ᐃᒻᒥᒃᑰᖅᑐᑦ ᐆᒻᒪᖅᑯᑎᑖᖅᑎᑦᑎᕙᒃᑐᑦ ᐱᓕᕆᐊᖓᑦ

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐋᖅᑭᒃᓱᐃᓕᖅᐳᑦ ᓴᖅᑭᓵᓕᓛᓕᖅᑐᒥᒃ ᐃᒻᒥᒃᑰᖅᑐᑦ ᐆᒻᒪᖅᑯᑎᑖᖅᑎᑦᑎᕙᒃᑐᑦ ᐱᓕᕆᐊᖓᓂ ᐆᒻᒪᖅᑯᑎᓕᐅᖅᑎᓂᒃ ᐆᒻᒪᖅᑯᑎᓕᕆᕝᕕᐅᑉ ᓯᓚᑖᓂ ᓄᑭᓪᓚᐅᑎᒧᑦ ᐆᒻᒪᖅᑯᑎᖃᖅᑎᑦᑎᔪᓐᓇᖅᑐᓂᒃ ᐊᓯᐊᒍᑦ ᐆᒻᒪᖅᑯᑎᓕᕆᔾᔪᑎᓂᑦ ᓂᐅᕐᕈᑕᐅᕙᒡᓗᑎᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᓪᓚᑦᑖᖅ.

ᑲᑐᔾᔨᖃᑎᒌᑦ ᓂᕆᐅᒃᐳᑦ ᐃᒻᒥᒃᑰᖅᑐᑦ ᐆᒻᒪᖅᑯᑎᖃᖅᑎᑦᑎᕙᒃᑐᑦ ᐱᓕᕆᐊᖓᓂᑦ ᐊᑭᓖᓂᐊᕋᓱᒋᓪᓗᑎᒃ ᐅᖅᓱᐊᓘᑉ ᐊᑭᖓᓂ ᐊᑭᓕᕆᐊᖃᒃᑲᓐᓂᖅᑐᒧᑦ ᑎᑭᓪᓗᒍ − ᐊᖏᓛᖅ ᐊᑭᖓ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ ᐊᑭᓕᖅᑕᐅᓂᐊᖅᑐᖅ ᐊᓯᐊᒍᑦ ᐆᒻᒪᖅᑯᑎᓕᐅᕈᑎᓄᑦ ᐆᒻᒪᖅᑯᑎᑦ ᐊᑭᖏᑦ ᐊᑭᑦᑐᕆᐊᖅᑕᐅᙱᓪᓗᑎᒃ.

ᕼᐋᒪᓚᒃᑯᑦ ᐊᒻᒪ ᐃᓄᐃᑦ ᑲᑐᔾᔨᖃᑎᒌᑦ ᓯᕗᓪᓕᖅᐹᖑᓗᑎᒃ ᐱᕕᖃᖅᑎᑕᐅᓂᐊᖅᐳᑦ ᓇᖕᒥᓂᖅᑖᕐᓗᑎᒃ ᐊᒻᒪ ᐊᐅᓚᑦᑎᓗᑎᒃ ᓄᓇᓕᖕᓂ ᖃᐅᔨᓴᕈᑎᒥᑦ ᐃᓕᐅᖅᑲᖅᑕᐅᔪᓂ ᑭᒡᒐᖅᑐᖅᑕᒥᓂᒃ ᐊᕕᒃᑐᖅᓯᒪᔪᓂᑦ.

ᐃᓚᓕᐅᔾᔨᓗᑎᒃ ᐃᒻᒥᒃᑰᖅᑐᑦ ᐆᒻᒪᖅᑯᑎᖃᖅᑎᑦᑎᕙᒃᑐᑦ ᐱᓕᕆᐊᖓᓂᑦ ᐆᒻᒪᖅᑯᑎᖃᖅᑎᑦᑎᔨᑦ ᑲᑎᓯᒪᔪᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐱᓕᕆᖃᑎᒌᓕᖅᑎᑦᑎᔪᓐᓇᕐᓂᐊᖅᐳᑦ ᓴᓗᒪᔪᒥᒃ ᐆᒻᒪᖅᑯᑎᒥᒃ ᐋᖅᑭᒃᓱᐃᖁᓪᓗᒋᑦ ᐊᑭᓕᖅᓱᐃᕙᒃᑐᑦ ᐊᑭᓕᖅᓱᖅᑕᖏᑦ ᐊᑭᑦᑐᕆᐊᙱᓪᓗᑎᒃ. ᐃᓚᓕᐅᔾᔨᓗᑎᒃ ᐊᑐᒃᑲᓐᓂᕈᓐᓇᖅᑐᓂᒃ ᐆᒻᒪᖅᑯᑎᓕᕆᔾᔪᑎᓂᒃ ᐊᕕᒃᑐᖅᓯᒪᔪᑦ ᐆᒻᒪᖅᑯᑎᖃᕐᕕᖏᓐᓂ ᓄᓇᕗᒻᒥ ᐊᑐᑦᑎᐊᒃᑲᓐᓂᕈᓐᓇᖅᓯᓂᐊᖅᐳᑦ ᐅᖅᓱᐊᓗᖕᒥᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐃᓯᐊᕿᑎᑦᑎᙱᓐᓂᖅᓴᐅᓕᕐᓗᑎᒃ ᐊᒻᒪ ᓴᖅᑭᔮᖅᑎᑦᑎᒃᑲᓐᓂᓕᕐᓗᑎᒃ ᐆᒻᒪᖅᑯᑎᒥᒃ ᓇᖕᒥᓂᖅᓱᕈᓐᓇᕐᓂᕐᒥᒃ.

ᐅᓇ ᐊᑐᖁᓪᓚᕆᒃᑕᕗᑦ ᓯᕗᓂᒃᓴᒥ ᐃᒻᒥᒃᑯᑦ ᐆᒻᒪᖅᑯᑎᓕᐅᕈᑎᒧᑦ ᐱᓕᕆᔪᒪᓛᖅᑐᓄᑦ ᓂᐅᕕᖃᑦᑕᖁᙱᖦᖢᑎᒍᑦ ᓇᑭᑐᐃᓐᓇᖅ ᐊᓯᐊᒍᑦ ᐆᒻᒪᖅᑯᑎᓕᕆᔾᔪᑎᓂᒃ ᑭᓯᐊᓂ ᐱᓕᕆᐊᖓᑕ ᓇᓗᓇᐃᔭᖅᓯᒪᓂᖏᑦ ᐊᑐᕆᐊᓕᖏᓪᓗ ᓴᖅᑭᑎᑕᐅᒃᐸᑕ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑭᖑᓪᓕᖅᐹᒥᒃ ᓇᓗᓇᐃᔭᐃᓕᖅᐳᑦ ᐃᒻᒥᒃᑰᖅᑐᑦ ᐆᒻᒪᖅᑯᑎᖃᖅᑎᑦᑎᕙᒃᑐᑦ ᐱᓕᕆᐊᖓᓂᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᖄᓚᔪᓐᓇᖅᐳᑎᑦ ᐱᔨᑦᑎᕋᖅᑕᐅᕙᒃᑐᑦ ᐱᓕᕆᕝᕕᖓᓄᑦ ᐅᕗᖓ 1-866-710-4200 ᐃᕐᙲᓐᓈᖅᑕᐅᒃᑯᓪᓘᓐᓃᑦ CustomerCare@qec.nu.ca.