Qulliq Alrujaqtuqtunik Ikumadjutiit (QEC) tadja piliqtut uukturutinik uumunga ukiuq tamaat Laura Ulluriaq Gauthier Ilihaqtumut Maningnik Ikajuutikhaq.
Uvani ukiumi QEC-kut amigaiqpaaliqtut qaffiuniit iliharnikkut ikajuutit aituutit attauhiqmin malrungnun tunijaujunun. Tamangnik $5,000 aituut ikajuutaujuq itquumajumik Nunavunmi ilihaqtunun atiliuqhimajut uvani iliharjuummivingni iliharniq itqumadjuttikharnik Ulluriaq Gauthier, tautuktuumijaaqtaujuq kitut ilitagijaujut akhuugutait nunamingni munagijaujut algujaliqinikkut auladjutit Nunavunmun. Atauhiq malruungni iliharutinun-maniliqtuutait aittuqtauniaqtuq uumunga titiraujarnikkut ilihaqtumun, taimaatun titiraujarutikkut havaakhaq pijumajauqpiarmat QECkunni.
Uuktuutit umikvikhaa malrungnik $5000 ilihaqtut Manikhanut Ikajuutikhat Imaruqtirvia 30, 2024.
Nunavunmi ilihaqtut atiliuqhimajut iliharjuummivingni iliharniq pinahuarutit uvani Apitilirvik 2024 iliharnikkut pijaaqtut uuktuqlutik. Pukukhimajut katimajiit pukurniaqtun malrungnik ihuaqtumik uuktuqtunik talvuuna hakugiktumik ilihairutikharnik ilitagidjutikharnik, anginirmik nunalaani ilaujukharnik, tautuktitilutiklu ihuaqtumik atuqtakharnik qaffiutilaanganik.
Ilihaqtut Manikhanut Ikajuutikhat uuktuutait aadjiliuqtaaqtut QEC-kut qaritaujakkuurutaanit www.qec.nu.ca/about/community-involvement. Naunaiqjumirutikharnik talvuuna ilihairutikharnik ikajuutikharnik uuktuutikharnik hanaqidjutikharnik, hivajaqlugu communications@qec.nu.ca.
###
Tuhaqtipkainikkut Uqarvigijaghaq:
Bibi Bilodeau
Tuhaqtipkainirmun Ayuittiaqhimayuq
Qulliq Auladjutiqhanut Kuapuraisinga
(867) 979-7520
Email: bbilodeau@qec.nu.ca
