ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᑕ ᑎᑎᕋᕐᕕᖏᑦ ᒪᒃᐱᒃᑲᓐᓂᕐᓂᐊᓕᖅᑐᑦ ᓇᒡᒐᔾᔭ, ᔫᓂ 15−ᒥ ᐃᖅᑲᓇᐃᔭᕐᓇᒃᑯᑦ (8:30−ᒥ ᐅᓪᓛᒃᑯᑦ − 5:00−ᒧᐊᖅᓴᓂᖓᓄᑦ ᐅᓪᓗᒃᑯᑦ ᑲᓇᖕᓇᒥ). ᐊᑭᓕᖅᓱᐃᔨᓄᑦ ᐱᔨᑦᑎᕋᖅᑎᑦ ᑲᑎᒪᔨᖏᑦ ᐅᑯᓇᓂ ᓄᓇᓕᖕᓃᑦᑐᑦ ᑲᖏᖅᖠᓂᖅ, ᖃᒪᓂ'ᑐᐊᖅ, ᐃᖃᓗᐃᑦ ᐊᒻᒪ ᐃᖃᓗᒃᑑᑦᑎᐊᖅ.
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᖓᑦ ᖃᓄᐃᓕᐅᖁᔭᖏᑦ ᒪᓕᒃᖢᒋᑦ, ᐅᓄᙱᑦᑐᑦ ᐱᔨᑦᑎᕋᖅᑕᐅᕝᕕᖕᒧᑦ ᐃᓯᕈᓐᓇᖅᑎᑕᐅᖃᑦᑕᕐᓂᐊᖅᑐᑦ ᐊᑕᐅᑦᑎᒃᑯᑦ. ᐊᑭᓕᖅᓱᐃᔨᓕᒫᑦ ᑭᒡᓕᒋᑎᑕᐅᔪᓂᒃ ᓈᓚᑲᑕᒡᔫᒥᖁᔭᐅᔪᑦ ᐅᖓᓯᒌᒃᑕᑲᑕᐃᓐᓇᕐᓗᑎᒡᓗ 2 ᒦᑕ (6 ᐃᓯᒃᑲᓄᑦ). ᓯᕗᓪᓕᖅᐹᖅ ᐃᑲᕐᕋᖅ ᐊᐅᓚᓂᕆᔭᐅᔪᓂ ᑐᕌᖓᑎᑕᐅᓂᐊᖅᐳᖅ ᐃᓐᓇᕐᓄᑦ ᐊᓯᖏᓐᓄᓪᓗ ᐊᒃᑐᖅᑕᐅᓴᕋᐃᑦᑐᓄᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖃᐅᔨᒃᑲᐃᔪᒪᕗᑦ ᐃᖃᓗᖕᒥᐅᓂᒃ ᖃᒥᙶᓛᕐᓂᖏᓐᓂᒃ ᓈᑦᑏᖑᔭᓛᕐᓂᐊᒥ, ᔫᓂ 13 6−ᒥ ᐱᒋᐊᕐᓗᓂ 8-ᒧᐊᕋᓱᖕᓂᖓᓄᑦ ᐅᓪᓛᒃᑯᑦ. ᖃᒥᙶᕐᓂᐊᖅᑐᑦ ᖁᖅᓱᖅᑕᒥᑦ ᓇᓗᓇᐃᖅᓯᒪᕗᑦ ᓄᓇᙳᐊᕐᒥ ᐅᓇᓂ.
ᖃᒥᙶᖅᑎᑕᐅᔭᕆᐊᖃᕐᓂᐊᖅᐳᑦ ᐃᓕᐅᖅᑲᖅᑕᐅᓵᓚᐅᖅᑐᑦ ᐊᑦᑕᕐᓇᙱᑦᑐᒃᑯᑦ ᐲᔭᖅᑕᐅᖁᓪᓗᒋᑦ ᓄᓇᓕᖕᓂ ᐃᒡᓗᓕᐅᕐᕕᐅᔪᖅ ᐃᓂᖃᒃᑲᓐᓂᖁᓪᓗᒍ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᒪᒥᐊᑉᐳᑦ ᑕᒪᓐᓇ ᐊᑲᐅᙱᓕᐅᕈᑕᐅᓂᐊᕐᓂᖅᐸᑦ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕈᓃ ᐳᓲ
ᐊᐅᓚᑦᑎᔨᐅᓚᐅᑲᒃᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
(867) 979-7524
rboucher@qec.nu.ca
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑐᒃᓯᕋᐅᑎᓂᒃ ᐱᔪᒪᕙᓪᓕᐊᓕᕐᒥᔪᑦ ᐊᕐᕌᒍᑕᒫᑦ ᐊᑐᖅᑕᐅᖃᑦᑕᖅᑐᖅ ᑯᐊᐳᕇᓴᒃᑯᑦ ᓘᕋ ᐅᓪᓗᕆᐊᖅ ᒍᑎᐊᐃ ᐃᓕᓐᓂᐊᕈᑎᒃᓴᒧᑦ ᑮᓇᐅᔭᑦ.
ᐱᓇᔫᑎᑦ ᐃᓱᓕᕝᕕᒃᓴᖃᖅᑐᑦ ᐊᕐᕌᒍᓕᒫᒧᑦ $5000−ᒥᒃ ᐃᓕᓐᓂᐊᕈᑎᒃᓴᒧᑦ ᑮᓇᐅᔭᕐᓂᒃ ᐅᖓᕙᕆᐊᖅᑕᐅᓯᒪᓕᖅᑐᖅ ᐋᒡᒌᓯ 31, 2020-ᒧᑦ, ᓄᕙᒡᔪᐊᕐᓇᖅ-19−ᑕᖃᖅᑎᓪᓗᒍ ᐊᒃᓱᕈᕐᓇᕈᓘᔭᓵᖅᑐᑦ ᐱᔾᔪᑕᐅᓪᓗᑎᒃ.
ᓄᓇᕗᒻᒥ ᐃᓕᓐᓂᐊᖅᑏᑦ ᐃᓕᓐᓂᐊᕆᐊᒃᑲᓐᓂᖅᓯᒪᔪᑦ ᓯᓚᑦᑐᓴᕐᕕᖕᒧᑦ ᐊᕐᕌᒍᒧᑦ ᓯᑎᐱᕆ 2020 ᐃᓕᓐᓂᐊᖅᑐᑦ ᐱᓇᓱᐊᖃᑕᐅᔪᓐᓇᖅᑐᑦ ᑐᒃᓯᕋᐅᑎᒧᑦ. ᐱᓇᓱᐊᖃᑕᐅᔪᑦ ᓂᕈᐊᖅᑕᐅᓂᖏᑦ ᑐᙵᕕᖃᕐᓂᐊᖅᑐᑦ ᐃᓕᓐᓂᐊᖅᑎᐊᖃᑦᑕᖅᓯᒪᓂᖏᑦ ᐊᒻᒪ ᓄᓇᓕᖕᓂᑦ ᐃᓚᒋᔭᐅᓇᓱᑦᑎᐊᖃᑦᑕᕐᓂᖏᑦ ᐱᓕᕆᑎᑦᑎᔪᖃᖅᑎᓪᓗᒍ.
ᐃᖃᓗᐃᑦ, ᓄᓇᕗᑦ (ᒪᐃ 26, 2020) − ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐅᓪᓗᒥ ᑐᓴᖅᑎᑦᑎᖅᑲᐅᕗᑦ ᒪᓕᒐᓕᐅᖅᑎᑦ ᑲᑎᒪᔨᓄᑦ ᐊᖏᖅᓯᖅᑲᐅᓂᖏᓐᓂᒃ ᑲᑎᒪᔨᙳᖅᑎᑕᐅᔪᓂᒃ ᐅᑯᓂᖓ ᓰᓇ ᐊᑯᒪᓕᒃ, ᐅᑲᓕᖅ ᐃᔨᑦᓯᐊᖅ, ᐊᒻᒪ ᒫᕕᓐ ᑎᐋᓐ ᐆᒻᒪᖅᑯᑎᓕᕆᔨᒃᑯᓐᓄᑦ ᑲᑎᒪᔨᓄᑦ. ᓂᑰᓪ ᔮᕕᓐ ᑲᑎᒪᔨᙳᖅᑎᑕᐅᒃᑲᓐᓂᖅᑐᖅ ᒪᓕᒐᓕᐅᖅᑎᑦ ᑲᑎᒪᔨᓄᑦ ᐱᖓᓱᓄᑦ ᐅᑭᐅᓄᑦ.
ᐊᒻᒪ, ᒪᓕᒐᓕᐅᖅᑎᑦ ᑲᑎᒪᔨᑦ ᐊᖏᖅᓯᓚᐅᕐᒥᔪᑦ ᑲᑎᒪᔨᙳᖅᑎᑕᐅᔪᓂᒃ ᑮᑦ ᐲᑕᓴᓐ ᑲᑎᒪᑎᑦᑎᔨᙳᖅᑎᑕᐅᓪᓗᓂ ᐊᒻᒪ ᐋᓐᓄᓘ ᓇᑲᓱᒃ ᑲᑎᒪᑎᑦᑎᔨᒧᑦ ᑐᒡᓕᕆᔭᐅᓕᖅᖢᓂ. ᑕᒪᕐᒥᒃ ᑲᑎᒪᔩᒃ ᑲᑎᒪᔨᙳᖅᑎᑕᐅᓚᐅᖅᓯᒪᔪᑦ ᐋᒡᒌᓯ 2019-ᒥ ᐅᑭᐅᓄᑦ ᐱᖓᓱᓄᑦ. ᐋᓐᓄᓘ ᓇᑲᓱᒃ ᑲᑎᒪᑎᑦᑎᔨᒧᑦ ᑐᒡᓕᖅᑖᕆᔭᐅᒃᑲᓐᓂᖅᑐᖅ ᑮᑦ ᐲᑕᓴᓐ ᑐᒡᓕᕆᔭᐅᓚᐅᖅᑑᒐᓗᐊᖅ.
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑕ ᑎᒥᖁᑖ
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑕ ᑎᒥᖁᑖ (QEC) ᐅᑉᐱᕆᔭᐅᔪᑦ ᐱᑕᖃᖅᑎᑦᑎᓗᑎ ᐊᑦᑕᓇᖏᑦᑐᒥ, ᑐᓐᖓᕕᒋᔭᔅᓴᐅᔪᓂᑦ ᐆᒻᒪᖅᑯᑎᓂᑦ ᓂᐅᕕᖃᑦᑕᖅᑐᓕᒫᓄᑦ ᓄᓇᕗᒻᒥ. ᓇᒻᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓄᑦ ᐊᒻᒪ ᐊᐅᓚᑕᐅᓪᓗᓂᓄᓇᕗᒻᒧᑦ ᑯᐊᐳᕇᓴᓐ, QEC ᐊᑕᐅᓯᑐᐊᖑᔪᖅ ᐱᑕᖃᖅᑎᑎᓪᓗᓂ ᐆᒻᒪᖅᑯᑎᓂᑦ ᐊᒻᒪ ᐅᖅᑰᑎᑦᑎᓂᕐᒧᑦ ᓄᓇᕗᒻᒥ. ᐊᔾᔨᒋᑎᓐᖑᐊᖅᑐᒍ ᐊᓯᖏᓐᓄᑦ ᐆᒻᒪᖅᑯᑎᖃᖅᑎᑦᑎᔪᓄᑦ ᑲᓇᑕᒥ, QEC ᓵᖓᑦᑎᔪᑦ ᐊᔾᔨᐅᖏᑦᑐᓂᑦ ᐊᔅᓱᕈᕈᑕᐅᔪᓂᑦ ᐊᐅᓚᑦᑎᓪᓗᑎ 25−ᓂᑦ ᐃᓛᒃᑰᖅᑐᓂᑦ ᐊᐅᓚᐅᑎᓂᑦ ᐅᖅᓱᐊᓗᑦᑐᖅᑐᓂᑦ ᐊᒻᒪ ᑐᓂᐅᖅᑲᐃᓂᖓ ᐊᑐᖅᑕᐅᓂᖓ ᓴᐊᑐᓂ ᓄᓇᕗᒻᒥ ᓄᓇᓕᓐᓃᑦᑐᑦ.
QEC-20-018 ᐃᑲᔪᖅᑎ ᐊᐅᓚᑦᑎᔨ
ᑖᓐᓇ ᐊᑭᑦᑐᕋᐅᑎᐅᔪᖅ ᑭᓪᓕᖃᖅᑎᑕᐅᔪᖅ ᓄᓇᕗᒻᒥ ᐃᓄᓐᓄᑦ ᐃᖅᑲᓴᐃᔮᖅᑖᕋᓱᐊᖅᑐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᓄᓇᕗᒻᒥᐅᓂᒃ ᑐᓴᖅᑎᑦᑎᔪᒪᕗᑦ ᐊᑭᓕᖅᓱᐃᔨᓂᑦ ᐃᑲᔪᖅᑐᐃᔨᑦ ᐊᑐᐃᓐᓇᐅᖕᒪᑕ ᐊᑭᓕᖅᓱᐃᔨᑦ ᐃᑲᔪᖅᑕᐅᖁᓪᓗᒋᑦ ᓄᕙᕐᔪᐊᕐᓇᖅ-19−ᒥ ᖃᓂᒪᓐᓇᐅᑎᓪᓗᒍ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᓯᔾᔩᔪᓐᓇᖅᑎᑦᑎᓂᐊᖅᐳᑦ ᐊᑭᓕᐅᑕᐅᔪᓐᓇᖅᑐᓂᒃ ᐃᒡᓗᓂᒃ ᐊᒻᒪ ᑮᓇᐅᔭᓕᐅᕋᓱᒃᑎᓂᑦ ᐊᑭᓕᖅᓱᐃᕙᒃᑐᓂᑦ ᑕᒪᐃᓐᓂᒃ ᑕᖅᑭᑕᒫ ᖃᐅᒻᒪᖅᑯᑎᖓᓂᒃ ᐊᑭᓖᔪᓐᓇᙱᑦᑐᓂᒃ. ᖄᖏᐅᑎᔪᑦ ᐊᑭᓕᕆᐊᓕᖕᒥᓂᒃ ᐊᑭᓕᕆᐊᓖᑦ ᖁᔭᓈᖅᑕᐅᓂᐊᕆᕗᑦ ᐊᑭᓕᖅᓱᐃᔨᓄᑦ ᑖᓐᓇ ᐊᑐᕐᓗᒍ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑖᒃᑯᓂᖓ ᐋᖅᑭᒃᓱᖅᓯᒪᔪᓂᒃ ᐊᑐᐃᓐᓇᐅᑎᑦᑎᓚᐅᑲᑐᐃᓐᓇᖅᑐᑦ ᐃᓛᒃᑰᖅᑕᖅᖢᑎᒃ ᐊᑭᓕᖅᓱᐃᔨᑦ ᑮᓇᐅᔭᐃᔭᙱᓐᓂᖅᓴᐅᖁᓪᓗᒋᑦ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐃᓕᓴᖅᓯᕗᑦ ᑕᒪᓐᓇ ᐊᒃᓱᕈᕐᓇᖅᑐᖅᓯᐅᕈᑕᐅᖕᒪᑦ ᐅᓄᖅᑐᓄᑦ ᓄᓇᕗᒻᒥᐅᓄᑦ ᐊᒻᒪ ᐃᑲᔪᖅᑐᐃᔪᒪᓪᓚᑦᑖᖅᐳᑦ ᐊᑭᓕᖅᓱᐃᔨᓂᑦ ᐊᔪᕐᓇᙱᑦᑕᕌᖓᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ (QEC) ᐅᔾᔨᖅᓱᖁᔨᔪᑦ ᓄᓇᕗᒻᒥᐅᓂ ᐱᕋᔭᖕᓂᐅᔾᔪᑕᐅᑐᐃᓐᓇᕆᐊᓕᖕᓂ ᑐᕋᒐᖃᖅᑐᓂ ᐱᓕᕆᕝᕕᖕᓂ ᐊᑭᓕᖅᓱᐃᔪᓂ. ᐅᖄᓚᔪᑦ ᑭᒡᒐᖅᑐᐃᔨᐅᓂᕋᖅᖢᑎᒃ ᐊᑭᓖᑲᐅᑎᒋᖁᔨᔪᑦ ᐊᑭᓕᖅᓱᐃᔪᓂ ᓇᑲᑕᐅᔾᔮᙱᓐᓂᕋᐃᓪᓗᑎᒃ ᐆᒻᒪᖅᑯᑎᖏᓐᓂᒃ.
ᒫᓐᓇᐅᓂᖓᓂ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᓇᓗᓴᐃᖅᓯᔪᒪᔪᑦ ᐊᑭᓕᖅᓱᐃᔪᓂ ᑎᒥᐅᔪᖅ ᐲᔭᐃᔾᔮᙱᓐᓂᖏᓂᒃ ᑮᓇᐅᔭᖁᑎᖃᕐᕕᒋᔭᐅᔪᓂ ᐅᕝᕙᓘᓐᓃᑦ ᐃᓕᐅᖅᑲᐃᔾᔮᙱᓐᓂᖏᓐᓂᒃ ᐃᓱᓕᕝᕕᒃᓴᖃᕐᓂᖏᓐᓂᒃ ᑭᖑᓂᐊᒍᑦ ᐅᖃᐅᓯᒃᑲᓐᓂᓚᐅᙱᓐᓂᖓᓂ. ᑕᒪᒃᑯᐊ ᐆᑦᑐᕋᕐᓂᐅᔪᑦ ᐊᑐᖅᑕᐅᔪᑦ ᐊᑭᓕᖅᓱᐃᔪᑦ ᐱᓕᕆᐊᖃᓗᐊᖁᓇᒋᑦ ᓄᕙᒡᔪᐊᕐᓇᖅ-19 ᐊᒥᓱᓄᑦ ᖃᓂᒻᒪᓐᓇᐅᑎᓪᓗᒍ.
ᐅᖄᓚᕕᐅᓇᓱᒋᒍᕕᑦ ᑕᒪᑐᒥᖓ ᐱᔾᔪᑎᓕᖕᒥᒃ, ᐅᖄᓚᐅᑦ ᐃᓕᑐᐃᓐᓇᕐᓗᒍ ᖃᐅᔨᒋᐊᕐᕕᒋᓗᒋᓪᓗ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂ ᐊᑭᓕᖅᓱᐃᔪᓂ ᑲᒪᒋᔭᖃᖅᑐᑦ ᐅᕙᓂ 1-866-710-4200. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑭᒡᒐᖅᑐᐃᔨᖓ ᓇᓗᓇᐃᖅᓯᓇᔭᖅᑐᖅ ᐱᓪᓚᕆᐅᖕᒪᖔᖓᓂᒃ.
ᐃᖃᓗᐃᑦ, ᓄᓇᕗᑦ (ᐄᑉᐳ 1, 2020) - ᐆᒻᒪᖅᑯᑎᓕᕆᔨᒃᑯᑦ ᐱᓇᔪᒃᓯᒪᓕᖅᑐᑦ ᐅᖅᓱᐊᓗᒃᑖᖅᐸᒃᑐᑦ ᐊᑭᓕᖅᓱᖁᓪᓗᒋᑦ ᐅᖅᓱᐊᓗᒃᑖᖅᑐᑦ ᐊᑭᓕᖅᓱᐃᔭᕆᐊᖃᓕᕐᓗᑎᒃ $2.76 per kilowat-ᐃᑲᕐᕋᒧᑦ ᐊᐃᕆᓕ 1-ᒥ, ᓯᑎᐱᕆ 30, 2020-ᒧᑦ. ᐱᓇᔫᑕᐅᔪᖅ ᑐᓐᓂᖅᑯᑕᐅᓚᐅᖅᐳᖅ ᐆᒻᒪᖅᑯᑎᓕᕆᔨᒃᑯᑦ ᒥᓂᔅᑕᖓᓐᓄᑦ, ᐱᖁᔨᕗᖔᓕᐊᕆᔭᐅᔪᓂᒃ ᖃᐅᔨᓇᓱᒋᐊᖃᕐᓂᐊᖅᑐᖅ ᐆᒻᒪᖅᑯᑎᑦ ᐊᑭᖏᓐᓄᑦ ᕿᒥᕐᕈᔩᑦ ᑲᑎᒪᔨᖏᓐᓄᑦ.
"ᑐᒃᓯᕋᐅᑕᐅᔪᖅ ᐅᖅᓱᐊᓗᖕᒧᑦ ᐊᑭᓕᖅᓱᖅᑕᐅᔪᒃᓴᖅ ᑕᐃᒪᓐᓇ ᐋᖅᑭᒃᑕᐅᓕᓚᐅᖅᐳᖅ ᖃᖓᑦᑎᐊᖅ ᓄᓇᕘᒥ ᐅᖅᓱᐊᓗᒃ ᐊᑭᖓ ᐊᑭᒃᖠᒋᐊᓚᐅᖅᑎᓪᓗᒋᑦ," ᐅᖃᓚᐅᖅᐳᖅ ᒪᓕᒐᓕᐅᖅᑎ ᔩᓂ ᐃᕼᐊᓗᐊᒃ, ᐆᒻᒪᖅᑯᑎᓕᕆᔨᒃᑯᓐᓄᑦ ᒥᓂᔅᑕ. “ᐊᑭᒃᖠᒋᐊᖅᑐᑦ ᐅᖅᓱᐊᓗᖕᒧᑦ ᐊᑭᖓᓐᓄᑦ ᐃᑲᔫᑕᐅᕗᖅ ᐊᑭᓕᖅᓱᐃᔨᓄᑦ ᐊᑭᓕᐅᑎᒋᓚᐅᖅᑕᖏᓪᓗ ᐅᑎᖅᑎᑕᐅᓂᐊᖅᐳᑦ ᓄᓇᕗᒥᐅᓄᑦ.”
