ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᖅᐸᒃᑕᒥᓄᑦ ᐅᑎᕐᓂᐊᓕᖅᐳᑦ ᑭᖑᕙᖅᓯᒪᔪᓄᑦ ᐊᑭᓕᕆᐊᓕᖕᓄᑦ

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᓄᓇᕗᒻᒥᐅᓂᒃ ᑐᓴᐅᒪᖁᔨᕗᑦ ᐊᑐᖅᐸᒃᑕᒥᓄᑦ ᐅᑎᕐᓂᐊᓕᕐᒪᑕ ᑭᖑᕙᖅᓯᒪᔪᑦ ᐊᑭᓕᕆᐊᓕᑦ ᐱᔾᔪᑎᒋᓪᓗᒋᑦ  ᐊᒡᒌᓯ 11−ᒥ ᐱᒋᐊᕐᓗᓂ, ᐊᑭᓕᖅᓱᐃᕙᒃᑐᑦ ᐊᑭᓕᕆᐊᓕᖕᒥᓂ ᑭᖑᕙᖅᓯᒪᔪᑦ ᓇᑲᑕᐅᑐᐃᓐᓇᕆᐊᖃᕐᓂᐊᖅᐳᑦ ᐅᕝᕙᓘᓐᓃᑦ ᑭᒡᓕᖃᖅᑎᑕᐅᔪᒥᒃ ᐆᒻᒪᖅᑯᑎᑖᖅᑎᑕᐅᓗᑎᒃ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᓯᔾᔩᔪᓐᓇᖅᑎᑦᑎᓂᐊᖅᐳᑦ ᐊᑭᓕᐅᑕᐅᔪᓐᓇᖅᑐᓂᒃ ᐃᒡᓗᓕᖕᓂᑦ ᐊᒻᒪ ᑮᓇᐅᔭᓕᐅᕋᓱᒃᑎᓂᑦ ᐊᑭᓕᖅᓱᐃᕙᒃᑐᓂᑦ ᑕᖅᑭᑕᒫ ᖃᐅᒻᒪᖅᑯᑎᖓᓂᒃ ᑕᒪᐃᓐᓂᒃ ᐊᑭᓖᔪᓐᓇᙱᑦᑐᓂᒃ.   ᐊᑭᓕᖅᓱᐃᕙᒃᑐᑦ ᐊᖅᑭᒃᓯᓯᒫᓂᒃᑐᑦ ᐊᓯᔾᔩᔪᓐᓇᖅᑎᑕᐅᔪᓄᑦ ᐊᑭᓕᐅᑎᒥᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ ᐊᑭᓕᖅᓱᐃᔨᑦ ᑲᒪᔨᒋᓐᓂᑦ ᐊᒃᑐᖅᑕᐅᔾᔮᙱᑦᑐᑦ ᑖᔅᓱᒧᖓ ᐊᓯᔾᔨᖅᑕᐅᔪᒧᑦ.

ᑕᖅᑭᑕᒫ ᖃᐅᒻᒪᖅᑯᑎᓯᐅᑏᑦ ᐊᑭᓕᕈᓐᓇᙱᒃᑯᕕᐅᒃ, ᐆᒻᒪᖅᑯᑎᓕᕆᔨᒃᑯᑦ ᐱᔨᑦᑎᕋᖅᑕᐅᕝᕕᖏᑦ ᑐᓴᖅᑎᑦᑐᓐᓇᖅᐸᑎᑦ ᐅᖄᓚᕝᕕᒋᓗᒋᑦ ᐅᕗᖓ 1-866-710-4200 ᐃᕐᙲᓐᓈᖅᑕᐅᒃᑯᓪᓘᓐᓃᑦ ᐅᕗᖓ CustomerCare@qec.nu.ca ᐋᖅᑭᒃᓯᖃᑎᒋᓗᒋᑦ ᐊᑭᓕᐅᑎᖕᓂᑦ ᖃᓄᖅᑑᕈᑎᒃᓴᒥᒃ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐃᓕᓴᖅᓯᕗᑦ ᑕᒪᓐᓇ ᐊᒃᓱᕈᕐᓇᖅᑐᖅᓯᐅᕈᑕᐅᖕᒪᑦ ᐅᓄᖅᑐᓄᑦ ᓄᓇᕗᒻᒥᐅᓄᑦ ᐊᒻᒪ ᐃᑲᔪᖅᑐᐃᔪᒪᓪᓚᑦᑖᖅᐳᑦ ᐊᑭᓕᖅᓱᐃᔨᓂᑦ ᐊᔪᕐᓇᙱᑦᑕᕌᖓᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ ᖃᓄᖅ ᖃᐅᒻᒪᖅᑯᑎᖕᓂᒃ ᐊᑭᓖᔪᓐᓇᕐᒪᖔᖅᐱᑦ, ᐅᕗᖓ ᑕᑯᒋᐊᕐᓗᑎᑦ, www.qec.nu.ca.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖁᔭᓐᓇᒦᖅᐳᑦ ᒫᓐᓇᐅᔪᖅ ᕿᓄᐃᓵᕈᓐᓇᕐᒪᑕ ᑐᑭᓯᐅᒪᖕᒪᑕᓗ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑳᑐᐃᓐ ᐅᐄᑎᑯ

ᐊᐅᓚᑦᑎᔨᐅᑲᐃᓐᓇᖅᑐᖅ, ᑯᐊᐳᕇᓴᒧᑦ ᑐᓴᐅᒪᔾᔪᑎᓕᕆᓂᕐᒧᑦ

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑎᖓ

(867) 979-7513

cwhittaker@qec.nu.ca