Qulliq Alrujaqtuqtunik Ikumadjutiit Katimajiit tikuaqtauhimajut Ministamin munaqhijumin QECtkunik. Talvuuna Qulliq Alrujaqtuqtunik Ikumadjutiit Maligaq, Katimajiujut Katimajiit piqaqtukhat taima siksinik katimajiinik, avatquhimaitumiklu qullinik katimajiinik. Hivitunikhait katimajinut ilaujut himmautigiiktaqhutik malrungni pingahuniluuniit ukiuni tikkuaqtauhimalutik, ikajuutauvaktut Kuapulisiitkut aulapkaidjutikhainik nanminiqarnirmik, angiglivalliadjutikhainik ajuiqhimajamingnik qaujimajakhainiklu.
Tadja naingujut ilaujut kivgaqtuijut QECtkut Katimajiini.
Jeannie Ehaloak - Ikhivautalik
Jeannie Ehaloak Maligaliuqtiuvakhimajurlu Mijauplunilu Iqaluktuutiami hivutunirmik atangujauvakhimajurlu atugakharnik, kavamaliqidjutikharnik nunalaani titiqiqidjutiliqinikkutlu. Maligaliuqvingmi, kivgaqtuqtuq qaffiujuni ministat munagidjutaini, ilaujut Minista munaqhijuq hapkuninga Qulliq Alrujaqtuqtunik Ikumadjutiit, pihimabluni aalangajumik kangiqhimanirmik QECtkut auladjutainun uvalu ataniudjutainun. Havaagivakhimajaingit naunairutiqaqhimajuq talvuuna ihuaqtumik nunalaani katimadjutikharnik kavamaliqijuniklu hivuliqtikharnik avatingni Nunavunmi. Ms. Ehaloak nunaqaqtuq Iqaluktuutiami.
Martha Lenio- Tuglia IIkhivautaliup
Dr. Martha Lenio tunihijuq aghut tautuktuumijaarutinik nunaqjuami nutaanguqtaaqtut auladjutit ihuaqhaidjutighanik uvalu Ukiuqtaqtumun-kitunun auladjutinun hapkununga QECtkut Katimajiinun. Tadja havaaqaqtuq Aularaanginnaqtun Auladjutikhanik Ajuittiaqhimajuq uvani World Wildlife Fund Canada-mi, pihimajuq avatquhimajunik qulini ukiuni nunarjuami havakpakhimanikkut hiqinikkut aturutikhanik. Dr. Lenio piqaqtuq Doctor of Philosophy in Photovoltaic Engineering talvanga University of New South Wales, unalu Bachelor of Applied Science talvanga University of Waterloo. Dr. Lenio nunaqaqtuq Iqalungni.
Alex Cook
Alex Cook nanminiqaqtiujuq halumajumiklu auladjutikhanik akhuuqhaiji havaaqaqpakhimapluni kuapuraisingit atan'ngujaunirmik ukiuqtaqtumilu aulapkaidjutikhanik pivalliadjutikhanik. Havalihaaliqhuni QEC-kunni aujami ilihaqtuupluni hivutunirmiklu angajukhiupluni atan'ngujaupluni, tadja Angijuqaangujuq ArchTech-mi, Nunaqaqqaarhimajunut-nanminirijaujuq titiraujarniq-nappaktirinirmun havagviujuq, Auladjutikhanut Akimadjutigivlugu Qamanittuami. Mr. Cook piqaqtuq Bachelor of Business Administration Hivuliqtiunikkut talvanga St. Francis Xavier University-min ilauvaktuqlu kaffiujuni Kanadami Nunaqaqqaaqhimajuni halumajunik auladjutikhanik uqaudjinikkut katimajiinni. Mr. Cook nunaqaqtuq Qamanittuami.
