ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᓄᓇᕗᒻᒥᐅᓂᒃ ᐃᖅᑲᐃᓯᔪᒪᕗᑦ ᐊᑦᑕᕐᓇᖅᑕᐃᓕᒪᖁᓪᓗᒋᑦ ᐊᐅᓚᐅᑎᖃᕐᕖᑦ ᐊᒻᒪ ᓱᕋᒃᓯᒪᔪᑦ ᑲᑕᒃᓯᒪᔪᓪᓘᓐᓃᑦ ᐆᒻᒪᖅᑯᑎᑦ ᐅᐊᔭᖏᑦ ᓱᖁᑎᒋᖃᑦᑕᙱᓪᓗᒋᑦ. ᐊᐅᓚᐅᑎᖃᕐᕖᑦ ᐊᒻᒪ ᓱᕋᒃᓯᒪᔪᑦ ᐆᒻᒪᖅᑯᑎᑦ ᐅᐊᔭᖏᑦ ᐅᓗᕆᐊᓇᖅᐳᑦ ᐊᒻᒪ ᐋᓐᓂᖅᑐᖃᕐᔪᐊᕈᓐᓇᖅᖢᓂ ᐃᓅᔪᓐᓃᖅᑐᖃᕐᓗᓂᓘᓐᓃᑦ.
ᐆᒻᒪᖅᑯᑎᑦ ᒥᒃᓵᓄᑦ ᑐᐊᕕᕐᓇᖅᑐᒥᑦ ᐅᖃᐅᓯᖃᕈᒪᒍᕕᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ ᐅᖃᓗᒍᓐᓇᖅᐳᑎᑦ ᖃᖓᑐᐃᓐᓇᖅ ᐅᕗᖓ 1-867-222-3807.
ᖁᓪᓕᒃᑯᑦ ᖁᔭᓕᔪᒪᕗᑦ ᓄᓇᕗᒻᒥᐅᓂᑦ ᐃᑲᔪᐃᓐᓇᖃᑦᑕᕐᓂᖏᓐᓄᑦ ᓄᑕᖅᑲᓂᑦ ᐊᐅᓚᐅᑎᖃᕐᕕᖕᒧᐊᖃᑦᑕᖁᔨᙱᖦᖢᑎᒃ ᐊᒻᒪ ᐆᒻᒪᖅᑯᑎᑦ ᐅᐊᔭᖏᓐᓂᒃ ᓱᖁᑎᒃᓴᖃᑦᑕᖁᔨᙱᖦᖢᑎᒃ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕆᓂ ᐳᓲ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᖏᑕ ᑎᒥᖁᑖ
(867) 979-7524
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑐᔅᓯᕋᐅᑎᓕᐅᕐᕕᔅᓴᐅᓕᕐᒥᔪᑦ ᐊᕐᕌᒍᑕᒫᖅ ᐊᑐᖅᑕᐅᖃᑦᑕᖅᑐᖅ ᑯᐊᐳᕇᓴᒃᑯᑦ ᓚᐅᕋ ᐅᓪᓗᕆᐊᒃ ᒍᓘᑎᐊᐃ ᐃᓕᓐᓂᐊᕈᑎᔅᓴᒧᑦ ᑮᓇᐅᔭᑦ.
ᓄᓇᕗᒻᒥ ᐃᓕᓐᓂᐊᖅᑏᑦ ᐃᓕᓐᓂᐊᕆᐊᒃᑲᓐᓂᖅᓯᒪᔪᑦ ᓯᓚᑦᑐᓴᕐᕕᒻᒥᑦ ᐊᕐᕌᒍᒧᑦ ᓰᑏᑉᐱᕆ 2018 ᐃᓕᓐᓂᐊᖅᑐᑦ ᐱᓇᓱᐊᖃᑕᐅᔪᓐᓇᖅᑐᑦ ᑐᔅᓯᕋᐅᑎᒃᑯᑦ. ᐱᓇᓱᐊᖃᑕᐅᔪᑦ ᓂᕈᐊᖅᑕᐅᓂᖏᑦ ᑐᙵᕕᖃᕐᓂᐊᖅᑐᑦ ᐃᓕᓐᓂᐊᖅᑎᐊᖃᑦᑕᖅᓯᒪᓂᖓ ᐊᒻᒪ ᓄᓇᓕᒻᒥᑦ ᐃᓚᒋᔭᐅᓇᓱᑦᑎᐊᖃᑦᑕᖅᓯᒪᓂᖓᓄᑦ.
