ᐊᐅᓚᑦᑎᔨ, ᐊᐅᓚᐅᓯᕆᔨᓄᑦ ᐸᕐᓇᐃᔨᓄᑦ

Deadline: 
11/05/2021
Location: 
Iqaluit
Email: 
careers@qec.nu.ca

ᐱᔪᒥᓇᒃᑲᓐᓂᖅᑐᒥᒃ ᐃᖅᑲᓇᐃᔮᖃᕆᑦ ᐅᑭᐅᖅᑕᖅᑐᒥ!

 

ᖃᐅᔨᒋᐊᕈᒃ ᐃᓕᖕᓄᑦ ᐱᓕᕆᐊᒃᓴᑦᑎᐊᕙᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᐊᑐᑦᑎᐊᖏᓐᓇᕈᓐᓇᖅᑐᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ.

 

ᓄᓇᕗᒻᒥ ᐱᓕᕆᓂᖅ

 

ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᒥᓪᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᑐᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒋᑦᑎᐊᕐᓂᐊᖅᐸᐃᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᓕᕆᓐᓇᐅᙱᑦᑐᒃᑯᓪᓘᓐᓃᑦ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᖅᑐᕐᓗᑎᑦ, ᐃᖃᓪᓕᐊᕐᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᕐᒥᓂ ᐊᑐᓪᓚᕆᒃᑐᓂᑦ ᓴᓇᙳᐊᖅᑎᓂᑦ ᓂᔾᔭᐅᓯᔭᖅᑎᓂᒡᓗ, ᓄᓇᕗᑦ ᐃᓕᖕᓄᑦ ᐃᓂᒃᓴᑦᑎᐊᕙᐅᕗᖅ.

 

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ

 

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᙱᑦᑐᒥᑦ, ᐊᑐᑦᑎᐊᖏᓐᓇᕈᓐᓇᖅᑐᒥᒃ ᐆᒻᒪᖁᑎᒥᒃ ᐊᑭᓕᖅᓱᐃᕙᒃᑐᓕᒫᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᐅᓚᑕᐅᓪᓗᓂᓗ ᐃᓛᒃᑰᖅᖢᑎᒃ ᓄᓇᕗᒻᒥ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᒡᓗ ᓄᓇᕗᒻᒥ. ᐊᓯᓕᒫᖏᑦ ᐆᒻᒪᖅᑯᑎᖃᕐᕖᑦ ᑲᓇᑕᒥ ᑕᐅᑐᒃᖢᒋᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᒃᓱᕈᕐᓇᖅᑐᖅᓯᐅᖃᑦᑕᖅᐳᑦ ᐊᐅᓚᑦᑎᓪᓗᑎᒡᓗ 25−ᓂᒃ ᐃᓛᒃᑰᖅᖢᑎᒃ ᐊᐅᓚᐅᑎᖃᕐᕕᐊᓗᖕᓂᒃ ᐆᒻᒪᖅᑯᑎᖃᖅᑎᑦᑎᓪᓗᑎᒡᓗ ᑕᒪᐃᓐᓂᒃ ᓄᓇᓕᓕᒫᓂᒃ ᓄᓇᕗᒻᒥ.

 

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ 21-044 ᐊᐅᓚᑦᑎᔨ, ᐊᐅᓚᐅᓯᕆᔨᓄᑦ ᐸᕐᓇᐃᔨᓄᑦ

 

