ᐆᒻᒪᖅᑯᑎᖃᕐᕕᖕᒥ ᐊᐅᓚᑦᑎᔨ

Deadline: 
12/04/2020
Location: 
ᐃᖃᓗᐃᑦ
Email: 
careers@qec.nu.ca

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᖏᑦᑐᒥᑦ, ᑕᑎᒋᔭᒃᓴᐅᔪᓐᓇᖅᑐᒥᑦ ᐆᒻᒪᖁᑎᒥᑦ ᑕᒪᐃᓐᓄᑦ ᐊᑭᓕᖅᓱᐃᕙᒃᑐᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᐅᓚᑕᐅᓪᓗᓂᓗ ᐃᓛᒃᑰᖅᖢᑎᒃ ᓄᓇᕗᒻᒥ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᒡᓗ ᓄᓇᕗᒻᒥ. ᐊᓯᖏᑦ ᐆᒻᒪᖅᑯᑎᓕᕆᔾᔪᑎᐅᔪᑦ ᑲᓇᑕᒥ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐊᔾᔨᐅᖏᑦᑐᒥᑦ ᐊᒃᓱᕉᑎᖃᕆᐊᖃᓲᖑᕗᑦ ᐊᐅᓚᑎᑦᑎᖕᒪᑕ ᐆᒻᒪᖅᑯᑎᓂᑦ 25−ᓂᑦ ᐅᖅᓱᐊᓗᖕᒨᖅᑐᓂᑦ ᐊᒻᒪ ᐊᑐᓂᑦ ᓄᓇᓕᖕᓃᑦᑐᒡᒍᑕᐅᓪᓗᑎᑦ ᐆᒻᒪᖅᑯᑎᖃᕐᕕᖏᑦ ᓄᓇᕗᒻᒥ ᓄᓇᓕᖕᓂᑦ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ-20-042 ᐆᒻᒪᖅᑯᑎᖃᕐᕕᖕᒥ ᐊᐅᓚᑦᑎᔨ
ᑖᓐᓇ ᐃᖅᑲᓇᐃᔮᒃᓴᖅ ᓄᓇᕗᒻᒥᐅᓄᑦ ᐃᓄᖕᓄᑦ ᐱᓇᔪᒃᑕᐅᔪᓐᓇᖅᑐᑐᐊᖅ

ᐃᖃᓗᖕᓂ ᑐᑦᑕᕐᕕᓖᑦ, ᓄᓇᕗᒻᒥ ᐊᐅᓚᐅᑎᖃᖅᑎᑦᑎᔨᑦ ᐊᖓᔪᖅᑳᖓᓄᑦ ᑐᓴᖅᑎᑦᑎᕙᒡᓗᓂ, ᐋᖅᑭᒃᑕᐅᓯᒪᔪᒥᑦ ᐃᑲᕐᕋᖃᖃᑦᑕᕐᓂᐊᖅᑐᑦ ᓂᑭᑦᑖᖅᐸᒡᓗᑎᒃ, ᐊᐅᓚᐅᑎᖃᕐᕕᓕᕆᔨ ᑲᒪᒋᔭᒃᓴᖃᖅᐳᖅ ᐊᑦᑕᕐᓇᙱᑦᑐᒥᒃ ᐊᑐᕈᓐᓇᑦᑎᐊᖅᑐᒥᒡᓗ ᐊᐅᓚᓂᖃᖅᑎᑦᑎᕙᒡᓗᓂ ᐃᖃᓗᖕᓂ ᐊᐅᓚᐅᑎᖃᕐᕕᒡᔪᐊᖏᓐᓂ. ᐃᖅᑲᓇᐃᔮᓕᒃ ᐱᓕᕆᐊᒃᓴᖃᖅᐳᖅ ᐊᔾᔨᒌᙱᑦᑐᓂᒃ ᐱᓕᕆᐊᒃᓴᖃᖅᐸᒡᓗᓂ ᓲᕐᓗ ᖃᐅᔨᓴᖅᐸᓪᓕᐊᓗᓂ ᐊᐅᓚᑦᑎᔾᔪᑎᖓᓂ ᐃᒡᓗᕈᓯᕐᒥ ᑲᒪᒋᔭᐅᒋᐊᓕᖕᓂᒃ, ᖃᐅᔨᓴᕆᐊᖃᖅᐸᒃᑐᑦ ᖃᐅᔨᓴᖅᐸᒡᓗᒋᑦ, ᐋᖅᑭᐅᒪᑎᑦᑕᕆᐊᓖᑦ ᐱᓕᕆᕙᒡᓗᒋᑦ, ᐊᒻᒪ ᑭᓱᑐᐃᓐᓇᓂᑦ ᐱᓕᕆᕙᒡᓗᓂ ᐊᐅᓚᐅᑎᖃᕐᕕᐅᑉ ᐃᓗᐊᓂ ᓄᓇᖓᓂᓪᓗ.