Nayab Khan
Nayab Khan ajuittiagiikhimajuq maniliqidjutikharnik hivuliqtiuvakhuni kivraqtuivakhimajurlu naunaitunik nunalaani havakviani maniliqijunik atangujaliqijuniklu havaanganik avatingni Nunavunmi. Havakpakhimajaingit ilaujut Angijuqaangujuq Maniliqidjutikharnik Havaktiupluni talvani Nunavunmi Inirnirit Ilihaapaalirviit Avikturvingniitun Maniliqijiluaq talvani Nunavunmi Igluliqijiirjuatkutni. Ilitagidjutiqaqtuq Munagidjutikharnik Maniliqiji ajuittiagiikhimajuq talvuuna ihuinaarnikkut maniliqinikkut, Ms. Khan piqaqtuq Bachelor of Sciencemik Kihititiliqinikkut Maniliurutikharnik talvanga Iliharvikjuangani Peshawar umingalu Master of Public Administration talvanga Flinders Universitymin. Ms. Khan nunaqaqtuq Iqalungni.
Robin Anawak
Robin Anawak tunihijuq avatqumajumik 20nik ukiunik inungnun maliguagahanun, maliganun qaujihaibluni, uvalu kavamaliqinikkut hivuliqhuqhuni hapkununga QECtkut Katimajiinun. Tadja havaaqaqtuq Angajukhiq Pinahuarutinun Ajuittiaqhimajuq hapkunani Inulirijitkuni, hivuliqhuqhuni hanaqidjutinun maliruagahanun maliganunlu pinahuarutinun. Havakhimaanginaqtuq akhurhaidjutikharnik Inuit ilaujukharnik kavamaliqinikkut, Mr. Anawak iniqtiqhimajuq talvanga Iliharvikjuanganin Ottawami Maligaliqinikkut ilihairutingnin, Carleton Iliharvikjuanganin Maligaliqinikkut Nalunaqtunik ilihairutingnik, uvanilu Nunavut Sivuniksavut ilihairutikharnik. Mr. Anawak nunaqaqtuq Iqalungni.
Paul Kaludjak
Paul Kaludjak havakpiakpaktuq avatqumajunik 40-ni ukiuni kavamatkunni havaktiupluni imaalu atan'ngujat hivulliqtiupluni tamainni hamlatkuni, avikturniinni, imaalu Inuit kavamaliqinikkut timiqutaujunik Nunavunmi. Havakpakhimajaingit hivuliqtiuvakhuni Angijuqaangupluni Nunavut Tunngavikkutni, Angijuqaangupluni talvani Kivalliq Inuit Katidjutiqatigiingitni, Mijaqaqhunilu Kangiqlinirmi. Uqariktuq Inuktitut, ajuittiaqhimajaminik qanuriliurutikhanik upalungaijautikhanik, nappaqtirutikhanik, ilaupkainirmiklu Inuit Qaujimajatuqangit inungnut titiqiqidjutikhanut. Mr. Kaludjak nunaqaqtuq Iqalungni.
Travis Kalluak
Travis Kalluak auladjutinut hivuliqtiujuq Nunavunmi Igluliqijiirjuatkunni, hivumuuqpalliapluni talvuuna ajurnaqtunut atan'ngujaunirmullu havaangit talvanga Igluliqijitkut Ihuaqhaiji Havaakhamut Ajuittiaqhimajuq talvunga atanngujanut hivuliqtiuniq. Tadja havaarijaa Aulapkaiji, Pinahuarutit – Ajuiqhaqtuq, munariblugit aviktuqhimajut iglutigut tunihijut, hanaqidjutit iligiit, pinahuarutillu maliruagahat pivalliadjutit. Uqariktuq Inuktitut, Mr. Kalluak akhuuqpaktuq ilaupkaijumapluni Inuit Qaujimajatuqangit inungnut pinahuarutikhainut ihuaqtumik ikajuutikhainnik ihariagijainnut Nunavummiut. Mr. Kalluak nunaqaqtuq Arviani.