ᐊᖓᔪᖅᑲᐅᑎᖃᕐᕕᖕᒧᑦ ᑲᒪᔨ

Deadline: 
12/10/2021
Location: 
Iqaluit
Email: 
careers@qec.nu.ca

ᐱᔪᒥᓇᒃᑲᓐᓂᖅᑐᒥᒃ ᐃᖅᑲᓇᐃᔮᖃᕆᑦ ᐅᑭᐅᖅᑕᖅᑐᒥ!

 

ᖃᐅᔨᒋᐊᕈᒃ ᐃᓕᖕᓄᑦ ᐱᓕᕆᐊᒃᓴᑦᑎᐊᕙᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᐊᑐᑦᑎᐊᖏᓐᓇᕈᓐᓇᖅᑐᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ.

 

ᓄᓇᕗᒻᒥ ᐱᓕᕆᓂᖅ

 

ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᒥᓪᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᑐᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒋᑦᑎᐊᕐᓂᐊᖅᐸᐃᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᓕᕆᓐᓇᐅᙱᑦᑐᒃᑯᓪᓘᓐᓃᑦ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᖅᑐᕐᓗᑎᑦ, ᐃᖃᓪᓕᐊᕐᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᕐᒥᓂ ᐊᑐᓪᓚᕆᒃᑐᓂᑦ ᓴᓇᙳᐊᖅᑎᓂᑦ ᓂᔾᔭᐅᓯᔭᖅᑎᓂᒡᓗ, ᓄᓇᕗᑦ ᐃᓕᖕᓄᑦ ᐃᓂᒃᓴᑦᑎᐊᕙᐅᕗᖅ.

 

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ

 

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᙱᑦᑐᒥᑦ, ᐊᑐᑦᑎᐊᖏᓐᓇᕈᓐᓇᖅᑐᒥᒃ ᐆᒻᒪᖁᑎᒥᒃ ᐊᑭᓕᖅᓱᐃᕙᒃᑐᓕᒫᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᐅᓚᑕᐅᓪᓗᓂᓗ ᐃᓛᒃᑰᖅᖢᑎᒃ ᓄᓇᕗᒻᒥ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᒡᓗ ᓄᓇᕗᒻᒥ. ᐊᓯᓕᒫᖏᑦ ᐆᒻᒪᖅᑯᑎᖃᕐᕖᑦ ᑲᓇᑕᒥ ᑕᐅᑐᒃᖢᒋᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐊᒃᓱᕈᕐᓇᖅᑐᖅᓯᐅᖃᑦᑕᖅᐳᑦ ᐊᐅᓚᑦᑎᓪᓗᑎᒡᓗ 25−ᓂᒃ ᐃᓛᒃᑰᖅᖢᑎᒃ ᐊᐅᓚᐅᑎᖃᕐᕕᐊᓗᖕᓂᒃ ᐆᒻᒪᖅᑯᑎᖃᖅᑎᑦᑎᓪᓗᑎᒡᓗ ᑕᒪᐃᓐᓂᒃ ᓄᓇᓕᓕᒫᓂᒃ ᓄᓇᕗᒻᒥ.

 

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ 21-047 ᐊᖓᔪᖅᑲᐅᑎᖃᕐᕕᖕᒧᑦ ᑲᒪᔨ

 

ᐃᖃᓗᖕᓃᓪᓗᓂ, ᓄᓇᕗᒻᒥ ᖃᐅᔨᒃᑲᐅᑎᖃᑦᑕᕐᓗᓂᓗ ᐊᖓᔪᖅᑳᖓᓄᑦ ᐊᐅᓚᑦᓯᔨᓕᕆᔨᖓᓄᓪᓗ. ᐊᖏᔪᖅᑲᐅᑎᖃᕐᕕᖕᒧᑦ ᑲᒪᔨ ᐱᓕᕆᐊᒃᓴᖅᐳᖅ ᓴᖅᑭᑎᑦᑎᕙᒡᓗᓂ ᐊᒡᓚᕝᕕᖕᒥ ᑎᑎᕋᖅᑎᒧᓪᓗ ᐃᑲᔪᖅᑐᐃᔾᔪᑎᓂᒃ ᐊᖓᔪᖅᑳᒧᑦ ᐊᐅᓚᑦᑎᔨᒻᒪᕆᖕᒧᓪᓗ.  ᐃᖅᑲᓇᐃᔮᖃᖅᑐᖅ ᐱᓕᕆᐊᒃᓴᖃᕆᕗᖅ ᓴᖅᑭᑎᑦᑎᕙᒡᓗᓂ ᐊᒡᓚᕝᕕᖕᒥ ᐊᐅᓚᔾᔪᑎᓄᓪᓗ ᐃᑲᔪᖅᑐᐃᔾᔪᑎᓂᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᑎᒪᔨᖏᓐᓄᑦ. ᐃᖅᑲᓇᐃᔮᓕᒃ ᑲᑎᒪᔨᓂᒃ ᐱᓕᕆᖃᑎᖃᖃᑦᑕᕐᓂᐊᖅᐳᖅ ᐋᖅᑭᒃᓱᐃᓗᑎᒃ ᐊᐅᓚᑦᑎᓗᑎᒡᓗ ᑲᑎᒪᔨᖏᓐᓂ ᐊᐅᓚᑦᑎᔾᔪᑕᐅᔪᑦ ᐋᖅᑭᒃᓯᒪᓂᕆᔭᖓᓂ ᐊᔪᕆᖅᓲᔾᔨᓯᒪᔪᓂᓪᓗ ᐱᑎᑦᑎᕙᒡᓗᓂ ᐊᐅᓚᑦᑎᔾᔪᑕᐅᔪᑦ ᐊᑐᕆᐊᓕᖏᓐᓂᒃ ᐱᓕᕆᐊᒃᓴᖏᓐᓂᓪᓗ.

ᐱᔭᒃᓴᐃᑦ ᑲᒪᒋᔭᒃᓴᐃᓪᓗ:

