| Qulliq Energy Corporation

ᐆᒻᒪᖅᑯᑎᑦ ᐊᑭᖏᓐᓂᒃ ᐊᑭᑦᑐᕆᐊᖁᔨᓂᕐᒧᑦ ᑐᒃᓯᕋᐅᑎᓄᑦ ᖃᐅᔨᒪᔨᑕᖅ (ᐊᕐᕌᒍᓕᒫᒧᑦ ᐃᖅᑲᓇᐃᔮᕆᔭᐅᓇᔭᖅᑐᖅ)

Submitted by pmathanda on Mon, 09/20/2021 - 09:36

ᐱᔪᒥᓇᒃᑲᓐᓂᖅᑐᒥᒃ ᐃᖅᑲᓇᐃᔮᖃᕆᑦ ᐅᑭᐅᖅᑕᖅᑐᒥ!

ᖃᐅᔨᒋᐊᕈᒃ ᐃᓕᖕᓄᑦ ᐱᓕᕆᐊᒃᓴᑦᑎᐊᕙᒃ ᑲᓇᑕᐅᑉ ᐅᑭᐅᖅᑕᖅᑐᐊᓂ! ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᐊᑐᑦᑎᐊᖏᓐᓇᕈᓐᓇᖅᑐᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ.

ᓄᓇᕗᒻᒥ ᐱᓕᕆᓂᖅ

ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓪᓚᕐᒥᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᑐᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒋᑦᑎᐊᕐᓂᐊᖅᐸᐃᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᓕᕆᓐᓇᐅᙱᑦᑐᒃᑯᓪᓘᓐᓃᑦ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᖅᑐᕐᓗᑎᑦ, ᐃᖃᓪᓕᐊᕐᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᕐᒥᓂ ᐊᑐᓪᓚᕆᒃᑐᓂᑦ ᓴᓇᙳᐊᖅᑎᓂᑦ ᓂᔾᔭᐅᓯᔭᖅᑎᓂᒡᓗ, ᓄᓇᕗᑦ ᐃᓕᖕᓄᑦ ᐃᓂᒃᓴᑦᑎᐊᕙᐅᕗᖅ.

ᔭᓂ ᒪᐃᒃ

Submitted by sglaeske on Thu, 09/16/2021 - 17:49

ᔮᓂ ᒪᐃᒃ ᒪᓕᒐᓕᐅᖅᑎᐅᓚᐅᖅᓯᒪᔪᖅ ᐸᖕᓂᖅᑑᒧᑦ ᐊᕐᕌᒍᓪᓗ 30 ᐅᖓᑖᓂ ᐱᓕᕆᖃᑦᑕᖅᓯᒪᓪᓗᓂ ᓇᖕᒥᓂᓕᖕᒥᑦ, ᒐᕙᒪᒃᑯᓐᓂ, ᐊᒻᒪ ᐊᐅᓚᑦᑎᔨᐅᓂᕐᒧᑦ ᐱᓕᕆᐊᒃᓴᓂᑦ ᓄᓇᕘᓕᒫᒥ. ᔮᓂ ᒪᐃᒃ ᐃᓚᒋᔭᐅᓪᓚᕆᓚᐅᖅᓯᒪᔪᖅ ᐃᓄᐃᑦ ᓄᓇᖓᓂ ᓂᕈᐊᖅᑎᓪᓗᒋᑦ ᐋᔩᖃᑎᒌᒃᑐᓂᑦ ᕿᑭᖅᑖᓘᑉ ᓂᒋᐊᓄᑦ ᓄᓇᓕᖏᓐᓂ ᓄᓇᕗᒻᒥ ᓄᓇᑖᓂᕐᒧᑦ ᐊᖏᖃᑎᒌᒃᑎᓪᓗᒋᑦ. ᐅᑭᐅᖅᑕᖅᑐᒥ ᖃᐅᒻᒪᖅᑯᑎᓕᕆᔨᒃᑯᓐᓂ ᐃᖅᑲᓇᐃᔭᖅᑎᐅᓚᐅᖅᓯᒪᓪᓗᓂ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ ᑲᑎᒪᔨᐅᓚᐅᖅᓯᒪᓪᓗᓂ, ᐊᒻᒪ ᖃᖓᑦᑎᐊᓵᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ ᒥᓂᔅᑕᕆᔭᐅᓚᐅᖅᖢᓂ, ᔮᓂ ᒪᐃᒃ ᑐᑭᓯᐅᒪᑦᑎᐊᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᐅᓚᓂᕆᔭᖓᓂᒃ ᐊᐅᓚᑦᑎᔾᔪᑎᖏᓐᓂᒡᓗ. ᒫᓐᓇ ᐊᖑᓇᓱᒃᑐᓕᕆᔨᒃᑯᓐᓄᑦ ᑲᑎᒪᔨᐅᔪᖅ ᐸᖕᓂᖅᑑᒥ. ᔮᓂ ᒪᐃᒃ ᐸᖕᓂᖅᑑᒥᐅᑕᐅᔪᖅ.

