Qulliq Alruyaqtuqtunik Ikumadjutiit (QEC) ilitugipkaiyumayut Nunavunmiunun atuquyut qayagiyukharnik haniani pauwangit napaqutainik pauwaktuutitlu alruyangit aulaplutik ingniqutiqaqtunik akhaluutinik (ilauyut Haatat sikiitullu). Maliklugit hapkuat qanuriliurutikhat pingittaami upinngaqtaunikkut pauwailiqidjutinik, aanniqtauqpiarnirnik, tuqudjutinikluunniit:
Qulliq Alruyaqtuqtunik Ikumadjutiit (QEC) itqaumaquyut Nunavunmiunun upalungaikhimayukhat upalungaiyagiikhimangitumik pauwaikvikharnik taima amigakhuutikharnik hanaikhimayukhat ingilrutikharnik taima 72nik ikaaknik piqaqtukhauyut. Tamna amigaqhuutiqaqtukharnik ingilrutikhaq piqaqtukhat naunaitunik ingilrutikharnik taima imarnik, paniupayunik niqinik, naniguutmik, baatuliinik, aanniqtuqaqqan matutikharnik, uqumayunik aanuraarnik, havautikharniklu.
Qulliq Alruyaqtuqtunik Ikumadjutiit (QEC) uqautiyumayait Nunavummiut qayagitquplugit haniaguuktaililutik pauewaqarvingnit ahiruqhimayunit nivingayunitluuniit alruyanit. Akturupkit pauwaqarviit akhiruqhimayut alruyat qayangnaqpiaktut aanniutauqpiaqhunguyullu tuqunnaqhutikluuniit.
Unirvikhatit pauwatuutikkut pidjutiqaqtunik amigaqhutiqaqqat, hivayarlugit QECtkut 24-ikarnirni nampanut talvunga
1-867-222-3807.
QEC quyagiyumayait Nunavummiut ikayuinnaqpangmata nutaqqat hanianungauttailiplugit pauwaqarvingnut alruyanullu.
###
Qulliq Alruyaqtuqtunik Ikumatjutiit uuktuutinut piliqtut tapkuat ukiuq naatkaangat Ulluriaq Gauthier Ilihaqyuummiriaqtuutikhanut.
Nunavunmiut ilihaqtut atiliuqtauyariiqtut iniqtiramik-ilihaqyuummiriaqturvingmut ilaunialiqtunut Apitilirvik 2019 iliharnirmi uuktuqtaaqtut. Aittuqtaulluarniaqtuq uuktuqtuq itjutiqarniaqtuq ilihautait naunainmata akhuurutigiyait hulilukaaqatauqpiaqpangmallu nunallaamini ikayuqhuni hulilukaarutikkut.
Uuktuutit talvunga $5000 ilihaqyuummiriaqtuutikhamut piyauniaqtut kikliqaqlutik Imaruqtiqvia 30, 2019.
Nan’ngariyauyuq Jeannie Ehaloak, Minista Munariyalik Qulliq Alruyaqtuqtunik Ikumadjutiit (QEC), angiqtait QEC-kut nappaqtiriliquplugit nutaamik atan'nguyaqarvikhanik Qamanittuami. Kuapulisiitkut havagvianni hulipkaidjutingit ikayuqhiqtauvaktut atan'nguyaqarviani Qamanittuami uumanillu Kuapulisiitkut havagvianni Iqalungnillu.
Qulliq Alrujaqtuqtunik Ikumadjutiit (QEC) ilitturipkaqtittujamain atuqpaktut pipqaqtuq mikijumik ihuidjutimik pauwatuutikkut akilitakhani uvani akiliqtuqvingmi March 1min 31mun, 2019.
Havakviujunun ukualluunniit inuit igluinnun akitutilaangit titiraqhimajun akiliqtakhami pidjutiujun tikittukhami akitutilaanginni aallanguqtiqtaujukhani uvani April 1mi, 2019. Piqpiaqhimajuq tamatkiutini auladjutini akiliqtakhami uvani ataani tatqiqhiutimi akiliqtakhami naunaijaqtauhimajuq atuqhugu ihuaqtun akitutilaangit.
Nunavummiut quviahuuqatigilugit Nunaryuap Ubluani taimatut Aulatjutikhatigut Ihumagilugit Hivulliunmi, Qitiqqautiyuq 22. Hunat tamaat qanuriliurutigiyatit auladjutinut ikayuutauqpiakhunguyut!
Pingahut ayurnaittut auladjutinut ikayuutauhunguyut:
· Ingnikhivyarlugu uunnaqutit
· Ukkuarlugit igalaatit
· Suviatarlutit
IQALUIT, Nunavut (Qitiaqqautiyuq 16, 2019) – Qulliq Alruyaqtuqtunik Ikumadjutiit (QEC) unniutiyumayait akiliqtuiyut tuklianik atuqtakhat akikhanut aktilanganut angigliyuummiutat angiqtauhimayuq Ministamit munariyalik QEC-kunik atuqtaulirniaqtuq Qitiaqqautiyuq 1, 2019.
Qulliq Alruyaqtuqtunik Ikumadjutiit (QEC kut naunaittuq) ilitturipkaiyumayut inungnut Iqalungni pauwaikaffungniaqtitauniaqtut ilanginni nunangani Unaguiqhirvik, Qiqaiyalirvia 24, 7 munggaqqat ublaami 10mun ublaami. Akuktauniaqtun tapkuat nayugaini, Federal Roadmi haniani tingmitiqarvingmi, naunaiyagiikhimayuq qugiiqtarmik nunauyarmi ataani.
Una qaminganinga aulayukhaq nuutigianganik ilanganik alruyangit aulavikharnun allanun.
QEC-kut quyagiyumayait nunallaamiutat kangiqhirmata mamianalu ihuiqutigiyaungnaqharmallu talvuuna mikhaatigut.
###