QEC kut uuktuqtut pinggahuangnguliqtuq Ihuaqutikhaanut Urhuqyuat Akiitnik utirutikhainnik

IQALUNGNI, Nunavut (Tattiarnaqhilirvia 21, 2016) - Qulliq Auladjutikhanut Kuapuraissinggat (QEC mik taivagaat) uuktuqtut Ministamut havaaqaqtumut QEC kunnut pinggahuangnguliqtuq Ihuaqutikhaanut Urhuqyuat Akiitnik (FSR mik taivagaat) utirutikhaanik 5.26 siansnik atauhirmun kilowatt mik atauhirmi ikaangnirmi.

"Una pinggahuangnguktuq pidjutihimmaagutauyuq urhuqyuat akiitnut utirutikhainnik QEC kut piumayut talvanga Hikutirvia 2015 mit, nigiuktun'ngalu uqaqvigiumaplugit Igluit Auladjutikhainnut Akittuutilanggitnik Ihivriuqpagait Katimayiitkut taffuma mikhaatigut QEC kut uuktuutaannik", uqaqtuq Nan'ngariyauyuq Johnny Mike, Minista havaaqaqtuq QEC kunnut.

Uuktuktauyuq utirutikhaq pidjutiniaqtuq talvanga Tattiarnaqhilirvia 1, 2016 min Qiqaiyalirvia 31, 2017 mut. Utirutikhamik uuktuutaa anggiktaukpat, tamaita akiliqtuivaktut piniaqtut utirutikhamik taapkualuanggittut igluqaqtuq igluliqiiyinit akiliqtuidjutauvangmatta User Pay Piutaannit.

Puiruqtailiyavut akiliqtuivaktut anggiktaukpat, utirutikhaq piyauhungnguyuq talvunggainnaqmut iliuraqtauniaqhutik pauwaktuutit akiliqtuivikhainnini. Akiliqtuivaktut piakhaittut iliurararhaittuq uuktuutikhamik utirutikhaqaliriamingnik", uqaqtuq QEC kut Anggiyuqqaangnga CEO ngiuplunilu, Bruno Pereira.

Uuktuutikhaq pinggahuangnguktuq utirutikhamik pidjutihimaliqtukhaugaluaq pidjutingmattauq QEC kut akikitpalliangniatigut urhuqyuat akikhaita pidjutingmattattauq maniliuramik kuapuraisinga FSR Utirutaanni. Maniliurnia aadjikkiingngungiqanggittuq urhuqyuap akikhainnut pidjutihimayut talvani alruyaqtuiviliqinikkut akiliuhiakhaitni talvalu akigilluagiyauyut akikhat urhuqyuanut akiliqpagainnik QEC kunnit.