ᑐᒃᓯᕋᐅᑏᑦ ᑮᓇᐅᔭᓂᑦ ᐱᔭᐅᓇᓱᑦᑐᑦ $5000 ᐃᓕᓐᓂᐊᕈᑎᔅᓴᒧᑦ ᑮᓇᐅᔭᑦ ᒪᑐᐃᖓᑎᑕᐅᔪᑦ ᔫᓂ 30, 2019ᒧᑦ.
ᑐᑭᓯᒋᐊᒃᑲᓐᓂᕈᒪᒍᕕᑦ ᐅᕙᓗ ᑐᔅᓯᕋᐅᑎ ᖃᕆᓴᔭᐅᒃᑯᑦ ᐱᔪᒪᒍᕕᐅᒃ, ᐅᕗᙵᕐᓗᑎᑦ www.qec.nu.ca/about/community-involvement ᐅᕙᓘᓐᓃᑦ ᐅᖄᓚᓗᑎᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ ᐅᕗᖓ 1-866-710-4200.
###
ᓂᕈᐊᖅᑕᐅᓯᒪᔪᖅ ᔩᓂ ᐃHᐊᓗᐊᒃ, ᒥᓂᔅᑕ ᑲᒪᒋᔭᖃᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᒃ, ᐱᔪᓐᓇᖅᑎᑦᑎᔪᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᑲᔪᓯᓗᓂ ᐃᒡᓗᓕᐅᕐᓂᕐᒥᒃ ᓄᑖᒥᒃ ᐊᖓᔪᖅᑲᐅᑎᖃᕐᕕᖕᒥᑦ ᖃᒪᓂ'ᑐᐊᕐᒥ. ᑎᒥᐅᔫᑉ ᖃᓄᐃᓕᐅᕈᑎᖏᑦ ᐱᔨᑦᑎᕋᐅᑕᐅᓲᑦ ᐊᖓᔪᖅᑳᖃᕐᕕᐊᑕ ᑎᑎᕋᕐᕕᐊᓂᑦ ᖃᒪᓂ'ᑐᐊᒥᑦ ᐊᖓᔪᖅᑲᐅᑎᖃᕐᕕᖕᒥᓪᓗ ᑎᑎᕋᕐᕕᐊᓂᑦ ᐃᖃᓗᖕᓂᑦ.
"ᐅᓪᓗᒥᐅᔪᖅ, 45−ᓂᒃ ᐃᖅᑲᓇᐃᔭᖅᑐᓂ ᐱᖓᓱᑦ ᐊᔾᔨᒌᖏᑦᑐᓂ ᑎᑎᕋᕐᕕᖃᖅᐳᑦ ᓄᓇᓕᖕᓂᑦ,” ᐅᖃᖅᑐᖅ ᒥᓂᔅᑕ ᐃHᐊᓗᐊᒃ. “ᓄᑖᖅ ᐊᖓᔪᖅᑲᐅᑎᖃᕐᕕᒃ ᐅᓄᖅᓯᒋᐊᖅᑎᑦᑎᓂᐊᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᑕ ᐊᐅᓚᓂᕐᓅᕈᓐᓇᑦᑎᐊᖅᑐᓂᒃ ᑕᒪᕐᒥᒃ ᖃᒪᓂ'ᑐᐊᖅ ᑎᑎᕋᕐᕕᖕᒥᐅᑕᓕᕆᔨᖏᑦ ᐃᓂᑖᕆᔭᐅᔪᓐᓇᕐᓂᐊᕐᒪᑕ ᐊᑕᐅᓯᕐᒥᒃ ᐃᒡᓗᕐᔪᐊᒥ ᓈᒻᒪᒃᑐᒥᒃ ᑲᑎᒪᕕᖃᕐᓗᓂ ᐱᓕᒻᒪᒃᓴᐃᕕᖕᒥᓪᓗ.”
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖃᐅᔨᒃᑲᐃᔪᒪᔪᖅ ᐊᑐᖅᑎᖁᑎᖏᓐᓂᒃ ᐱᓗᐊᙱᑦᑐᒥᒃ ᑕᒻᒪᖅᓯᒪᔪᖃᕐᓂᖓᓂᒃ ᖃᐅᒻᒪᖅᑯᑎᑦ ᐊᑮᑦᑐᓄᑦ ᐊᑮᑦᑐᓕᕆᓂᕐᓂ ᒫᑦᓯ 1−ᒥ 31−ᒧᑦ, 2019.
