QEC-kut Utaqqijunik Pauwakkut Akikhait Uuktuutikhaq
Qulliq Alrujaqtuqtunik Ikumadjutiit (QEC) tunihihimajut uuktuutikhamik tukhiunmik angirutikhamik piliuriami nutaamik utaqqijumik pauwakkut akikhait. Uuktuut Tunihimajuq Ministamun munarijumun QECkunnik, una uuktuuti ihivriuqtauniaqtuq uqautiqarluni nunaptingnin Auladjutikhanun Akitutilaanginnun Ihivriuqtiit Katimajiit (URRC).
Tamna tukhiqtauhimajuq akikhanga imaa ituq nanminiqaqtuq akiliqtuijunun kina piumajuq piliuqlugu inmi alrujaqtuutinik kihimi QEC-kut utaqqijukhat utiqtiffaarutikhanik pauwaliurutikhanik inmi-aulanikkut auladjutit aulangitpata. QEC-kut aulapkaihimmaaqtukhat pauwaliqiviknik tuninikkullu pidjutinik aktilaanginni angummadjutijaa nunallaami angitqijaujunik pauwakkut pijumanirnik, ilaujullu taapkuat niuviqpaktun upalungaijaqnikkut. Tamna atulirumajaujumi akikhanga havakhimajuq utiqtitijaangat tamaat akikhangit tunijaangat uminga ikajuutikharnik, naunaijaijaangat allanik akiliktuihimaanginaqtunik piqagiaqangitun akikhilaarutikharnik.
“Hivulliutijumajavun imaa pipkainikkut nakuujumik qajangnaittumiklu pauwatuutikkut pidjutikhanik Nunavunmun,” uqaqtuq Ernest Douglas, Atanngujaq Angijuqqaaqlu QECkunnun. "Atuqhugu una nutaaq upalungaikhimajuq akikhaa pipkaijuq QEC-kut tunihilutik kivgaqtuutinik kivgaqtuganun avaliingaagumajunun QEC-kut alrujaqtuutainik uvalu havakhugit 100 pusat algujaqtuutikkut ihariagijatik
Una nutaaq akikhanga ajungnautiqalimaituq pauwaktuutikharnik akiliqtuihimaaqtunik unalu/unaluuniit tatqikhiut tamaat akiliktaujukharnik. URRC naunaijarniaqtaa tukhiruti pijumajuqlu inungnin uqautainnik. QEC-kut akhuuqhaijut ilaujumajunik ilautquplugit tunihilutik uqautimingnik uumunga URRC@gov.nu.ca imaa 5:00 p.m. Apitilirvik 8, 2025.
Tamna utaqiuqtunik Akikhangit uuktuutikhaq pigiaqaqtun talvani QECkutni qaritaujaliqidjutaigun www.qec.nu.ca, talvuuna "Niuviqtukharnik Munagidjutikharnik" taima ikiklijumiqtitivakhimajuq uvamnun, uvani naunaitkunmi "Niuvingit Akikhangit".