥᐅᓂᒃ ᓂᐅᖁᙴᒥᐅᓂᓪᓗ ᖃᐅᔨᒃᑲᐃᔪᒪᕗᑦ ᐸᕐᓇᒃᑕᐅᓯᒪᔪᒥᒃ ᖃᒥᙶᓛᕐᓂᖏᓐᓂᒃ ᐊᐅᒡᒍᓯ 15 5−ᒥ ᐅᓐᓄᒃᑯᑦ 6-ᒧᑦ ᐅᓐᓄᒃᑯᑦ. ᐊᑐᖅᑕᐅᓂᖃᕐᓂᐊᖅᑐᑦ ᐅᐃᕖᒃᑯᑦ ᐃᓕᓐᓂᐊᕐᕕᖓᑦ ᓂᐅᖁᙴᒧᓄᑦ ᓇᓗᓇᐃᖅᑕᐅᓯᒪᔪᓪᓗ ᖁᖅᓱᖅᑕᒥ ᓄᓇᙳᐊᕐᒥᑦ ᐊᑖᓂᑦ.
ᑖᓐᓇ ᖃᒥᙵᑎᑦᓯᓂᖅ ᐱᔭᕆᐊᖃᖅᑐᖅ ᑐᐊᕕᕐᓇᖅᑐᓂᑦ ᓴᓇᒋᐊᖃᕐᓂᕐᒧᑦ ᐊᐅᓚᐅᑎᖃᖅᑎᑦᓯᓂᕐᒥᑦ ᐊᑐᖅᑕᐅᖃᑦᑕᖅᑐᓂᑦ.
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᖁᔭᓕᔪᒪᕗᑦ ᓄᓇᓕᒻᒥᐅᓂᑦ ᑐᑭᓯᐅᒪᓂᖏᓐᓄᑦ ᒪᒥᐊᒃᐳᒍᓪᓗ ᐊᑲᐅᓪᓕᐅᕈᑕᐅᓂᐊᖅᐸᑦ ᑕᒪᓐᓇ ᖃᒥᙵᓂᖅ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑳᑦᕆᓐ ᕕᑎᑯ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ
(867) 979-7513
ᐃᖃᓗᐃᑦ, ᓄᓇᕘᒻᒥᑉᐳᖅ, ᐊᐅᓚᑦᑎᔨ−ᐊᐅᓚᓯᕆᕝᕕᐊᓂ ᑐᑭᒧᐊᒃᑎᑦᑎᔨᐊᓄᑦ ᐅᓂᒃᑳᖃᖅᑕᖅᐳᖅ, ᑲᒪᖃᑦᑕᖅᐳᖅ ᐸᕐᓇᐃᕙᒃᖢᓂᓗ ᓴᓇᔭᕆᐊᖃᖅᑐᓕᒫᓂ ᐊᐅᓚᑦᑎᓂᒡᓗ ᐱᔨᑦᑎᕆᐊᖃᖅᑐᓕᒫᓂ ᐊᑐᖃᑦᑕᖅᑕᖏᓐᓂ ᑲᑐᔾᔨᖃᑎᒌᑦ. ᐃᖅᑲᓇᐃᔭᕐᕕᐊᓂ ᐊᐅᓚᑦᑎᖃᑦᑕᖅᐳᖅ, ᐋᖅᑭᒃᓱᐃᕙᒃᖢᓂ, ᐱᓕᕆᐊᖃᖅᑎᑦᑎᕙᒃᖢᓂᓗ ᑲᒪᔨᐅᖃᑦᑕᕆᕗᕐᓗ ᐃᖅᑲᓇᐃᔭᖅᑎᓂ ᐊᐅᓚᐅᓯᕆᕝᕕᖏᓂᑦ ᐱᔨᑦᑎᖅᑕᐅᔪᓂ ᐊᑭᑐᔫᓄᑦ ᐱᓕᕆᐊᒃᓴᓄᑦ ᐊᒻᒪ ᐃᑲᔪᖅᐸᒃᖢᓂ, ᖃᐅᔨᓴᓯᓐᓈᖃᑦᑕᖅᐳᖅ ᐱᓕᕆᐊᖃᖁᔭᐅᔪᓕᒫᓂᒃ.