  • ᐊᖓᔪᖅᑳᒥᒃ ᑐᓴᖅᑕᐅᔭᕆᐊᖃᙱᑦᑐᓂᒃ ᑎᑎᕋᕐᕕᖕᒥ ᐊᒡᓚᕝᕕᖕᒥᓗ ᐃᑲᔪᖅᑐᐃᕙᒡᓗᓂ ᐅᑯᓂᖓᓗ ᑲᑎᒪᓂᐊᖅᑐᓂᒃ ᐋᖅᑭᒃᓱᐃᕙᒡᓗᓂ, ᐊᐅᓚᕐᓂᐊᖅᑐᓂᒃ ᖃᖓᑦᑕᐅᓯᕆᕙᒡᓗᓂ, ᑎᑎᖅᑲᐅᓯᐊᒃᓴᓂᒃ ᐱᕙᒌᔭᐃᕙᒡᓗᓂ, ᐅᓂᒃᑳᓕᐊᓂᒡᓗ ᐅᓂᒃᑳᖅᑕᐅᓂᐊᖅᑐᓂᓪᓗ ᐋᖅᑭᒃᓱᐃᕙᒡᓗᓂ.
  • ᐊᐅᓚᑦᑎᔨᒻᒪᕇᑦ ᑲᑎᒪᔨᕋᓛᖏᓐᓂᒃ ᐃᑲᔪᖅᑐᐃᕙᒡᓗᓂ ᐃᓂᒃᓴᓕᐅᖅᐸᒡᓗᓂᒋᑦ ᑲᑎᒪᓂᐊᓕᕌᖓᑕ, ᑲᑎᒪᔾᔪᑎᒃᓴᓕᐅᖅᐸᒡᓗᓂᒋᑦ, ᑲᑎᒪᔾᔪᑎᕕᓂᕐᓂᒃ ᑐᓂᐅᖅᑲᐃᕙᒡᓗᓂ, ᑲᑎᒪᑎᓪᓗᒋᑦ ᑎᑎᕋᖅᐸᓪᓕᐊᕙᒡᓗᓂ, ᖃᐅᔨᒪᓇᓱᒃᐸᒡᓗᓂ ᑭᖑᕙᕆᐊᖅᑕᐅᔪᓂᒃ ᑲᑎᒪᔾᔪᑎᒃᓴᓂᒃ, ᕿᒥᕐᕈᕙᒡᓗᓂ ᑲᑎᒪᓚᐅᙱᑎᓪᓗᒋᑦ ᑐᓴᐅᒪᔾᔪᑎᒃᓴᓂᒃ ᑎᑎᕋᖅᓯᒪᔪᓂᒃ, ᐊᓯᖏᓐᓂᒡᓗ.
  • ᐊᐅᓚᑦᑎᕙᒡᓗᓂ ᑎᑎᖅᑲᓂᒃ ᐊᐅᓪᓚᖅᑎᑕᐅᕙᓪᓕᐊᔪᓂᒃ ᐊᐅᓚᑦᑎᔨᑦ ᑎᑎᕋᕐᕕᖓᓂ − ᐋᖅᑭᒃᓱᐃᕙᒡᓗᓂ, ᐱᓯᒪᐃᓐᓇᖅᐸᒡᓗᒋᑦ, ᐋᖅᑭᒃᓱᐃᕙᒡᓗᓂ, ᐊᑐᖅᐸᒡᓗᓂ ᑐᖅᑯᖅᑐᐃᕕᖕᒥ ᐊᒻᒪ ᖃᕆᓴᐅᔭᒃᑯᑦ ᑲᑎᖅᓱᐃᕝᕕᖕᒥ ᐊᖓᔪᖅᑳᒧᑦ ᐊᑎᓕᐅᖅᑕᐅᔭᕆᐊᓕᖕᓂᒃ.
  • ᑲᑎᒪᔨᓂᑦ ᐊᐅᓚᑦᑎᕙᒡᓗᓂ ᐊᒃᑐᐊᓂᓕᖕᓂᓪᓗ ᑲᑎᒪᔨᕋᓛᑦ ᑲᑎᒪᓂᐊᖅᑐᓂᑦ ᐊᐅᓚᑦᑎᓪᓗᓂ ᐅᑯᓂᖓᓗ ᑲᑎᑦᑎᓪᓗᓂ, ᐱᕙᒌᔭᖅᖢᓂ, ᐊᒻᒪ ᑐᓂᐅᖅᑲᐃᕙᒃᖢᓂ ᐅᖃᓕᒫᖅᐸᒌᕆᐊᓕᖕᓂᒃ, ᑲᑎᒪᔾᔪᑎᒃᓴᓂᒃ, ᑐᓴᖅᑎᑦᑎᔾᔪᑎᓂᒃ ᐊᒻᒪ ᑲᑎᒪᔾᔪᑎᕕᓂᕐᓂᒃ, ᑲᑎᒪᕝᕕᒋᓂᐊᖅᑕᖓᓂᒃ ᐃᓂᒃᓴᓕᐅᖅᐸᒃᖢᓂ ᐋᖅᑭᒃᓱᐃᕙᒃᖢᓂᓗ ᐊᒻᒪ ᑐᔪᕐᒥᕕᒃᓴᖓᓂ; ᐊᐅᓚᑦᑎᔨᒻᒪᕆᐅᑉ ᐅᓂᒃᑳᕐᓂᐊᑕᖓᓂᒃ ᐊᐅᓚᑦᑎᕙᒃᖢᓂ ᐱᓕᕆᖃᑎᖃᖅᐸᒃᖢᓂᓗ ᑲᑎᒪᔨᖏᓐᓂᒃ ᑲᑎᒪᔾᔪᑎᖏᑦ ᐱᐊᓂᒐᓱᒃᖢᒋᑦ, ᑲᑎᒪᔾᔪᑎᕕᓂᕐᓂᒃ ᖃᐅᔨᒋᐊᖅᐸᒃᖢᓂ, ᐊᒻᒪᓗ ᐊᑭᓕᒐᒃᓴᑦ ᓇᓕᖅᑲᖏᓐᓂᒃ.   
  • ᑲᑎᒪᔨᕋᓛᑦ ᑲᑎᓕᕌᖓᑕ ᐅᐸᒍᑎᕙᒡᓗᓂ ᑎᑎᕋᖅᐸᓪᓕᐊᖁᓪᓗᒍ ᓇᓗᓇᐃᔭᖅᓯᒪᔪᓂᑦ ᑲᑎᒪᔾᔪᑎᕕᓂᕐᓂᒃ ᐊᒻᒪ ᓇᓗᓇᐃᖅᓯᕙᒡᓗᓂ ᐃᓱᒪᓕᐅᕈᑕᐅᔪᓂᑦ ᐊᐅᓚᑦᑎᔾᔪᑎᖏᓐᓄᑦ ᐊᒃᑐᐊᓂᓕᖕᓂᑦ ᑐᑭᓯᒋᐊᕈᑎᒃᓴᑦ ᐃᓯᖅᐸᓪᓕᐊᔪᑦ ᐊᓂᕙᓪᓕᐊᔪᑦ ᐅᑯᓇᓂ ᑲᑎᒪᔨᓂᑦ, ᑲᑎᒪᔨᕋᓛᓂᑦ, ᐊᒻᒪ ᐊᐅᓚᑦᑎᔨᓂᑦ, ᐊᖓᔪᖅᑳᒥᒡᓗ ᖃᐅᔨᓴᖅᑎᑦᑎᑦᑎᐊᖅᐸᒡᓗᓂ ᑲᑎᒪᔨᑦ ᐃᓱᒪᓕᐅᕈᑎᒋᔭᖓᓂᒃ ᐊᒻᒪ ᐱᔪᒪᔭᖏᓐᓂᒃ, ᑭᐅᔾᔪᑎᒋᔭᐅᔪᓂᒃ ᐊᐅᓚᑦᑎᕙᒡᓗᓂ ᐱᔭᕆᐊᖃᕌᖓᑦ.
  •  ᑐᑭᓯᒋᐊᕈᑎᒃᓴᐃᑦ ᑎᑎᕋᖅᓯᒪᔪᑦ ᐊᒻᒪ ᐱᓕᕆᐊᒃᓴᐃᑦ ᐱᖁᔨᕗᖔᕈᑎᓪᓗ
  • ᐋᖅᑭᒃᓱᐃᕙᒡᓗᓂ ᑲᒪᒋᔭᖃᖅᐸᒡᓗᓂᓗ ᑐᓴᐅᒪᑎᑦᑎᑦᑎᐊᖁᓪᓗᒋᑦ ᐱᓕᕆᖃᑎᖃᑦᑎᐊᖁᓪᓗᒋᓪᓗ ᑭᒡᒐᖅᑐᐃᔨᖏᓐᓂᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᒥᓂᔅᑕᖓᑕ ᐊᒡᓚᕝᕕᐊᓂ ᐊᐅᓚᑦᑎᕙᒡᓗᓂᓗ ᖃᐅᔨᒋᐊᖅᑐᖃᕌᖓᑦ ᑲᑎᒪᔨᑦ ᐃᒃᓯᕙᐅᑕᖓᓂ ᐱᓕᕆᖃᑎᖃᕐᓗᓂ.  
  • ᐊᐅᓚᑦᑎᕕᖕᒥ ᑎᑎᕋᖅᑎᒋᔭᐅᓗᓂ ᐊᑎᓕᐅᖅᐸᒡᓗᓂᓗ ᐊᐅᓚᑦᑎᔨᒻᒪᕆᐅᑉ ᐱᓕᕆᐊᒃᓴᖏᓐᓂᒃ ᐊᑎᓕᐅᖃᑦᑕᕐᒥᓗᓂ ᐅᕝᕙᓘᓐᓃᑦ ᓇᓗᓇᐃᒃᑯᑕᖅᑖᖅᑎᑦᑎᕙᒡᓗᓂ ᑎᑎᖅᑲᓂᒃ ᐊᐅᓚᑦᑎᕕᖓᓂ ᑭᒡᒐᖅᑐᐃᓗᓂ.

