ᐊᐅᔭᒃᑯᑦ ᐃᓕᓐᓂᐊᖅᑎᓄᑦ ᐱᓕᕆᐊᒃᓴᑦ

ᓄᓇᕘᒥᐅᑕᐅᕖᑦ ᐃᓕᓐᓂᐊᕐᕕᐊᓗᓕᐊᓚᖓᑦᓱᑎᑦ, ᓯᓚᑦᑐᓴᕐᕕᓕᐊᓚᖓᑦᓱᑎᑦ, ᓯᓚᑦᑐᓴᕐᕕᔾᔪᐊᓕᐊᓚᖓᑦᓱᑎᓪᓘᓐᓃᑦ ᐅᑭᐊᑦᓵᖅ? ᑕᐃᒪᐃᑉᐸᑦ, ᐱᒐᓱᐊᕆᑦ ᑖᑦᓱᒪᖓᑦ ᐱᕕᑦᓴᖃᑦᓯᐊᕐᓂᕐᒥᑦ ᐱᒐᓱᐊᕐᓂᕐᒧᑦ ᖁᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄᑦ ᐅᐱᕐᖔᒃᑯᑦ ᐃᓕᓐᓂᐊᖅᑎᓄᑦ ᐱᓕᕆᐊᒧᑦ. ᐱᓕᕆᐊᕗᑦ ᑲᓲᑎᑎᑦᓯᓂᐊᖅᑐᖅ ᐃᓕᓐᓂᑦ ᓴᓇᕕᐅᔪᒥᑦ ᐱᓕᕆᔨᒻᒪᕆᐅᔪᓂᑦ ᐃᑲᔪᖅᑐᖅᓂᐊᖅᑐᓂᑦ ᐃᓕᓐᓂᑦ ᐱᕙᓪᓕᐊᑎᑦᓯᓂᕐᒥᑦ ᖃᐅᔨᒪᓂᕐᒥᑦ, ᐊᔪᙱᓐᓂᕐᒥᑦ, ᐱᔪᓐᓇᕐᓂᖃᕐᓂᕐᒥᓪᓗ ᐱᔭᕆᐊᓕᓐᓂᑦ ᓅᓐᓂᕐᒧᑦ ᐃᖅᑲᓇᐃᔭᕐᕕᐅᔪᒧᑦ. ᐱᒋᐊᖅᐸᓪᓕᐊᒋᑦ ᐃᖅᑲᓇᐃᔮᖃᕐᓂᕐᓄᑦ ᐅᓪᓗᒥ! ᑐᓂᓯᒋᑦ ᐱᒐᓱᐊᕈᑎᓐᓂᑦ ᐃᖅᑲᓇᐃᔮᕆᓯᒪᔭᓃᕕᓪᓗ ᐅᕗᖓ: summeremployment@qec.nu.ca ᐄᐳᕈ 29, 2022 ᑐᖔᓂ

