Tikinnahuaqtangit
Tunigiami nakuujumik uquuqut nunallaaptingnut tunipluni nakuujumik munarijumiklu pauwaqtuutimut Kanatap Ukiuqtaqtumi.
Tautuktuuyaqtangit
Auladjutikhangit Nunavunmi, pauwaqarviit allanik alrujaqtuutikharnik nunalaanilu hanaqidjutikharnik.
IKPIRIJAIT
1. QAJANGNAITTUMIK
Pauwatuutivut nunallaat, kihimi aanniqtailinikkut atanniqtuidjutit tamainnun havaktaptingnik.
QEC-kut, qajangnaitkutikhat qiuquttuinnaungittuq qiuqunmik naunaijaijaami — ihumaa. Pihimagupta tamajanik, havakluta akhut qanuriniitigut, uvaluuniin ikajuqhugit nunallaavut, qiniqtavut atautit. Tamaita ihumaliurutit hivuliqhuqtaujut imaa munarittiarlugu inuit, akiliqtuijut, avatiillu kivgaqtuqtavut.
2. TAUTUNGNAQHIJUQ
Naunaittuq, angmaumajuq, iquhimaittumiklu.
Ukpiruhuktugut ukpiruhungniq havaktauhimajuq angmaumanikkut. Tuhaqtitiluta akiliqtuijunun qanuq uqautigilugit kangiqhidjutit havaqatiptingnun havaktinunlu, akhuuqtugut naunaitumik, qilamik, iquhimaitumiklu. Iiqhimaitumik katimadjutikhangit - havakhimaarniaqtun inungnun tamainun ilitugidjutikharnik ilaujukharniklu.
3. PITTIARNIQ
Pihimajuq pitquhiptingnut. Ihumagijaujuq hulidjutaani.
Pittiarniq qitqani qanuq atadjutigijaqqut—havaqatigiiktunun, havaqatiptingnun, nunallaanunlu kivgaqtuqtavut. Nan'ngarijavut aallatqiiktut ihumagijait, naalaklugit pinahuaqtavut, imaalu inuit tamaita ihumagijainnik. Pidjutilik amigaitqijaujunik tainiinnik—qanuqtut tautuktidjutiptingnik, ubluq tamaat.
4. HAVAQATIGIIKTUT / HAVAQATIGIINGNIKKUT
Hakugitqijaujuq atauttikkut, taimailiinnaqhuni.
Nakuujumik iniktiqtavut havaqatigiingnikkut. QEC-kut, ilihimajugut katipkaipluta aallatqiiktut ihumaliurutikhat ajuittakhainniklu hivulliqtuivaktut nutaanik ihuaqhaidjutikhanik. Havakpakkupta tamainni havaqatigiiktuni nunallaaniluunniit, ikajuqatigiikluta pinikkut turaangajaptingnik. Kinguagut, nakuuniqhat qanurilinigit havalirupta atauhiugapta.
5. KIUVIQHAQAQTUT
Nanminirijaa. Tunilugu. Ihuaqhijuumirlugu.
Munarijavut havaavut, ihumaliurutivut, aktuutaujullu. QEC-kunni, kiunautit naunaijautaa malikhugit akhuurutivut uvalu aulahimaaqtumik qiniqhiablutik qanuq ihuaqhijuumigiangani. Iqhingitugut aturlugit ajuqhautit niaquanun uvalu ililutik hakugitqiamik hivuniptingni.
6. ATUGUMINAQTUQ
Pihimajuq aulajuijutinik. Pijumakpata inungnik.
Nunallaavut kihitauhimajut uvaptingnut, imaalu akhuuqhuta. Ihuarninnga pihimangittuq qullingit —taima ukpirijauliqtuq havaqatinga tunijuq, ubluq tamaatlu. Qanurinmangaat, QEC-kut akhuuqtut tunihilutik ihuaqtumik, ihuaqtunik kivgaqtuidjutikhanik inuit kihitauniaqqat.