ᐱᓕᕆᐊᒃᓴᐃᑦ ᑲᒪᒋᔭᒃᓴᐃᓪᓗ:
• ᐊᑦᑕᕐᓇᙱᑦᑐᒥᒃ ᐊᑐᕈᓐᓇᑦᑎᐊᖅᑐᒥᒡᓗ ᐊᐅᓚᓂᖃᖅᑎᑦᑎᑦᑎᐊᖅᐸᒡᓗᓂ ᐃᖃᓗᖕᓂ ᐊᐅᓚᐅᑎᖃᕐᕕᒡᔪᐊᖓᓂ ᖃᐅᔨᓴᖅᐸᒡᓗᒋᑦ ᐊᐅᓚᑦᑎᔾᔪᑎᑦ ᐃᒡᓗᕈᓯᖓᓂ ᑲᒪᒋᔭᐅᒋᐊᓕᖕᓂᑦ, ᖃᐅᔨᓴᕆᐊᖃᖅᐸᒃᑐᑦ ᖃᐅᔨᓴᖅᐸᒡᓗᒋᑦ, ᐊᒻᒪ ᐅᔾᔨᖅᑐᖁᔨᕙᒡᓗᓂ ᓱᕋᒃᓯᒪᔪᓕᕆᔨᓂᑦ ᐅᓗᕆᐊᓇᑐᐃᓐᓇᕆᐊᓕᖕᓂᑦ.
• ᐋᖅᑭᐅᒪᑎᑦᑕᕆᐊᓖᑦ ᐱᓕᕆᐊᕆᕙᒡᓗᒋᑦ ᐊᐅᓚᐅᑎᖏᑦ ᐅᑯᐊᓗ ᐅᖅᓱᖅᑎᕈᑎᖏᑦ ᓱᕈᔾᔭᐃᒃᑯᑎᖏᓪᓗ ᐊᓯᔾᔨᖅᐸᒡᓗᒋᑦ, ᐅᖅᓱᕐᒥᒃ ᓅᑎᑦᑎᕙᒡᓗᓂ, ᓂᒡᓕᓴᐅᑎᖓ ᐊᓯᔾᔨᖅᐸᒡᓗᒍ, ᐊᓯᖏᓪᓗ ᐊᔾᔨᐸᓗᖏᑦ ᐋᖅᑭᐅᒪᑏᓐᓇᕆᐊᖃᖅᐸᒃᑐᑦ ᐱᓕᕆᐊᕆᕙᒡᓗᒋᑦ.
• ᓱᕋᒃᓯᒪᔪᓕᕆᔨᑦ ᐃᑲᔪᖅᐸᒡᓗᒋᑦ ᑳᑦᑐᓛᒃᑕᐅᓯᒪᔪᓪᓗ ᐱᓕᕆᐊᕆᔭᖏᑦ ᐱᐊᓂᒐᓱᒃᑎᓪᓗᒋᑦ ᐃᓂᒃᓴᓕᐅᖅᐸᒡᓗᒋᑦ ᖃᓄᐃᓕᐅᕐᓂᐊᖅᑐᑦ, ᖃᐅᔨᓴᖅᐸᒡᓗᒋᑦ ᐱᓕᕆᔾᔪᑎᑦ ᓱᓇᒃᑯᑖᖏᓪᓗ, ᐊᒻᒪ ᐋᖅᑭᒃᓯᒪᑎᑦᑎᐊᕐᓗᒋᑦ ᐃᖅᑲᓇᐃᔭᖅᑎᑦ ᐱᓕᕆᐊᕆᕙᒃᑕᖏᑦ.
