ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᐃᒡᓗᓕᒃᒥᐅᓂᒃ ᑐᓴᖁᔨᕗᑦ ᑲᑦᑐᓛᒃᑕᐅᓯᒪᔪᒥᑦ ᓄᓇᓕᓐᓃᑦᑐᖃᓛᕐᓂᖓᓂᒃ ᐊᐅᒡᒍᓯ 30-ᒥᑦ ᓯᑦᑎᒻᕙ 4-ᒧᓄ, ᐊᕙᑎᖓᓂ ᖃᐅᔨᓴᕆᐊᖅᑐᖅᑐᓂᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᐊᐅᓚᐅᑎᖃᕐᕕᒻᒥ (ᐊᕙᑖ 344) ᐊᒻᒪᓗ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᑕ ᐃᖅᑲᓇᐃᔭᖅᑎᒃᑯᑦ ᐃᓪᓗᖓᓂᑦ (ᐊᕙᑖ 67).
ᑳᑦᑐᓛᒃᑕᐅᓯᒪᔪᑦ ᐳᐊᕆᓯᓕᖕᒥᒃ ᐊᑐᕐᓂᐊᖅᐳᑦ ᖃᐅᔨᓴᒐᒃᓴᓂᒃ ᑲᑎᑦᑎᓗᑎᒃ ᓄᓇᙳᐊᕐᒥ ᐊᑖᓂ ᐊᐅᐸᖅᑐᒥᒃ ᓇᓗᓇᐃᒃᑯᑦᑎᖅᓯᒪᔪᒥᒃ. ᑕᓗᕐᔪᐊᕐᒥᐅᑦ ᐱᓕᕆᕝᕕᐅᔪᒧᑦ ᐅᐸᑲᑕᖁᔭᐅᙱᑦᑐᑦ ᐱᓕᕆᑦᑎᐊᕈᓐᓇᖁᓪᓗᒋᑦ ᐊᑦᑕᕐᓇᙱᑦᑐᒥᒃ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖁᕐᓗᖅᑐᒥᐅᓂᒃ ᑐᓴᖁᔨᕗᑦ ᑲᑦᑐᓛᒃᑕᐅᓯᒪᔪᒥᑦ ᓄᓇᓕᖕᓃᑦᑐᖃᓛᕐᓂᖓᓂᒃ ᐋᒡᒌᓯ 29-ᒥᑦ 30-ᒧᑦ ᐊᕙᑎᖓᓂ ᖃᐅᔨᓴᕆᐊᖅᑐᖅᑐᓂᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᐅᓚᐅᑎᖃᕐᕕᖕᒥ (ᐃᒡᓗᖃᕐᕕᐅᑉ ᐊᕙᑖ 26, 18 ᐊᒻᒪ 19).
ᑳᑦᑐᓛᒃᑕᐅᓯᒪᔪᑦ ᐳᐊᕐᕆᓯᓕᖕᒥᒃ ᐊᑐᕐᓂᐊᖅᐳᑦ ᖃᐅᔨᓴᒐᒃᓴᓂᒃ ᑲᑎᑦᑎᓗᑎᒃ ᓄᓇᙳᐊᕐᒥ ᐊᑖᓂ ᐊᐅᐸᖅᑐᒥᒃ ᓇᓗᓇᐃᒃᑯᑦᑎᖅᓯᒪᔪᒥᒃ. ᖁᕐᓗᖅᑐᕐᒥᐅᑦ ᐱᓕᕆᕝᕕᐅᔪᒧᑦ ᐅᐸᑲᑕᖁᔭᐅᙱᑦᑐᑦ ᐱᓕᕆᑦᑎᐊᕈᓐᓇᖁᓪᓗᒋᑦ ᐊᑦᑕᕐᓇᙱᑦᑐᒥᒃ.
ᐆᒻᒪᕆᐊᕈᒃ ᐃᖅᑲᓇᐃᔮᒃ ᐅᑭᐅᖅᑕᖅᑐᒥ!
ᓇᓂᐊᖅᐸᐃᑦ ᕿᓂᖅᑕᐃᑦ ᖁᕕᐊᒋᔭᐃᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᒋᔭᐅᒋᑦ ᐱᓕᕆᖃᑎᒌᑦᑐᓄᑦ ᑲᑦᓱᖏᑦᑐᓄᑦ ᐱᓕᒻᒪᑦᓯᒪᔪᓄᓪᓗ ᐃᖅᑲᓇᐃᔭᖅᑎᒻᒪᕆᓐᓄᑦ ᐊᑐᐃᓐᓇᐅᑎᑦᓯᒐᑦᑕ ᐊᑦᑕᓇᙱᑦᑐᓂᒃ, ᓱᖏᖅᑑᑎᑦᓴᓂᒃ ᐊᑭᑐᓗᐊᙱᑦᑐᓂᓪᓗ ᐊᐅᒪᓂᒃ ᓄᓇᕗᓕᒫᒥ.
ᐃᖅᑲᓇᐃᔮᖃᕐᓂᖅ ᓄᓇᕗᒻᒥ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᑐᓴᖅᑎᑦᑎᔪᒪᔪᑦ ᑲᖏᖅᑐᒑᐱᖕᒥᐅᓂᒃ ᐸᕐᓇᒃᑕᐅᓯᒪᓪᓗᓂ ᖃᒥᙶᖅᑎᑕᐅᓂᐊᕐᒪᑕ ᕿᑎᖅᑰᒥ, ᐋᒌᓯ 20, 6-ᒥᑦ ᐅᓪᓛᒃᑯᑦ ᐱᒋᐊᕐᓗᓂ 8-ᒧᐊᕋᓱᖕᓂᖓᓂ ᐅᓪᓛᒃᑯᑦ. ᖃᒥᙶᕐᓂᐊᖅᑐᑦ ᖁᖅᓱᖅᑕᒥᑦ ᓇᓗᓇᐃᖅᓯᒪᕗᑦ ᓄᓇᙳᐊᕐᒥ ᐊᑖᓂ.
ᖃᒥᙶᖅᑎᑕᐅᔭᕆᐊᖃᕐᓂᐊᖅᐳᑦ ᐊᑦᑕᑕᖅᑎᑦᑎᓂᐊᕐᒪᑕ ᓂᐅᕕᖅᑎᒃᑯᑦ ᓂᐅᕕᕐᕕᕋᓛᖅᑖᓵᖓᓄᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖁᔭᓕᔪᒪᕗᑦ ᑲᖏᖅᑐᒑᐱᖕᒥᐅᓂᒃ ᑐᑭᓯᔪᓐᓇᕐᒪᑕ ᒪᒥᐊᑉᐳᒍᓪᓗ ᐊᑲᐅᖏᓕᐅᕈᑎᖃᕐᓂᕈᑎᒃ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑳᑦᕆᓐ ᕕᑎᑯ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ
(867) 979-7513