Qulliq Alrujaqtutinik Ikumadjutiit uqaqtait malruuk nutaat katimajikhat tikkuaqtaujut

IQALUIT, Nunavut (June 24, 2022) – Minista munariyalik Qulliq Alrujaqtuqtunik Ikumadjutiinni (QEC), una Maligaliuqti Craig Simailak, tikkuarhimaliqtuq malruungnik nutaanik katimajiujukhanik uvani Katimajiinni Aulapkaijini. Keith Cruz unalu Maya Jelali tikkuaqtauhimauk ukununga pingahunik-ukiuqaqtunik havagutikhaminun atuliqtumi May 9, 2022mi. Nastania Mullin uumalu Roxanne Ruediger pingahuni-ukiuqaqtunik havagutait nunguttun Aktuupa 2021mi unalu Okalik Eegeesiak taimaaqtiqtuq katimajiinnin Tissaipa 2021mi.

“Qujagijumajatka taimaaliqtun katimajiugaluat pidjutainnik, tuniudjutainnik, nakuujuniklu ihumagidjtaunnik havaktillutik kuapuriisitkut katimaviani,” uqaqtuq Maligaliuqti Craig Simailak, Minista munarijalik QEC-kunnun. “Nutaat katimajikhat ilaulihainnaliqtun, munariplutik, hivulliurhutiklu kuapuriisimimi tuniutininganik havagutaanik.”

Katimajiit tadja pilik nainik (9) katimajinik piqaqtunik aallatkiinik naunaitkutinik, ilaujullu maniliqinikkut atanngujaunikkullu ajuiqhimanirnik. Ukuak nutaak tikkuaqtauniiit angiklijuummiqtirniaqtaa katimaviup aallakkiigutiqarninganianik.

“Ukuat nutaat katimajiit pitqujauhimajun piqarmata ajuiqpiarhimanikkut maligakkut havaktuliqijikkut havakpakhimanirmingnik,” uqaqtuq Rick Hunt, QEC-kut Atanngujaa, Angajuqqaangalu (CEO). “Niriuktunga hivunikhani tuniudjutikhainnun ikajurnikkut hivulliurnikkut ikajurnikkullu kuapuriisimik taapkunani ajuiqpiarhimajamingni.”

###

Tuhaqtipkainikkut Uqarvigijakhat:
Renee Boucher
Atanngujaullaktuq, Kuapuriisitkunni Tuhaqtipkaijini
Qulliq Alrujaqtuqtunik Ikumadjutiit
(867) 979-7524
rboucher@qec.nu.ca