Talvani Qulliq Alruyaqtuqtunik Ikumadjutiit, havakhimaarniaqtugut napaqtigiyaangat hakugiktumik, atuqtauhimaaqtukharnik nunalaangit talvuuna ayungnautiqaqtunik havaaqharnik iliqatigiiktukharniklu. Aghuurutivut pihimayut avatiinun auladjutit — maniliqtuqtavut inuuhiqattiarnirmun, iliharnirmun, hakugikhiyuumirutighallu Nunavunmiunun aalakiitigut nunallaanun-pihimayut pinahuarutit.
Ikajuuti LED Pinahuaruti
Una Ikajuuti Pinahuaruti — attiqtauhimajuq kinguagun Inuktitut tainia tukilik "ikajuriami ihariahuktilluni" — tunivaktuq akiittunik auladjutinik-atuqpallaangittunik LED-nik qullinik Inirnighanun ukiuqaqtunun 55nik avatquhimajununlu. Pinahuaruti ilagijaa QEC-kut havagumajainnun akhuurhainikkut auladjutikkut titirarnikkut ikajuqhugillu igluqatigiiktun atuqpallaanginnikkut auladjutinik huli ikajuqhugin Nunavutip Inutquaqpalianikkut Ihumagittiarnikkut Parnaqutimi. LEDnik tuniqhaiyaangat hulilukaaktunik aulavakhimayut nunalaani avatingni nunaptingni, atugianganik avatingnun tuhaqtitiyaangat akunganirmi QECkutni Iningnikharnunlu..
Ilihaqtut Manikhakhainik Ikayuutikhat
QECkut quviahuktun ikayukhimaanginaqtun kinguliuniaqtun hivuliqtikharnik Nunavunmi talvuuna malrungnik ukiuk tamaat ilihairutikharnik ikayuutikharnik:
• Una Laura Ulluriaq Gauthier Ilihaqtumut Maningnik Ikayuutikhaq ilitaqhidjutauyuq iliharnikkut iniqtirutainun uvalu nunallaat ilaudjutainun hapkunani iliharyuummivingni iliharniq ilihaqtunun.
• Una Noah Paniyuk Itqaumanikkut Ilihaqtumut Maningnik Ikayuutikhaq nan'ngariyauyuq nakuunikkut havaatigut uvalu itqaumadjutigiblugu nakuuniqhaq QECkuni havakti.
Ukuat ilihairutikharnik ikayuutikhangit aulaniaqtun akhurhaidjutikharnik Inuinarnik Nunavunmiununlu ilihaqtunik taima aulahimaaqtilunik ilihairutikharnik havaagumayainiklu hivunikhangit aituihimaaqtunik nunaptingnik hivunikharnik.
Nunallaami Hulidjutitit
QEC kut quviahuktumik ilauvaktut aadlatkiingni nunallaani hulidjutijuni tamaani Nunavunmi, ilauvakhutiklu:
• Nunallaani Halumaqtirijuni
• Ajuittiarutini Kanatami Nunavut Avikturviujumi Akittaqutainni
• Iqalungni Mukpaqhutik
• Astro Theatre Qun’ngiariaqtuqhutik Unnuami
• Ilihaqtut Pulaaqtaqtut
• Nunallaani Havaakhanun Katimadjutit
Piqaguvit nunalaami piumajaujumik hulidjutiqhamikluunnik QEC kutlu ilauquplugit ikajuqlutikluunniit, titiraqvigilugit qaritaujakkut uvuuna communications@qec.nu.ca