ᐊᖓᔪᖅᑳᖅ ᓴᖅᑭᑕᐅᕙᓪᓕᐊᔪᓄᑦ − ᕿᑭᖅᑖᓗᒃ ᓂᒋᐊᓂ (ᒪᓂᓴᐅᑕᐅᒃᑲᓐᓂᖅᑐᖅ)

Deadline: 
12/11/2020
Location: 
ᐃᖃᓗᐃᑦ
Email: 
careers@qec.nu.ca

ᐱᔪᒥᓇᒃᑲᓐᓂᖅᑐᒥᒃ ᐃᖅᑲᓇᐃᔮᖃᕆᑦ ᐅᑭᐅᖅᑕᖅᑐᒥ!

ᖃᐅᔨᒋᐊᕈᒃ ᐱᓕᕆᐊᒃᓴᑦᑎᐊᕙᒃ ᐃᓕᖕᓄᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᐊᑐᕈᓐᓇᑦᑎᐊᖅᑐᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ.

ᐱᓕᕆᖃᑎᒌᖕᓂᖅ ᓄᓇᕗᒻᒥ

ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᕐᒥᒡᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᑐᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒍᓱᑦᑎᐊᕐᓂᐊᖅᐳᑎᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᓕᕆᓐᓇᐅᙱᑦᑐᒃᑯᓪᓘᓐᓃᑦ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᖅᑐᕐᓗᑎᑦ, ᐃᖃᓪᓕᐊᕐᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᕐᒥᓂ ᐊᑐᓪᓚᕆᒃᑐᓂᑦ ᓴᓇᙳᐊᖅᑕᐅᔪᓂᑦ ᓂᔾᔭᐅᓯᔭᖅᑎᓂᒡᓗ, ᓄᓇᕗᑦ ᐃᓕᖕᓄᑦ ᐃᓂᒃᓴᑦᑎᐊᕙᐅᕗᖅ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᙱᑦᑐᒥᑦ, ᑕᑎᒋᔭᒃᓴᐅᔪᓐᓇᖅᑐᒥ ᐆᒻᒪᖁᑎᒥ ᑕᒪᐃᓐᓄᑦ ᐊᑭᓕᖅᓱᐃᕙᒃᑐᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᐅᓚᑕᐅᓪᓗᓂᓗ ᐃᓛᒃᑰᖅᖢᑎᒃ ᓄᓇᕗᒻᒥ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᒡᓗ ᓄᓇᕗᒻᒥ. ᑲᓇᑕᓕᒫᒥ ᐆᒻᒪᖅᑯᑎᓕᕆᔨᒃᑯᑦ ᑕᐅᑐᒃᖢᒋᑦ ᐊᒻᒪ ᒥᒃᓴᐅᖦᖢᒋᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᔾᔨᒋᔭᐅᙱᑦᑐᓂᒃ ᐊᒃᓱᕈᕐᓇᖅᑐᖅᓯᐅᕈᓘᔭᓕᖅᐸᒃᐳᑦ ᐊᐅᓚᑦᑎᓪᓗᑎᒃ 25−ᓂᒃ ᐊᐅᓚᐅᑎᖃᕐᕕᐊᓗᖕᓂᒃ ᐊᒻᒪ ᐆᒻᒪᖅᑯᑎᑐᕈᓯᕐᓂᒃ ᓄᓇᕘᒥ ᑕᒪᐃᓐᓂᒃ ᓄᓇᓕᖕᓂ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ 20-044 ᐊᖓᔪᖅᑳᖅ ᓴᖅᑭᑕᐅᕙᓪᓕᐊᔪᓄᑦ − ᕿᑭᖅᑖᓗᒃ ᓂᒋᐊᓂ (ᒪᓂᓴᐅᑕᐅᒃᑲᓐᓂᖅᑐᖅ)