• ᐊᔪᕆᖅᓲᔾᔨᕙᒡᓗᓂ ᖃᕆᑕᐅᔭᓕᕆᓂᕐᒥᓪᓗ ᐊᔪᕆᖅᓲᔾᔨᕙᒡᓗᓂ ᐃᓕᓐᓂᐊᖅᑎᑕᐅᔪᓂᑦ ᓇᓗᓇᐃᖅᓯᕙᒡᓗᓂᓗ ᐱᕕᒃᓴᖃᖅᑎᑕᐅᑦᑎᐊᕐᓂᖏᓐᓂᒃ ᐱᕙᓪᓕᐊᖁᓪᓗᒋᑦ ᐊᔪᕈᓐᓃᖅᓴᕐᓗᓂᓗ ᐊᔪᕈᓐᓃᖅᓴᖅᑕᖏᓐᓂᒃ.
• ᐊᑦᑕᕐᓇᖅᑕᐃᓕᒪᔾᔪᑎᑦ ᑐᐊᕕᕐᓇᖅᑐᓄᓪᓗ ᐱᖁᑎᑦ ᓄᑖᙳᕆᐊᖅᑎᓯᒪᑦᑎᐊᖅᐸᒡᓗᒋᑦ, ᑲᒪᒋᑦᑎᐊᖅᐸᒡᓗᒋᑦ, ᐊᓯᔾᔨᖅᐸᒡᓗᒋᓪᓗ ᐃᓱᓕᕝᕕᒃᓴᖏᑦ ᐊᑐᖅᑕᐅᔭᕆᐊᓖᓪᓗ ᒪᓕᒡᓗᒋᑦ.
• ᐋᖅᑭᒃᓯᒪᑎᑦᑎᐊᕐᓗᖏᑦ ᐃᖅᑲᓇᐃᔭᖅᑎᑦ ᐱᓕᕆᐊᒃᓴᖏᑦ ᐅᑯᐊᓗ ᐃᒡᓗᕐᔪᐊᑉ ᐃᓗᐊᓃᑦᑐᑦ ᓴᓇᔭᐅᕙᒃᑐᑦ, ᒥᙳᐊᖅᑕᐅᔪᑦ, ᓱᓇᑐᐃᓐᓇᖏᓐᓂᒃ ᐊᐅᓚᑦᑎᓂᖅ, ᐊᒻᒪ ᐃᖅᑲᓇᐃᔭᕐᕕᖓᓂ ᐊᑦᑕᕐᓇᖅᑕᐃᓕᒪᑎᑦᑎᓗᓂ ᓴᓗᒪᑎᑦᑎᑦᑎᐊᕐᓗᓂᓗ.