ᓇᔭᑉ ᑳᓐ

Submitted by sglaeske on Thu, 09/16/2021 - 17:42

ᓇᔭᑉ ᑳᓐ ᒫᓐᓇ ᑮᓇᐅᔭᓕᕆᔨᒻᒪᕆᐅᕗᖅ ᓄᓇᕗᒻᒥ ᓯᓚᑦᑐᖅᓴᕐᕕᖕᒧᑦ. ᐅᓄᖅᑐᓂᑦ ᐱᓕᕆᐊᖃᖃᑦᑕᖅᓯᒪᔪᖅ ᑮᓇᐅᔭᓕᕆᔨᐅᓪᓗᓂ ᐃᖅᑲᓇᐃᔭᕐᓂᓕᒫᖓᓂ, ᖃᖓᑦᑎᐊᖅ ᓄᓇᕗᒻᒥ ᐃᒡᓗᓕᕆᔨᒃᑯᓐᓃᓚᐅᖅᖢᓂ ᑮᓇᐅᔭᓕᕆᔨᒻᒪᕆᐅᓪᓗᓂ. ᓇᔭᑉ ᐃᓕᓴᕆᔭᐅᔾᔪᑎᖃᖅᑐᖅ ᐊᐅᓚᑦᑎᕕᖕᒥ ᑮᓇᐅᔭᓕᕆᒻᒪᕆᐅᓂᕐᒧᑦ ᐱᓕᕆᔪᓐᓇᑦᑎᐊᖅᖢᓂ ᖃᐅᔨᓴᖅᑕᐅᓯᒪᔪᑦ ᐱᕋᔭᖕᓂᒃᑯᑦ ᑮᓇᐅᔭᓕᕆᓂᕐᒥᒃ. ᖃᐅᔨᓴᖅᑐᓕᕆᓂᕐᒧᑦ ᐃᓕᑕᕆᔭᐅᔾᔪᑎᑖᖅᓯᒪᔪᖅ ᓈᓴᐅᓯᕆᓂᕐᒥᒃ ᐊᒻᒪ ᑮᓇᐅᔭᓕᕆᓂᕐᒥᒃ Peshawar ᓯᓚᑦᑐᖅᓴᕐᕕᒡᔪᐊᕐᒥ ᐊᒻᒪᓗ ᐱᔭᕇᕈᓯᐊᖃᖅᖢᓂ ᒐᕙᒪᒃᑯᓐᓂ ᐊᒡᓚᕝᕕᓕᕆᓂᕐᒧᑦ Flinders ᓯᓚᑦᑐᖅᓴᕐᕕᒡᔪᐊᕐᒥ. ᓇᔭᑉ ᑳᓐ ᐃᖃᓗᖕᒥᐅᑕᐅᔪᖅ.