ᐱᔭᒃᓴᕆᔭᐅᔪᑦ ᑲᒪᒋᔭᒃᓴᕆᔭᐅᔪᓪᓗ:
ᐃᖃᓗᐃᑦ ᓯᓚᑖᓂ ᐱᓕᕆᕙᒡᓗᓂ, ᓄᓇᕗᒻᒥ ᐊᒻᒪ ᐃᒡᓗᕐᔪᐊᑦ ᐊᐅᓚᑦᑎᔨᖓᓄᑦ ᐅᓂᒃᑳᖅᐸᒡᓗᓂ, ᐃᒡᓗᕐᔪᐊᑦ ᑲᒪᔨᖓ ᐱᖁᑎᓕᕆᔨᒃᑯᓐᓄᑦ ᐱᔨᑦᑎᕋᖃᑦᑕᕐᓂᐊᖅᐳᖅ ᐆᒻᒪᖅᑯᑎᓕᕆᔨᒃᑯᓐᓄᑦ ᐊᐅᓚᑕᐅᓂᖏᑦ ᐋᖅᑭᐅᒪᔾᔪᑎᖏᓪᓗ ᐊᖅᑯᑎᒋᓗᒋᑦ ᐆᒻᒪᖅᑯᑎᓕᕆᔨᒃᑯᑦ ᐃᒡᓗᖁᑎᖏᓐᓂᑦ, ᐊᐅᓚᐅᑎᖃᕐᕕᖏᓐᓂ, ᒥᖅᓲᑕᐅᔭᙳᐊᑦ ᐃᒡᓗᕋᓛᖏᓐᓂ, ᓯᕐᓗᐊᖏᓐᓂ, ᑎᑎᕋᕐᕕᖏᓐᓂ, ᐊᒻᒪᓗᑦᑕᐅᖅ ᐃᖅᑲᓇᐃᔭᖅᑎᑦ ᐃᒡᓗᖁᑎᖏᓐᓂᒃ ᐊᒻᒪ ᐃᖅᑲᓇᐃᔭᕆᐊᓚᐅᑲᒃᑐᑦ ᐃᒡᓗᕋᓛᖏᓐᓂ ᓄᓇᕘᓕᒫᑦᑎᐊᖅ.
ᐱᔭᒃᓴᕆᔭᐅᔪᑦ ᑲᒪᒋᔭᒃᓴᕆᔭᐅᔪᓪᓗ:
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖃᐅᔨᒃᑲᐃᔪᒪᕗᑦ ᐅᖅᓱᖅᑑᕐᒥᐅᓂᒃ ᓄᓇᓕᖕᓂᒃ ᖃᒥᓛᕐᓂᖏᓐᓂᒃ, ᓈᑦᑏᖑᔭᒥ ᐋᒡᒌᓯ 11ᖑᓕᖅᐸᑦ 7:00−ᒥᑦ ᐅᓪᓛᒃᑯᑦ 11:00−ᒧᐊᖅᓴᓂᖓᓄᑦ. ᑖᒃᑯᐊ ᖃᒻᒥᙶᕐᓂᐊᖅᑐᑦ ᓇᓗᓇᐃᖅᓯᒪᕗᑦ ᓄᓇᙳᐊᕐᒥᑦ ᐊᑖᓃᑦᑐᒥᑦ.
ᑕᒪᓐᓇ ᖃᒥᙶᕐᓂᕆᔭᐅᔪᖅ ᑕᐃᒪᐃᑦᑕᕆᐊᖃᖅᐳᖅ ᐱᓕᕆᔪᖃᕐᓂᐊᕐᓂᖓᓄᑦ ᐋᖅᑭᐅᒪᑦᑎᐊᕆᐊᖃᕐᓂᖏᓐᓄᑦ ᐱᐅᓯᕚᓪᓕᕐᓗᑎᑦ ᓱᕋᑦᑕᙱᓐᓂᖅᓴᐅᖁᓪᓗᒋᑦ ᐆᒻᒪᖁᑎᖃᖅᑎᑦᑎᓂᕆᔭᖏᑦ ᑖᒃᑯᓇᒑᖓᔪᑦ ᐃᑯᒪᖏᓐᓂᑦ.
