ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᓄᓇᕗᒻᒥᐅᓂᒃ ᐃᖅᑲᐃᑎᑦᓯᔪᒪᔪᑦ ᐊᑦᑕᕐᓇᖅᑕᐃᓕᒪᖁᓪᓗᒋᑦ ᑎᑦᑕᐅᔭᐅᑎᓂᑦ ᖃᖓᑕᑎᑦᓯᓂᕐᒧᑦ ᖃᓂᒋᖏᑦᑕᖏᓐᓄᑦ ᐆᒻᒪᖅᑯᑎᓄᑦ ᐅᐊᔭᐃᑦ.
ᐊᒥᓱᑲᓪᓚᐅᒻᒪᑕ ᐅᖃᐅᓯᐅᓯᒪᔪᑦ ᑎᑦᑕᐅᔭᐅᑎᓂᑦ ᓂᒐᕕᓯᒪᓂᖏᓐᓄᑦ ᐆᒻᒪᖅᑯᑎᓄᑦ ᐅᐊᔭᓂᑦ ᓄᓇᕘᓕᒫᒥᑦ. ᑎᑦᑕᐅᔭᐅᑏᑦ ᕿᓚᕈᑎᖏᑦ ᓄᒃᑭᓐᓇᖅᑐᑖᕈᓐᓇᕐᒪᑕ ᐋᓐᓂᖅᑐᖃᓪᓚᕆᓪᓗᓂᓗ ᐃᓅᔪᓐᓃᖅᑐᖃᒻᒪᕆᓪᓗᓂᓘᓐᓃᑦ.
ᐅᓗᕆᐊᓇᖅᑐᒦᑦᑕᐃᓕᒪᓂᕐᒧᑦ, ᐃᖅᑲᐅᒪᒋᑦ:
- ᑎᑦᑕᐅᔭᑦᑕᐃᓕᒋᑦ ᖃᓂᒋᔭᖏᓐᓂᒃ ᐆᒻᒪᖅᑯᑎᓄᑦ ᐅᐊᔭᐃᑦ. ᑎᑦᑕᐅᔭᐅᑏᑦ ᓂᒐᕕᑉᐸᑦ ᐆᒻᒪᖅᑯᑏᑦ ᐅᐊᔭᖏᓐᓄᑦ, ᓴᒃᑯᑦᓴᐅᑎᒋᓗᒍ ᑎᑦᑕᐅᔭᐅᑏᑦ ᕿᓚᕈᑎᖓ ᑎᒍᒥᐊᕈᑎᖓᓗ ᓴᓂᐅᓃᒍᓐᓃᕐᓗᑎᑦ. ᐲᕋᓱᐊᑦᑕᐃᓕᐅᒃ ᖃᐅᔨᒃᑲᐅᑎᐅᑎᓪᓗᒍᓗ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄᑦ 24-ᐃᑲᕐᕋᐃᑦ ᑐᐊᕕᕐᓇᖅᑐᓄᑦ ᐅᖄᓚᐅᑎᖓᓄᑦ ᐅᕗᖓ 1-833-313-3030.
- ᐊᓄᕆᒧᑦ ᑎᑦᑕᐅᔭᐅᑏᑦ ᖃᓂᒋᔭᖓᓅᖅᐸᑦ ᐆᒻᒪᖅᑯᑏᑦ ᐅᐊᔭᖓᓄᑦ ᐆᒻᒪᖅᑯᑎᖃᕐᕕᒻᒧᓪᓘᓐᓃᑦ, ᓴᒃᑯᓗᒍ. ᐱᓇᓱᐊᖏᓪᓗᒍ ᑎᑦᑕᐅᔭᐅᑎ ᐊᑦᑕᕐᓇᖅᑐᒥ ᐊᕙᑎᖃᖅᑐᒥᑦ.
- ᐱᐅᓂᖅᐹᖅ ᑎᑦᑕᐅᔭᐅᑏᑦ ᖃᖓᑕᑎᓪᓗᒍ ᒪᑐᐃᖓᔪᖅᒥ ᐃᓂᐅᔪᒥ ᖃᓂᒋᖏᑦᑕᖓᓂ ᐆᒻᒪᖅᑯᑎᓄᑦ ᐅᐊᔭᐃᑦ, ᐊᑐᕆᐊᑦ, ᒥᑦᑕᕐᕕᓐᓂᓪᓗ.
- ᖃᖓᑕᑎᑦᓯᑕᐃᓕᒪᓂᖅ ᐃᓚᖃᖅᑐᓂᑦ ᓴᕕᕋᔭᕐᓂᑦ ᐅᐊᔭᓂᓪᓘᓐᓃᑦ.
- ᑎᑦᑕᐅᔭᑦᑕᐃᓕᖃᑦᑕᕆᑦ ᓯᓚᑲᒻᒪᐅᑎᓪᓗᒍ. ᑲᓪᓕᖃᑦᑕᕐᓂᐅᔪᑦ ᐅᑭᐅᖅᑕᖅᑐᒥ ᐅᓄᖅᓯᕙᓪᓕᐊᑐᐃᓐᓇᖅᑐᑦ ᑎᑦᑕᐅᔭᕐᓂᕐᓗ ᓯᓚᑲᒻᒪᐅᑎᓪᓗᒍ ᐅᓗᕆᐊᓇᖅᑐᒦᑎᑦᓯᔪᓐᓇᖅᑐᖅ ᐃᓕᓐᓂᑦ ᓱᑲᑎᑕᐅᓂᕐᒧᑦ.
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖁᔭᓕᕗᑦ ᓄᓇᕗᒻᒥᐅᓂᑦ ᐃᑲᔪᕐᓂᖏᓐᓄᑦ.
###
ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:
ᕈᓃ ᐴᓱ
ᐊᐅᓚᑦᑎᔨᐅᓚᐅᑲᒃᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
rboucher@qec.nu.ca
(867) 979-7524
File attachement:
