ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐃᖅᑲᐃᓯᒋᐊᕈᒪᕗᑦ ᓄᓇᕗᒻᒥᐅᓂᑦ ᐅᔾᔨᖅᓱᑦᑎᐊᖃᑦᑕᖁᔨᓪᓗᑎᒃ ᓇᑉᐸᖅᑯᑏᑦ ᓴᕕᒐᐅᔭᓪᓗ ᐊᑯᓐᓂᖓᒍᑦ ᐃᖏᕐᕋᓗᑎᒃ ᐊᐅᓚᐅᑎᓕᖕᓂᒃ (ᑎᓴᒪᓖᓪᓗᑦᑕᐅᖅ ᖃᒧᑕᐅᔭᓪᓗ). ᐅᑯᐊ ᒪᓕᒡᓗᒋᑦ ᖃᒥᔾᔪᔾᔨᖁᓇᒃ, ᐋᓐᓂᕐᔪᐊᖅᑐᖃᖁᓇᒃ, ᑐᖁᔪᖃᖁᓇᒡᓘᓐᓃᑦ:
- ᐃᖅᑲᐅᒪᓗᑎᑦ ᐱᖓᓱᑦ ᒦᑕᓂᒃ ᐅᖓᓯᒃᑎᒋᔭᕆᐊᖃᕋᕕᑦ ᓴᕕᒐᐅᔭᓂᑦ.
- ᐱᖁᑎᑦ ᐊᑐᖅᑕᐅᔪᑦ ᓇᐹᖅᑐᓄᑦ ᓲᕐᓗ ᓴᕕᒐᐅᔭᑦ ᑭᓱᓪᓘᓐᓃᑦ ᐊᐳᑎᒧᑦ ᓴᐅᓯᒪᑐᐃᓐᓇᕆᐊᖃᖕᒪᑕ. ᐅᖓᓯᒡᓗᑎᑦ ᓇᐹᖅᑐᒥᑦ ᐃᖏᕐᕋᕙᒡᓗᑎᒃ. ᐊᖁᑉᐸᒃᑐᓄᑦ ᑕᑯᔭᐅᔪᓐᓇᖁᓪᓗᒋᑦ, ᖁᓪᓕᒃᑯᑦ ᐃᓕᓯᓚᐅᖅᑐᑦ ᑕᖅᓯᕆᒃᑐᓂᑦ ᓴᕕᒐᐅᔭᖕᓄᑦ ᐊᑐᖅᑕᐅᒐᔪᒃᑐᑎᒍᑦ ᐊᖅᑯᑎᒃᑯᑦ.
- ᐊᐳᑕᐃᔭᐃᕙᙱᓪᓗᑎᒃ ᓇᑉᐸᖅᑯᑎᓄᑦ ᐳᖅᑐᓯᑎᑦᑎᕙᙱᓪᓗᑎᓪᓘᓐᓃᑦ ᐊᐳᒻᒥᒃ ᓴᕕᒐᐅᔭᑦ ᖃᓂᒋᔭᖏᑎᒍᑦ. ᐃᓄᒃ ᐊᖁᑦᑐᕐᓘᓐᓃᑦ ᓴᕕᒐᐅᔭᒧᑦ ᑲᓱᒃᐸᑦ, ᐋᓐᓂᕈᓐᓇᒻᒪᕆᒃᑐᖅ ᑐᖁᓗᓂᓘᓐᓃᑦ.
ᐆᒻᒪᖅᑯᑎᑦ ᒥᒃᓵᓄᑦ ᑐᐊᕕᕐᓇᖅᑐᒥᑦ ᐅᖃᐅᓯᖃᕈᒪᒍᕕᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ ᐅᖃᓗᒍᓐᓇᖅᐳᑎᑦ ᖃᖓᑐᐃᓐᓇᖅ ᐅᕗᖓ
1-867-222-3807.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖁᔭᓕᔪᒪᕗᑦ ᓄᓇᕗᒻᒥᐅᓂᑦ ᐃᑲᔪᐃᓐᓇᖅᐸᖕᓂᖏᓐᓄᑦ ᐊᑐᕐᖢᑎᒃ ᐊᑦᑕᖕᓇᙱᑦᑐᓂᑦ ᓇᑉᐸᖅᑯᑎᓂᒃ ᓴᕕᒐᐅᔭᓪᓗ ᐊᑯᓐᓂᖓᒍᑦ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕆᓂ ᐳᓲ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᖏᑕ ᑎᒥᖁᑖ
(867) 979-7524