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐱᓕᕆᐊᒃᓴᖃᕐᒪᑕ ᐆᒻᒪᖅᑯᑎᑐᖅᑎᑦᑎᒋᐊᖃᖅᖢᑎᒃ ᐊᑦᑕᕐᓇᙱᑦᑐᓂᒃ ᐊᒻᒪ ᑕᑎᒋᔭᒃᓴᐅᔪᓂᒃ ᓄᓇᕗᒥᐅᓄᑦ. ᐸᕐᓇᐃᓯᒪᕙᒌᖅᑐᒍᑦ ᐊᒃᓱᕈᕐᓇᖅᖢᑎᒃ ᐱᓕᕆᐊᖑᐃᓐᓇᖅᑐᓄᑦ ᓄᕙᒡᔪᐊᕐᓇᖅ-19 ᐃᓄᒐᓴᒡᔪᐊᓄᑦ ᖃᓂᒻᒪᒍᑕᐅᕙᓪᓕᐊᑐᐃᓐᓇᖅᑐᖅ ᐱᔾᔪᑎᒋᓪᓗᒍ.
ᓄᓇᕗᑦ ᒐᕙᒪᒃᑯᑦ ᖃᓄᐃᓕᐅᖁᔨᓚᐅᖅᑎᓪᓗᒋᑦ ᒪᓕᒃᑲᑦᑎᒍᑦ, ᐃᓄᐃᓴᒃᖠᒋᐊᕈᒪᓪᓗᑎᒍᑦ ᐃᓄᖕᓄᑦ ᑲᑎᕝᕕᐅᕈᓘᔭᖃᑦᑕᖅᑐᑦ, ᐊᑭᓕᖅᓱᐃᔨᓄᑦ ᑲᒪᔨᑦ ᑎᑎᕋᕐᕖᑦ ᓄᓇᕘᓕᒫᒥ ᒪᑐᓯᒪᓂᐊᖅᑐᑦ ᐱᒋᐊᕐᓗᒍ ᓇᒡᒐᔾᔭ, ᒫᑦᓯ 23, ᒪᑐᐃᖅᐸᑦᑕ ᓇᓗᓇᐃᖅᑕᐅᓛᕆᕗᖅ.
ᐊᑭᓕᒃᓴᔅᓯᓐᓂᒃ ᐊᒻᒪ ᐊᑭᓕᖅᓱᕆᐊᓕᖕᓂᒃ ᖃᐅᔨᔪᒪᒍᔅᓯ ᐆᒻᒪᖅᑯᑎᓕᕆᔨᒃᑯᑦ ᐃᑭᐊᖅᑭᕕᖓᓐᓄᐊᕐᓗᓯ ᖃᐅᔨᒋᐊᕈᓐᓇᖅᐳᓯ ᐅᓇ ᓇᕿᓪᓗᒍ.
ᐃᖃᓗᐃᑦ, ᓄᓇᕗᑦ (ᒫᑦᓯ 11, 2020) – ᓄᑖᖅ ᐃᒃᐱᐊᕐᔪᖕᒥᐅᓂ ᐆᒻᒪᖅᑯᑎᖃᕐᕕᐅᓂᐊᓕᖅᑐᖅ ᐱᓕᕆᐊᒃᓴᖅ ᐊᖏᖅᑕᐅᓯᒪᓕᖅᐳᖅ ᒪᓕᒐᓕᐅᖅᑎᒥᑦ ᔩᓂ ᐃᕼᐊᓗᐊᕐᒥᑦ, ᒥᓂᔅᑕ ᑲᒪᒋᔭᒃᓴᖃᖅᑎᑕᐅᓪᓗᓂ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄᑦ. ᐱᓇᔪᒍᑎᒋᔭᐅᔪᖅ ᐊᖏᔪᒧᑦ ᐱᓕᕆᐊᒃᓴᒧᑦ ᐱᔪᓐᓇᐅᑎᒋᔭᐅᔪᖅ ᑐᓐᓂᖅᑯᑕᐅᓚᐅᖅᐳᖅ ᓄᕕᐱᕆ 2019−ᒥ.