ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᑐᒃᓯᕋᐅᑎᓂᒃ ᐱᔪᓐᓇᖅᓯᕗᑦ ᓘᕋ ᐅᓪᓗᕆᐊᖅ ᒐᐅᑎᐅ ᐃᓕᓐᓂᐊᕈᑎᒃᓴᑦ ᑮᓇᐅᔭᖏᓐᓄᑦ

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᑐᒃᓯᕋᐅᑎᓂᒃ ᐱᔪᓐᓇᖅᓯᕗᑦ ᐆᒻᒪᖅᑯᑎᓕᕆᔨᒃᑯᑦ ᐊᕐᕌᒍᑕᒫᖅᓯᐅᑦ ᓘᕋ ᐅᓪᓗᕆᐊᖅ ᒐᐅᑎᐅ ᐃᓕᓐᓂᐊᕈᑎᒃᓴᖅᑖᖅᑎᑦᑎᕙᒃᑐᑦ ᑮᓇᐅᔭᓂᒃ.

ᓄᓇᕗᒻᒥᐅᑦ ᐃᓕᓐᓂᐊᖅᑎᑦ ᓯᓚᑦᑐᖅᓴᕐᕕᖕᒧᑦ ᐊᑎᓕᐅᖅᑕᐅᓯᒪᔪᑦ ᐃᓕᓐᓂᐊᖃᑕᐅᓂᐊᖅᑐᑦ ᓯᑎᐱᕆ 2017-ᒥ ᐃᓕᓐᓂᐊᕐᓇᒥ ᐱᓇᔪᒍᓐᓇᖅᐳᑦ. ᓂᕈᐊᖅᑕᐅᓇᓱᒃᑐᓂᑦ ᐱᔪᒥᒋᔭᐅᔪᒥᑦ ᓂᕈᐊᕐᓂᐊᖅᐳᑦ ᐃᓕᓐᓂᐊᕈᑎᓕᕆᔪᓐᓇᑦᑎᐊᖅᑐᑦ ᒪᓕᒃᑕᐅᓗᑎᒃ ᐊᒻᒪ ᓄᓇᓕᖕᓂ ᐃᓚᒋᔭᐅᑦᑎᐊᖃᑦᑕᕐᓂᖓ.

$5000-ᓂᒃ ᐃᓕᓐᓂᐊᕈᑎᒃᓴᒧᑦ ᑐᒃᓯᕋᐅᑏᑦ ᐱᔭᐅᔪᓐᓇᕐᓂᐊᖅᐳᑦ ᔫᓂ 30, 2017−ᒧᑦ ᑎᑭᓪᓗᒍ.

ᑐᑭᓯᒋᐊᒃᑲᓐᓂᕈᒪᒍᕕᑦ ᐅᕝᕙᓘᓐᓃᑦ ᖃᕆᓴᐅᔭᒃᑯᑦ ᐱᓇᔫᑎᒥᒃ ᐱᔪᒪᒍᕕᑦ, ᐅᕗᖓ ᑕᑯᒋᐊᕐᓗᑎᑦ www.qec.nu.ca/about/community-involvement ᐅᕝᕙᓘᓐᓃᑦ ᐅᖄᓚᓗᑎᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑭᓕᖅᓱᐃᕙᒃᑐᓄᑦ ᑲᒪᒋᔭᖃᖅᐸᒃᑐᓄᑦ ᐅᖄᓚᓗᑎᑦ ᐅᕗᖓ 1-866-710-4200.