ᐊᔪᙱᓐᓂᕆᔭᐅᔭᕆᐊᓖᑦ ᐅᑯᐊᖑᕗᑦ:

  • ᐃᓱᓕᑦᑎᓯᒪᒋᐊᓕᒃ ᓇᖕᒥᓂᖃᕐᓂᕐᒧᑦ ᐊᐅᓚᑦᑎᓂᕐᒧᑦ, ᑎᑎᕋᕐᕕᓕᕆᔪᓂ ᐊᐅᓚᑦᑎᓂᕐᒧᑦ ᐊᒃᑐᐊᓂᓕᖕᓂᓪᓗ ᐋᖅᑭᒃᓱᐃᓂᕐᒥᒃ.
  • ᐊᕐᕌᒍᓂᒃ ᑕᓪᓕᒪᓂᒃ ᐊᒡᓚᕝᕕᖕᒥ ᐃᑲᔪᖃᑦᑕᖅᓯᒪᓗᓂ ᐊᐅᓚᑦᑎᔨᒻᒪᕆᖕᓄᑦ.

ᐃᑲᔫᑎᖃᕋᔭᖅᑐᑦ:

  • ᐱᓕᕆᖃᑦᑕᖅᓯᒪᓗᓂ ᓴᓇᔭᐅᓂᐊᖅᑐᓂᒃ ᐋᖅᑭᒃᓱᐃᓂᕐᒧᑦ, ᐃᒡᓗᓕᐅᖅᑕᐅᔪᓂᒃ, ᐅᕝᕙᓘᓐᓃᑦ ᐃᒡᓗᒥᐅᑕᓂᒃ ᐃᑲᔪᕐᓂᖃᕋᔭᖅᐳᖅ.
  • ᖃᐅᔨᒪᓗᓂ ᓄᓇᕗᒻᒥ, ᓄᓇᖓᓂ, ᐅᖃᐅᓯᖓᓂ ᐊᒻᒪ ᐃᓕᖅᑯᓯᖓᓂᒃ.
  • ᐅᖃᕈᓐᓇᕐᓗᓂ ᐃᓄᒃᑎᑐᑦ, ᐃᓄᐃᓐᓇᖅᑐᓐ ᐊᒻᒪ/ᐅᕝᕙᓘᓐᓃᑦ ᐅᐃᕖᑐᑦ.

 

ᐊᑭᓕᖅᓱᐃᑦᑎᐊᖃᑦᑕᖅᐳᒍᑦ $87,204.00−ᒥ $108,088.50−ᒧ, ᐊᕐᕌᒍᒧᑦ ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᑎᑦᑎᕙᒃᖢᑕ $15,016−ᓂᒃ ᐊᕐᕌᒍᒧᑦ, ᓈᒪᔪᒥᑦ ᐃᑲᔫᓯᐊᖅᑖᖅᑎᑦᑎᕙᒃᑐᑦ ᐅᑯᓂᖓᓗ ᓇᓗᓇᐃᖅᓯᒪᔪᓂᒃ ᐃᑲᔫᓯᐊᒃᓴᓂᒃ ᐃᓐᓇᖅᓯᐅᑎᒃᓴᓄᑦ ᐊᒻᒪᓗ ᐃᖅᑲᓇᐃᔭᖅᑎᐅᑉ ᐃᓪᓗᒃᓴᖓᓄᑦ ᐃᑲᔪᖅᑕᐅᔾᔪᑎᑕᖃᖅᓱᓂ. ᑖᓐᓇ ᐃᖅᑲᓇᐃᔮᒃᓴᖅ ᓄᓇᕗᒻᒥ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᓄᑦ ᐱᖃᑕᐅᙱᑦᑐᖅ.

 

ᓄᓇᕗᒻᒥᐅᑦ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ.

 

ᑲᑎᓪᓗᒋᑦ ᐃᓕᓐᓂᐊᖅᓯᒪᔭᖏᑦ ᐊᒻᒪ ᐃᖅᑲᓇᐃᔮᖃᕐᓂᒃᑯᑦ ᐱᓕᕆᖃᑦᑕᕐᓂᖏᑦ ᐃᓱᒪᒃᓴᖅᓯᐅᕈᑕᐅᔪᓐᓇᕐᒥᔪᑦ.

 

ᐱᓇᔪᒍᒪᒍᕕᑦ ᓇᒃᓯᐅᑎᓗᒍ ᐱᓇᔪᒍᑎᒋᔭᐃᑦ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ ᐅᕗᖓ careers@qec.nu.ca ᑎᑎᖅᑲᑎᒍᓪᓘᓐᓃᑦ ᐅᕗᖓ: Human Resources, Qulliq Energy Corporation, P.O. Box 420, Baker Lake, and NU X0C

 

ᑎᑎᖅᑲᑦᑯᑦ ᐱᓇᓱᐊᕐᓗᑎ, ᑎᓯᐱᕆ 10, 2021 ᑐᖔᓂ.

 

ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ.

 

ᖁᔭᓕᕗᒍᑦ ᐃᖅᑲᓇᐃᔮᖅᑖᕋᓱᒃᑐᓕᒫᓂᒃ; ᑭᓯᐊᓂ, ᓂᕈᐊᖅᑕᐅᔪᑐᐊᑦ ᐃᓱᒪᒃᓴᖅᓯᐅᕈᑕᐅᒃᑲᓐᓂᕐᓂᐊᖅᑐᓄᑦ ᑐᓴᖅᑎᑕᐅᓂᐊᖅᐳᑦ.