ᐱᔪᒥᓇᑦᑎᐊᖅᑐᒥᒃ ᐃᖅᑲᓇᐃᔮᖃᕆᑦ ᐅᑭᐅᖅᑕᖅᑐᒥ!
ᖃᐅᔨᒋᐊᕈᒃ ᐃᓕᖕᓄᑦ ᐱᓕᕆᐊᒃᓴᑦᑎᐊᕙᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᑕᑎᒋᔭᒃᓴᐅᔪᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑕ ᓄᓇᕗᓕᒫᒥ.
ᓄᓇᕗᒻᒥ ᐃᖅᑲᓇᐃᔭᕐᓂᖅ
ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᒥᓪᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᖢᓂ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒋᑦᑎᐊᕐᓂᐊᖅᐸᐃᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᓕᕆᓐᓇᐅᙱᑦᑐᒃᑯᓪᓘᓐᓃᑦ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᖅᑐᕐᓗᑎᑦ, ᐃᖃᓪᓕᐊᕐᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᕐᒥᓂ ᐊᑐᓪᓚᕆᒃᑐᓂᑦ ᓴᓇᙳᐊᖅᑎᓂᑦ ᓂᔾᔭᐅᓯᔭᖅᑎᓂᒡᓗ, ᓄᓇᕗᑦ ᐃᓕᖕᓄᑦ ᐃᓂᒃᓴᑦᑎᐊᕙᐅᕗᖅ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓪᓗᑎᒃ ᐊᑦᑕᕐᓇᙱᑦᑐᒥᑦ, ᑕᑎᒋᔭᒃᓴᐅᔪᒥᒃ ᐆᒻᒪᖁᑎᒥᒃ ᐊᑭᓕᖅᓱᐃᕙᒃᑐᓕᒫᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᐅᓚᑕᐅᓪᓗᓂᓗ ᐃᓛᒃᑰᖅᖢᑎᒃ ᓄᓇᕗᒻᒥ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᓪᓗ ᓄᓇᕗᒻᒥ. ᐊᓯᖏᑦ ᐆᒻᒪᖅᑯᑎᖃᕐᕖᑦ ᑲᓇᑕᒥ ᑕᑯᓪᓗᒋᓪᓕ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᔾᔨᒋᔭᐅᙱᑦᑐᒥᒃ ᐊᒃᓱᕈᕐᓇᖅᑐᖅᓯᐅᖃᑦᑕᖅᐳᑦ ᐊᐅᓚᑦᑎᖃᑦᑕᕐᒪᑕ 25 ᐃᓛᒃᑰᖅᑐᓂᒃ ᐊᐅᓚᐅᑎᖃᕐᕕᐊᓗᖕᓂᒃ ᐆᒻᒪᖅᑯᑎᖃᖅᑎᑦᑎᓪᓗᑎᓪᓗ ᑕᒪᐃᓐᓂ ᓄᓇᓕᖕᓂ ᓄᓇᕗᒻᒥ.
ᓂᐅᕕᖅᑐᖅ (QEC 25-021)
ᐃᖃᓗᐃᑦ, ᓄᓇᕗᑦ
ᐅᖃᕐᕕᖃᖅᐸᒡᓗᓂ ᓱᓇᒃᑯᑖᖃᖅᑎᑦᑎᕙᒃᑐᓄᑦ ᐊᐅᓚᑦᑎᔨᒋᔭᐅᔪᒧᑦ, ᑖᓐᓇ ᓂᐅᕕᖅᑐᖅ ᑲᒪᒋᔭᒃᓴᖃᖅᐳᖅ ᓂᐅᕕᕐᓂᕐᒥᒃ ᐱᒻᒪᕆᐊᓗᖕᓂᒃ ᓇᑉᐸᖅᑎᖅᑕᐅᓯᒪᔪᓂᒃ, ᐊᒻᒪᓗᑦᑕᐅᖅ ᐱᖁᑎᓂᒃ ᐃᓚᒃᓴᓂᒡᓗ ᐱᔭᐅᔭᕆᐊᓕᖕᓂᒃ ᖃᐅᑕᒫᑦ ᐊᐅᓚᓂᕆᔭᐅᔪᓄᑦ. ᑖᓐᓇ ᐃᓂᒋᔭᐅᔪᖅ ᐱᓕᕆᖃᑎᖃᖃᑦᑕᕐᓂᐊᖅᐳᖅ ᑖᒃᑯᓇᓂᑦᑕᐃᓐᓇᖅ ᑖᒃᑯᓇᓂᕐᒥᐅᑕᐅᙱᑦᑐᓂᒡᓗ ᐱᖃᖃᑕᐅᔪᓂᒃ ᐊᐅᓚᑦᑎᓂᐊᕐᓗᓂ ᓂᐅᕕᕐᓂᕐᒥᒃ ᐊᐅᓪᓚᖅᑎᑦᑎᓂᕐᒥᒡᓗ ᐱᖁᑎᓂᒃ ᐊᔾᔨᒌᙱᑦᑐᓄᑦ ᓄᓇᓕᖕᓄᑦ ᑖᒃᑯᐊ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᑕ ᐊᐅᓚᑕᖏᓐᓄᑦ.