ᐃᓂᖃᖅᑎᑕᐅᓪᓗᓂ ᐃᖃᓗᖕᓂ, ᓄᓇᕗᒻᒥ ᐊᒻᒪ ᐅᓂᒃᑳᖅᐸᒡᓗᓂ, ᓴᖅᑭᑕᐅᕙᓪᓕᐊᔪᑦ ᐊᖓᔪᖅᑳᖓᓄᑦ, ᑖᔅᓱᒥᖓ ᐃᖅᑲᓇᐃᔮᓕᒃ ᐊᐅᓚᑦᑎᖃᑦᑕᕐᓂᐊᖅᐳᖅ ᖃᐅᑕᒫᑦ ᐊᐅᓚᓂᕆᔭᐅᔪᓂᒃ ᕿᑭᖅᑖᓗᖕᒥᐅᓄᑦ ᓄᓇᓕᖕᓂ ᐃᒐᓯᐅᒻᒨᖅᑐᓄᑦ ᐊᐅᓚᐅᑎᖃᕐᕕᖕᓄᑦ ᐱᔾᔪᑎᒋᓪᓗᒋᑦ ᓴᖅᑭᑕᐅᕙᓪᓕᐊᔪᑦ ᐆᒻᒪᖅᑯᑎᑖᖅᑎᑦᑎᕙᓪᓕᐊᔪᓪᓗ ᕿᑭᖅᑖᓗᖕᒥ. ᐱᓕᕆᖃᑎᖃᑦᑎᐊᖃᑦᑕᕐᓂᐊᕆᕗᖅ ᐊᐅᓚᐅᑎᖃᕐᕕᐅᑉ ᑲᒪᔨᖏᓐᓂᒃ ᐃᑲᔪᖅᑎᖏᓐᓂᒡᓗ ᖁᐊᖅᓵᕐᓇᙱᑦᑐᒥᒃ, ᐊᑐᕈᓐᓇᑦᑎᐊᖅᑐᒥᒃ, ᑲᔪᓯᑦᑎᐊᖅᑐᒥᓪᓗ ᐊᑐᓂ ᐆᒻᒪᖅᑯᑎᖃᑦᑎᐊᖁᓪᓗᒋᑦ, ᐊᐅᓚᐅᑎᖃᕐᕕᓪᓗ ᐃᒃᐱᐊᕐᔪᖕᒥ, ᑲᖏᖅᖢᒑᐱᖕᒥ, ᐊᐅᓱᐃᑦᑐᒥ, ᓴᓂᕋᔭᖕᒥ, ᐃᒡᓗᓕᖕᒥ, ᒥᑦᑎᒪᑕᓕᖕᒥ, ᕿᑭᖅᑕᕐᔪᐊᕐᒥ ᐊᒻᒪ ᖃᐅᓱᐃᑦᑐᒥ ᒪᓕᑦᑎᐊᖅᑎᖕᒥᓗᒋᑦ ᑕᒪᐃᓐᓂᒃ ᐋᓐᓂᐊᖅᑐᓕᕆᓂᕐᒧᑦ, ᐊᑦᑕᕐᓇᖅᑕᐃᓕᒪᕐᓂᕐᒧᑦ, ᐊᒻᒪ ᐊᕙᑎᓕᕆᓂᕐᒧᑦ ᒪᓕᒐᖏᓐᓂᒃ, ᐊᑐᐊᒐᖏᓐᓂᒃ, ᒪᓕᒋᐊᓕᖏᓐᓂᒡᓗ.