ᐸᕐᓇᒃᑕᐅᓯᒪᓪᓗᓂ ᖃᒥᙶᓛᖅᑐᑦ ᐊᕐᕕᐊᕐᒥ

Submitted by sglaeske on Thu, 09/16/2021 - 15:51

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖃᐅᔨᒃᑲᐃᔪᒪᕗᑦ ᐊᕐᕕᐊᑦ ᖃᒥᙶᓛᕐᓂᖏᓐᓂᒃ ᓯᕙᑖᕐᕕᖕᒥ, ᐅᑐᐱᕆ 18, 7−ᒥ ᐅᓪᓛᒃᑯᑦ ᓂᕆᓐᓇᒧᑦ, ᐊᒻᒪ ᓈᑦᑏᖑᔭᒥ, ᓯᑎᐱᕆ 19, 7:00-ᒥ ᐅᓪᓛᒃᑯᑦ ᓂᕆᓐᓇᒧᑦ ᑎᑭᓪᓗᒍ. ᐊᒃᑐᖅᑕᐅᓂᐊᖅᑐᑦ ᐆᒻᒪᖅᑯᑎᖏᑦ ᖃᒥᓐᓂᐊᖅᑐᑦ ᓇᓗᓇᐃᖅᓯᒪᕗᑦ ᖁᖅᓱᖅᑕᒥ ᓄᓇᙳᐊᒥᑦ ᐊᑖᓂ. ᐊᒃᑐᖅᑕᐅᓂᐊᖅᑐᑦ ᐆᒻᒪᖅᑯᑎᖏᑦ ᖃᒥᓐᓂᐊᖅᑐᑦ ᓈᑦᑏᖑᔭᒥ ᓇᓗᓇᐃᖅᓯᒪᕗᑦ ᐆᔭᐅᔭᕐᒥᒃ.

ᖃᒥᙶᑲᑕᒋᐊᖃᕐᓂᐊᖅᑐᑦ ᓄᑖᙳᕆᐊᖅᑕᐅᓗᑎᒃ ᓴᓇᔭᐅᓗᑎᒡᓗ ᖃᐅᒻᒪᖅᑯᑎᖃᖅᑎᑦᑎᔾᔪᑏᑦ ᐊᒻᒪ ᐊᑐᕈᓐᓇᖅᓯᑎᑕᐅᑦᑎᐊᒃᑲᓐᓂᕐᓗᑎᒃ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖁᔭᓕᕗᑦ ᓄᓇᓕᖕᒥᐅᑦ ᑐᑭᓯᐅᒪᔪᓐᓇᕐᒪᑕ, ᒪᒥᐊᑉᐳᓪᓗ ᐊᑲᐅᙱᓕᐅᖅᑎᑦᑎᓐᓂᖅᐸᑕ ᖃᒥᙶᖅᑎᓪᓗᒋᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕈᓃ ᐴᓱ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ
(867) 979-7524
rboucher@qec.nu.ca

ᐸᕐᓇᒃᑕᐅᓯᒪᓪᓗᓂ ᖃᒥᓐᓂᐊᖅᑐᑦ ᐃᒃᐱᐊᕐᔪᖕᒥ

Submitted by sglaeske on Thu, 09/16/2021 - 09:58

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖃᐅᔨᒃᑲᐃᔪᒪᔪᑦ ᐃᒃᐱᐊᕐᔪᖕᒥᐅᑕᓂᑦ ᓄᓇᓕᓕᒫᑦᑎᐊᖅ ᖃᒥᙶᓛᕐᒪᑦ ᓯᕙᑖᕐᕕᖕᒥᑦ, ᓯᑎᐱᕆ 18, ᐅᓪᓛᒃᑯᑦ 7-ᒥᑦ ᐱᒋᐊᕐᓗᓂ ᑎᑭᓪᓗᒍ ᐅᓪᓗᑯᑦ 1−ᒧᐊᖅᐸᑦ.

ᑕᒪᓐᓇ ᖃᒥᙵᑎᑦᑎᓂᖅ ᐊᑐᖅᑕᐅᓚᐅᑲᒋᐊᖃᕐᒪᑦ ᓄᑖᖅ ᐆᒻᒪᖁᑎᓕᕆᕝᕕᒃ ᐃᑭᑕᐅᓗᓂ ᓄᓇᓖᑦ ᐊᑐᓂ ᐃᒡᓗᓄᑦ ᑲᑉᐳᔾᔨᕕᖏᑦ ᒪᑭᑕᐅᔭᕆᐊᖃᕐᒪᑕ ᐃᒻᒥᑰᖓᓕᕐᓗᑎᒡᓗ ᐆᒻᒪᖁᑎᓕᕆᔾᔪᑎᓂᒃ.

