HAVAAKHAP PINAHUAQTAIT:
Pinahuarutaa haffuma Havaap pijaangani nakuutqiamik kangiqhimaniq nunavunmi ukiuqaqtunun piqutit tamaini Nunavunmi nunallaani, imaalu tamaita pitqujaujut atutqiktaaqtut auladjutit pauwaliurutit nunallaat aktilaangitigut. Taimaali, QECtkut qilamik ihumaliuqtit qilamik auladjutikkut ilaliutinikkut pinahuarutit ihumagijaukpata ajungnaqtutigut ihuaqtumik pihimajut atuqtaujunun igluqpinikkut humi tukhiqtaukpata nanminiqaqtumin uvalu havagvikjuanin akiliqtuijunun haffumuuna CIPPkut, igluqaqtunun akiliqtuijunun haffumuuna pauwatuutikhanik naunaitkutikhangit uvaluuniin haffumuuna IPP; una pidjutiqarniaqtuq havaaqhangit angirutikharnik pijaangatlu atuqtauffaagiaqaqtunik Nunavunmi.
IKAJUUTIT:
Taimaali tamaita 25 Nunavunmi nunallaat pauwaqarviqaqtut uqhuqjuatigut-pauwaqautikkut ingniqutit, una havaaghaq ihuaqtuq hivuliq atugahaq uqautigijaangani aviktuqhimajumi auladjutikkut nuutirniq halumajumik auladjutinik uvalu atuliqtilugu Kanatap hivungani pauwatuutikhanik auladjutit naunaijautait.
Piqarniaqtuq ihuaqhijuumikhimajumik avatiinun uvalu maniliungnikkut ikajuutinik hapkununga QECtkunun akiliqtuijunun tapkua angiqtauhimajut ilaujaangini atutqiktaaqtut auladjutit havaaghat auladjutinun.
Qanuriniit hapkua ihivriurutit havaktauniaqtut inungnun piinarialgit nunallaanun. Ikajuutauniaqtuq kangiqhipkaqlugit nunallaat-hivuliqhuqtut havaakhat idjuhikhait, kitut auladjutit ihuaqhijuumiqlugit havaaghat pivalliadjutit, angigutit uvalu atulingnikkut.
Qaujimajait hivuani qaujipkainiaqut IPP-nik pitquhiujunik, taja pivalianigani, ikajuutauniaquqlu pivalianiganik ukiuqtaqtumi maliruagakhani pijutiqaqtunik Nunavumi nunagijaujumi alrujaqtuutikhanik.
Aularaanginnaqtut Aulatjutikhat Havaakhat
Kitikmeot - Iqaluktuutiaq / Uqhuqtuuq / Taloyoak / Kugaaruk / Kugluktuk
Kivalliq - Kangiqhiniq / Salliq / Igluligaqyuk / Tikigaqyuaq / Naujaat
Qikiqtani - Pangnirtung / Kinngait / Qauhuittuq / Mittimatalik / Igloolik / Sanirayaak / Qikiqtarjuaq
Kimmirut / Ikpiarjuq / Kangiqhugaapik / Ausuittuq / Sanikiluaq