ᐃᖃᓗᖕᓃᓪᓗᑎᒃ, ᓄᓇᕗᒻᒥ ᐅᓂᒃᑳᖅᐸᓪᓗᑎᓪᓗ ᑐᑭᒧᐊᑦᑎᑦᓯᔨᒧᑦ, ᐊᐅᓚᐅᓯᕆᔨᒃᑯᑦ ᐊᖓᔪᖅᑳᖓᓐᓄᑦ, ᐆᒻᒪᖅᑯᑎᖃᖅᑎᑦᑎᓂᕐᒧᑦ ᐱᕙᒌᔭᕐᓂᕐᒧᑦ ᑲᒪᒋᔭᒃᓴᖃᖅᐳᑦ ᖃᐅᔨᓴᖅᑕᐅᒋᐊᓕᖕᓂᒃ, ᐱᕙᒌᔭᖅᑕᐅᒋᐊᓕᖕᓂᑦ, ᐊᒻᒪ ᐃᓕᑕᕆᔭᐅᔾᔪᑎᑖᕐᓗᑎᒃ ᐆᒻᒪᖅᑯᑎᓕᕆᔨᒃᑯᑦ ᐆᒻᒪᖅᑯᑎᖃᖅᑎᑦᑎᔾᔪᑎᖏᑦ, ᐋᖅᑭᒃᓯᒪᓂᖏᑦ ᐊᒻᒪ ᒪᓕᒃᑕᐅᕙᒃᑐᑦ. ᐃᖅᑲᓇᐃᔮᒃᓴᖅ ᐃᑲᔪᖅᑐᐃᖃᑦᑕᖅᐳᖅ ᐆᒻᒪᖅᑯᑎᖃᖅᑎᑦᑎᔾᔪᑎᑦ ᑲᒪᒋᔭᐅᓂᖓᓄᑦ ᐊᐅᓚᐅᓯᕆᔨᑦ ᐃᑲᔪᖅᑐᐃᔾᔪᑎᖏᓐᓂᒃ ᐊᑐᐃᓐᓇᐅᑎᑦᑎᓪᓗᑎᒃ ᓲᕐᓗ ᐆᒻᒪᖅᑯᑎᓕᕆᓂᕐᒧᑦ ᐱᕙᒌᔭᐅᑎᑦ, ᐋᖅᑭᒃᓯᒪᓂᒃᓴᖓᓄᑦ ᐱᔨᑦᑎᕋᖅᑎᑦ, ᖃᕆᑕᐅᔭᓕᕆᔾᔪᑎᓂᑦ ᖃᐅᔨᓴᖅᑎᑦ, ᖃᐅᔨᓴᖅᑎᑦᑎᕙᒃᖢᑎᒡᓗ. ᐃᖅᑲᓇᐃᔮᒃᓴᖅ ᐊᑐᐃᓐᓇᐅᑎᑦᑎᖃᑦᑕᕐᓂᐊᕐᒥᔪᖅ ᖃᕆᑕᐅᔭᓕᕆᓂᕐᒧᑦ ᐅᖃᐅᔾᔪᐃᕙᒡᓗᓂ, ᐃᑲᔪᖅᓱᐃᕙᒡᓗᓂ, ᐊᒻᒪ ᐊᑐᓕᖅᑕᐅᖁᔨᕙᒡᓗᓂ ᐱᑖᖃᑕᐅᓯᒪᔪᓄᑦ ᐱᔭᕆᐊᖃᕌᖓᑦ.

ᐱᔭᒃᓴᐃᑦ ᑲᒪᒋᔭᒃᓴᐃᓪᓗ:

  • ᐸᕐᓇᐃᕙᒡᓗᓂ ᐋᖅᑭᒃᓱᐃᕙᒡᓗᓂᓗ ᓄᑖᓂᒃ ᐃᓕᐅᖅᑲᖅᑕᐅᓂᐊᖅᑐᓂᒃ, ᐊᓯᔾᔨᖅᑕᐅᔪᓂᒃ, ᓄᑖᙳᕆᐊᖅᑕᐅᔪᓂᓪᓗ ᐆᒻᒪᖅᑯᑎᓕᕆᔨᒃᑯᑦ ᐆᒻᒪᖅᑯᑎᖃᖅᑎᑦᑎᔾᔪᑎᖏᓐᓂᒃ ᐋᖅᑭᒃᓯᒪᓂᓕᒫᖏᓪᓗ ᒪᓕᑦᑎᐊᖅᑎᑉᐸᒡᓗᒋᑦ ᐅᖓᑖᓄᓪᓘᓐᓃᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐆᒻᒪᖅᑯᑎᖃᖅᑎᑦᑎᔾᔪᑎᑦ ᐊᑐᖅᐸᒃᑕᖏᓐᓂᒃ ᐊᓯᓕᒫᖏᓐᓂᓪᓗ ᓇᓗᓇᐃᒃᑯᑕᖏᓐᓂᒃ, ᒪᓕᒋᐊᓕᖏᓐᓂᑦ ᒪᓕᒐᖏᓐᓂᓪᓗ.
  • ᑐᓂᓯᖃᑦᑕᕐᓗᓂ ᑐᒃᓯᕋᐅᑎᓂᑦ ᐊᑭᑦᑐᕋᐅᑎᓂᕐᒧᑦ ᐊᑭᑐᔫᑎᑦ ᐱᓕᕆᐊᒃᓴᓄᑦ ᓲᕐᓗ ᐆᒻᒪᖅᑯᑎᖃᖅᑎᑦᑎᔾᔪᑎᑦ ᐃᓚᒋᐊᖅᑕᐅᔾᔪᑎᖏᑦ, ᓴᓇᔭᐅᒃᑲᓐᓂᖅᑐᑦ ᐆᒻᒪᖁᑎᖃᕐᕖᑦ, ᓇᓗᓇᐃᖅᓯᔾᔪᑎᑦ ᐊᓯᔾᔨᖅᑕᐅᔪᑦ, ᐊᓯᖏᓪᓗ ᓇᓗᓇᐃᖅᓯᕙᒃᖢᑎᒡᓗ ᐊᑭᑐᔫᑎᑦ ᐅᑎᖅᑎᑕᐅᔪᓐᓇᖅᑐᓪᓗ ᐱᓕᕆᐊᒃᓴᑦ ᑮᓇᐅᔭᖅᑑᑎᖏᓐᓂᒃ.
  • ᐱᓕᕆᖃᑦᑕᖅᐳᑦ ᐊᐅᓚᑦᑎᕙᒃᖢᑎᒡᓗ ᖃᐅᔨᓴᖅᑐᓂᑦ, ᖃᐅᔨᓴᖅᑕᐅᔪᓂᑦ, ᕿᒥᕐᕈᔭᐅᔪᓂᑦ, ᐋᖅᑭᒃᓯᒪᓂᖏᓐᓂᒡᓗ ᐊᒃᑐᐊᓂᖃᖅᑐᓂᑦ ᖃᐅᒻᒪᖅᑯᑎᑦ ᐊᐅᓚᑕᐅᓂᖓᓄᑦ, ᐆᒻᒪᖅᑯᑎᒥᑦ ᓇᓕᒧᒌᒃᑎᑦᑎᓂᕐᒧᑦ, ᐆᒻᒪᖅᑯᑎᑦ ᐊᐅᓚᓂᖓᓂᒃ ᖃᐅᔨᓴᕐᓂᕐᒧᑦ, ᐆᒻᒪᖅᑯᑎᑦ ᐊᖅᑯᑖᓂ, ᑐᙵᕕᖏᓐᓂᒃ, ᐃᓚᓕᐅᑎᔭᐅᔪᓂᑦ, ᐊᓯᖏᓐᓂᒡᓗ.
  • ᑲᒪᒋᕙᒃᖢᓂᒋᑦ ᐃᑲᔪᖅᐸᒃᖢᓂᓗ ᐋᖅᑭᒃᓯᒪᓂᒃᓴᖓᓂ ᐱᕙᓪᓕᐊᑎᑦᑎᔪᓂᓪᓗ ᓄᑖᓂᑦ ᐆᒻᒪᖅᑯᑎᖃᖅᑎᑦᑎᔾᔪᑎᓪᓗ ᒪᓕᒋᐊᓕᖏᓐᓂᑦ ᐱᓕᕆᔾᔪᓯᖏᓐᓂᒡᓗ, ᐅᑯᓂᖓᓗ ᓇᓗᓇᐃᒃᑯᑕᖓᑕ ᑕᐅᑦᑐᒃᓴᖏᑦ.
  • ᐃᒃᓯᕙᐅᑕᐅᓪᓗᓂ ᐆᒻᒪᖅᑯᑎᖃᖅᑎᑦᑎᔪᑦ ᒪᓕᒋᐊᓕᖏᑕ ᑲᑎᒪᔨᖏᓐᓄᑦ ᑭᒡᒐᖅᑐᐃᔨᓂᑦ ᓴᓇᔪᓕᕆᔨᒻᒪᕆᖕᓂᑦ ᐊᐅᓚᓂᕆᔭᖏᓐᓂᒡᓗ ᐱᓕᕆᕝᕕᖕᓂᑦ.
  • ᕿᒥᕐᕈᖃᑦᑕᖅᐳᑦ ᑐᒃᓯᕋᐅᑎᓂᑦ ᐱᓕᕆᕝᕕᖕᓂ ᓯᓚᑖᓂᙶᖅᑐᓂᑦ ᐃᓚᓕᐅᑎᓯᒪᔪᓂᑦ ᐆᒻᒪᖅᑯᑎᖃᖅᑎᑦᑎᔾᔪᑎᓄᑦ ᐃᑲᔪᖅᐸᒃᖢᓂᓗ ᓄᑖᙳᕆᐊᖅᑕᐅᑎᓪᓗᒋᑦ ᑲᑐᔾᔨᓪᓗᑎᒃ ᐊᑐᖃᑦᑕᖅᑐᑦ  ᑎᑎᖅᑲᓂᑦ ᐊᑭᓕᒐᒃᓴᖏᓐᓂᒡᓗ.
  • ᑲᒪᒋᔭᖃᓲᖑᕗᑦ ᐱᔨᑦᑎᕋᖅᑎᒃᑯᓐᓂ ᐊᑭᓕᖅᓱᐃᔨᓂᓪᓗ ᐱᔨᑦᑎᕋᖅᑕᐅᔪᒪᔪᓂᑦ, ᐱᓕᕆᖃᑎᖃᖃᑦᑕᖅᖢᓂᓗ ᐊᐅᓚᑦᑎᔨᖓᓂ, ᐆᒻᒪᖅᑯᑎᖃᕐᕕᖏᓐᓂ ᐃᖏᕐᕋᔾᔪᑎᑦ ᐊᐅᓚᓂᕆᔭᖏᓐᓂᒃ ᐊᑭᓕᖅᓱᐃᔨᑦ ᐱᔨᑦᑎᕋᖅᑕᐅᑦᑎᐊᖁᓪᓗᒋᑦ.