ᑮᓇᐅᔭᓕᐅᕋᓱᐊᕐᕕᒃ ᓄᓇᖃᖅᑎᐅᔪᓄᓪᓘᓐᓃᑦ ᐊᑭᖏᑦ ᑎᑎᕋᖅᓯᒪᔪᑦ ᐊᑭᓕᒐᒃᓴᒥᒃ ᐊᔾᔨᖃᖅᑐᑦ ᐊᒌᖅᑐᒥᒃ ᐊᑭᓄᑦ ᐊᓯᔾᔨᖅᑐᓂ ᐊᐃᕐᕆᓕ 1, 2019. ᑲᑎᖦᖢᒋᑦ ᐆᒻᒪᖅᑯᑎᓄᑦ ᐊᑭᓕᒐᒃᓴᓕᐊᓪᓚᑦᑖᖅ ᐊᑖᓂ ᑕᖅᑭᑕᒫᖅᓯᐅᑦ ᐊᑭᓕᒐᒃᓴᐅᑉ ᓈᓴᐅᓯᕆᔭᐅᓪᓗᓂ ᐊᑐᕐᖢᑎᒃ ᑕᒻᒪᖓᙱᑦᑐᓂᒃ ᐊᑭᖏᓐᓂᒃ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᒪᒥᐊᑉᐳᑦ ᖃᓄᑐᐃᓐᓇᖅ ᐊᑲᐅᙱᓕᐅᕈᑎᓄᑦ ᐊᑐᖅᑎᑦᑎᑐᐃᓐᓇᕆᐊᓕᖕᒧᑦ ᒫᓐᓇᐅᔪᖅ. ᐃᑭᐊᖅᑭᕕᒃ ᑕᒍᒋᐊᕐᓗᒍ ᑐᑭᓯᒋᐊᒃᑲᓐᓂᕈᒪᒍᕕᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐊᑐᖅᑎᓄᑦ ᐊᑭᖏᓐᓂwww.qec.nu.ca.
ᐃᓚᐅᕝᕕᒋᒃᑭᑦ ᓄᓇᕗᒻᒥᐅᑦ ᐊᓕᐊᓇᐃᒍᓲᑎᖃᖅᑎᓪᓗᒋᑦ ᓄᓇᕐᔪᐊᑉ ᐅᓪᓗᖓᓂ ᐆᒻᒪᖅᑯᑎᓂ ᐊᑐᑦᑎᐊᕐᓂᒃᑯᑦ ᓇᒡᒐᔾᔭ, ᐊᐃᕐᕆᓕ 22-ᒥ. ᐱᓕᕆᔭᓕᒫᑎᑦ ᐊᑐᓗᐊᖅᑕᐃᓕᒪᓂᕐᒧᑦ ᐆᒻᒪᖅᑯᑎᓂᒃ ᑲᑎᑉᐸᓪᓕᐊᕙᒃᐳᑦ ᐊᓯᔾᔩᑎᑦᑎᕐᔪᐊᕐᓂᒃᑯᑦ!