###

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ 2021 ᓘᕋ ᐅᓪᓗᕆᐊᖅ ᒎᑎᐊᐃ ᐃᓕᓐᓂᐊᕈᑎᒃᓴᓄᑦ ᐃᑲᔫᓯᐊᑦ

Submitted by sglaeske on Fri, 09/10/2021 - 10:33

ᐃᖃᓗᐃᑦ, ᓄᓇᕗᑦ (ᓯᑎᐱᕆ 10, 2021) − ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑐᓂᓯᔪᑦ 2021 ᓘᕋ ᐅᓪᓗᕆᐊᖅ ᒎᑎᐊᐃ ᐃᓕᓐᓂᐊᕈᑎᒃᓴᓄᑦ ᐃᑲᔫᓯᐊᕐᒥᑦ ᓵᓐ ᑕᐅᒧᑦ ᐃᖃᓪᓗᖕᒥᐅᑕᕐᒧᑦ. ᓵᓐ ᑕᐅ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᖃᑕᐅᕙᓪᓕᐊᓕᕐᒥᔪᖅ ᐱᔭᕇᖅᓯᔾᔪᓯᐊᕋᓱᒃᖢᓂ ᖃᐅᔨᓴᖅᑐᓕᕆᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᕐᓂᖅ ᐅᐊᑕᓘ ᓯᓚᑦᑐᖅᓴᕐᕕᒡᔪᐊᕐᒥ.

"ᐱᔾᔪᑕᐅᓪᓗᓂ ᓄᓇᕐᔪᐊᕐᒥ ᖃᓂᒻᒪᒍᑕᐅᕙᓪᓕᐊᔪᖅ, ᓵᓐ ᑕᐅ ᓂᕈᐊᓵᕐᒪᑦ ᐊᒃᓱᕈᕐᓇᖅᑐᒥᒃ ᐊᒻᒪ ᐱᒻᒪᕆᐅᔪᒥᒃ ᐃᓕᓐᓂᐊᒐᒃᓴᑦᑎᐊᕙᖕᒥᒃ," ᐅᖃᓚᐅᖅᐳᖅ ᒪᓕᒐᓕᐅᖅᑎ ᔩᓂ ᐃᕼᐊᓗᐊᖅ, ᒥᓂᔅᑕ ᑲᒪᒋᔭᒃᓴᓕᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ. "ᐅᐱᒍᓱᑦᑎᐊᖅᐳᖓ ᑐᓐᓂᖅᑯᑎᒋᔪᓐᓇᕋᒃᑯᑦ ᐃᓕᓐᓂᐊᕈᑎᒃᓴᓄᑦ ᐃᑲᔫᓯᐊᖅ ᐱᑖᕆᐊᖃᓪᓚᕆᒃᑐᒧᑦ ᐃᓄᖕᒧᑦ ᐃᑲᔪᐃᓐᓇᕐᒪᑦ ᓄᓇᕗᒥᐅᓂᒃ ᓇᓗᓇᖅᑐᒃᑰᖅᑎᓪᓗᑕ."

ᖃᒥᙶᕐᓂᐅᓛᖅᑐᖅ ᖃᒪᓂ'ᑐᐊᒥᑦ

Submitted by sglaeske on Thu, 09/09/2021 - 11:49

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᖃᒪᓂ'ᑐᐊᕐᒥᐅᓂᒃ ᑐᓴᐅᒪᖁᔨᕗᑦ ᐸᕐᓇᒃᑕᐅᓯᒪᓪᓗᓂ ᖃᒥᙶᕐᓂᐊᕐᒪᑕ ᓯᓚᑖᕐᕕᖕᒥ, ᓯᑎᐱᕆ 11, 7:00-ᒥ 10:00-ᒧᑦ ᐅᓪᓛᒃᑯᑦ. ᖃᒥᙶᕐᓂᐊᖅᑐᑦ ᓄᓇᙳᐊᒥ ᐊᑖᓂ ᖁᖅᓱᖅᑕᒥᑦ ᓇᓗᓇᐃᖅᓯᒪᔪᑦ.