ᐅᑯᐊ ᐊᔪᙱᓐᓂᕆᔭᐅᔭᕆᐊᓖᑦ:

  • ᐱᔭᕇᕈᓯᐊᖃᕐᓗᓂ ᐅᐊᔭᓕᕆᔨᐅᓂᕐᒧᑦ.
  • ᐊᑎᖃᕆᐊᖃᖅᑐᖅ ᐅᐊᔭᓕᕆᔨᒻᒪᕆᐅᓂᕐᒧᑦ ᐃᓚᒋᔭᐅᓕᑲᐅᑎᒋᔪᓐᓇᕆᐊᓕᒃ ᐊᐅᓚᐅᓯᕆᔨᒻᒪᕆᖕᓄᑦ ᖃᐅᔨᓴᖅᑎᓂᑦ.
  • ᐅᑭᐅᓄᑦ 7−ᓄᑦ ᐸᕐᓇᐃᖃᑦᑕᕐᓂᑰᓗᓂ ᐅᐊᔭᓕᕆᓂᕐᒥᒃ ᐊᐅᓚᐅᑎᖃᕐᕕᖕᒥ.
  • ᐱᓕᕆᖃᑦᑕᖅᓯᒪᓗᓂ ᓱᑲᓐᓇᖅᑐᒥᑦ ᐆᒻᒪᖅᑯᑎᖃᕐᕕᖕᒥ, ᐅᑯᓂᖓᓗ ᓄᓇᐅᑉ ᖄᖓᓂ ᐊᑖᓂᓗ ᓴᓇᔭᐅᕙᒃᑐᓂᑦ, ᓴᓇᕝᕕᖕᓂ ᐊᒻᒪ ᑮᓇᐅᔭᓕᐅᕐᕕᖕᓂ ᐱᔨᑦᑎᕋᖅᑎᓂᑦ, ᑲᑐᔾᔨᓪᓗᑎᒃ ᐊᑐᕐᓂᕐᒧᑦ ᐊᖏᖃᑎᒌᒍᑎᒥᑦ, ᐊᒻᒪ ᐆᒻᒪᖅᑯᑎᒥᑦ ᖃᐅᔨᓴᕈᑎᒥᒃ.
  • ᑕᒪᐃᓐᓂᒃ ᐱᓕᕆᐊᒃᓴᕆᔭᐅᔪᒥᑦ ᐊᐅᓚᑦᑎᔨᐅᖃᑦᑕᖅᓯᒪᓗᓂ, ᐱᒋᐊᖅᑎᑕᐅᑎᓪᓗᒍ ᐱᔭᒃᓴᖅᑖᖅᑎᑕᐅᑎᓪᓗᒋᓪᓗ.
  • ᐅᑭᐅᓄᑦ ᒪᕐᕉᖕᓄᑦ ᐃᖅᑲᓇᐃᔭᖅᑎᓄᑦ ᐊᖓᔪᖅᑳᕆᔭᐅᖃᑦᑕᖅᓯᒪᓗᓂ ᐱᕙᓪᓕᐊᑎᑦᑎᖃᑦᑕᖅᓯᒪᓗᓂ ᐃᖅᑲᓇᐃᔭᖅᑎᓂᒃ.  