ᐱᖓᓱᑦ ᐊᑐᖅᑕᐅᔪᓐᓇᖅᑐᑦ ᐆᒻᒪᖅᑯᑎᓂ ᐊᑐᓗᐊᖅᑕᐃᓕᒪᓂᕐᒧᑦ:
ᐅᖅᑰᓯᒋᐊᕈᑎ ᖃᒥᒋᐊᖅᓯᒪᓗᒍ ᐃᒐᓛᑦ ᒪᑐᓯᒪᓗᒋᑦ ᐅᖅᑰᔪᖁᑎᒥᒃ ᐊᑎᓗᑎᑦᑐᑭᓯᒋᐊᒃᑲᓐᓂᕈᒪᒍᕕᑦ ᐊᑐᖏᓂᖅᓴᐅᓂᕐᒧᑦ ᐆᒻᒪᖅᑯᑎᓂᑦ, ᑮᓇᐅᔭᖅᑐᖏᓐᓂᖅᓴᐅᓂᕐᒧᑦ
ᐊᒻᒪ ᐃᑲᔪᕐᓗᒍ ᐊᕙᑎᖓ ᓄᓇᕗᒻᒥ, ᐃᓚᒋᔭᐅᓕᕆᑦ ᐱᐅᖅᓱᐊᕐᓂᖅ ᐆᒻᒪᖁᒻᒧᑦ Facebook−ᒃᑯᑦ "ᐱᐅᖅᓱᐊᕐᓂᕐᒥ ᐆᒻᒪᖁᒻᒥᑦ ᓄᓇᕗᒻᒥ" ᐊᒻᒪ Twitter−ᒃᑯᑦ ᐅᕙᓂ @EnergyWiseNU.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕆᓂ ᐳᓲ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᐃᖃᓗᐃᑦ, ᓄᓇᕗᑦ (ᐊᐃᕐᕆᓕ 16, 2019) – ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ (QEC−ᑯᑦ) ᐃᖅᑲᐃᑎᑦᑎᔪᒪᕗᑦ ᐊᑐᖅᑎᐅᕙᒃᑐᓂᒃ ᐱᖃᑖ ᐊᑐᖅᑕᐅᓂᐊᓕᕐᒥᔪᖅ ᖃᔅᓯᑐᕐᓂᖓᑕ ᐅᓐᓄᖅᓯᒋᐊᖅᑕᐅᓂᖓᑕ ᐊᖏᖅᑕᐅᓯᒪᔪᖅ ᒥᓂᔅᑕᒥᑦ ᑲᒪᒋᔭᒃᓴᖃᖅᑎᑕᐅᔪᒥᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᒃ ᐊᑐᓕᖅᓯᒪᓕᕐᓂᖓᓂᒃ ᐊᐃᕐᕆᓕ 1, 2019−ᒥ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖃᐅᔨᒃᑲᐃᔪᒪᕗᑦ ᐃᖃᓗᖕᒥᐅᓂᒃ ᓄᓇᓕᖕᓂᑦ ᖃᒥᓛᕐᓂᖏᓐᓂᒃ ᐃᓚᐃᓐᓇᖏᑦ ᓈᑦᑏᖑᔭᒥ, ᒫᔾᔨ 24, 7−ᒥ 10−ᒧᐊᖅᓴᓂᖓᓄᑦ ᐅᓪᓛᒃᑯᑦ. ᖃᒥᙶᓛᖅᑐᑦ, ᐅᑮᕕᓕᐊᕆᐊᒥ ᒥᑦᑕᕐᕕᐅᑉ ᖃᓂᒋᔮᓂ, ᓇᓗᓇᐃᖅᓯᒪᔪᑦ ᖁᖅᓱᖅᑕᒥᒃ ᓄᓇᙳᐊᒥᒃ.
ᖃᒥᙶᕆᐊᖃᓛᖅᑐᑦ ᓅᑕᐅᔭᕆᐊᖃᕐᓂᖓᓄᑦ ᐆᒻᒪᖅᑯᑎᒧᑦ ᐊᖅᑯᑖ ᐆᒻᒪᖅᑯᑎᓕᕆᔾᔪᑎᓂᒃ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖁᔭᓕᔪᒪᔪᑦ ᐃᖃᓗᖕᒥᐅᓂᒃ ᑐᑭᓯᔪᓐᓇᕐᒪᑕ, ᒪᒥᐊᑉᐳᓪᓗ ᖃᓄᑐᐃᓐᓇᖅ ᓈᒻᒪᙱᓪᓕᐅᖅᑎᑦᑎᓐᓂᖅᐸᑕ ᖃᒥᙶᖅᑎᓪᓗᒋᑦ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑳᑦᕆᓐ ᕕᑎᑯ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᑐᙵᓱᒃᑎᑦᑎᕗᑦ ᑭᙵᕐᒥᐅᓂᒃ ᖁᕕᐊᓲᑕᐅᑎᓪᓗᒍ ᐆᒻᒪᖅᑯᑎᓄᑦ ᐊᐅᓚᐅᑎᖃᕐᕕᒃᑖᓵᖅ ᕿᑎᖅᑰᑦ ᒫᔾᔨ 14 ᐅᓐᓄᒃᓴᒃᑯᑦ 4:00−ᒥ ᐱᒋᐊᕐᓗᒍ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐆᒻᒪᖅᑯᑎᓄᑦ ᐊᐅᓚᐅᑎᖃᕐᕕᒃᑖᓵᒥᒃ ᓴᓇᓯᒋᐊᓚᐅᖅᓯᒪᕗᑦ ᑎᓯᐱᕆᐅᑎᓪᓗᒍ ᖁᔭᓕᔪᒪᕗᓪᓗ ᑭᙵᕐᒥᐅᓂᒃ ᐃᑲᔪᖅᑐᐃᑦᑎᐊᖏᓐᓇᓚᐅᕐᓂᖏᓐᓄᑦ.
