ᐊᖓᔪᖅᑳᖅ, ᑐᓴᐅᒪᔾᔪᑎᓅᖓᔪᓄᑦ

Deadline: 
08/14/2020
Location: 
ᖃᒪᓂᑦᑐᐊᖅ
Email: 
careers@qec.nu.ca

ᐆᒻᒪᕆᐊᕈᒃ ᐃᖅᑲᓇᐃᔮᒃ ᐅᑭᐅᖅᑕᖅᑐᒥ!

ᓇᓂᐊᖅᐸᐃᑦ ᕿᓂᖅᑕᐃᑦ ᖁᕕᐊᒋᔭᐃᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᒋᔭᐅᒋᑦ ᐱᓕᕆᖃᑎᒌᑦᑐᓄᑦ ᑲᑦᓱᖏᑦᑐᓄᑦ ᐱᓕᒻᒪᑦᓯᒪᔪᓄᓪᓗ ᐃᖅᑲᓇᐃᔭᖅᑎᒻᒪᕆᓐᓄᑦ ᐊᑐᐃᓐᓇᐅᑎᑦᓯᒐᑦᑕ ᐊᑦᑕᓇᙱᑦᑐᓂᒃ, ᓱᖏᖅᑑᑎᑦᓴᓂᒃ ᐊᑭᑐᓗᐊᙱᑦᑐᓂᓪᓗ ᐊᐅᒪᓂᒃ ᓄᓇᕗᓕᒫᒥ.

ᐃᖅᑲᓇᐃᔮᖃᕐᓂᖅ ᓄᓇᕗᒻᒥ

ᓄᓇᕗᑦ ᑲᓇᑕᒥ ᓄᑖᖑᓂᖅᐸᐅᕗᖅ ᐊᖏᓂᖅᐸᐅᑦᓱᓂᓗ ᓱᒃᑲᓐᓂᖅᐹᒥᓪᓗ ᐱᕈᖅᐸᓪᓕᐊᓂᖃᖅᓱᓂ ᖃᑭᒪᒐᑐᐊᕐᓂᒃᑯᑦ ᑲᓇᑕᓕᒫᒥ. ᑲᔾᔮᓇᖅᑐᓪᓚᕆᒻᒥᒃ ᓄᓇᖃᖅᓱᓂ ᐊᒻᒪᓗ ᖃᓄᑐᐃᓐᓇᑦᓯᐊᖅ ᖃᔾᔮᕆᔭᓐᓂᒃ ᐊᑑᑎᕕᑦᓴᐅᑦᓱᓂ, ᖃᐅᔨᓂᐊᖅᑐᑎᑦ ᖁᕕᐊᓇᑐᐃᓐᓇᙱᒋᐊᖓ ᐃᖅᑲᓇᐃᔮᑦ, ᑭᓯᐊᓂᑦᑕᐅᖅ ᐃᓱᒪᐃᓐᓇᕿᓕᕋᐃᒍᕕᑦ. ᐃᓱᒪᖃᕈᕕᑦ ᕿᒧᑦᓯᕆᐊᑦᓴᖅᒻ, ᖃᒧᑕᐅᔭᕆᐊᑦᓴᖅ, ᖃᔭᖅᑐᕆᐊᑦᓴᖅ, ᓯᑯᐊᕐᒥ ᐃᖃᓗᒐᓱᐊᕆᐊᑦᓴᖅ ᐅᕝᕙᓘᓐᓃᑦ ᕿᒥᕐᕈᓂᖅ ᐊᑦᓱᐃᑦᑐᒻᒪᕆᒻᒥᒃ ᕆᖅᑯᓯᕐᒥᒃ ᑕᑕᑦᑐᒥᒃ ᐊᔾᔨᐅᖏᑦᑐᒥᒃ ᓴᓇᐅᒐᖅᑕᖃᖅᓱᓂ ᐊᒻᒪᓗ ᓂᔾᔭᐅᓯᔭᖅᑐᓂᒃ, ᓄᓇᕗᑦ ᐅᐸᒐᑦᓴᕆᕙᐃᑦ.

ᖁᓪᓕᒃᑯᑦ ᐆᒻᒪᖅᑯᑎᓕᕆᔭᖏᑦᑕ ᑎᒥᖁᑖ

ᖁᓪᓕᖅ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ (QEC) ᓱᓕᔪᕐᓇᖅᑐᖁᑎᒋᔭᐅᕗᑦ ᐊᑐᐃᓐᓇᐅᑎᑦᓯᓂᐊᕆᐊᖏᑦ ᓱᖏᖅᑑᑎᑦᓴᓂᒃ ᐊᐅᒪᓕᐅᕈᑎᓂᒃ ᐊᑭᓕᖅᑐᐃᔪᓕᒫᓄᑦ ᓄᓇᕗᒻᒥ. ᓇᒻᒥᓂᕆᔭᐅᑦᓱᓂ ᒐᕙᒪᒃᑯᖏᓐᓄᑦ ᓄᕼᓇᕗᑦ ᐊᐅᓚᑕᐅᑦᓱᓂᓗ ᓯᓚᑖᓂᒃ ᓄᓇᕗᒻᒥ ᑎᒥᐅᔪᒧᑦ, ᖁᓪᓕᖅ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᐊᑐᐃᓐᓇᐅᑎᑦᓯᔨᓪᓗᐊᑕᐅᕗᖅ ᐊᐅᒪᓂᒃ ᐊᒻᒪᓗ ᐅᖅᑰᓴᐅᑎᓅᖓᔪᓂᒃ ᓄᓇᕗᒻᒥ. ᕿᒥᕐᕈᑦᓱᒋᑦ ᐊᓯᖏᑦ ᐊᐅᒪᓕᕆᔩᑦ ᑲᓇᑕᒥ, ᖁᓪᓕᖅ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᐊᔾᔨᐅᖏᑦᑐᓂᒃ ᓵᙵᑦᓯᔭᕆᐊᖃᓲᖑᕗᖅ ᐊᐅᓚᑦᓯᓕᒻᒪᑕ 25-ᓂᒃ ᐃᒻᒥᒃᑰᖓᔪᓂᒃ ᐊᐅᓚᐅᑎᐊᓗᓐᓂᒃ ᐅᖅᓱᐊᓗᑐᐃᓐᓇᑐᖅᑐᓂᒃ ᐊᒻᒪᓗ ᐊᐅᓚᖃᖅᑎᑦᓯᔾᔪᑏᑦ ᐱᑕᖃᖅᓱᑎᒃ ᐊᑎᓂᑦ ᓄᓇᕗᒥ ᓄᓇᓕᓕᓐᓂ.

QEC-20-025 ᐊᖓᔪᖅᑳᖅ, ᑐᓴᐅᒪᔾᔪᑎᓅᖓᔪᓄᑦ

ᑐᑦᑕᕐᕕᖃᖅᓱᑎᒃ ᖃᒪᓂᑦᑐᐊᖅ, ᓄᓇᕗᒻᒥ ᐊᖓᔪᖅᑳᖃᖅᓱᓂᓗ ᐊᐅᓚᑦᓯᔨᖓᓐᓂᒃ, ᑐᓴᐅᒪᖃᑦᑕᐅᑎᓅᖓᔪᑦ. ᐊᖓᔪᖅᑳᖅ, ᑐᓴᐅᒪᖃᑦᑕᐅᑎᓅᖓᔪᓄᑦ ᐊᑐᐃᓐᓇᐅᑎᑦᓯᕙᑉᐳᖅ ᖃᐅᑕᒫᑦ ᐊᐅᓚᓂᖏᓐᓄᑦ ᑐᓴᐅᒪᖃᑦᑕᐅᑎᓕᕆᔩᑦ ᐊᒻᒪᓗ ᑐᑭᒧᐊᑦᑎᑦᓯᑦᓱᑎᒃ ᐸᕐᓇᐅᑎᖃᖅᓱᑎᓪᓗ ᑐᓴᐅᒪᖃᑦᑕᐅᑎᓕᕆᔨᓄᑦ ᐊᑦᑐᐊᔪᓄᑦ ᐊᐅᓚᓂᐅᔪᓄᑦ. ᑖᓐᓇ ᐃᖅᑲᓇᐃᔮᖅ ᑎᒍᒥᐊᖅᑐᖅ ᖃᐅᔨᓴᑦᓯᐊᕐᓂᕐᒥᒃ ᑎᒥᐅᔫᑉ ᑐᓴᐅᒪᖃᑦᑕᐅᑎᔾᔪᑎᓅᖓᔪᓂᒃ ᐱᔭᕆᐊᓕᑦ ᑲᔪᓯᑎᑕᐅᑦᓯᐊᕋᓗᐊᕐᒪᖔᑕ ᓄᑖᕈᖅᑎᑕᐅᓕᐅᒥᔮᖅᐸᓪᓗᑎᓪᓗ ᑲᔪᓯᑎᓯᐊᖁᓪᓗᒋᑦ ᓱᓇᓕᒫᑦ ᑎᒥᐅᔫᑉ ᐃᓗᐊᓂ.

ᑲᒪᒋᔭᕆᐊᓕᖏᑦ ᑎᒍᒥᐊᖅᑕᖏᓪᓗ:
• ᒪᑭᒪᑦᓯᓂᖅ ᐅᓪᓗᒥᓯᐅᑎᓂᒃ ᑕᒻᒪᐅᖅᑲᖏᑦᑎᓂᓪᓗ ᐱᖁᑎᖏᓐᓂᒃ ᑐᓴᐅᒪᖃᑦᑕᐅᑎᓕᕆᔨᒃᑯᑦ, ᖃᕆᑕᐅᔭᒃᑯᓪᓗ ᐃᑖᓲᓂ ᐃᑲᔫᑎᓂᓪᓗ.
• ᐸᐸᑦᓯᓲᖅ ᓇᓗᓇᐃᔭᑦᓯᐊᖅᓯᒪᔪᓂᒃ ᑎᑎᖅᑲᖁᑎᓂᒃ ᑲᓲᒪᓂᕐᒧᓪᓗ ᓇᓗᓇᐃᒃᑯᑕᕐᓂᒃ ᐃᓘᓐᓇᑦᑎᓯᐊᖏᓐᓄᑦ ᑲᓲᒪᓂᕐᒧᑦ ᐱᒻᒪᕆᐅᑎᐅᔪᓂᒃ.
• ᐊᐅᓚᑦᓯᔨ ᒪᑭᒪᔭᐅᓂᖏᓐᓂᒃ, ᓄᑖᕈᖅᑎᖅᑕᐅᓂᖏᓐᓂᒃ ᐃᑎᖅᑕᐅᔾᔭᐃᒃᑯᑎᖏᓐᓂᓪᓗ ᐊᑕᖏᑦᓯᐊᖅᑐᑦ ᑎᒥᐅᔪᒧᑦ ᑐᓴᐅᒪᖃᑦᑕᐅᑎᔾᔪᑎᓂᒃ ᐱᖃᓯᐅᑎᑦᓱᑎᒃ ᐅᖄᓚᐅᑎᓅᖓᔪᑦ, ᐊᒻᒪᓗ ᓯᕕᑐᔪᓄᑦ, ᓄᓇᓕᓕᓐᓄᑦ, ᐊᒻᒪᓗ ᓄᓇᓕᐸᐅᔭᕐᓅᖓᔪᓄᑦ ᑲᓲᒪᔾᔪᑎᓂᒃ.
• ᐊᐅᓚᑦᓯᔨ ᒪᑭᒪᔭᐅᓂᖏᓐᓂᒃ, ᓄᑖᕈᖅᑎᖅᑕᐅᓂᖏᓐᓂᒃ ᐃᑎᖅᑕᐅᔾᔭᐃᒃᑯᑎᖏᓐᓂᓪᓗ ᐊᑕᖏᑦᓯᐊᖅᑐᑦ ᑎᒥᐅᔪᒧᑦ ᑐᓴᐅᒪᖃᑦᑕᐅᑎᔾᔪᑎᓂᒃ ᐱᖃᓯᐅᑎᑦᓱᑎᒃ ᖃᕆᑕᐅᔭᒃᑰᕈᑏᑦ, ᐃᑭᐊᖅᑭᕕᒻᒧᑦ, ᐃᑲᔫᑏᑦ ᖃᕆᑕᐅᔭᒃᑯᑦ, ᖃᕆᑕᐅᔭᒃᑯᑦ ᑎᑎᖅᑲᓕᕆᓂᖅ, ᑐᖅᑯᖅᑐᐃᓂᖅ ᑎᑎᕋᕐᓂᕐᓗ, ᐊᑦᓱᖐᓯᒪᑦᓯᐊᕐᓂᕐᒥᒃ ᖃᐅᔨᓴᕐᓂᕐᒥᓪᓗ.
• ᐸᕐᓇᐅᑎᖃᕐᓂᖅ ᐊᑐᓕᖅᑎᑦᓯᓂᕐᓗ ᐃᓚᒋᐊᕈᑎᓂᒃ, ᐲᔭᖅᑕᐅᔪᓂᒃ ᐊᒻᒪᓗ ᐋᖅᑭᒋᐊᒻᒪᕆᑦᑐᓂᒃ ᐃᑲᔪᖅᓯᔪᓄᑦ ᐱᒻᒪᕆᐅᑎᓂᒃ ᑐᑭᒧᐊᑦᑎᓯᓂᖓᒍᑦ ᐊᐅᓚᑦᓯᔨᐅᑉ, ᑐᓴᐅᒪᖃᑦᑕᐅᑎᔾᔪᑎᓂ.
• ᖃᐅᔨᓴᓲᖅ ᖃᕆᑕᐅᔭᒃᑯᑦ ᐊᐅᓚᑕᐅᓂᖏᓐᓂᒃ ᑮᓇᐅᔭᓕᕆᔾᔪᑏᑦ, StarGarden−ᒨᖓᔪᓂᒃ ᐊᓯᖏᓐᓂᓪᓗ ᐊᐅᓚᓂᐅᔪᓂᒃ ᑕᐃᒪᐃᑦᓴᕆᐊᖃᕈᓂ.
ᐱᔪᓐᓇᕐᓂᐅᒋᐊᓖᑦ ᐱᖃᓯᐅᔾᔨᔪᑦ:
• ᐃᓕᓐᓂᐊᖅᓯᒪᓗᓂ ᐱᓇᓱᐊᕐᕕᒻᒥᒃ ᐊᐅᓚᑦᓯᓂᕐᒥᒃ ᑐᕌᖓᓗᐊᙳᐊᕐᓗᓂ ᑐᓴᐅᒪᖃᑦᑕᐅᑎᔾᔪᑎᓄᑦ ᖃᕆᑕᐅᔭᓕᕆᓂᕐᒧᓪᓘᓐᓂᑦ ᐊᔾᔨᒐᓚᖏᓐᓂᓘᓐᓃᑦ ᐃᓕᑕᕆᔭᐅᓯᒪᔪᒥᒃ ᓯᓚᑦᑐᓴᕐᕕᒻᒥᒃ.
• ᐊᕐᕌᒍᐃᑦ ᑕᓪᓕᒪᑦ ᐱᕙᓪᓕᐊᓯᒪᓗᓂ ᑐᓴᐅᒪᖃᑦᑕᐅᑎᓂᓕᕆᓂᕐᒥᒃ ᐊᐅᓚᑦᓯᓂᕐᒥᒃ ᐊᖓᔪᖅᑳᖑᓗᓂ ᓯᕗᓕᕐᓗᓂᓘᓐᓃᑦ, ᐊᕐᕌᒍᓂᒃ ᐱᖓᓱᓂᒃ ᐊᖓᔪᖅᑳᖑᓯᒪᓗᓂ ᐱᕙᓪᓕᐊᓯᒪᓗᑎᓪᓗ ᑐᑭᒧᐊᑦᑎᑦᓯᔨᐅᓂᕐᒧᑦ ᐅᓂᒃᑳᑦ.
• ᐱᓕᒻᒪᑦᓯᒪᓂᖃᕐᓗᓂ ᐊᑑᑎᒍᓐᓇᕐᓂᕐᒥᒃ ᐱᕙᓪᓕᐊᓂᕐᒧᑦ ᐊᐅᓚᓂᖓᓂᒃ Microsoft.Net−ᒨᖓᔪᓂᒃ ᐊᑐᕐᓗᓂ SQL Server ᐊᑦᑐᐊᔪᓄᑦ ᑲᑎᖅᓱᐃᕕᒻᒥᒃ.

ᐱᖁᑏᑦ:
• ᖃᐅᔨᒪᓂᖃᕐᓂᖅ ᓄᓇᕗᒻᒥᒃ, ᓄᓇᒥᒃ, ᐅᖃᐅᓯᕐᒥᒃ ᐱᖅᑯᓯᕐᒥᓪᓗ.
• ᐅᖃᕈᓐᓇᕐᓂᖅ ᐃᓄᒃᑎᑐᑦ, ᐃᓄᐃᓐᓇᖅᑐᑦ ᐊᒻᒪᓗ/ᐅᕝᕙᓗ ᐅᐃᕕᑎᑐᑦ.

ᐱᔪᓐᓇᕐᓂᐅᔪᑦ ᑲᑎᒪᓯᒪᔪᑦ ᐃᓕᓐᓂᐊᖅᓯᒪᓃᑦ ᐱᓕᒻᒪᑦᓯᓃᓪᓗ ᐃᓱᒪᒋᔭᐅᖃᓯᐅᑎᑐᐃᓐᓇᕆᐊᓖᑦ.

ᒪᓂᒪᑎᑦᓯᕗᒍᑦ ᑮᓇᐅᔾᔭᑦᓵᓂᒃ ᒥᑦᓯᑎᓐᓂ $113,938.50 − $136,090.50, ᐅᑭᐅᖅᑕᖅᑐᒦᑦᑐᖅᓯᐅᑏᑦ $24,381 ᐊᕐᕌᒍᑕᒫᑦ, ᐆᕙᑕᐃᕈᓐᓇᖅᑐᖅ, ᐃᓗᓕᖅᑐᔪᓂᒃ ᐃᑲᔫᑎᑕᑲᕐᒥᔪᖅ ᐱᖃᓯᐅᑎᑦᓱᑎᒃ ᐱᕚᓪᓕᕈᑎᑦᓴᐃᑦ ᓴᓂᕐᕚᔭᐅᔪᑦ ᐊᒻᒪᓗ ᐃᓪᓗᖃᖅᑎᑕᐅᑦᓱᓂ. ᑖᓐᓇ ᐃᖅᑲᓇᐃᔮᖅ ᐃᓚᒋᔭᐅᙱᑦᑐᖅ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓄᑦ.

ᐃᖅᑲᓇᐃᔮᖅᑖᕋᓱᐊᕈᑎᑎᑦ ᐊᐅᓪᓚᖅᑎᓪᓗᒋᑦ ᖃᕆᑕᐅᔭᒃᑯᑦ careers@qec.nu.ca ᑎᑎᖅᑲᑎᒍᓪᓘᓐᓃᑦ: ᐃᖅᑲᓇᐃᔭᖅᑐᓕᕆᔨᑦᒃᑯᑦ, ᖁᓪᓕᖅ ᐆᒻᒪᖅᑯᑎᓕᕆᓂᕐᒧᑦ ᑎᒥᖁᑎᖓᓐᓄᑦ, ᑎᑎᖅᑲᒃᑯᕕᐊ 420, ᖃᒪᓂᑦᑐᐊᖅ, ᓄᓇᕗᑦ X0C 0A0

ᐃᖅᑲᓇᐃᔮᖅᑖᕋᓱᐊᕆᑦ ᑎᑎᖅᑲᑎᒍᑦ ᐅᕙᓂ ᒥᑦᓯᑎᓂᓘᓐᓃᑦ ᐊᐅᒡᒍᓯ 14, 2020.

ᐃᖅᑲᓇᐃᔮᖅᑖᕋᓱᐊᖅᑐᑦ ᑖᑦᓱᒥᖓ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᑦᑎᓐᓂ ᐃᖅᑲᓇᐃᔮᑦᓴᓄᑦ.
ᖁᔭᓐᓇᒦᖅᑕᕗᑦ ᐱᓇᓱᐊᖅᑐᓕᒫᑦ, ᑭᓯᐊᓂᓕ ᐊᐱᖅᓱᖅᑕᐅᒍᒪᔪᑦ ᖃᐅᔨᒃᑲᖅᑕᑑᓂᐊᖅᐳᑦ.