ᓇᓗᓇᐃᕆᕙᒡᓗᓂ ᐊᔾᔨᒌᓂᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑳᓐᑐᕌᓕᕆᖃᑦᑕᕐᒪᖔᑦ ᓂᐅᕕᕈᑎᖃᕐᒪᖔᓪᓗ ᐊᒻᒪᓗ ᒪᓕᒋᐊᓕᖃᕐᒪᖔᑦ, ᒪᓕᒡᓗᒍ ᑮᓇᐅᔭᓕᕆᑦᑎᐊᕐᓂᕐᒧᑦ ᐊᑐᕈᓰᑦ ᐊᒃᑐᐊᓂᓖᓪᓗ ᑳᓐᑐᕌᓄᑦ ᐊᑐᐊᒐᕐᓄᑦ. ᐱᓕᕆᐊᒃᓴᑦ ᐋᖅᑭᒃᑕᐅᓯᒪᕗᑦ ᓄᓇᕗᒻᒥ ᒪᓕᒃᑕᐅᕙᒃᑐᓂᒃ, ᐃᓚᒋᔭᐅᓪᓗᓂ ᑮᓇᐅᔭᓂᒃ ᐊᐅᓚᑦᑎᓂᕐᒧᑦ ᐱᖁᔭᖅ, ᐊᒻᒪ ᓄᓇᕗᒻᒥ ᓇᖕᒥᓂᖃᖅᑐᓂᒃ ᐃᑲᔫᑎᑦ (NNI) ᐊᑐᐊᒐᖓ.
ᐱᓕᕆᐊᒃᓴᖏᑦ ᑲᒪᒋᔭᒃᓴᖏᓪᓗ:
- ᓇᓗᓇᐃᖅᓯᓲᖅ ᒪᓕᒃᑕᐅᔪᒃᓴᓂ, ᒪᓕᒃᑕᐅᔭᕆᐊᓕᖕᓂ, ᐊᒻᒪ ᐱᓕᕆᔾᔪᑎᓄᑦ ᐃᓱᒪᒋᔭᐅᔪᓂ ᓂᐅᕕᖅᑎᓪᓗᒋᑦ ᐱᖁᑎᓂᒃ.
- ᓇᓗᙱᑦᑎᐊᕋᓱᒃᐸᒃᖢᓂ ᑕᒪᕐᒥᑦᑎᐊᖅ ᓂᐅᕕᖅᑕᐅᔪᑦ ᓇᒧᙵᖅᑕᐅᕙᓪᓕᐊᔪᑦ ᒪᓕᑦᑎᐊᕋᓗᐊᕐᒪᖔᑕ ᐊᖏᖅᑕᐅᓯᒪᔪᓂᒃ ᐊᑐᐊᒐᓂᒃ ᑲᔪᓯᔾᔪᑕᐅᕙᒃᑐᓂᒡᓗ, ᑳᓐᑐᓛᓄᓪᓗ ᐱᖁᔭᕆᔭᐅᔪᓂᒃ.
- ᕿᒥᕐᕈᒃᑲᓐᓂᖅᐸᒡᓗᓂ ᐱᔪᒪᔾᔪᑕᐅᕙᒃᑐᓂᒃ ᐊᐅᓚᑦᑎᔨᒥᒃ ᓇᓗᙱᑦᑎᐊᕈᒪᓂᕐᒧᑦ ᓈᒻᒪᒃᑲᓗᐊᕐᒪᖔᑦ ᓂᐅᕕᖅᑕᐅᔪᑦ ᐅᓂᒃᑳᖅᓯᒪᓂᖏᑦ ᖃᓄᐃᓕᖓᓪᓚᕆᖕᓂᖏᓪᓗ ᖃᐅᔨᒪᓕᕈᒪᓂᕐᒧᑦ ᓈᒻᒪᓛᒥᒃ ᐊᑐᖅᑕᐅᕙᒃᑐᒥᒃ ᐱᑖᖅᐸᓪᓕᐊᓂᐊᕐᓗᓂ.