ᐃᓕᓐᓂᐊᑎᓄᑦ ᐃᖅᑲᓇᐃᔮᑦᓴᐃᑦ

ᐊᑭᓕᕋᑦᓴᑖᖅᑎᑦᓯᔨ ᐃᓕᓐᓂᐊᖅᑎ − ᖃᒪᓂ'ᑐᐊᖅ ᐊᒻᒪ ᑲᖏᖅᖠᓂᖅ

ᑐᑭᒧᐊᑦᑎᑕᐅᓗᓂ ᐊᑭᓕᕋᑦᓴᑖᖅᑎᑦᓯᔨᖓᓄᑦ ᐊᖓᔪᖅᑳᑉ, ᓂᕈᐊᖅᑕᐅᓯᒪᔪᖅ ᐃᓕᓐᓂᐊᖅᑎ ᐃᑲᔪᕐᓂᐊᖅᑐᖅ ᑕᖅᑭᑕᒫᑦ ᐊᑭᓕᒐᒃᓴᓕᐅᕆᐊᖃᖃᑦᑕᕐᓂᕐᒥᒃ, ᐃᓚᐅᓪᓗᓂ ᐋᖅᑭᒃᓯᖃᑦᑕᕐᓂᖅ ᒪᓕᒋᐊᖃᕐᓂᕐᒧᑦ ᒦᑕᓂᒃ (meter)-ᓂᒃ ᑐᑭᓯᐅᒪᓕᕐᓗᒋᑦ, ᐋᖅᑭᒃᓱᐃᓂᕐᒥ, ᑎᑎᕋᖅᐸᓪᓕᐊᓗᒋᑦ ᑎᑎᕋᕈᑎᒧᑦ ᓇᒃᓯᐅᑎᕙᓪᓕᐊᓗᒋᓪᓗ ᐃᓄᖏᓐᓄᑦ ᐊᑭᓕᒐᒃᓴᐃᑦ, ᑭᐅᒫᕙᒡᓗᓂ ᐊᐱᖅᑯᑎᒋᔭᐅᔪᓂᒃ ᐊᑭᓕᒃᓴᓂᒃ ᐊᑭᓕᒐᒃᓴᓕᖕᓄᑦ, ᖃᐅᔨᓇᓱᒃᐸᒡᓗᓂ ᐊᑭᓕᒐᒃᓴᐃᑦ ᒥᒃᓵᓅᖓᔪᓂᒃ, ᐊᓯᖏᓐᓂᒡᓗ ᐱᓕᕆᕙᒡᓗᓂ ᐱᔭᕆᐊᓕᖕᓂᒃ. ᐊᑐᕆᐊᓖᑦ ᐃᓚᒋᔭᐊᖅᑐᑦ ᐅᔾᔨᕈᓱᑦᓯᐊᖃᑦᑕᕐᓗᓂ, ᓈᒻᒪᙱᑦᑐᓂᒃ ᐋᖅᑭᒃᓯᔪᓐᓇᕐᓂᖅ, ᑎᑎᕋᕈᓐᓇᑦᓯᐊᕐᓗᓂ, ᐱᓕᕆᔪᓐᓇᕐᓗᓂ ᐃᒻᒥᓂᒃ, ᐱᓕᕆᖃᑦᑕᖅᓯᒪᓂᕐᓗ ᑎᑎᕋᕈᓐᓇᐅᑎᖏᓐᓂ ᖃᕆᑕᐅᔭᒃᑯᑦ ᐱᓕᕆᐊᑦᓴᐃᑦ ᓲᕐᓗ Word ᐊᒻᒪᓗ Excel.

