QEC-kut uuktuqtut nuttamik Ihuaqutikhaanut Urhuqyuat Akiitnik utirutikhainnik

 

Qulliq Auladjutikhanut Kuapuraissinggat (QEC) uuktuqtut Ministamut havaaqaqtumut QEC-kunnun nuttamik Urhuqyuat Akiitnik (FSR mik taivagaat) utirutikhaanik 8.23 siansnik atauhirmun kilowatt mik atauhirmi ikaangnirmi. Tamna tukhiqtauhimayut utiqtitiniq manikhat aulaniaqtumik talvuuna Qitiqauyaqvia 1, 2017 hamunga Apitilirvik 30, 2017.

“Una hittamauyuq pidjutihimmaagutauyuq urhuqyuat akiitnut utirutikhainnik QEC kut piumayut talvangaTarium Hikutirvia 2015. Nigiuktun'ngalu uqaqvigiumaplugit Igluit Auladjutikhainnut Akittuutilanggitnik Ihivriuqpagait Katimayiitkut taffuma mikhaatigut QEC kut uuktuutaannik", uqaqtuq Nan'ngariyauyuq Johnny Mike, Minista havaaqaqtuq QEC-kunnut.

QEC’s aulayuituq FSR utiqtiffaarutikkut haffuminga 5.26 siansnik atauhirmun kWh aularniaqtuq talvuuna Qiqaiyarviani 31, 2017. Tamaita akiliqtuivaktut piniaqtut utirutikhamik taapkualuanggittut igluqaqtuq igluliqiiyinit akiliqtuidjutauvangmatta User Pay Piutaannit.

“Puiruqtailiyavut akiliqtuivaktut anggiktaukpat, utirutikhaq piyauhungnguyuq talvunggainnaqmut iliuraqtauniaqhutik pauwaktuutit akiliqtuivikhainnini. Akiliqtuivaktut piakhaittut iliurararhaittuq uuktuutikhamik utirutikhaqaliriamingnik", uqaqtuq QEC kut Anggiyuqqaangnga CEO ngiuplunilu, Bruno Pereira.

Nutaaq tamna FSR uuktut pihimayuq uminga aulaniaqtuqlu ikikliyumirutiqarniaqtun QEC-kut urhuqyuangit akikni naunairutiqalikhuni maniniktun kuapuraisingit FSR-mi Maniktaqviangani. Maniliurnia aadjikkiingngungiqanggittuq urhuqyuap akikhainnut pidjutihimayut talvani alruyaqtuiviliqinikkut akiliuhiakhaitni talvalu akigilluagiyauyut akikhat urhuqyuanut akiliqpagainnik QEC kunnit.