- ᓇᐅᑦᑎᖅᓱᖅᐸᒃᖢᓂ ᐱᔨᑦᑎᕋᖅᑎᐅᑉ ᐱᓕᕆᓂᕆᕙᒃᑕᖏᓐᓂᒃ ᐋᖅᑭᒃᓯᒪᓕᖅᑎᑦᑎᕙᒃᐳᕐᓗ ᑕᐃᒪᐃᑦᑕᕆᐊᖃᕌᒐᒥ.
- ᑭᐅᕙᒡᓗᓂ ᒪᓕᒐᓕᕆᔨᕐᔪᐊᑉ ᑎᑎᕋᕐᕕᖓᓄᑦ ᑕᒻᒪᖅᓯᒪᔪᖅᓯᐅᕐᓂᕐᒧᑦ ᐊᐱᖅᑯᑕᐅᔪᓂᒃ ᐱᔾᔪᑎᖃᖅᖢᓂ ᑳᓐᑐᓛᓂᒃ ᓴᖅᑭᑎᑦᑎᓂᕐᒥᒃ, ᑐᖅᑯᖅᓯᓂᕐᒥᒃ ᐊᖏᖅᓯᓂᕐᒥᒡᓗ ᐱᓕᕆᐊᒃᓴᕆᔭᐅᔪᓂᒃ.
- ᓇᓗᙱᑦᑎᐊᕋᓱᒃᐸᒃᖢᓂ ᖃᐅᔨᒋᐊᕐᕕᐅᒃᑲᓐᓂᕈᓐᓇᕐᓗᓂ ᐱᓕᕆᕝᕕᒋᔭᐅᕙᒃᑐᓂᒃ ᑭᐅᓯᔪᒪᓪᓗᓂ ᐃᓱᒪᒋᔭᒃᓴᓂᒃ ᑲᒪᒋᔭᖃᕐᓂᐊᕐᓗᓂ ᐃᓱᒪᒋᔭᒃᓴᓂᒃ ᑲᔪᓯᓂᖃᑦᑎᐊᖅᑐᒃᑯᓪᓗ ᐊᐅᓚᑦᑎᒐᓗᐊᕐᒪᖔᑦ ᓂᐅᕕᕐᓂᕐᒧᑦ ᑳᓐᑐᓛᒋᔭᐅᔪᓂᒃ, ᐅᖃᐅᔾᔪᐃᕙᒡᓗᓂ ᑎᑭᓴᖅᑕᐅᔪᓂᒃ ᖃᓄᐃᓕᖓᓂᐅᔪᓂᒃ, ᖃᓄᐃᓕᐅᖁᔨᕙᒡᓗᓂᓗ ᐋᖅᑭᒃᓯᒪᓕᕈᑕᐅᔪᓐᓇᖅᑐᓂᒃ.
- ᑐᓂᓯᓲᑦ ᐊᑭᑦᑐᕋᐅᑎᓂᑦ ᐊᑐᕐᓗᒍ ᐊᑐᕈᓐᓇᖅᑐᑦ ᓄᓇᕗᒻᒥ ᓇᖕᒥᓂᖃᖅᑐᓂᒃ ᐃᑲᔫᑎ ᐊᑐᐊᒐᖏᑦ ᐱᖁᑎᓄᑦ ᐱᔪᓐᓇᖅᑎᑕᐅᔪᓄᑦ ᓇᓗᓇᐃᖅᑕᐅᓯᒪᔪᒧᑦ ᐱᔨᑦᑎᕋᖅᑕᐅᔪᒧᑦ ᐃᖅᑲᓇᐃᔭᕐᕕᖕᒧᑦ ᑐᓂᐅᖅᑲᐃᓂᕐᓗ ᑭᒃᑯᑐᐃᓐᓇᕐᓄᑦ ᐊᑭᑦᑐᕋᐅᑕᐅᔪᓄᑦ nunavuttenders.ca ᐃᑭᐊᖅᑭᕕᖓᒍᑦ ᐊᒻᒪᓘᓐᓃᑦ ᐊᒃᑐᐊᓂᓕᖕᒧᑦ ᐱᕙᓪᓕᐊᔪᓄᑦ ᐱᑕᖃᖅᑐᓂ.
- ᖃᐅᔨᓴᓲᖅ ᑐᓂᔭᐅᔪᓂᑦ ᐊᑭᑦᑐᕋᐅᑎᓄᑦ ᑐᙵᓂᖃᖅᑐᑦ ᐊᓪᓚᕕᓕᕆᓂᕐᒧᑦ ᐊᒻᒪ ᒪᓕᒐᖅᑎᒍᑦ ᒪᓕᑦᑎᐊᓂᕐᒥᑦ, ᐊᑭᖏᓐᓂᑦ, ᐱᐅᓂᖓᓂᑦ, ᐱᔨᑦᑎᕈᑎᖏᓐᓂᑦ, ᐊᑐᐃᓐᓇᐅᓂᖏᓐᓂ, ᑕᑎᒋᔭᐅᔪᓐᓇᕐᓂᖓ, ᐊᒻᒪ ᓈᒻᒪᓐᓂᖏᑦ ᐊᑐᖅᑎᐅᑉ ᐊᑐᕆᐊᓕᖏᑦ ᐃᓱᒪᒋᔭᐅᓗᓂ ᐃᓚᖓ 24 ᓄᓇᕗᒻᒥ ᐊᖏᕈᑎᒥᑦ ᐋᖅᑭᒃᑕᐅᓯᒪᔪᖅ ᓄᓇᕗᒻᒥ ᓇᖕᒥᓂᖃᖅᑐᓂᒃ ᐃᑲᔫᑎᓄᑦ ᐊᑐᐊᒐᕐᒥᑦ.
- ᑕᒻᒪᖅᓯᒪᔪᖅᓯᐅᕐᓂᕐᒥᑦ ᐱᔪᒪᔾᔪᑕᐅᔪᓂᑦ ᑎᓕᓯᔾᔪᑎᓂᓪᓗ.
- ᓇᓗᓇᐃᖅᓯᓂᕐᒥᑦ ᑕᒻᒪᖅᓯᒪᙱᓪᓗᓂ, ᓈᒻᒪᖅᑰᑦᑎᒐᓗᐊᕐᒪᖔᑦ ᓱᓕᑦᑎᐊᕐᓂᕐᒥᓪᓗ ᐊᐅᓚᑦᑎᓂᕐᒧᑦ ᐸᐃᑉᐹᓂᑦ ᑐᓴᐅᒪᖃᑦᑕᐅᑎᓂᕐᒥᓪᓗ ᐱᔨᑦᑎᕋᖅᑕᓄᑦ ᐱᓕᕆᕝᕕᐅᔪᓄᑦ ᐊᓯᖏᓐᓄᓪᓗ ᐊᒃᑐᖅᑕᐅᓯᒪᔪᓄᑦ ᐱᖃᖃᑕᐅᔪᓄᑦ.
ᐅᑯᐊ ᐊᔪᙱᑦᑕᕆᐊᖃᕐᒥᔭᖏᑦ:
- ᓇᖕᒥᓂᖃᕐᓂᕐᒧᑦ ᐊᐅᓚᑦᑎᓂᕐᒧᑦ ᐱᔭᕇᕈᓯᐊᕐᒥᒃ ᐅᕝᕙᓘᓐᓃᑦ ᐊᔾᔨᑲᓴᖓᓂ ᐃᓕᓐᓂᐊᕈᑎᒥᒃ
- ᒥᑭᓛᖑᓗᒍ ᐊᕐᕌᒍᑦ ᐱᖓᓱᑦ ᐊᑐᕐᓂᑰᓗᓂ ᓂᐅᕕᕐᓂᕐᒧᑦ ᐱᖁᑎᖃᖅᑎᑦᑎᔨᐅᓂᕐᒥᓗ ᐊᐅᓚᑦᑎᓂᕐᒥᒃ.
ᐱᒋᔭᐅᔪᑦ:
- ᓱᓇᒃᑯᑖᖃᖅᑎᑦᑎᕙᒃᑐᓄᑦ ᐊᐅᓚᑦᑎᔨᒻᒪᕆᐅᓂᕐᒧᑦ (SCMP) ᑎᒃᑯᐊᖅᑕᐅᓯᒪᓗᓂ ᐅᕝᕙᓘᓐᓃᑦ ᐊᔾᔨᑲᓴᖓᓂ ᐃᓕᑕᕆᔭᐅᔾᔪᑎᑖᖅᓯᒪᓗᓂ.
