ᐱᔪᒥᓇᒃᑲᓐᓂᖅᑐᒥᒃ ᐃᖅᑲᓇᐃᔮᖃᕆᑦ ᐅᑭᐅᖅᑕᖅᑐᒥ!
ᖃᐅᔨᒋᐊᕈᒃ ᐃᓕᖕᓄᑦ ᐱᓕᕆᐊᒃᓴᑦᑎᐊᕙᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᐊᑐᑦᑎᐊᖏᓐᓇᕈᓐᓇᖅᑐᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ.
ᓄᓇᕗᒻᒥ ᐱᓕᕆᓂᖅ
ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᒥᓪᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᑐᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒋᑦᑎᐊᕐᓂᐊᖅᐸᐃᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᓕᕆᓐᓇᐅᙱᑦᑐᒃᑯᓪᓘᓐᓃᑦ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᖅᑐᕐᓗᑎᑦ, ᐃᖃᓪᓕᐊᕐᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᕐᒥᓂ ᐊᑐᓪᓚᕆᒃᑐᓂᑦ ᓴᓇᙳᐊᖅᑎᓂᑦ ᓂᔾᔭᐅᓯᔭᖅᑎᓂᒡᓗ, ᓄᓇᕗᑦ ᐃᓕᖕᓄᑦ ᐃᓂᒃᓴᑦᑎᐊᕙᐅᕗᖅ.
ᒪᓕᒃᑕᐅᓪᓗᑎᒃ ᓄᓇᕗᑦ ᒐᕙᒪᖓ ᐅᖓᓯᒋᔭᒦᓪᓗᓂ ᐃᖅᑲᓇᐃᔭᖅᑎᑖᖅᑎᑦᑎᓂᕐᒧᑦ ᐊᑐᐊᒐᖅ (GN HMR 501), ᐅᓇ ᐃᖅᑲᓇᐃᔮᒃᓴᖅ ᒪᓂᓴᐅᑕᐅᕗᖅ ᐊᖏᕐᕋᕆᔭᒥᒃ ᓄᓇᓕᖕᓂ ᐅᕝᕙᓘᓐᓃᑦ ᐊᔪᙱᑦᑐᓄᑦ ᐅᖓᓯᒋᔭᒦᓪᓗᓂ ᐃᖅᑲᓇᐃᔮᕆᔭᐅᔭᒋᐊᒃᓴᖅ. ᐅᖓᓯᒋᔭᒥᓂᒃ ᑐᒃᓯᕋᖅᑐᖃᖅᐸᑦ ᐃᖅᑲᓇᐃᔮᖅ ᑐᓂᔭᐅᓂᐊᖅᑐᖅ ᐊᕐᕌᒍᓄᑦ ᐱᖓᓱᓄᑦ ᐃᖅᑲᓇᐃᔮᒃᓴᐅᓂᐊᖅᑐᖅ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᙱᑦᑐᒥᑦ, ᐊᑐᑦᑎᐊᖏᓐᓇᕈᓐᓇᖅᑐᒥᒃ ᐆᒻᒪᖁᑎᒥᒃ ᐊᑭᓕᖅᓱᐃᕙᒃᑐᓕᒫᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᐅᓚᑕᐅᓪᓗᓂᓗ ᐃᓛᒃᑰᖅᖢᑎᒃ ᓄᓇᕗᒻᒥ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᒡᓗ ᓄᓇᕗᒻᒥ. ᐊᓯᓕᒫᖏᑦ ᐆᒻᒪᖅᑯᑎᖃᕐᕖᑦ ᑲᓇᑕᒥ ᑕᐅᑐᑦᓱᒋᑦ, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐊᒃᓱᕈᕐᓇᖅᑐᖅᓯᐅᖃᑦᑕᖅᐳᑦ ᐊᐅᓚᑦᑎᓪᓗᑎᒡᓗ 25−ᓂᒃ ᐃᓛᒃᑰᖅᓱᑎᒃ ᐊᐅᓚᐅᑎᖃᕐᕕᐊᓗᖕᓂᒃ ᐆᒻᒪᖅᑯᑎᖃᖅᑎᑦᑎᓪᓗᑎᒡᓗ ᑕᒪᐃᓐᓂᒃ ᓄᓇᓕᓕᒫᓂᒃ ᓄᓇᕗᒻᒥ.