ᐱᔪᓐᓇᖅᑕᖏᑦ:

  • ᐱᓕᕆᐊᒃᓴᓂ ᐊᐅᓚᑦᑎᔨᒻᒪᕆᐅᓂᕐᒧᑦ ᐱᓕᕆᔪᓐᓇᖅᓯᑎᑕᐅᓂᖅ ᐃᑲᔫᑎᖃᕐᓂᐊᖅᐳᖅ ᐱᓇᔪᒃᑐᓄᑦ.
  • ᖃᐅᔨᒪᓗᓂ ᓄᓇᕗᒻᒥ, ᓄᓇᖓᓂ, ᐅᖃᐅᓯᖓᓂ ᐊᒻᒪ ᐃᓕᖅᑯᓯᖓᓂᒃ.
  • ᐃᓄᒃᑐ/ᐃᓄᐃᓐᓇᖅᑐᓐ ᐅᖃᕈᓐᓇᕐᓗᓂ ᐊᒻᒪ/ᐅᕝᕙᓘᓐᓃᑦ ᐅᐃᕖᑎᑐᑦ

ᐊᑭᓕᖅᓱᐃᑦᑎᐊᖃᑦᑕᖅᐳᒍᑦ $121,836.00−ᒥᑦ $146,562.00−ᒧᑦ, ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᑎᑦᑎᕙᒃᖢᑕ $15,016−ᓂᒃ ᐊᕐᕌᒍᒧᑦ, ᓈᒪᔪᒥᑦ ᐃᑲᔫᓯᐊᖅᑖᖅᑎᑦᑎᕙᒃᑐᑦ ᐅᑯᓂᖓᓗ ᓇᓗᓇᐃᖅᓯᒪᔪᓂᒃ ᐃᑲᔫᓯᐊᒃᓴᓂᒃ ᐃᓐᓇᖅᓯᐅᑎᒃᓴᓄᑦ ᐊᒻᒪᓗ ᐃᖅᑲᓇᐃᔭᖅᑎᐅᑉ ᐃᓪᓗᒃᓴᖓᓄᑦ ᐃᑲᔪᖅᑕᐅᔾᔪᑎᑕᖃᖅᓱᓂ. ᑖᓐᓇ ᐃᖅᑲᓇᐃᔮᒃᓴᖅ ᓄᓇᕗᒻᒥ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᓄᑦ ᐃᓚᒋᔭᐅᙱᑦᑐᖅ.

 

ᐱᓇᔪᒍᒪᒍᕕᑦ ᓇᒃᓯᐅᑎᓗᒍ ᐱᓇᔫᑎᒋᔭᐃᑦ ᖃᕆᑕᐅᔭᒃᑯᑦ ᐅᕗᖓ careers@qec.nu.ca ᑎᑎᖅᑲᑎᒍᓪᓘᓐᓃᑦ ᐊᐅᓪᓚᖅᑎᓪᓗᒍ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄᑦ, P.O. Box 420, Baker Lake, NU X0C 0A0

 

ᑎᑎᖅᑲᒃᑯᑦ ᐱᓇᓱᐊᕐᓗᑎ, ᐱᕆ 5, 2021 ᑐᖔᓂ.

ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ.

ᖁᔭᓕᕗᒍᑦ ᐃᖅᑲᓇᐃᔮᖅᑖᕋᓱᒃᑐᓕᒫᓂᒃ; ᑭᓯᐊᓂ, ᓂᕈᐊᖅᑕᐅᔪᑐᐊᑦ ᐃᓱᒪᒃᓴᖅᓯᐅᕈᑕᐅᒃᑲᓐᓂᕐᓂᐊᖅᑐᓄᑦ ᑐᓴᖅᑎᑕᐅᓂᐊᖅᐳᑦ.