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᖁᔭᓕᔪᒪᕗᑦ ᓄᓇᓕᖕᒥᐅᓂᑦ ᑐᑭᓯᐅᒪᓂᖏᓐᓄᑦ ᒪᒥᐊᒃᐳᒍᓪᓗ ᐊᑲᐅᓪᓕᐅᕈᑕᐅᓂᐊᖅᐸᑦ ᑕᒪᓐᓇ ᖃᒥᙵᓂᖅ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑳᑦᕆᓐ ᕕᑎᑯ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ
(867) 979-7513
ᐅᒃᐱᕆᔭᐅᓂᖃᖅᖢᓂ ᐱᓕᕆᔨᐅᔪᖅ ᖁᐊᖅᓵᕐᓇᖏᑦᑐᒥ, ᑕᑎᒋᔭᕐᓂᖅᑐᒥᒃ ᐊᒻᒪ ᐃᖏᕐᕋᓂᖃᑦᑎᐊᓲᒥᒃ ᐆᒻᒪᖁᑎᖃᖅᑎᑦᑎᔨᐅᓂᕐᒥᒃ ᓄᓇᕗᒻᒥᐅᓕᒫᓄᑦ, ᑕᐃᒪᓐᓄᑦ ᐊᑐᖅᑕᐅᒐᔪᒃᑐᒃᑯᑦ ᐊᒻᒪ ᐊᓯᐊᒍᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐱᕕᖃᖅᑎᑦᑎᔪᓐᓇᖅᐳᑦ ᐃᓄᖕᓂᒃ ᐱᓕᕆᔪᓐᓇᐅᑎᒥᖕᓂᒃ ᐊᔪᙱᓐᓂᕐᒥᓂᓗ ᑲᔪᓯᓂᖃᑦᑎᐊᖅᑎᑦᖁᔨᓪᓗᑎᒃ ᐱᐅᔪᒃᑯᑦ. ᐃᕝᕕᓯᐅᑕᐅᖅᑰᔨᕙ? ᐃᓚᐅᕝᕕᒋᓚᐅᖅᑎᒍᑦ. ᐱᕕᑐᑦᑎᐊᖅᖢᑎᒃ, ᐃᖅᑲᓇᐃᔮᑦᑎᐊᕙᐅᕗᖅ ᐊᔾᔨᒌᙱᕈᓘᔭᖅᑐᑦ, ᐊᒻᒪ ᐃᑲᔪᕈᓐᓇᖅᓯᖁᓗᑎᑦ ᖃᓄᐃᙱᑦᑎᐊᖁᓗᒋᑦ ᓄᓇᕗᒻᒥᐅᓕᒫᑦ ᓄᑖᓂ ᐱᓕᕆᐊᖃᕈᓐᓇᖅᓯᑦᑎᐊᕐᓗᑎᑦ ᐃᖅᑲᓇᐃᔮᓄᑦ − ᒫᓐᓇᒧᑦ ᓯᕗᓂᒃᓴᒧᓪᓗ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᑐᓴᖅᑎᑦᑎᔪᒪᔪᑦ ᑲᖏᖅᖠᓂᕐᒥᐅᓂᑦ ᐸᕐᓇᒃᑕᐅᓯᒪᓪᓗᓂ ᓄᓇᓕᓕᒫᖓ ᖃᒥᙶᖅᑎᑕᐅᓚᕐᒪᑦ ᓴᓇᑦᑕᐃᓕᒥ, ᐋᒌᓯ 11 7-ᒥ ᐅᓪᓛᒃᑯᑦ 11-ᒧᐊᕋᓱᖕᓂᖓᓂ ᐅᓪᓗᕈᒻᒥᓴᕐᓇᒥ.
ᑕᒪᓐᓇ ᖃᒥᙶᕐᓂᕆᔭᐅᔪᖅ ᑕᐃᒪᐃᑦᑕᕆᐊᖃᖅᐳᖅ ᐱᓕᕆᔪᖃᕐᓂᐊᕐᓂᖓᓄᑦ ᑲᒪᒋᔭᐅᓗᓂ ᓇᒧᙵᐅᕙᓪᓕᐊᑎᑕᐅᕙᖕᓂᖓᓂᒡᓗ ᐱᓕᕆᔪᖃᕐᒥᓗᓂ ᐱᐅᓯᒋᐊᖅᑎᑦᑎᔪᒪᓂᕐᒧᑦ ᐊᑐᖅᑕᐅᑦᑎᐊᕈᓐᓇᕐᓂᕆᔭᖓᓂᒃ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᖁᔭᓕᔪᒪᕗᑦ ᖃᐅᓱᐃᑦᑐᕐᒥᐅᓂᒃ ᑐᑭᓯᐅᒪᓂᖏᓐᓄᑦ ᒪᒥᐊᑉᐳᓪᓗ ᐊᑲᐃᓪᓕᐅᕈᑕᐅᓂᐊᖅᐸᑦ ᖃᒥᙶᖅᑎᓪᓗᒋᑦ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑳᑦᕆᓐ ᕕᑎᑯ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ
(867) 979-7513
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖃᐅᔨᒃᑲᐃᔪᒪᕗᑦ ᐸᖕᓂᖅᑑᒥᐅᓂᑦ ᖃᒥᙵᓛᕐᖓᑕ ᓄᓇᓕᓐᓂᑦ ᐃᓚᐃᓐᓇᖏᓐᓂᑦ ᓈᑦᑏᖑᔭᖅ, ᐊᐅᒍᔅᑎ 7−ᒥ 6−ᒥᑦ ᐅᓪᓛᒃᑯᑦ 8−ᒧᑦ.
ᖃᒥᙶᖅᑎᑕᐅᔭᕆᐊᖃᕐᒪᑕ ᓴᓇᔭᐅᒃᑲᓐᓂᕆᐊᖃᕐᓂᖏᓐᓄᑦ ᐋᖅᑭᒃᓱᖅᑕᐅᑦᐊᑎᕐᓗᑎᒡᓗ ᐆᒻᒪᖅᑯᑎᑐᕈᓰᑦ ᑕᑎᒋᔭᐅᑦᑎᐊᕐᓂᖅᓴᐅᔪᓐᓇᖁᓪᓗᒋᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᖁᔭᓕᔪᒪᕗᑦ ᓄᓇᓕᖕᒥᐅᓂᒃ ᑐᑭᓯᐅᒪᓂᖏᓐᓄᑦ ᒪᒥᐊᑉᐳᓪᓗ ᐊᑲᐃᓪᓕᐅᕈᑕᐅᓂᐊᖅᐸᑦ ᖃᒥᙶᖅᑎᓪᓗᒋᑦ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑳᑦᕆᓐ ᕕᑎᑯ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ
(867) 979-7513
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐃᖃᓗᖕᒥᐅᓂᒃ ᖃᐅᔨᒃᑲᐃᔪᒪᕗᑦ ᐸᕐᓇᒃᑕᐅᓯᒪᔪᒥᒃ ᖃᒥᙶᓛᕐᓂᖏᓐᓂᒃ ᐱᖓᔪᐊᑦ, ᔪᓚᐃ 24 5−ᒥ ᐅᓐᓄᒃᑯᑦ 7-ᒧᐊᖅᓴᓂᖓᓄᑦ. ᐊᒃᑐᖅᑕᐅᓂᐊᖅᑐᑦ ᓇᓗᓇᐃᖅᓯᒪᕗᑦ ᓄᓇᙳᐊᒥᑦ ᐅᓇᓂ.
ᖃᒥᙶᖅᑎᑕᐅᔭᕆᐊᖃᕐᓂᐊᖅᐳᑦ ᓄᑖᒥᒃ ᓇᑉᐸᖅᑯᑎᒥᒃ ᐃᓕᔭᐅᔪᖃᕐᓂᐊᕐᓂᖓᓂᒃ ᓴᓇᕝᕕᐅᔪᕐᓗ ᐃᓂᖃᖅᑎᑕᐅᓗᓂ ᐊᕙᑎᖓᓂ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᒪᒥᐊᑉᐳᑦ ᑕᒪᓐᓇ ᐊᑲᐅᙱᓕᐅᕈᑕᐅᓂᐊᕐᓂᖅᐸᑦ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕆᓂ ᐳᓲ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ
(867) 979-7524
ᐆᒻᒪᖅᑯᑎᓕᕆᓂᕐᒧᑦ ᐱᓕᕆᓯᒋᐊᖅᑎ − ᑐᓂᐅᖅᑲᐃᕙᓪᓕᐊᓂᕐᒧᑦ − (ᑕᐃᒪᐃᓚᐅᑲᑐᐃᓐᓇᖅᑐᖅ)
ᐃᖃᓗᖕᓂ ᓄᓇᕗᒻᒥ ᐃᓂᖃᖅᖢᓂ, ᐅᖃᕐᕕᖃᖅᐸᒃᖢᓂᓗ ᐊᐅᓚᑦᑎᔨᒋᔭᐅᔪᒧᑦ, ᐆᒻᒪᖅᑯᒻᒥᒃ ᓇᒧᙵᐅᑎᑦᑎᕙᓪᓕᐊᕙᖕᓂᕐᒧᑦ, ᑖᓐᓇ ᐃᓂᒋᔭᐅᔪᖅ ᑲᒪᒋᔭᒃᓴᖃᖅᐳᖅ ᐱᑎᑦᑎᕙᖕᓂᕐᒥᒃ ᐱᓕᕆᔾᔪᑕᐅᕙᒃᑐᓂᒃ ᐆᒻᒪᖅᑯᒻᒧᓪᓗ ᐊᑐᖅᑕᐅᕙᒃᑐᒧᑦ ᑕᐅᑦᑐᒃᓴᖓᓄᑦ ᐱᔨᑦᑎᕋᕐᓂᕆᔭᐅᔪᓂᒃ ᑕᒪᐃᒃᑯᓕᒫᖅ ᐱᓕᕆᐊᖑᔫᑉ ᐊᑐᖅᑕᐅᕙᓪᓕᐊᓂᖓᓄᑦ ᐆᒻᒪᖅᑯᒻᒥᒃ ᑐᓂᐅᖅᑲᐃᕙᖕᓂᕐᒧᑦ ᐱᓕᕆᐊᖑᔪᓂ ᑕᐅᑦᑐᒃᓴᓕᐅᕐᓂᕐᒥᑦ ᐱᓕᕆᐊᖑᓂᐊᓕᕐᓂᖓᓄᑦ. ᑖᓐᓇ ᐃᓂ ᐱᔭᒃᓴᖃᖅᑎᑕᐅᕗᖅ ᓂᕈᐊᕆᔭᖃᕐᓂᕐᒥᒃ ᐊᑐᖅᑕᐅᓂᐊᖅᑐᓂᒃ ᑕᐅᒃᑐᒃᓴᓕᐅᖅᑕᐅᕙᓪᓕᐊᑎᓪᓗᒍ, ᓇᓗᓇᐃᔭᐃᓂᕐᒥᒃ ᑕᐅᑦᑐᒃᓴᖓᓄᑦ ᖃᓄᐃᓕᐅᖅᑐᖃᕆᐊᖃᕐᓂᖓᓂᒃ ᖃᓄᕐᓗ ᐆᒃᑐᕋᖅᑕᐅᓯᒪᓂᐊᕐᒪᖔᑕ, ᓇᓗᓇᕈᓐᓃᖅᑎᑦᑎᓗᓂ ᐱᑐᐃᓐᓇᐅᙱᑦᑐᓂᒃ ᐱᓕᕆᓂᕐᒧᑦ ᐃᓗᓕᖏᓐᓂᒃ ᑕᐅᑦᑐᒃᓴᖓᓄᑦ, ᓇᓗᓇᐃᒃᑯᑦᑎᖅᓯᓂᕐᒥᒡᓗ ᓇᕿᑦᑎᓗᓂ ᑎᑎᕋᐅᔭᖅᓯᒪᔪᓂᒃ ᑎᑎᕋᖅᑕᐅᓯᒪᔪᓂᒡᓗ.