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ 23-015 ᐊᑐᐊᒐᕐᓂᑦ ᖃᐅᔨᓴᖅᑎ
ᐊᑐᐊᒐᕐᓂᑦ ᖃᐅᔨᓴᖅᑎ ᐃᑲᔪᖅᑐᐃᓂᐊᖅᑐᖅ ᐊᐅᓚᑦᓯᔨᖓᓂᑦ, ᐊᐅᓚᑦᓯᕕᒻᒥ ᐱᕙᒌᔭᐅᑎᓄᑦ ᖃᐅᔨᓴᕐᓂᕐᒧᑦ ᐊᑐᐊᒐᕐᓂᑦ ᐱᓕᕆᐊᑦᓴᓂᓪᓗ ᐊᑦᑐᐊᓂᖃᖅᑐᓂᑦ ᓄᓇᕗᒻᒥ ᐆᒻᒪᖅᑯᑎᖃᕆᐊᖃᕐᓂᕐᒧᑦ ᐊᑐᕆᐊᓕᓐᓂᑦ, ᑭᒃᑯᑐᐃᓐᓇᐃᑦ ᐃᓱᒪᒋᔭᖏᑦ, ᐱᓕᕆᕝᕕᒻᒥ ᐊᑐᕆᐊᓕᓐᓄᑦ, ᑎᒥᖁᑎᒋᔭᐅᔪᒥᓪᓗ ᐊᐅᓚᑦᓯᓂᕐᒧᑦ. ᐃᖅᑲᓇᐃᔮᖅ ᑲᒪᒋᔭᖃᕐᓂᐊᖅᑐᖅ ᐃᑲᔪᕐᓂᕐᒧᑦ ᑐᑭᓯᒋᐊᕈᑎᑖᖅᑎᑦᑎᕙᒡᓗᓂᑦ ᒥᓂᔅᑕᐅᑉ ᐊᒡᓚᕝᕕᖓᓄᑦ, ᐆᒻᒪᖅᑯᑎᓕᕆᔨᒃᑯᑦ ᑲᑎᒪᔨᖏᓐᓄᑦ, ᐊᖓᔪᖅᑳᑦ ᑲᑎᒪᔨᕋᓛᖏᓐᓄᑦ, ᐊᒻᒪ ᓯᓚᑖᓃᑦᑐᑦ ᑲᑐᔾᔨᖃᑎᒋᔭᖏᓐᓄᑦ.
ᐱᓕᕆᐊᒃᓴᐃᑦ ᑲᒪᒋᔭᒃᓴᐃᓪᓗ:
- ᑲᒪᒋᔭᖃᕐᓂᕐᒧᑦ ᐃᖅᑲᓇᐃᔭᕐᕕᐅᖃᑎᒌᙱᑦᑐᓂᑦ, ᐊᕙᑎᓕᕆᓂᕐᒥᑦ, ᐱᔭᕆᐊᓕᓐᓂᓪᓗ ᖃᐅᔨᓴᕐᓂᕐᒧᑦ. ᓇᓗᓇᐃᖅᓯᕙᓪᓗᓂ ᖃᓄᐃᑉᐸᓪᓕᐊᓂᕆᔭᐅᔪᓂᑦ ᐊᒻᒪ ᑐᑭᓯᐅᒪᐃᓐᓇᕐᓗᓂᑦ ᐊᕙᑎᓕᕆᓂᕐᒥᑦ, ᖃᕆᑕᐅᔭᓕᕆᓂᕐᒥᑦ, ᐃᓅᖃᑎᒌᓂᑦ ᐊᒻᒪ ᒐᕙᒪᒥ ᐱᕙᓪᓕᐊᓂᕆᔭᐅᔪᓂᑦ ᐊᒃᑑᑎᓂᖏᓐᓄᑦ ᐃᖅᑲᓇᐃᔭᕐᕕᐅᑉ ᐊᑐᐊᒐᖏᓐᓄᑦ ᓯᕗᓪᓕᐅᔾᔭᐅᔪᒪᔪᓂᑦ ᐊᒻᒪ ᐱᕙᓪᓕᐊᓂᕆᔭᐅᔪᒪᔪᓂᑦ ᓄᑖᕐᓂᑦ ᐊᑐᐊᒐᓕᕆᓂᕐᒧᑦ;