ᐊᑭᓕᖅᑐᑦᑕᐅᔾᔪᑎᓄᑦ ᐃᓕᓐᓂᐊᖅᑎ − ᖃᒪᓂ'ᑐᐊᖅ

ᑐᑭᒧᐊᑦᑎᑕᐅᓗᓂ ᐊᐅᓚᑦᓯᔨᖓᓄᑦ, ᐊᑭᓕᖅᑐᑦᑕᐅᔾᔪᑎᓄᑦ, ᐊᑭᓕᖅᑕᐅᔾᔪᑏᑦ ᐊᒻᒪᓗ ᐃᑲᔫᓯᐊᖅᑖᖑᕙᑦᑐᓄᑦ (PPB), ᓂᕈᐊᖅᑕᐅᔪᖅ ᐅᐱᕐᖔᒃᑯᑦ ᐃᓕᓐᓂᐊᖅᑎ ᐃᑲᔪᖃᑦᑕᕐᓂᐊᖅᑐᖅ ᑎᑎᕋᖅᑕᐅᓂᖏᓐᓄᑦ ᐊᑭᓕᖅᑕᐅᔾᔪᑏᑦ ᐊᒻᒪᓗ ᐃᑲᔫᓯᐊᖅᑖᖑᕙᑦᑐᓄᑦ ᑲᔪᓯᑎᑕᐅᓂᖏᓐᓄᑦ, ᑎᑎᖅᑲᐃᑦ ᑐᖅᑯᖅᑕᐅᓂᖏᓐᓄᑦ, ᑲᒪᒋᔭᖃᕐᓗᓂᓗ ᐊᓯᖏᓐᓂᑦ ᐱᓕᕆᐊᑦᓴᓂᑦ ᐱᔭᕆᐊᖃᕋᐃᒍᓂᑦ. ᐊᑐᕆᐊᓖᑦ ᐃᓚᒋᔭᐊᖅᑐᑦ ᐅᔾᔨᕈᓱᑦᓯᐊᖃᑦᑕᕐᓗᓂ, ᓈᒻᒪᙱᑦᑐᓂᒃ ᐋᖅᑭᒃᓯᔪᓐᓇᕐᓂᖅ, ᑎᑎᕋᕈᓐᓇᑦᓯᐊᕐᓗᓂ, ᐱᓕᕆᔪᓐᓇᕐᓗᓂ ᐃᒻᒥᓂᒃ, ᐱᓕᕆᖃᑦᑕᖅᓯᒪᓂᕐᓗ ᑎᑎᕋᕈᓐᓇᐅᑎᖏᓐᓂ ᖃᕆᑕᐅᔭᒃᑯᑦ ᐱᓕᕆᐊᑦᓴᐃᑦ ᓲᕐᓗ Word ᐊᒻᒪᓗ Excel.

ᓴᓇᔪᓕᕆᔨᐅᓂᖅ ᐃᓕᓐᓂᐊᖅᑎ − ᐃᖃᓗᐃᑦ

ᑐᑭᒧᐊᑦᑎᑕᐅᓗᓂ ᐊᐅᓚᑦᓯᔨᖓᓄᑦ, ᐅᐊᔭᓕᖅᑐᐃᔪᓕᕆᓂᕐᓄᑦ ᐱᕙᒌᔭᐃᓂᕐᒧᑦ, ᓂᕈᐊᖅᑕᐅᔪᖅ ᐃᓕᓐᓂᐊᖅᑎ ᐃᑲᔪᕐᓂᐊᖅᑐᖅ ᓴᓇᔪᓕᕆᔨᓂᑦ ᑎᑎᕋᖅᓯᒪᔪᓂ ᖃᐅᔨᓴᖅᑕᐅᓂᑯᓂ ᑲᑎᖅᓱᐃᓂᕐᒧᑦ, ᓄᓇᒥ ᖃᐅᔨᓴᖅᑕᐅᓂᖏᓐᓄᑦ, ᐊᑦᑐᐃᓗᐊᖏᓐᓂᕐᒧᑦ ᐱᖁᑎᓂᑦ ᐋᖅᑭᐅᒪᑎᑦᓯᓂᖅ ᑲᒪᒋᔭᖃᕐᓗᓂᓗ ᐊᓯᖏᓐᓂᑦ ᐱᓕᕆᐊᑦᓴᓂᑦ ᐱᔭᕆᐊᖃᕋᐃᒍᓂᑦ. ᐊᑐᕆᐊᓖᑦ ᐃᓚᒋᔭᐊᖅᑐᑦ ᐅᔾᔨᕈᓱᑦᓯᐊᖃᑦᑕᕐᓗᓂ, ᐃᖅᑲᓇᐃᔭᕈᓐᓇᕐᓗᓂ ᐊᑦᑕᕐᓇᖏᑦᑐᒥᑦ ᒪᓕᒍᓐᓇᕐᓗᓂᓗ ᒪᓕᒐᓕᒫᓂᑦ ᐱᓕᕆᔾᔪᓯᕐᓂᓪᓗ. ᐊᖁᑦᑐᓐᓇᐅᑎᖃᕐᓗᓂ ᓈᓴᐅᑎᓕᒻᒥᒃ 5−ᒥ.

ᓴᓇᔩᑦ ᐃᑲᔪᖅᑎᖓ − ᑲᖏᖅᖠᓂᖅ, ᐃᖃᓗᐃᑦ ᐃᖃᓗᒃᑑᑦᑎᐊᕐᓗ

ᑐᑭᒧᐊᑦᑎᑕᐅᓗᓂ ᓄᓇᓕᓐᓂ ᐋᖅᑭᒋᐊᕆᐊᓕᓐᓄᑦ ᐊᖓᔪᖅᑳᖓᓄᑦ, ᓂᕈᐊᖅᑕᐅᔪᖅ ᐅᐱᕐᖔᒃᑯᑦ ᐃᓕᓐᓂᐊᖅᑎ ᐃᑲᔪᖃᑦᑕᕐᓂᐊᖅᑐᖅ ᐅᐊᔭᓕᕆᔨᓂᑦ ᐋᖅᑭᑦᓱᐃᓂᕐᒧᑦ ᐱᖁᑎᓂᑦ, ᓴᓗᒻᒪᖅᓴᐃᓂᕐᒧᑦ ᐃᖅᑲᓇᐃᔭᕐᕕᓐᓄᑦ ᐃᓂᒋᔭᐅᔪᓂᑦ, ᐊᓯᖏᓐᓂᑦ ᐱᓕᕆᐊᑦᓴᓂᑦ ᐱᔭᕆᐊᖃᕋᐃᒍᓂᑦ. ᐊᑐᕆᐊᓖᑦ ᐃᓚᒋᔭᐊᖅᑐᑦ ᑭᕕᒃᓯᔪᓐᓇᕆᐊᖃᕆᐊᖃᖅᐳᖅ ᐊᔾᔭᖅᓯᔪᓐᓇᕐᓗᓂᓗ 30 ᐸᐅᓐᔅ−ᓄᑦ ᑎᑭᓪᓗᒍ (14 ᑭᓗᒍᕌᒻ), ᐃᖅᑲᓇᐃᔭᕈᓐᓇᕐᓗᓂ ᐊᑦᑕᕐᓇᖏᑦᑐᒥ, ᒪᓕᒍᓐᓇᕐᓗᓂᓗ ᒪᓕᒐᓕᒫᓂᑦ ᐱᓕᕆᔾᔪᓯᕐᓂᓪᓗ. ᐊᖁᑦᑐᓐᓇᐅᑎᖃᕐᓗᓂ ᓈᓴᐅᑎᓕᒻᒥᒃ 5−ᒥ.

ᓴᓇᔨ − ᐃᒃᐱᐊᕐᔪᒃ, ᖃᒪᓂ'ᑐᐊᖅ, ᐃᖃᓗᒃᑑᑦᑎᐊᖅ, ᐃᒡᓗᓕᒑᕐᔪᒃ, ᐃᒡᓗᓕᒃ, ᓇᐅᔮᑦ, ᒥᑦᑎᒪᑕᓕᒃ ᐊᒻᒪᓗ ᑲᖏᖅᖠᓂᖅ

ᑐᑭᒧᐊᑦᑎᑕᐅᓗᓂ ᐊᐅᓚᔾᔪᑎᓄᑦ ᐊᖓᔪᖅᑳᖓᓐᓄᑦ, ᓂᕈᐊᖅᑕᐅᔪᖅ ᐅᐱᕐᖔᒃᑯᑦ ᐃᓕᓐᓂᐊᖅᑎ ᐃᑲᔪᕐᓂᐊᖅᑐᖅ ᖃᐅᒫᑦ ᐱᓕᕆᐊᑦᓴᕐᓄᑦ ᓲᕐᓗ ᖃᐅᔨᓴᐅᑎᓂᑦ ᐅᖃᓕᒫᕐᓂᖅ, ᐋᖅᑭᐅᒪᑎᑦᓯᓂᖅ, ᐋᖅᑭᑦᓯᒪᓂᖓᓂᑦ ᐆᒻᒪᖅᑯᑎᖃᕐᕕᒻᒥᑦ. ᐊᑐᕆᐊᓖᑦ ᐃᓚᒋᔭᐊᖅᑐᑦ ᑭᕕᒃᓯᔪᓐᓇᕆᐊᖃᕆᐊᖃᖅᐳᖅ ᐊᔾᔭᖅᓯᔪᓐᓇᕐᓗᓂᓗ 30 ᐸᐅᓐᔅ−ᓄᑦ ᑎᑭᓪᓗᒍ (14 ᑭᓗᒍᕌᒻ), ᐃᖅᑲᓇᐃᔭᕈᓐᓇᕐᓗᓂ ᐊᑦᑕᕐᓇᖏᑦᑐᒥ, ᒪᓕᒍᓐᓇᕐᓗᓂᓗ ᒪᓕᒐᓕᒫᓂᑦ ᐱᓕᕆᔾᔪᓯᕐᓂᓪᓗ.

 

ᖃᓄᖅ ᑐᒃᓯᕋᕈᓐᓇᖅᐳᖓ?

ᑕᑕᑎᕆᓗᑎᑦ ᑐᒃᓯᕋᐅᑎᒥᒃ ᐊᒻᒪᓗ ᐃᓚᖃᕐᓗᒍ:

  1. ᓄᑖᖑᓛᒥᒃ ᐃᖅᑲᓇᐃᔭᕐᕕᒋᕙᓚᐅᖅᑕᕐᓂ ᑎᑎᕋᖅᓯᒪᔪᓂᒃ
    • ᐃᖅᑲᓇᐃᔭᕐᕕᒋᕙᓚᐅᖅᑕᕐᓂ ᑎᑎᕋᖅᓯᒪᔪᓂᒃ ᑎᑎᕋᐃᓂᕐᒧᑦ ᐃᑲᔪᕈᑎᒃᓴᓂᒃ, ᓇᕿᓪᓗᒍ ᐅᕗᖓ
  2. ᓇᓗᓇᐃᖅᓯᓂᐅᔪᒥᒃ ᐃᓚᐅᔪᓐᓇᖅᓯᑎᑕᐅᓂᕐᓂ
    • ᐊᖏᖅᑕᐅᓂᕐᒧᑦ ᑎᑎᖅᑲᒥᒃ, ᑎᑎᖅᑲᒥᒃ ᐃᓚᐅᔪᓐᓇᖅᓯᑎᑕᐅᓂᕐᒧᑦ, ᐊᓯᖏᓪᓗ
  3. ᓇᓗᓇᐃᖅᓯᓂᐅᔪᒥᒃ ᓄᓇᖃᕐᓂᕐᓂᑦ
    • ᐊᖁᑦᑐᓐᓇᐅᑎᒧᑦ ᓚᐃᓴᓐᓯ, ᐋᓐᓂᐊᕕᓕᐊᕈᑎᒧᑦ ᐊᐅᒃᑕᔫᒥᒃ, ᐊᓯᖏᓪᓗ

 

ᓇᒃᓯᐅᑎᓗᒍ ᑐᒃᓯᕋᐅᑎ ᐊᓯᖏᓪᓘᓐᓃᑦ ᐊᐱᖅᑯᑎᐅᔪᑦ ᐅᕗᖓ:

ᐃᖅᑲᓇᐃᔮᖅ/ᑕᐃᒎᓯᖅ: ᐃᖅᑲᓇᐃᔭᖅᑐᓕᕆᔨ
ᐅᖃᓘᑎᖓ: (867) 793-4200
ᓱᒃᑲᔪᒃᑯᑦ: (867) 793-4225
ᐊᑭᖃᙱᑦᑐᒧᑦ ᐅᖃᓗᒡᕕᒃᓴᖅ: (866) 710-4200
ᖃᕋᓴᐅᔭᑎᒍᑦ ᑎᑎᕋᕐᕕᒃᓴᖅ: summeremployment@qec.nu.ca

ᑎᑎᖅᑲᐃᑦ