- ᖃᐅᔨᒪᓂᖃᕐᓗᓂ ᓄᓇᕗᒻᒥᑦ, ᓄᓇᐅᑉ ᐊᕙᑎᖓᓂᒃ, ᐅᖃᐅᓯᕐᒥᒃ ᐊᒻᒪ ᐃᓕᖅᑯᓯᖓᓂᒃ ᐃᑲᔫᑎᖃᕋᔭᖅᑐᖅ.
- ᐅᖃᕈᓐᓇᕐᓗᓂ ᐃᓄᒃᑎᑐᑦ, ᐃᓄᐃᓐᓇᖅᑐᓐ ᐊᒻᒪ/ᐅᕝᕙᓘᓐᓃᑦ ᐅᐃᕖᑐᑦ ᐃᑲᔫᑎᖃᕋᔭᖅᑐᖅ.
ᐊᔾᔨᐸᓗᖏᓐᓂᓪᓘᓐᓃᑦ ᐃᓕᓐᓂᐊᖅᓯᒪᓗᓂ ᐊᔾᔨᒌᙱᑦᑐᓂᒃ ᐱᓕᕆᐊᖃᓚᐅᖅᓯᒪᓂᖅᑕᐅᖅ ᐃᓱᒪᒋᔭᐅᓂᐊᖅᑐᑦ.
ᑮᓇᐅᔾᔭᒃᓴᑦᑎᐊᕋᔭᖅᑐᖅ ᐱᒋᐊᕐᓗᓂ $99,840.00−ᒥ $114,913.50-ᒧᑦ ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᐸᒡᓗᓂ $16,008.00−ᒥ ᐊᕐᕌᒍᒥᒃ ᐊᑕᐅᓯᕐᒥᒃ. ᓈᒻᒪᑦᑎᐊᖅᑐᓂᒃ ᐃᑲᔫᓯᐊᖅᑖᖅᑎᑦᑎᕙᒃᑭᕗᒍᑦ ᑲᑎᖅᓱᖅᓯᒪᔪᓂᒃ, ᐱᖃᓯᐅᑎᓗᒋᑦ ᓇᓗᓇᐃᔭᖅᓯᒪᔪᑦ−ᐃᑲᔫᑎᓄᑦ ᐃᓐᓇᖅᓯᐅᑎᑖᕈᑎᑦ. ᓱᓕᒃᑲᓐᓂᖅ, ᐃᖅᑲᓇᐃᔭᖅᑎᐅᑉ ᐃᒡᓗᒃᓴᖓᓄᑦ ᐃᑲᔪᖅᑕᐅᔾᔪᑎᖃᖅᑐᖅ ᐃᖅᑲᓇᐃᔮᒧᑦ. ᑖᓐᓇ ᐃᖅᑲᓇᐃᔮᒃᓴᖅ ᐃᓚᓕᐅᔾᔭᐅᓯᒪᕗᖅ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓄᑦ.
ᓄᓇᕗᒻᒥᐅᑉ ᐃᓄᐃᑦ ᓯᕗᓪᓕᖅᐸᐅᔾᔭᐅᓂᐊᖅᑐᑦ.
ᐱᓇᔪᒍᒪᒍᕕᑦ, ᓇᒃᓯᐅᑎᓗᒍ ᐱᓇᔫᑎᑦ ᐊᐅᓪᓚᖅᑎᓪᓗᒍᓗ ᐃᕐᖐᓐᓈᖅᑕᐅᒃᑯᑦ ᐅᕗᖓ: https://qeccareers.prevueaps.ca/jobs/
ᑎᑎᖅᑲᒃᑯᑦ ᐱᓇᓱᐊᕐᓗᑎ ᔪᓚᐃ 4, 2025 ᑐᖔᓂ
ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐱᓇᔪᒃᑐᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᑦ.
ᖁᔭᓕᔭᕗᑦ ᑕᒪᕐᒥᑦᑎᐊᖅ ᐱᓇᔪᓚᐅᖅᑐᑦ. ᑭᓯᐊᓂ, ᐱᓇᔪᒃᑐᓂᑦ ᓂᕈᐊᖅᑕᐅᔪᑐᐊᑦ ᖃᐅᔨᒋᐊᕐᕕᐅᓂᐊᖅᑐᑦ.