- ᕿᒥᕐᕈᕙᓐᓗᓂᑦ ᓇᓗᓇᐃᔭᐃᕙᒡᓗᓂᓗ ᐊᒃᑑᑎᔪᓂᑦ ᑎᑎᖅᑲᓂᑦ ᓲᕐᓗ ᖃᐅᔨᓴᕐᓂᕐᒧᑦ ᐅᓂᒃᑳᓕᐊᑦ ᐊᒻᒪ ᖃᐅᔨᓴᕐᓂᐅᔪᑦ ᐊᓯᖏᓐᓂ ᐃᖅᑲᓇᐃᔭᕐᕕᓐᓂ, ᐆᒻᒪᖅᑯᑎᓂᑦ , ᑐᑦᑕᕐᕕᖕᓂᑦ, ᑲᑎᒪᔨᓂᑦ ᐊᒻᒪ ᐊᓯᖏᓐᓂ ᑎᒥᐅᔪᓂᑦ;
- ᐃᑲᔪᖃᑦᑕᕐᓗᓂ ᑎᑎᕋᖅᑕᐅᒋᐊᕐᖓᖅᑐᓄᑦ ᐃᓗᐊᓂ ᓯᓚᑖᓂᓪᓗ ᑎᑎᖅᑲᕐᓂᑦ ᐱᓕᕆᐊᓂᓪᓗ ᐃᓚᒋᓗᒍ: ᐅᖃᐅᓂᐊᖅᑐᓂᒃ, ᑐᑦᓯᕋᐅᑎᓕᐅᕐᓂᕐᒧᑦ ᐃᓱᒪᓕᐅᖁᔨᓂᕐᒥᑦ ᒥᓂᔅᑕᐅᖃᑎᒌᓂᑦ, ᑭᓇᐅᔭᓕᕆᓂᕐᒧᑦ ᐊᐅᓚᑦᑎᔩᑦ ᑲᑎᒪᔨᖏᓐᓄᑦ ᑐᓂᓯᖃᑦᑕᕐᓂᕐᒧᑦ, ᑐᓴᐅᒪᔾᔪᑎᑦᓴᐃᑦ ᑎᑎᕋᖅᓯᒪᓂᖏᑦ, ᐊᑐᖅᑕᐅᖔᕈᓐᓇᖅᑐᓂ ᐊᓕᓚᔪᓂᒃ, ᑭᐅᔾᔪᑕᐅᔪᓂᑦ, ᐅᓂᒃᑳᕆᐊᖅᑐᑦᑎᑕᐅᓗᓂ, ᑎᑎᖅᑲᐃᓪᓗ.
- ᐃᑲᔪᕐᓂᕐᒧᑦ ᐱᕙᓪᓕᐊᑎᑦᓯᓂᕐᒧᑦ, ᕿᒥᕐᕈᓂᕐᒧᑦ, ᖃᐅᔨᓴᕐᓂᕐᒧᓪᓗ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐊᐅᓚᑦᓯᕕᒻᒥ ᐱᕙᒌᔭᐅᑎᓂᑦ
- ᐃᓚᒋᔭᐅᖃᑦᑕᕐᓗᓂ ᐱᓕᕆᖃᑎᒌᑦᑐᓄᑦ ᑲᑎᙵᐅᖅᑐᓂᑦ ᑲᑎᒪᔨᓄᓪᓗ ᑲᑎᖅᓱᐃᓂᕐᒧᑦ ᑐᓴᐅᒪᔾᔪᑎᑦᓴᓂᑦ ᐅᖃᐅᔾᔨᒋᐊᕐᓂᕐᒧᓪᓗ ᐊᑦᑐᐊᓂᓕᓐᓄᑦ ᒪᓕᒐᕐᓂᑦ, ᐊᑐᐊᒐᕐᓂᑦ ᐊᖏᔪᓄᓪᓗ ᐱᓕᕆᕝᕕᒻᒥ ᐱᒋᐊᖅᑎᑕᐅᓯᒪᔪᓄᑦ.
- ᖃᐅᔨᓴᖃᑦᑕᕐᓗᓂ ᑕᕐᕆᔭᖅᐸᓪᓗᓂ ᑲᑎᒪᓂᐅᔪᓂᑦ ᒪᓕᒐᓂᐅᕐᕕᒻᒥᑦ ᕿᒥᕐᕈᖃᑦᑕᕐᓗᓂᓗ ᓄᓇᕗᒻᒥ ᕼᐋᓐᓱᑦᒥ.