ᐱᓕᕆᐊᒃᓴᐃᑦ ᑲᒪᒋᔭᒃᓴᐃᓪᓗ:
• ᑲᒪᔨᐅᖃᑦᑕᕐᓂᐊᕆᕗᖅ ᓴᖅᑭᑦᑎᕙᓪᓕᐊᔪᑦ ᐃᖅᑲᓇᐃᔭᖅᑎᖏᓐᓂᒃ ᐃᒃᐱᐊᕐᔪᖕᒥ, ᑲᖏᖅᑐᒑᐱᖕᒥ, ᐊᐅᓱᐃᑦᑐᒥ, ᓴᓂᕋᔭᖕᒥ, ᐃᒡᓗᓕᖕᒥ, ᒥᑦᑎᒪᑕᓕᖕᒥ, ᕿᑭᖅᑕᕐᔪᐊᕐᒥ, ᐊᒻᒪ ᖃᐅᓱᐃᑦᑐᒥ ᐆᒻᒪᖅᑯᑎᖃᕐᕕᖏᓐᓂ ᐊᑦᑕᕐᓇᙱᑦᑐᒥᒃ, ᐊᑐᕈᓐᓇᑦᑎᐊᖅᑐᒥᒃ, ᐊᒻᒪ ᑲᔪᓯᑦᑎᐊᖅᑐᒥᒃ ᐆᒻᒪᖅᑯᑎᖃᑦᑎᐊᖁᓪᓗᒋᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑭᓕᖅᓱᐃᔨᖏᑦ.
• ᐃᖅᑲᓇᐃᔭᖅᑎᙳᖅᑐᖅ ᐊᐅᓚᐅᑎᖃᕐᕕᖕᓂᑦ ᒪᓕᑦᑎᐊᖅᑎᑦᑎᕙᒡᓗᓂ ᑕᒪᐃᓐᓂᒃ ᐱᓕᕆᕝᕕᐅᔪᑦ ᒪᓕᒋᐊᖃᖅᑕᖏᓐᓂᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ ᐱᐅᔪᒥᒃ ᐊᑐᐃᓐᓇᐅᑎᑦᑎᕙᒡᓗᑎᒃ ᓴᐳᔾᔨᓯᒪᔪᒥᒃ ᐱᓕᕆᕝᕕᐅᔪᖅ ᐊᑐᕈᒥᓇᕐᓂᖅᐹᓂᒃ ᑲᔪᓯᑎᑦᑏᓐᓇᖅᐸᒡᓗᑎᒃ ᐱᔨᑦᑎᕋᖅᐸᒡᓗᑎᒡᓗ.
• ᐊᐅᓚᑦᑎᔨᒥᒃ ᐱᓕᕆᖃᑎᖃᖅᐸᒃᖢᓂ, ᐋᖅᑭᐅᒪᑎᑦᑎᕙᒃᖢᓂ ᐊᕐᕌᒍᑕᒫᖅᓯᐅᑎᑦ ᐆᒻᒪᖅᑯᑎᖃᕐᕕᖕᓂ ᐱᓕᕆᐊᖑᔭᕆᐊᓖᑦ ᐱᓕᕆᐊᖑᑦᑎᐊᖃᑦᑕᖁᓪᓗᒋᑦ.
• ᕿᒥᕐᕈᕙᒃᖢᓂ ᑕᒪᐃᓐᓂᒃ ᐆᒻᒪᖅᑯᑎᖃᕐᕖᑦ ᖃᐅᔨᓴᖅᑕᐅᔪᑦ ᐅᓂᒃᑲᐅᓯᕆᔭᐅᒐᔪᒃᑐᓂᑦ ᐋᖅᑭᒃᓯᒪᓕᖅᑎᑦᑎᕙᒃᖢᓂᓗ ᑕᒪᐃᓐᓂᒃ ᓈᒻᒪᙱᓕᐅᖅᑐᓂᒃ ᐋᖅᑭᒃᓯᒪᓕᖅᑎᑲᐅᑎᒋᕙᒃᖢᒋᓪᓗ.
• ᐊᑭᓕᖅᓱᐃᔨᑦ ᐱᔨᑦᑎᖅᑕᐅᔭᕆᐊᓕᑦ, ᐊᑦᑕᑕᖅᑕᐅᔭᕆᐊᓕᑦ ᐊᒻᒪ ᓇᑲᑕᐅᔭᕆᐊᓕᑦ ᐱᐊᓂᒃᑕᐅᑦᑎᐊᖅᐸᒡᓗᑎᒃ ᐊᐅᓚᐅᑎᖃᕐᕕᑦ ᐊᖓᔪᖅᑳᖏᑦ ᓄᖅᑲᖓᓂᖏᓐᓂᒃ.
• ᐊᐅᓚᐅᑎᖃᕐᕕᖕᓂ ᖃᐅᔨᓴᖅᐸᒡᓗᓂ ᓈᒻᒪᒃᓯᔭᕌᖓᑦ ᓄᓇᓕᖏᓐᓄᑦ ᐊᐅᓚᐅᑎᖃᕐᕕᖏᑦ ᒪᓕᑦᑎᐊᖁᓪᓗᒋᑦ ᐊᑦᑕᕐᓇᖅᑕᐃᓕᒪᕐᓂᕐᒧᑦ ᒪᓕᒋᐊᖃᖅᑕᖏᓐᓂᒃ, ᐊᒻᒪ ᑲᒪᒋᔭᐅᑎᑦᑎᐊᕐᓗᒋᑦ ᐊᐅᓚᑕᐅᑦᑎᐊᕐᓗᑎᒡᓗ.
• ᐃᖅᑲᓇᐃᔭᕐᓇᐅᙱᑦᑐᒃᑯᑦ ᐃᖅᑲᓇᐃᔭᖃᑦᑕᑐᐃᓐᓇᕆᐊᓕᒃ ᑲᒪᒋᔭᕆᐊᖃᖅᑕᓕᒫᖏᑦ ᑲᔪᓯᑎᑕᐅᖁᓪᓗᒋᑦ ᐊᒻᒪ ᐃᓱᓕᕝᕕᒃᓴᖏᑦ ᒪᓕᒡᓗᒋᑦ.
• ᐃᖅᑲᓇᐃᔮᓕᒃ ᐊᐅᓪᓚᓚᐅᑲᖃᑦᑕᕋᔭᖅᑐᖅ ᐃᓛᓐᓂᒃᑯᓪᓗ ᐊᑐᐃᓐᓇᐅᔭᕆᐊᖃᖅᐸᒡᓗᓂ ᐃᑲᕐᕌᓄᑦ 24-ᓄᑦ.
ᐅᑯᐊ ᐊᔪᙱᑦᑕᕆᐊᓕᖏᑦ:
• ᐊᕕᒃᑐᖅᓯᒪᔪᓂ ᐊᐅᐸᖅᑐᒥᒃ ᓇᕿᑕᐅᓯᒪᔾᔪᑎᒥᒃ ᐃᓕᓴᕆᔭᐅᔾᔪᑎᖃᕐᓗᓂ ᐆᒻᒪᖅᑯᑎᓕᕆᔨᐅᓗᓂ, ᓄᓇᒃᑰᕈᑎᕐᔪᐊᓕᕆᔨᐅᓗᓂ ᐊᒃᑐᐊᓂᓕᖕᓂᓪᓘᓐᓃᑦ ᐆᒻᒪᖅᑯᑎᓕᕆᓂᕐᒧᑦ ᒪᓕᒋᐊᖃᓪᓚᕆᒃᑐᓂᑦ.
• ᐊᕐᕌᒍᓂᑦ ᑕᓪᓕᒪᓂᒃ ᐊᐅᓚᐅᑎᖃᕐᕕᓪᓚᑦᑖᒥ ᐱᓕᕆᖃᑦᑕᖅᓯᒪᓗᓂ.
• ᐊᕐᕌᒍᓂᒃ ᒪᕐᕉᖕᓂᒃ ᐊᐅᓚᐅᑎᖃᕐᕕᖕᒥ ᑲᒪᔨᐅᖃᑦᑕᖅᓯᒪᓗᓂ.