ᖃᒥᙶᖅᑎᑕᐅᒋᐊᖃᕐᒪᑦ ᖃᐅᒻᒪᖅᑯᑎᖃᖅᑎᑦᓯᔾᔪᑎᖓᑦ ᐃᒡᓗᓕᐊᕆᔭᐅᓵᖅᑐᓂᒃ ᖃᐅᒻᒪᖅᑯᓯᖅᑕᐅᖁᓪᓗᒋᑦ.

###

ᖃᒥᙵᓂᐅᓛᖅᑐᖅ ᖃᒪᓂ'ᑐᐊᒥᑦ

Submitted by sarsenault2 on Fri, 08/27/2021 - 10:03

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖃᐅᔨᒃᑲᐃᔪᒪᕗᑦ ᖃᒪᓂᑦᑐᐊᕐᒥᐅᓂᒃ ᓄᓇᓕᖕᓂᒃ ᖃᒥᓛᕐᓂᖏᓐᓂᒃ, ᓈᑦᑏᖑᔭᒥ ᐋᒡᒌᓯ 29ᖑᓕᖅᐸᑦ 8−ᒥᑦ ᐅᓪᓛᒃᑯᑦ 12−ᒧᐊᖅᓴᓂᖓᓄᑦ. ᐊᒃᑐᖅᑕᐅᓂᐊᖅᑐᑦ ᓇᓗᓇᐃᖅᓯᒪᕗᑦ ᖁᖅᓱᖅᑕᒥ ᓄᓇᙳᐊᒥᑦ ᐊᑖᓂ.

ᖃᒥᙶᖅᑎᑕᐅᔭᕆᐊᖃᕐᒪᑕ ᓄᑖᙳᕆᐊᖅᑎᑦᓯᓂᕐᒧᑦ ᐱᔭᕇᖅᓯᓂᕐᒧᑦ ᐆᒻᒪᖅᑯᑎᑐᕈᓰᑦ ᐱᐅᓯᒋᐊᖅᑎᑦᑎᔪᒪᓂᕐᒧᑦ ᐊᑐᖅᑕᐅᑦᑎᐊᕈᓐᓇᕐᓂᖏᓐᓂᒃ.

ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖁᔭᓕᕗᑦ ᓄᓇᓕᖕᒥᐅᑦ ᑐᑭᓯᐅᒪᔪᓐᓇᕐᒪᑕ, ᒪᒥᐊᑉᐳᓪᓗ ᐊᑲᐅᙱᓕᐅᕈᑕᐅᓐᓂᖅᐸᑦ ᖃᒥᙶᖅᑎᓪᓗᒋᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᕈᓃ ᐴᓱ

ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᒃᑯᓐᓄᑦ

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ

(867) 979-7524

rboucher@qec.nu.ca

ᐊᕙᑎᓕᕆᓂᕐᒧᑦ ᐱᓕᕆᔨᓪᓚᕆᒃ

Submitted by pmathanda on Fri, 08/20/2021 - 14:58

ᐱᔪᒥᓇᒃᑲᓐᓂᖅᑐᒥᒃ ᐃᖅᑲᓇᐃᔮᖃᕆᑦ ᐅᑭᐅᖅᑕᖅᑐᒥ!

ᖃᐅᔨᒋᐊᕈᒃ ᐃᓕᖕᓄᑦ ᐱᓕᕆᐊᒃᓴᑦᑎᐊᕙᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᐊᑐᑦᑎᐊᖏᓐᓇᕈᓐᓇᖅᑐᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ.

ᓄᓇᕗᒻᒥ ᐱᓕᕆᓂᖅ

ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᒥᓪᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᑐᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒋᑦᑎᐊᕐᓂᐊᖅᐸᐃᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᓕᕆᓐᓇᐅᙱᑦᑐᒃᑯᓪᓘᓐᓃᑦ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ

ᐊᐅᓚᑦᑎᔨ, ᑮᓇᐅᔾᔭᔅᓵᑦ, ᐊᑭᓕᖅᑕᐅᔾᔪᑏᑦ ᐊᒻᒪᓗ ᐃᑲᔫᓯᐊᖅᑖᖑᕙᑦᑐᓄᑦ

Submitted by pmathanda on Fri, 08/20/2021 - 09:55