- ᑲᑎᖅᓱᐃᓂᕐᒧᑦ ᑐᓴᐅᒪᔾᔪᑎᑦᓴᓂᑦ ᑎᑎᕋᖃᑦᑕᕐᓗᓂᓗ ᑭᐅᔾᔪᑎᓂᑦ ᐊᐱᖅᑯᑎᓂᓪᓗ ᑐᑭᒧᐊᑦᑎᑕᐅᔪᓂᑦ ᒥᓂᔅᑕᒧ ᒪᓕᒐᓕᐅᕐᕕᒻᒥ.
- ᐱᖃᑦᑕᕐᓗᓂ, ᖃᐅᔨᓴᖃᑦᑕᕐᓗᓂ, ᑐᓂᐅᖅᑲᐃᖃᑦᑕᕐᓗᓂ, ᑭᐅᖃᑦᑕᕐᓗᓂᓗ ᐱᔪᓐᓇᕐᓂᕐᒧᑦ ᑐᑭᓯᐅᒪᔾᔪᑎᓂᒃ ᑐᑦᓯᕋᐅᑎᓂᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄᑦ ᒪᓕᓪᓗᒋᑦ ᐱᔭᕆᐊᖃᖅᑐᑦ ᑐᑭᓯᒋᐊᕈᓐᓇᕐᓂᕐᒧᑦ ᓴᐳᔾᔨᓯᒪᓂᕐᒧᓪᓗ ᑐᓴᖅᑕᐅᒋᐊᖃᖏᑦᑐᓂ (ATIPP) ᐱᖁᔭᖅᒥ ᓴᖅᑭᖅᑎᑕᐅᓯᒪᔪᓂᓪᓗ ᐱᓕᕆᔾᔪᓯᕐᓂᑦ.
ᐅᑯᐊ ᐊᔪᙱᑦᑕᕆᐊᓖᑦ:
- ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᒐᕙᒪᓕᕆᓂᕐᒧᑦ ᖃᐅᓴᕐᓂᕐᒧᑦ, ᒐᕙᒪᒃᑯᓐᓂ ᐊᐅᓚᑦᑎᔨᐅᓂᕐᒧᑦ, ᐃᓅᖃᑎᒌᓐᓂᕐᒧᑦ ᖃᐅᔨᓴᕐᓂᕐᒥᑦ, ᑮᓇᐅᔭᓕᕆᓂᕐᒧᑦ ᐊᒃᑐᐊᓂᓕᖕᓂᓪᓗ ᖃᓄᖅᑑᖅᑕᐅᔪᓂᑦ.
- ᐊᕐᕌᒍᑦ ᒪᕐᕉᖕᓄ ᐊᑐᐊᒐᒥᑦ ᐱᕙᓪᓕᐊᑎᑦᑎᔨᐅᓂᑰᓗᓂᑦ ᕿᒥᕐᕈᔨᐅᓂᑰᓗᓂᓗ ᑭᒃᑯᑐᐃᓐᓇᕐᓄᓪᓘᓐᓃᑦ ᐊᐅᓚᑦᑎᔨᐅᓂᑰᓗᓂᑦ.
ᐃᑲᔫᑎᖃᕋᔭᖅᑐᑦ:
- ᐃᖅᑲᓇᐃᔭᕐᓂᑰᓗᓂᑦ ᐆᒻᒪᖅᑯᓯᕆᔨᓂᑦ ᐃᑲᔫᑎᖃᕐᓂᐊᖅᑐᖅ.
- ᐃᖅᑲᓇᐃᔭᕐᓂᑰᓗᓂᑦ ᐆᒻᒪᖅᑯᓯᕆᔨᓂᑦ ᐃᑲᔫᑎᖃᕐᓂᐊᖅᑐᖅ.
- ᖃᐅᔨᒪᓗᓂ ᓄᓇᕗᒻᒥ, ᓄᓇᖓᓂᒃ, ᐅᖃᐅᓯᖏᓐᓂᒃ ᐊᒻᒪ ᐱᖅᑯᓯᖏᓐᓂᒃ.
- ᐅᖃᕈᓐᓇᕐᓗᓂ ᐃᓄᒃᑎᑐᑦ, ᐃᓄᐃᓐᓇᖅᑐᓐ ᐊᒻᒪ/ᐅᕝᕙᓘᓐᓃᑦ ᐅᐃᕖᑐᑦ.
ᑮᓇᐅᔾᔭᒃᓴᑦᑎᐊᕋᔭᖅᑐᖅ ᐱᒋᐊᕐᕕᖃᕐᓗᓂ $106,738.24,013.83−ᒥᑦ $123,803.95 -ᒧᑦ ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᐸᒡᓗᓂ $16,008.00−ᒥᑦ ᐊᕐᕌᒍᒧᑦ. ᓈᒻᒪᑦᑎᐊᖅᑐᓂᒃ ᐃᑲᔫᓯᐊᖅᑖᖅᑎᑦᑎᕙᒃᑭᕗᒍᑦ ᑲᑎᖅᓱᖅᓯᒪᔪᓂᒃ, ᐱᖃᓯᐅᑎᓪᓗᒋᑦ ᓇᓗᓇᐃᔭᖅᓯᒪᔪᑦ−ᐃᑲᔫᑎᓄᑦ ᐃᓐᓇᖅᓯᐅᑎᑖᕈᑎᑦ. ᑐᔪᕐᒥᕕᒋᓂᐊᖅᑕᖏᑦ ᓲᓕ ᐊᖏᖅᑕᐅᓯᒪᙱᑦᑐᖅ ᒫᓐᓇᐅᔪᒥᑦ. ᓴᓂᕐᕙᒃᑕᐅᓂᐊᖅᐳᑦ ᐊᑐᐃᓐᓇᐅᓕᖅᐸᑦ. ᑖᓐᓇ ᐃᖅᑲᓇᐃᔮᒃᓴᖅ ᓄᓇᕗᒻᒥ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᓄᑦ ᐃᓚᓕᐅᔾᔭᐅᓯᒪᙱᑦᑐᖅ.
ᐊᔾᔨᐸᓗᖏᓐᓂᒡᓘᓐᓃᑦ ᐃᓕᓐᓂᐊᖅᓯᒪᓗᓂ ᐱᓕᕆᖃᑦᑕᖅᓯᒪᓂᑰᓗᓂᓘᓐᓃᑦ ᐃᓱᒪᒋᔭᐅᓂᐊᖅᑐᖅ ᑖᔅᓱᒧᖓ ᐃᖅᑲᓇᐃᔮᒧᑦ. ᑎᓕᐅᕆᒃᑲᓐᓂᖅᑐᒍᑦ ᐱᓇᔪᖁᔨᓪᓗᑕ ᐃᓕᔅᓯᓐᓂᒃ ᐊᔾᔨᑲᓴᖓᓂ ᐊᕐᕌᒍᓂᑦ ᐃᓕᓐᓂᐊᖅᓯᒪᒍᕕᑦ ᐊᒻᒪᓗ/ᐅᕝᕙᓘᓐᓃᑦ ᐱᓕᕆᖃᑦᑕᖅᓯᒍᕕᑦ ᐊᔾᔨᖓᓂᒃ ᐃᓕᓐᓂᐊᖅᓯᒪᔭᕆᐊᓕᖕᓂ ᐱᓕᕆᖃᑦᑕᖅᓯᒪᔭᕆᐊᓕᖕᓂ ᖁᓛᓂᑦ ᑎᑎᕋᖅᓯᒪᔪᓂᑦ.
ᓄᓇᕗᒻᒥᐅᑉ ᐃᓄᐃᑦ ᓯᕗᓪᓕᖅᐸᐅᔾᔭᐅᓂᐊᖅᑐᑦ.
ᐱᓇᔪᒍᒪᒍᕕᑦ ᓇᒃᓯᐅᑎᓗᒍ ᐱᓇᔪᒍᑎᒋᔭᐃᑦ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ ᐅᕗᖓ: https://qeccareers.prevueaps.ca/jobs/
ᑎᑎᖅᑲᒃᑯᑦ ᐱᓇᓱᐊᕐᓗᑎ ᔪᓚᐃ 4, 2025 ᑐᖔᓂ
ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ.
ᖁᔭᓕᕗᒍᑦ ᐃᖅᑲᓇᐃᔮᖅᑖᕋᓱᒃᑐᓕᒫᓂᒃ; ᑭᓯᐊᓂ, ᓂᕈᐊᖅᑕᐅᔪᑐᐊᑦ ᐃᓱᒪᒃᓴᖅᓯᐅᕈᑕᐅᒃᑲᓐᓂᕐᓂᐊᖅᑐᓄᑦ ᑐᓴᖅᑎᑕᐅᓂᐊᖅᐳᑦ.