ᒪᒃᐱᖅᑕᐅᓂᐊᖅᑐᖅ ᐆᒻᒪᖅᑯᑎᓄᑦ ᐊᐅᓚᐅᑎᖃᕐᕕᒃᑖᓵᖅ 4:00-ᒥ ᐅᓐᓄᒃᓴᒃᑯᑦ. ᐊᔾᔨᓕᐅᖅᓯᒪᔪᒥᒃ ᓂᕈᐊᕈᓐᓇᓛᖅᑐᑦ ᐅᐸᒍᑎᓯᒪᔪᑦ. ᑭᖑᓂᐊᒍᑦ 5:00-ᒥ 7:00-ᒧᑦ ᐅᓐᓄᒃᑯᑦ ᖁᕕᐊᓲᑎᖃᓛᖅᑐᑦ ᓂᕆᕕᒡᔪᐊᕐᓗᑎᒡᓗ ᓵᒻ ᐳᓪᓚᑦ ᐃᓕᓐᓂᐊᕐᕕᖕᒥ.
ᑭᒃᑯᓕᒫᑦ ᑐᙵᓱᒃᑎᑕᐅᓂᖅᑐᑦ.
ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᓇ ᖃᐅᔨᒋᐊᕐᕕᐅᔪᓐᓇᖅᑐᖅ:
ᑳᑦᕆᓐ ᕕᑎᑯ
ᑐᓴᐅᒪᔪᓕᕆᔨ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
(867) 979-7513
communications@qec.nu.ca
ᖁᓪᓕᒃᑯᑦ ᑐᓴᕈᒪᕗᑦ ᓄᓇᕗᒻᒥᐅᑕᕐᓂᑦ ᑕᒪᔅᓱᒥᖓ ᑎᒥᐅᔫᑦ ᓴᖅᑭᓛᕐᓂᖓᓐᓂ ᐃᒻᒥᒃᑯᑦ ᐆᒻᒪᖅᑯᑎᖃᕐᓂᕐᑦᒧ ᐃᑲᔫᑎᔅᓴᓂᑦᐱᓕᕆᐊᔅᓴᒥᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐱᔫᒥᓵᕈᑎᓂᒃ ᒫᓐᓇ ᐱᔪᒪᔪᑦ ᓄᓇᕗᒻᒥᐅᓐᓂᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄᑦ ᑲᑎᒪᔨᐅᖃᑕᐅᔪᒪᔪᓄᑦ. ᓂᕈᐊᖅᑕᐅᔪᑦ ᑎᓕᔭᐅᓯᒪᓂᐊᖅᑐᑦ ᐊᕐᕌᒍᓄᑦ ᐱᖓᓱᓄᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᓄᓇᕗᒻᒥ ᓇᖕᒥᓂᖁᑎᒋᔭᐅᕗᑦ ᓄᓇᑦ ᒐᕙᒪᒃᑯᖏᓐᓄᑦ. ᐊᐅᓚᐅᓯᐅᖅᑎᑐᐊᖑᓪᓗᑎᒃ ᓯᐊᒻᒪᒃᑎᕆᕙᒃᖢᑎᒡᓗ ᓄᑭᓪᓚᐅᑎᓂᑦ ᓄᓇᕗᒻᒥᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐊᖏᖅᓯᒪᔪᑦ ᐊᑦᑕᖕᓇᙱᑦᑐᑐᓂᑦ, ᐊᑑᑎᓕᖕᓂᑦ ᐊᑭᑐᓗᐊᙱᑦᑐᓂᒡᓗ ᐆᒻᒪᖅᑯᑎᖃᖅᑎᑦᑎᕙᒃᐳᑦ.
ᐱᓇᔪᒃᑐᑦ ᓇᒃᓯᐅᔾᔭᕆᐊᓖᑦ ᑎᑎᖅᑲᒥᑦ ᐃᖅᑲᓇᐃᔮᒃᓴᒃᓯᐅᕈᒻᒥᓪᓗ ᓴᓕ ᒪᒃᓚᐅᑦᒧᑦ ᐅᕗᖓ smcleod@qec.nu.ca ᕕᕗᐊᕆ 22, 2019 ᑎᑭᓚᐅᙱᓐᓂᖓᓂ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ: