Skip to main content

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᓴᖅᑭᑦᑎᕗᑦ ᑮᓇᐅᔭᓕᐅᕋᓱᐊᕐᕕᖕᓄᑦ ᐱᓕᕆᕝᕕᐅᔪᓄᓪᓗ ᐆᒻᒪᖅᑯᑎᖃᕈᓐᓇᕐᓂᕐᒧᑦ ᐱᓕᕆᐊᒃᓴᒥᑦ

Submitted by sarsenault2 on

ᐃᖃᓗᐃᑦ, ᓄᓇᕗᑦ (ᒫᑦᓯ 5, 2021) ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᓴᖅᑭᑦᑎᓚᐅᕐᒪᑕ ᑮᓇᐅᔭᓕᐅᕋᓱᐊᕐᕕᖕᓄᑦ ᐱᓕᕆᕝᕕᐅᔪᓄᓪᓗ ᐆᒻᒪᖅᑯᑎᓕᕆᔨᒃᑯᓐᓂ ᐱᓕᕆᐊᒃᓴᒥᑦ ᐊᒻᒪᓗ ᐱᔪᓐᓇᖅᓯᓪᓗᑎᒃ ᑐᒃᓯᕋᐅᑎᓂᑦ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐅᖃᖅᓯᒪᕗᑦ ᑮᓇᐅᔭᓕᐅᕋᓱᒡᕕᖕᓂ ᐱᓕᕆᕝᕕᖕᓂᓪᓗ ᐆᒻᒪᖅᑯᑎᓕᐅᖅᑎᑦ ᐱᓕᕆᐊᖓᑦ ᑮᓇᐅᔭᓕᐅᕋᓱᒃᑎᓂᑦ ᐱᓕᕆᕝᕕᓕᖕᓂᓪᓗ ᐊᑭᓕᖅᓱᐃᕙᒃᑐᓂᒃ ᐆᒻᒪᖅᑯᑎᓕᐅᕈᓐᓇᖅᑎᑦᑎᓂᐊᖅᐳᑦ ᐊᑐᒃᑲᓐᓂᕈᓐᓇᖅᑐᓂᒃ ᐆᒻᒪᖅᑯᑎᓕᕆᔾᔪᑎᓂᒃ ᐊᒻᒪ ᐊᒥᐊᒃᑯᐊᓂᒃ ᓂᐅᕐᕈᑎᖃᖅᐸᒡᓗᑎᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ. ᑮᓇᐅᔭᓕᐅᕋᓱᐊᕐᕕᖕᓄᑦ ᐱᓕᕆᕝᕕᐅᔪᓄᓪᓗ ᐆᒻᒪᖅᑯᑎᓕᕆᔨᒃᑯᓐᓂ ᐱᓕᕆᐊᒃᓴᓕᕆᔨᒃᑯᓐᓄᑦ ᐃᓚᒋᔭᐅᔪᑦ ᐊᑭᓕᖅᑕᐅᓂᐊᖅᐳᑦ ᐆᒻᒪᖅᑯᑎᑐᕈᓯᕐᒥᓄᑦ ᓂᐅᕐᕈᑎᒋᓗᒋᓪᓗ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ ᐊᑭᖃᖅᑎᒋᓗᒋᑦ ᓇᓕᒧᑦᑐᒥᒃ ᐆᒻᒪᖅᑯᑎᓕᕆᔨᒃᑯᑦ ᐃᒐᓯᐅᑎᑐᕐᓂᕆᔭᖓᓐᓄᒃ ᐊᑐᓗᐊᙱᔾᔪᑎᓄᑦ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᒥᒃᓴᐅᑦᑎᓗᑎᒃ ᐊᑭᓕᒐᒃᓴᖅᑖᖅᑎᑦᑎᓂᐊᖅᑐᑦ ᐊᕐᕕᐊᕐᒥᐅᓄᑦ

Submitted by sarsenault2 on

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᒥᒃᓴᐅᑦᑎᓗᑎᒃ ᐊᑭᓕᒐᒃᓴᖅᑖᖅᑎᑦᑎᓂᐊᖅᑐᑦ ᐊᕐᕕᐊᕐᒥ ᐆᒻᒪᖅᑯᑎᓄᑦ ᐊᑭᓕᖅᓱᐃᔨᓄᑦ ᑐᐅᕕᕐᓇᖅᑐᒦᑎᓪᓗᒋᑦ ᓇᓗᓇᐃᖅᑕᐅᓯᒪᓂᖓᓂᒃ ᓄᓇᓕᖕᓂ ᕼᐋᒻᒪᓚᒃᑯᓐᓂ. ᐆᒻᒪᖅᑯᑎᑐᕈᓯᑦ ᖃᐅᔨᓴᕈᑎᑦ ᖃᐅᔨᓴᖅᑕᐅᔾᔮᙱᑦᑐᑦ ᓴᐳᔾᔭᐅᒋᐊᖃᕐᒪᑕ ᐆᒻᒪᖅᑯᑎᓕᕆᔨᒃᑯᑦ ᐃᖅᑲᓇᐃᔭᖅᑎᖏᑕ ᖃᓄᐃᙱᑦᑎᐊᕈᓯᖏᑦ ᐆᒻᒪᖅᑯᑎᓕᕆᔨᒃᑯᑦ ᐊᑦᑕᕐᓇᙱᑦᑐᓂᒃ ᐱᕐᔪᐊᓂᒡᓗ ᐆᒻᒪᖅᑯᑎᖃᖅᑎᑦᑎᒋᐊᖃᖅᑎᓪᓗᒋᑦ.

ᒥᒃᓴᐅᑦᑎᓯᒪᔪᑦ ᐆᒻᒪᖅᑯᑎᓄᑦ ᖃᐅᔨᓴᕈᓯᑦ ᑲᑎᖅᓱᖅᑕᐅᓲᖑᕗᑦ ᐊᑐᖅᑕᐅᓪᓗᑎᒃ ᑕᖅᑭᐅᓚᐅᖅᑐᒥᒃ ᐆᒻᒪᖅᑯᑎᑐᕈᑕᐅᓚᐅᖅᑐᑦ. ᒥᒃᓴᐅᑦᑎᓯᒪᔪᖅ ᐊᑭᑐᓂᖅᓴᐅᑐᐃᓐᓇᕆᐊᖃᖅᐳᑦ ᑐᖓᐅᑦᑎᓯᒪᑐᐃᓐᓇᕆᐊᖃᖅᐳᕐᓘᓐᓃᑦ ᐆᒻᒪᖅᑯᑎᑐᕈᓯᕆᔭᐅᕙᒃᑐᒧᑦ, ᑭᓯᐊᓂ ᐊᔾᔨᒌᙱᓐᓂᖓ ᐋᖅᑭᒋᐊᖅᑕᐅᓛᖅᑐᖅ ᑭᖑᓪᓕᕐᒥ ᑕᖅᑭᒥᒃ ᖃᐅᔨᓴᖅᑕᐅᒋᐊᖃᓕᕐᓂᕐᒥᒃᐸᑕ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐱᔨᑦᑎᕋᖅᑕᐅᕝᕕᖏᑕ ᐊᓪᓚᕝᕕᖏᓐᓂ ᒪᑐᐊᖅᓯᒪᔭᕆᐊᖃᖅᑐᑦ

Submitted by sarsenault2 on

ᐊᑭᓖᔭᖅᑐᖅᐸᒃᑐᑦ ᒪᑐᐊᖅᓯᒪᔭᕆᐊᖃᖅᐳᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐱᔨᑦᑎᕋᖅᑕᐅᕝᕕᖏᑕ ᐊᓪᓚᕝᕕᖏᓐᓂ ᐆᒻᒪᖅᑯᑎᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᐊᒻᒪ ᓄᓇᕗᒻᒥ ᓄᓇᓕᖏᑦ ᖃᓄᐃᙱᑦᑐᑦ ᓴᐳᔾᔭᐅᖁᓪᓗᒋᑦ. ᐅᑯᓇᓂ ᐱᔨᑦᑎᕋᖅᑕᐅᕝᕕᖕᓂ ᐊᓪᓚᕝᕕᖃᖅᐳᑦ ᑲᖏᖅᖠᓂᕐᒥ, ᖃᒪᓂ'ᑐᐊᕐᒥ, ᐃᖃᓗᖕᓂ, ᐊᒻᒪ ᐃᖃᓗᒃᑑᑦᑎᐊᕐᒥ ᒪᑐᐃᖓᕙᒃᖢᑎᒡᓗ ᐃᖅᑲᓇᐃᔭᕐᓇᓂ ᐃᑲᕐᕋᓂᑦ (8:30−ᒥᑦ ᐅᓪᓛᒃᑯᑦ 5:00−ᒧᐊᕋᓱᖕᓂᖓᓄᑦ ᐅᓐᓄᒃᓴᒃᑯᑦ ᓄᓇᓕᖕᓂ ᖃᐅᔨᓴᐅᑎᖓ ᒪᓕᒃᖢᒍ).

ᖃᔅᓰᓐᓇᐃᑦ ᐃᓄᐃᑦ ᐃᓯᕈᓐᓇᖅᑐᑦ ᐊᑭᓖᔭᖅᑐᖅᑐᑦ ᐊᑕᐅᓯᐊᕐᓗᑎᒃ. ᐊᑭᓕᖅᓱᐃᕙᒃᑐᓕᒫᑦ ᐃᒃᐱᒍᓱᖁᔭᐅᑦᑎᐊᖅᐳᑦ ᐋᓐᓂᐊᖃᕐᓇᙱᑦᑐᓕᕆᔨᑦ ᑭᒡᓕᖃᖅᑎᑕᖏᓐᓂᒃ 2 ᒦᑕᓂᒃ ᐅᖓᓯᒌᒃᑎᒋᕙᒡᓗᑎᒃ (6−ᓂᒃ ᐃᓯᒃᑲᓂᒃ) ᐃᓅᖃᑎᒥᓂᒃ ᒪᑐᐊᖅᓯᒪᕙᒡᓗᑎᒡᓗ.

ᒪᑐᐃᓕᓵᖅᑎᓪᓗᒍ ᐃᑲᕐᕋᖏᓐᓂ ᐃᖅᑲᓇᐃᔭᕐᓇᓂ ᐃᓐᓇᕐᓄᑦ ᑐᕌᖓᑎᑕᐅᓂᐊᖅᑐᑦ ᐊᓯᖏᓐᓄᓪᓗ ᐊᒃᑐᖅᑕᐅᓴᕋᐃᑦᑐᓄᑦ.

ᐅᐊᔭᓕᕆᔨ (ᐃᖅᑲᓇᐃᔭᑲᐃᓐᓇᕋᔭᖅᑐᖅ)

Submitted by ptapatai on

ᐱᔪᒥᓇᒃᑲᓐᓂᖅᑐᒥᒃ ᐃᖅᑲᓇᐃᔮᖃᕆᑦ ᐅᑭᐅᖅᑕᖅᑐᒥ!

ᖃᐅᔨᒋᐊᕈᒃ ᐃᓕᖕᓄᑦ ᐱᓕᕆᐊᒃᓴᑦᑎᐊᕙᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᐊᑐᑦᑎᐊᖏᓐᓇᕈᓐᓇᖅᑐᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ.

ᐱᓕᕆᖃᑎᒌᖕᓂᖅ ᓄᓇᕗᒻᒥ

ᐊᖓᔪᖅᑳᖅ, ᓴᐳᔾᔨᓂᕐᒧᑦ, ᐊᐅᓚᑦᓯᓂᕐᒧᑦ ᐊᒻᒪᓗ ᓯᕿᕐᖑᔭᐅᔭᓕᕆᓂᕐᒧᑦ

Submitted by kaupaluktuq on
ᐆᒻᒪᕆᐊᖅᑎᒍᒃ ᐃᖅᑲᓇᐃᔮᑦ ᐅᑭᐅᖅᑕᖅᑐᒥ! ᑭᖑᓪᓕᕐᒥ ᐃᖏᕐᕋᓂᕆᔭᑦᓯᐊᕌᓗᓐᓂ ᑲᓇᑕᐅᑉ ᐅᑭᐅᖅᑕᖅᑐᖓᓅᓚᐅᕆᑦ! ᐃᓚᒋᔭᐅᓕᕐᓗᑎᑦ ᐱᓕᕆᖃᑎᒋᔭᑦᑎᓐᓄᑦ ᑲᑦᓱᖓᐃᑦᑐᒻᒪᕆᓐᓄᑦ ᐱᓕᒻᒪᓐᓂᐅᔪᓄᓪᓗ ᓴᓇᔨᒻᒪᕆᓐᓄᑦ ᐊᑐᐃᓐᓇᐅᑎᑦᓯᕙᒃᑲᑦᑕ ᐊᑦᑕᓇᙱᑦᑐᓂᒃ, ᓱᖏᖅᑑᑕᐅᒍᓐᓇᖅᑐᓂᒃ ᐊᑭᑐᓗᐊᙱᑦᑐᓂᓪᓗ ᐊᐅᒪᓕᐅᕈᑎᓂᒃ ᓄᓇᕗᓕᒫᒧᑦ. ᐃᖅᑲᓇᐃᔮᖃᕐᓂᖅ ᓄᓇᕗᒻᒥ ᓄᓇᕗᑦ ᑲᓇᑕᒥ ᓄᑖᖑᓂᖅᐸᐅᕗᖅ ᐊᖏᓂᖅᐸᐅᑦᓱᓂᓗ ᐊᕕᑦᑐᖅᓯᒪᔪᓂ ᓱᑲᓐᓂᖅᐹᒥᓪᓗ ᐱᕈᖅᐸᓪᓕᐊᓂᖃᖅᓱᓂ ᖃᑭᒪᒐᓱᐊᕐᓂᒃᑯᑦ ᑲᓇᑕᒥ. ᑲᔾᔮᓇᖅᑐᓪᓚᕆᐅᑦᓱᑎᒃ ᓄᓇᖏᑦ ᑕᐸᐃᕐᓇᖅᓱᑎᓪᓗ ᐃᖏᕐᕋᓂᐅᒍᓐᓇᖅᑐᑦ, ᖁᕕᐊᓇᖅᑐᓪᓚᕆᓐᓂᒃ ᓇᓂᓯᓚᖓᔪᑎᑦ ᐃᖅᑲᓇᐃᔮᒃᑯᑐᐃᓐᓇᐅᖏᑦᑐᖅ, ᑭᓯᐊᓂᑦᑕᐅᖅ ᐃᓱᒪᐃᓐᓇᕿᓕᕋᐃᒍᕕᑦ. ᐃᓱᒪᖃᕈᕕᑦ ᕿᒻᒥᓄᑦ ᕿᒧᑦᓯᕆᐊᑦᓴᖅ, ᖃᒧᑕᐅᔭᕋᕆᐊᑦᓴᖅ, ᖃᔭᖅᑐᕆᐊᑦᓴᖅ, ᓯᑯᐊᕐᒥ ᐊᐅᓚᓴᕆᐊᑦᓴᖅ, ᐅᕝᕙᓘᓐᓃᑦ ᕿᒥᕐᕈᓂᖅ ᐊᑦᓱᐃᑦᑐᒻᒪᕆᒻᒥᒃ ᐱᖅᑯᓯᕐᒥᒃ ᑕᑕᑦᓯᐊᖅᑐᒥᒃ ᐊᔾᔨᐅᙱᑦᑐᓂᒃ ᓴᓇᐅᒐᕐᓂᒃ ᐊᒻᒪᓗ ᓂᔾᔭᐅᓯᔭᕈᓯᕐᓂᒃ ᐱᔪᒪᔭᕆᒍᕕᒋᑦ, ᑕᕝᕙ ᓄᓇᕗᑦ ᓇᔪᖅᑕᓪᓗᐊᕆᕙᐃᑦ.

ᐅᐊᔭᓕᕆᔨ −ᐃᖃᓗᒃ`ᑐᑦᑎᐊᖅᒥ

Submitted by kaupaluktuq on
ᐱᔪᒥᓇᒃᑲᓐᓂᖅᑐᒥᒃ ᐃᖅᑲᓇᐃᔮᖃᕆᑦ ᐅᑭᐅᖅᑕᖅᑐᒥ! ᖃᐅᔨᒋᐊᕈᒃ ᐃᓕᖕᓄᑦ ᐱᓕᕆᐊᒃᓴᑦᑎᐊᕙᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᐊᑐᑦᑎᐊᖏᓐᓇᕈᓐᓇᖅᑐᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ. ᐱᓕᕆᖃᑎᒌᖕᓂᖅ ᓄᓇᕗᒻᒥ ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᕐᒥᒡᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᑐᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒋᑦᑎᐊᕐᓂᐊᖅᐸᐃᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᓕᕆᓐᓇᐅᙱᑦᑐᒃᑯᓪᓘᓐᓃᑦ.
Subscribe to