ᐃᑲᔪᕐᓂᖃᕋᔭᖅᑐᑦ:
• ᐊᑐᖃᑦᑕᖅᓯᒪᓗᓂ ᐅᖅᓱᐊᓗᖕᒨᖅᑐᒥᒃ ᐊᐅᓚᐅᑎᖃᕐᕕᖕᒥ ᐃᑲᔪᕐᓂᖃᕋᔭᖅᑐᖅ.
• ᐱᓕᕆᖃᑦᑕᖅᓯᒪᓗᓂ ᐊᐅᓚᓂᕆᔭᖓᑕ ᑮᓇᐅᔭᖅᑑᑎᒃᓴᖏᓐᓂᒃ ᐃᑲᔪᕐᓂᖃᕋᔭᖅᑐᖅ.
• ᖃᐅᔨᒪᓗᓂ ᓄᓇᕗᒻᒥ, ᓄᓇᖓᓂ, ᐅᖃᐅᓯᖏᓐᓂ ᐊᒻᒪ ᐱᖅᑯᓯᖏᓐᓂ.
• ᐃᓄᒃᑐ/ᐃᓄᐃᓐᓇᖅᑐᓐ ᐅᖃᕈᓐᓇᕐᓗᓂ ᐊᒻᒪ/ᐅᕝᕙᓘᓐᓃᑦ ᐅᐃᕖᑐᑦ.

