IQALUIT, Nunavut (Apitilirvia 6, 2016) – Qulliq Alruyaktuqtunik Ikumadjutiit (QEC) quviahuktut tuhaqtitiyumaplutik tamna Mavis Ell Salliq niruaqtauyuq aittuqtauyukhaq umani ukiungani aittuqtauyukhamik QEC-kut Laura Ulluriaq Gauthier Manikhaakhanik Ilihaqtut Ikayuutikhamik. QEC tuniyauyuq Mavis Ell Manikhaakhanik Ilihaqtut Ikayuutikhamik akhuuqpiakpakhuni ilihattiarutanut iqiahuyuitumiklu ikayuinnaqpangmat nunaqatiminut.
Munaqhiurnirmik ilihaqtuq Nunavunmi ılihariaqpaalirvik uqqarikhinillu Inuktitut Qablunatunlu, Mavis pinahuaqtait uqauhinut tamainut aturnikhanik Inuinnait aanniaqtut atuqpakhimayat aanniaqtailinikkut pivikhaqautikhanik ikayuutikhamingnik pinahuarangamik Nunavunmi. “Ilihaqtamnik iniqhiguma, utirniakhimayunga Sallirmut munaqhiuyumaplunga munariyumaplunga inuingnik nunamni,” uqaqtuq Mavis. “... quvianaqtuq ilihimayangani ikayuqtauvaktunga nunaqatimnit akhuurutikhamniklu.” Mavis iniqtirniakhimayuq ilihaqtaminik 2018 mi.
“Quviahukpiaktunga Mavis akhuuqpiakpautanut ikayurumapluni nunaqatiminik. Piyumaqpiakta ayuikhattiarumapluni munaqhiunirmik ikayuriaminiklu inungnik nunamini, uukturumadjutikhaniklu inungnit allanit tamainitlu. Quyahukpiaktunga QEC-kut ikayurunarmadjuk Mavis iliharumayanut munaqhiurnirmik,” uqaqtuq Nanngariyauyuq Johnny Mike, Minista munariyalik QERC-kunik.
Aipparurangat, akhuukturniqtumik ilihaqtut atiliuqhimayut ilihariaqpallirvingni ilihautikhainik aittuqtauvaktut Laura Ulluriaq Gauthier Manikhaakhanik ılihaqtut ıkayuutikhamik akhuurutainut ilihaqtamingnik inikhidjutainiklu. Una $5000 Manikhaakhanik ılihaqtut ıkayuutikhamik tuniyauvaktuq ihumagiplugu hivuliliuhimayuq kavamatkuni hivulliqtiuyuq, Laura Ulluriaq Gauthier, ikayuqpakhunillu hanaqidjutanik nunamingni munaqhidjutaniklu Alruyaktuqtunik Ikumadjutiit Nunavunmi inuuhuirnani niriunaitumik 2002mi.