ᐅᑯᐊ ᐊᔪᙱᑦᑕᕆᐊᓕᖏᑦ:
• ᐃᓕᓐᓂᐊᕐᕕᐊᓗᖕᒥ ᐱᔭᕇᕈᓯᐊᖅᓯᒪᓗᓂ
• ᐱᓕᕆᖃᑦᑕᖅᓯᒪᓗᓂ ᐊᐅᓚᐅᑎᖃᖅᑎᑦᑎᓂᕐᒥᒃ ᐆᒻᒪᖅᑯᑎᖃᖅᑎᑦᑎᓂᕐᒥᓪᓗ.
• ᓈᒻᒪᑦᑐᒥ ᐊᖁᑦᑐᖅᓯᐅᑎᖃᕐᓗᓂ ᐊᒻᒪ ᓈᒻᒪᒋᔭᐅᔪᓂᑦ ᐊᖁᑎᓄᑦ ᐃᓱᒪᒋᔭᐅᔪᓂᑦ.

ᐃᑲᔫᑎᖃᕋᔭᖅᑐᑦ:
• ᐊᐅᓚᐅᓯᕆᔨᐅᓗᓂ (ᑎᓴᒪᖓᓂ ᓇᓗᓇᐃᒃᑯᑕᓕᖕᒥᒃ) ᐃᑲᔪᕐᓂᖃᕋᔭᖅᐳᖅ.
• ᖃᐅᔨᒪᓗᓂ ᓄᓇᕗᒻᒥ, ᓄᓇᖓᓂᒃ, ᐅᖃᐅᓯᖏᓐᓂᒃ ᐊᒻᒪ ᐱᖅᑯᓯᖏᓐᓂᒃ.
• ᐃᓄᒃᑐ/ᐃᓄᐃᓐᓇᖅᑐᓐ ᐅᖃᕈᓐᓇᕐᓗᓂ ᐊᒻᒪ/ᐅᕝᕙᓘᓐᓃᑦ ᐅᐃᕖᑎᑐᑦ.

ᐊᑭᓕᖅᓱᐃᑦᑎᐊᖃᑦᑕᖅᐳᒍᑦ $81,369−ᒥᑦ $92,996−ᒧᑦ, ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᑎᑦᑎᕙᒃᖢᑕ $15,016−ᓂᒃ ᐊᕐᕌᒍᒧᑦ, ᐃᖅᑲᓇᐃᔭᕐᓇᐅᙱᑦᑐᒃᑯᑦ ᐃᑲᕐᕋᓕᐅᕈᓐᓇᖅᑎᑕᐅᓪᓗᓂ, ᓈᒻᒪᔪᒥᑦ ᐃᑲᔫᓯᐊᖅᑖᖅᑎᑦᑎᕙᒃᑐᑦ ᐅᑯᓂᖓᓗ ᓇᓗᓇᐃᖅᓯᒪᔪᒥᑦ ᐃᑲᔫᓯᐊᒃᓴᓂᒃ ᐊᒻᒪᓗ ᐃᖅᑲᓇᐃᔭᖅᑎᓄᑦ ᐃᓪᓗᔅᓴᒥᑦ ᐊᑐᐃᓐᓇᖅᑕᖃᖅᑐᓂ. ᑖᓐᓇ ᐃᖅᑲᓇᐃᔮᒃᓴᖅ ᐃᓚᓕᐅᔾᔭᐅᓯᒪᕗᖅ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓄᑦ. ᑖᓐᓇ ᐃᖅᑲᓇᐃᔮᔅᓴᖅ ᐃᓚᒋᔭᐅᔪᖅ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᑦ

ᐃᕐᙲᓐᓈᖅᑕᐅᒃᑯᑦ ᐱᓇᔪᒍᓐᓇᖅᑐᑦ ᐅᕗᖓ careers@qec.nu.ca ᑎᑎᖅᑲᒃᑯᕕᒃᑯᓪᓘᓐᓃᑦ ᐅᕗᖓ: Human Resources, Qulliq Energy Corporation, P.O. Box 420, Baker Lake, NU X0C 0A0

ᑎᑎᖅᑲᑦᑯᑦ ᐱᓇᓱᐊᕐᓗᑎ, ᑎᓯᐱᕆ 4, 2020 ᑐᖔᓂ.

ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ.

ᖁᔭᓕᕗᒍᑦ ᐃᖅᑲᓇᐃᔮᖅᑖᕋᓱᒃᑐᓕᒫᓂᒃ; ᑭᓯᐊᓂ, ᓂᕈᐊᖅᑕᐅᔪᑐᐊᑦ ᐃᓱᒪᒃᓴᖅᓯᐅᕈᑕᐅᒃᑲᓐᓂᕐᓂᐊᖅᑐᓄᑦ ᑐᓴᖅᑎᑕᐅᓂᐊᖅᐳᑦ.