ᐊᔾᔨᐸᓗᖏᑦ
• ᖁᑦᑎᓐᓂᖅᓴᒥ ᐃᓕᓐᓂᐊᕐᕕᒻᒥ ᐃᓕᓐᓂᐊᕇᕈᓯᐊᕈᑦ.
• ᐊᕐᕌᒍᓂᑦ 9-ᓂᒃ ᐊᐅᓚᐅᑎᖃᕐᕕᓪᓚᑦᑖᒥ ᐱᓕᕆᖃᑦᑕᖅᓯᒪᓗᓂ.
• ᐊᕐᕌᒎᖕᓄᑦ ᒪᕐᕉᓐᓄᑦ ᐊᖓᔪᖅᑳᖑᖃᑦᑕᖅᓯᒪᒋᐊᓕᒃ.

ᐊᑭᓕᖅᓱᐃᑦᑎᐊᖃᑦᑕᖅᐳᒍᑦ $113,692−ᒥᑦ $134,763−ᒧᑦ, ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᑎᑦᑎᕙᒃᖢᑕ $15,016−ᓂᒃ ᐊᕐᕌᒍᒧᑦ, ᐃᖅᑲᓇᐃᔭᕐᓇᐅᙱᑦᑐᒃᑯᑦ ᐃᑲᕐᕋᓕᐅᕈᓐᓇᖅᑎᑕᐅᓪᓗᓂ, ᓈᒪᔪᒥᑦ ᐃᑲᔫᓯᐊᖅᑖᖅᑎᑦᑎᕙᒃᑐᑦ ᐅᑯᓂᖓᓗ ᓇᓗᓇᐃᖅᓯᒪᔪᓂᒃ ᐃᑲᔫᓯᐊᒃᓴᓂᒃ ᐃᓐᓇᖅᓯᐅᑎᒃᓴᓄᑦ ᐊᒻᒪᓗ ᐃᖅᑲᓇᐃᔭᖅᑎᐅᑉ ᐃᒡᓗᒃᓴᖓᓄᑦ ᐃᑲᔪᖅᑕᐅᔾᔪᑎᑕᖃᖅᖢᓂ. ᑖᓐᓇ ᐃᖅᑲᓇᐃᔮᒃᓴᖅ ᓄᓇᕗᒻᒥ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᓄᑦ ᐱᖃᑕᐅᙱᑦᑐᖅ.
ᓄᓇᕗᒻᒥᐅᑦ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ. ᐱᑕᖃᙱᑉᐸᑦ ᓄᓇᕗᒥᙶᖅᑐᒥ ᐃᓄᖕᒥᒃ, ᑖᓐᓇ ᐃᖅᑲᓇᐃᔮᒃᓴᖅ ᐊᑐᐃᓐᓇᐅᑎᑕᐅᓂᐊᖅᑐᖅ ᐊᕐᕌᒎᖕᓄᑦ ᐱᖓᓱᓄᑦ ᐃᖅᑲᓇᐃᔮᕆᔭᐅᓚᐅᑲᒡᓗᓂ.
ᐱᓇᔪᒍᒪᒍᕕᑦ ᓇᒃᓯᐅᑎᓗᒍ ᐱᓇᔪᒍᑎᒋᔭᐃᑦ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ ᐅᕗᖓ careers@qec.nu.ca ᑎᑎᖅᑲᑎᒍᓪᓘᓐᓃᑦ ᐅᕗᖓ: Human Resources, Qulliq Energy Corporation, P.O. Box 420, Baker Lake, NU X0C 0A0

ᑎᑎᖅᑲᒃᑯᑦ ᐱᓇᓱᐊᕐᓗᑎ, ᑎᓯᐱᕆ 11, 2020 ᑐᖔᓂ.

ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ.
ᖁᔭᓕᕗᒍᑦ ᐃᖅᑲᓇᐃᔮᖅᑖᕋᓱᒃᑐᓕᒫᓂᒃ; ᑭᓯᐊᓂ, ᓂᕈᐊᖅᑕᐅᔪᑐᐊᑦ ᐃᓱᒪᒃᓴᖅᓯᐅᕈᑕᐅᒃᑲᓐᓂᕐᓂᐊᖅᑐᓄᑦ ᑐᓴᖅᑎᑕᐅᓂᐊᖅᐳᑦ.